貓麵

营业中

休息中

小店的冷麵一直都又平又好食😋，近排仲出左手撕雞🐓、麻辣粉皮等新菜式，不過我都係最鐘意於佢的大大碗任你選撈麵🍜👉 日式芝麻醬冷麵+🐙+海蜇小店有d似童年時的冷麵小店，不過就有更多的選擇🤣，9款醬汁、5款麵底、20多種配料，包你選到你心水♥️的配搭😇今次就選左日式芝麻醬🇯🇵配海蜇同🐙，海蜇頭超級爽口又有小小辣，夾埋冷麵超級開胃🤤

幾年前已經有幫襯。自從近排玩派籌後，食個撈麵等足半個鐘先等到要有好多時間好有耐性先好黎食！企係度玩電話都已經玩到無曬電。一路等一路懷疑人生，點解我要為左一碗撈麵要等咁耐？相信絕無下次！

📍貓麵 Meow Noodles (葵芳) 葵廣掃街一定有試過貓麵 🐱 呢間已經開業左好耐 疫情底下佢地附近既鋪頭都已經轉手過幾次 但係佢地依然屹立不倒 勁呀!!! 🌝 佢地既手撕雞好出名 幾乎次次黎都大排長龍 因為真係好抵食 麻辣三寶麵都係$33咋!! 𝐼𝓉𝑒𝓂𝓈 𝑜𝓇𝒹𝑒𝓇𝑒𝒹:💛 手撕鹽水雞半隻 ($60)今次太飽唔想食麵就淨係order左半隻手撕雞 🐥 老闆娘會係我地面前親手撕手撕雞 誠意十足呀!! 手撕雞份量好足 而雞肉好嫩滑 再配上佢地自家製既麻辣醬汁 食落勁正~ 🥰 個汁好辣好惹味 但係味道又唔會太重太鹹 超級推薦呀!!🤤𝒜𝒹𝒹𝓇𝑒𝓈𝓈:📍葵芳葵富路7號葵涌廣場2樓2011號舖Shop 2011, 2/F, Kwai Chung Plaza, 7 Kwai Foo Road, Kwai Fong

食完隔離熱辣辣既mexiroll，想食返啲凍野見到隔離有凍既鹽水雞就狗衝了 😍👍🏻貓麵鹽水雞髀 $26有普通雞肉/雞胸好似平幾蚊咁，但我要食就食最好 😁✨可揀走雞皮（雖則咁做好唔尊重隻雞）- 店家真係都好尊重大家既抉擇，但我就選擇尊重隻雞 🤣✨調味適中惹味但唔太過鹹✨好慷慨仲送左兩塊仔粉皮😂 （有賣雞絲粉皮）即係佢唔小心撈埋入去見到其他人買雞絲粉皮差唔多價錢但都係好細盒，感覺叫隻雞脾仲抵，係見佢拎住成隻雞脾拆肉嫁 👍🏻

之前唔知間鋪個名點解會咁改我老細同我講貓麵係俗語意思係俾人大罵一場/西面既意思老闆娘果種霸氣令我覺得間鋪無改錯名不過大聲唔代表無禮貌斯文一樣有敗類大波都唔一定索E.g. 大波樺孽瘤Anyways 有實力先串得起既(● ˃̶͈̀ロ˂̶͈́)੭ꠥ⁾⁾貓麵主打就係麻辣麵同埋手撕雞鍾意食辣嘅人對辣就係又愛又怕受傷害今次試左麻辣三寶麵配料可揀三樣實在唔夠因為有成超過十幾款餸可以揀實在太難取捨啦啦啦個人覺得粉皮配麻辣醬係最夾最後揀左小辣麻辣牛肚+ 麻辣牛柏葉+ 麻辣豬耳因為本身配料已經有麻辣醬醃過所以食落係好撚入味就咁聞啲口水已經分泌晒出嚟啦食落口嗰下味蕾大爆炸既感覺實在太爽建議加埋花生落去就更惹味份量亦都好多五餅二魚咁食極都食唔完一路食住麻辣野一路望住前面間九份茶舍頂唔住就狗衝左去買杯凍冰冰嘅茶飲

今次去到葵廣二樓，食呢間好多人食過都話正嘅貓麵！😋 麻辣三寶麵 $33唔食得辣嘅小編都要試吓佢哋最出名嘅麻辣三寶麵，感覺係以前中學放學成日都食嘅冷麵嘅高級版。選擇好多，麵有4款揀，醬都有9款！三個餸我揀咗麻辣雞絲、麻辣豬大腸同埋鵝腸😬 醬就揀咗柚子醬，酸酸地可以中和返啲麻辣味。撈完出嚟都幾大碗，個冷麵索晒啲醬汁未，又辣又酸簡直係多重感官衝擊，好有層次😝 餸都好多，不過喺個底度，索晒啲汁，好辣好惹味！食完去搵間飲品店問杯嘢飲又一餐😁

葵廣有好多間黃店，今日就專登去食我至愛嘅手撕雞撈麵😆 呢一間係2樓開咗好耐㗎啦，而疫情關係隔離有好多店舖執咗，但呢一間依然日日都開😌呢個姐姐每次都會叫我哋嗌左面底先，然後再揀汁，之後再揀餸🤣一致既步驟😝今次叫咗粉皮配麻辣，餸方面揀咗秋葵，金菇同埋手撕雞🤗 加埋$33，超大兜！平時如果你食嘅話兩個人一齊share，然後可以再掃街🤭粉皮好爽，份量亦都好足，所有餸亦都好好食😌嗌嘅時候要排少少隊之外，都好快就已經可以買到！呢間仲要係黃店，所以真係要大大力咁懲罰🤤🤤🤤

前前後後都幫襯左幾年，每次黎葵芳都會食，今次都唔例外！見有個男仔買緊，企佢格離等好正常，大佬你又冇指示企左定企右，咁我地企係右邊，點知左邊後來企左幾個女仔，個啊嬸串串貢同我地講 喂你地係咪買 係買就排好啲啦！點知我地就排到最後。前面個幾個女仔都明知我地黎先，都照樣排我地前面，到佢地買原來發現係熟客，個老闆態度即刻180度轉左，唔掛得之比人排先(｡ì _ í｡)然後到我地買再180度轉返，問我地要咩。我地話要麻辣三寶，即刻話乜麵啊，其實冇人知要講邊樣先，你係要人答麵底先就唔該清楚列明，唔好喺度炆啲客。之後問要唔要青瓜，青瓜兩個字完全聽唔到，又炆我地話 青瓜啊問你地要唔要青瓜啊！比錢買難受，幾好食都假，改善下啲態度先啦阿嬸

葵芳掃街必食~每次去都排長龍，揀左三餸，手撕雞，豬大腸，海蜇。芝麻醬微辣！配有好多青瓜絲好清爽！一碗份量都好多下，要兩個人分，留肚食其他同飲野~$3X 真係抵食！個人認為：手撕雞同豬大腸必點~有經過都會幫襯。

麻辣三寶麵 $33今次叫左麻辣三寶，嗌左麻辣雞絲，麻辣墨魚頭，麻辣雞軟骨配冷麵。同埋叫左日式芝麻醬小辣😚 間鋪頭姨姨好nice😂 佢既撈麵份量好多 如果女仔當午餐應該會飽😍 佢既醬都落得好夠 令到你撈完食個陣唔會覺得干同無味！ 餸既份量佢都比左好多🥰 佢既辣唔係好辣 雞絲好滑😋 墨魚頭都算大粒 而且夠彈牙！ 個雞軟骨都唔錯 好脆😚。 佢仲會問你要唔要青瓜絲 撈麵再配青瓜絲多左份清爽的感覺🤩 令到個撈麵更加好味😋已經唔係第一次食 係不斷係葵廣食完再食既店舖黎！

有個老闆娘/靚姐係你面前一下一下親手手撕雞脾淨係計誠意分都比左8分👍🏻👍🏻佢隻麻辣汁真係幾香，有麻有辣 而且每一份食物都由姐姐精心準備+慢慢撈勻所以都要排隊等一陣下而且條隊真係keep住都有人排但唔知點解個個都食麵 可能真係好好味(不過掃街食麵唔飽咩?😳)

成日喺呢條路都見到排晒長龍。今日決定試吓啦，因為我哋唔餓，大家都知道成條街都係嘢食。所以冇嗌到面，就嗑左$35 / 3樣餸雞髀連皮，鵝腸，豆腐 ！ 鹽水汁鵝腸好爽 雞脾滑 ！豆腐入味唔錯唔錯 份量都多

又嚟到葵芳廣場搵食 貓麵其實食過二次 一嚟到葵廣真係必食今次我叫左 手撕雞 （轉脾 ）涼皮 再加二個餸 海蜇 蟹子 雖然影到好似好細碗咁 其實好大碗 比啲料好足 食到落尾都仲有雞同海蜇 ！已經足夠我食晚餐 因為我轉脾就貴啲 $45 但貴少少都值得架

朋友一直推薦呢間鹽水雞話好好食我自己係香港就淨係食過ET鹽水雞，覺得好好味好有台灣味道睇朋友大大力推薦，行過次次都排晒隊就一於試下我地星期六 七點鐘倒到，唔知係咪食飯時間，排緊十幾二十個人，個個位又窄好彩隔離鋪無開，條隊排到過隔離鋪再轉彎呢到有就個撈冷麵，都有鹽水雞撈麵淨係醬汁都有好多款但我見最多人食都係 鹽水汁 同埋 日式芝麻醬同朋友食鹽水雞呢啲台式野，緊係揀鹽水汁啦佢配料都有好多選擇，眼多撩亂想揀我食開既海帶同甜不辣但海帶無晒，甜不辣呢到無最後我地叫左雞腿冷麵配鴨胸 海蜇 $45都幾大一碗 先$45冷都幾爽幾彈牙，但啲汁係晒底，要不停撈或者夾底個啲食雞肉幾嫩，微咸，唔會太油膩海蜇中規中矩，鴨胸碗鹽水汁好夾好好食個汁加左蒜係好香好好餸麵總括而言比ET鹽水雞平，麵比鹽水雞爽選擇比較多，配料甚至有肉揀但ET個汁較香口 同埋 有蔥 有甜不辣

Yo 又到我龍威為大家直擊報導葵廣飲食報導，今次黎到呢間幾 hit 嘅一間撈麵，食左個 3 餸麵 $35，我就揀左雞絲、蟹子、螺肉，醬我就揀左韓式辛辣醬，仲其他芝麻醬、柚子醬、意式醬、麻辣醬等等可以揀，除此之外仲有勁多配料揀 🤩🤩 整體實係好足料，份量應該有兩個大麵，啲餸仲多過啲麵，超多，仲送埋啲配菜，可想而知係幾大碗 😂 個醬又夠惹味好刺激到味蕾，抵食大碗又好味，呢個一定要食 🤤❤️-貓麵葵芳葵涌廣場 2 樓 2011 號舖