貢茶 (沙田中心)

营业中

休息中

點解我份工成日都要走來走去．．．．．好在沙田都有台式飲品！超熱呀！！今日買左仙楂洛神茶！！嘩．．好鬼酸呀！！　不過幾好飲既！唔知點解有粒話梅係度ｈａｈａ怕酸既朋友就唔好試啦，因為真係幾酸下！

今日喉嚨有d乾 想飲蜜糖個d 就去左貢茶買左杯龍眼花蜜 $ 12飲完媽咪先講龍眼熱情..................不過飲落都幾舒服凍凍涼涼 又甜甜地 媽咪話杯野都係蜜糖 因為怕肥既我 已經習慣飲少甜 少冰 所以覺得好夠味最近又有新野 下次想試下咩可議必思 haha 個名好搞鬼

開張無耐試左一兩次都感覺麻麻..個陣直頭同自己講..唉..都係去返旺角區算..最近因為係個頭返工..儲開印花夠方便..就幫襯多左..到左今日過左底線..唔可以再忍..同自己講:唔再幫襯呢間分店..除左普通d茶(例如:山楂個d好難整到唔正常)叫係似返其他分店..主打奶茶系列..先後試過奶蓋..烏龍/紅..芋香..都係比出面唔好飲..唔敢話係落料小/料唔同..總之就飲頭一兩啖巳經無吸引人飲下去既水準..果然暫時最好都係登打士個間..

食飽lunch, 同同事決定今日去試下呢間..我地買咗2杯珍珠奶茶加胚芽,2杯百香果加一杯相思奶茶, 我杯珍珠奶茶未飲時, 見佢個樣好似幾好, 但飲咗一啖就真係唔想再飲落去...第一...d奶茶冇茶味...得個奶...第二d珍珠好爛, 第三, 佢d胚芽好似麥片咁...最抵死係...返到公司, 其中一杯個膠爆咗=.=...所以我諗我唔會再飲佢

鮮奶冬瓜茶同冰淇淋紅茶最好飲,不過都試過叫走冰結果勁多冰同埋沙田店儲印仔與其他分店不能共用仲綠茶可爾必思都好飲,大圍準備開新店,又可以飲到我最愛的鮮奶冬瓜茶

星期五畀將軍澳連理街既貢茶hurt 完，今日又喺沙田上當，真係唔可以再啞忍....我住九龍區，但因覺得沙田的奶蓋烏龍茶好飲，星期日都坐車或駕車入沙田飲。今日黃昏去到見到有個冇著制服既男人，擺晒老細款加木口木面，已經覺得杯茶唔方會好，點知叫左兩杯奶蓋烏龍茶走糖走冰加仙草凍，一飲就火都來!!!! 烏龍茶係有茶味(好過連理街1000倍) 但個奶蓋就少到爆!! 加上杯茶有D暖(走冰都唔應該暖，我一直都係叫走冰!!)，攞上手唔洗一分鐘，個奶蓋就「潛晒水」，結果一啖奶蓋都享受唔到，我真係想問佢買奶茶定奶蓋茶囉!!!!.我要飲奶茶唔洗搵你啦!!!!...真係火到頂點!!! 我唔知「唔著制服既男人係老闆，下令減料」既分析成唔成立，但做最好既食品先可以留住客人，睇長線D啦!!! 我會繼續飲，但一定唔會再幫襯連理街同沙田既貢茶。

成年唔係hk, 一番到就見到咁多間貢茶, 正呀!一年前覺得好杯, e+ 好快就finish,, (明明係same size) 最愛珍奶, 次愛奶烏龍.2個都好好味!!!!e+日日出街都會buy!! 唔drink唔舒服咁好次　朋友介紹, 格雷黑糖凍奶茶+焦糖奶茶加布丁. 下次一定try

呢一次既貢茶真係令我好失望!叫既野同平時差唔多,,只係好普通既珍珠奶茶同綠茶可爾必思,,結果行到埋櫃位等成兩三分鐘部機先買到野,,買到野之後發覺我要少冰既無少到,,要細筒既就比大筒,,同埋唔明點解叫左後面幾個號碼至叫翻轉頭到我!雖然只係好微小既事,,但係就令我對於貢茶扣左分喇!當然,,我唔會放棄我最愛既台式野飲,,不過希望下次可以好D啦=]

岩岩食完很差的一餐, 諗住飲返杯貢茶補數啦,點知連我中意飲開既貢茶都唔好飲><我飲開招牌奶蓋烏龍茶+紅豆~旺角分店好好飲~但沙田呢間mix得好差, 勁少紅豆, 完全唔甜(我冇叫咩少甜 / 半糖果d架!!), 少奶, 冇綠茶粉所以mix出黎冇咩味, 因為料少, 所以影得d烏龍茶好澀如果貢茶franchiser見到我呢個comment, 麻煩train train沙田分店丫, thx~

想試好耐 但因為次次行過佢既分店都太多人既關係 一直無機會今次終於係沙田開分店, 梗係要去試下啦!珍珠奶茶 $12我去到邊都淨係鐘意飲珍珠奶茶所以當然第一次買試左珍珠奶茶先啦~等左大約7~8分鐘就有 都算幾快手..叫左少甜,唔錯奶茶唔會係糖水珍珠份量多亦夠彈牙,但真係太大杯,1個女仔根本飲唔曬而且飲到最後1/3杯時,冰已經融左一半,所以奶茶會好水,唔好味12蚊飲一杯野,我覺得唔值,所以只此一次

呢一日又經過貢茶,,見到有promo草莓歐蕾$14->$12,,返正想試下新野就買左呢杯草莓歐蕾,,買之前特登問下店員咩係歐蕾,,店員話係類似乳酸既野,,一飲落去,,哦!原來即係AB優乳酪!味道完全一樣,,不過唔會好似乳酪咁thick,,夏天解渴都唔錯,,而且呢杯呢就有少少草莓果肉囉,,不過真係少少架ja,,總括黎講都唔錯既,,試下新野丫嘛=]

之前都有飲過, 有位朋友係咁讚好好味..其實都唔係好好味...又無咩特別, 茶好香??唔覺...不過今次叫左杯 " 焦糖奶茶+胚芽" 我諗以後都會棒呢杯場。但講真個句,茶味呢...無乜..不過奶茶專賣店黎講,佢已經算唔錯...!! 最重要既係...佢個杯唔係軟身個D...真係囉起..都好舒服!!! 飲管...好靚呀XD寶貝叫左杯" 格雷奶茶三兄弟" .... 唔特別...唔出色...有三個質感比你啜比你食咁囉~!

夏天行到身水身汗，飲番杯野係一個幾好既解暑方法。話說行到黎呢頭，見有間台式飲品店。就買番杯飲下啦，正值放學時間。雖然人係幾多，但又唔使等太耐既。珍珠奶茶粒粒晶瑩通透既珍珠，好煙韌同彈牙。又唔係太甜既。個奶茶既茶味算幾濃，好飲好飲。而且夠大杯，都係十幾蚊，真係幾抵飲架。十幾蚊一杯珍珠奶茶，算幾抵架啦。因為而家天時暑熱，相信再飲既機會好大。

尋日行完一田回家, 終於俾我飲到杯我的至愛~冬瓜茶. GOD BLESS聽公司d ' c nine' 講, 冬瓜茶好有益, 所以每晚放工回家, 都想買杯試下. 不過次次出面收銀個0靚妹都話買晒. 激死 不過佢都好細心推介我飲其他野, 岩晒我尼D, 收工返屋企唔想再用腦0既人, 所以轉飲珍珠奶茶, 味道不錯.可能尋日落大雨, 唔多人幫襯, 所以俾我飲到. 天氣咁熱, 人又熱, 飲一啖. 正

久仰大名貢茶，在沙田開了一間新分店，我便去試試。order左杯奶蓋奶茶，個名幾有gimmick，咪係一層厚cream...都幾漏，出奇係人人話貢茶d茶香濃兼回甘，我完全感覺唔到，d厚cream蓋晒d茶味，同埋感覺到好肥膩...好失望...(仲有...下雨天要等咁耐)冇下次!