貢茶 (沙田中心)

营业中

休息中

喺附近返工經常都會喺呢邊買嘢飲，但係喺呢個地段裏面呢其實都有好多間唔同嘅手搖店，但係呢一間貢茶因為由細飲到大啦，所以其實都有個童年回憶嘅感覺，所以間唔中都會嚟飲嘅而我自己呢最鍾意飲嘅飲品呢就係格雷三兄弟啦咁，初初細個飲嘅時候呢覺得個名好令人尷尬，但係其實內容呢就都好好食嘅有三種包括係珍珠布甸同埋仙草，口感呢就非常之豐富，但係如果食咗好飽嘅話呢就千祈唔好叫啦，因為佢都真係幾飽嘅，而佢個奶茶其實係偏甜啦，而我自己就都係飲開偏甜嘅嘢飲，所以就冇特別叫小糖啦

每次飲台式飲品，一定要揀黑糖系列，我最鍾意黑糖珍珠拿鐵，黑糖味道非常之正，配上拿鐵，兩樣非常之夾，加埋珍珠，簡直係冇得輸，叫我如何不愛上他，夏天嘅時候仲要多冰，消暑一流

朋友買俾我飲，都真係好耐未飲過貢茶，因為自己好著重茶底，所以覺得comebuytea好飲好多🤭 呢杯香濃烏龍奶茶，奶味好重，無乜烏龍味，但唔係難飲嘅，只係同想像中有好大差距😗

Intro: 貢茶真係開到十八區都有，而呢次去左沙田玩，發覺都係得呢間揀到落手，而呢排天氣比較凍，又想飲一杯邪惡嘅野飲，就揀左熱嘅黑糖珍珠拿鐵～___________________🍽 黑糖珍珠拿鐵（熱）💰 31 ⭐️ 8.5/10✍🏻 熱飲真係比凍飲更好飲，拿鐵唔會因為冰嘅關係溝淡左；✍🏻 黑糖味好突出又好夾拿鐵，但記住叫番少糖嘅比例；✍🏻 呢到嘅珍珠比較細粒，個人偏愛熱嘅珍珠；✍🏻 杯好靚，值得一讚。___________________🏠 貢茶📍 沙田橫壆街2-16號沙田中心3樓25號K舖⭐️ 8/10___________________

住係附近，有時口痕就會落黎買杯野飲，仲要讚一讚有個姨姨好鬼nice, 呢期d印花九月尾過期，佢仲會溫馨提示一句👍🏻👍🏻👍🏻一如以往既貢茶味道，十幾蚊大大杯

以身試伏-今日試下d大路野👍🏻即刻like @hkfunfoodrecord 同follow先啦.今日試下d大路野 此日係朝早時間去去飲下貢茶 既⭐️珍珠奶茶$20👌🏻價值上算抵飲既 仲小有野飲店有得用支付寶但計埋味道 cp值都係好低.但味道上👎🏻冇奶味 極小茶味 茶味唔香👎🏻係其他味咁淡既時候 搞到甜味好突出.🤔珍珠算彈牙 再偏硬 最入面似未熟（可能朝早剛開店 未煮熟）👎🏻再比冰凍多凍 好硬好實既一粒珍珠.👌🏻冰量合理 夏天再多冰d都唔緊要 但本身都淡👎🏻溶埋冰 勁淡🤦🏻‍♀️成功 可以加入 以身試伏系列.‼️唔好開咁多店啦 香港多分店最終下場都係咁搞搞品質先啦.

平時成日都會飲到咖啡店既咖啡，因為要提下神，冇辦法啦。但假日就會想飲自己中意飲既，就係好貼地既台灣茶飲店，今日就叫左朱古力奶茶。應該就係平時既奶茶，再加入可可粉，飲落又有朱古力既香味，good！

一田血拼日,買完野發現都唔係買左好多,就行去貢茶買杯珍珠奶茶台式飲品係香港開到周圍都係,不過通常見最多都係貢茶買野飲唔洗排隊,但拎就等大約10個號碼,員工有幾個,每個人都好快手,所以等5~10分鐘就有la! 款式越來越多,連沙冰都有~我都係飲返最普通既珍珠奶茶,半糖少冰,冰無少過~甜度剛好唔知貢茶既珍珠係咪size細d呢?飲珍珠奶茶係經常食唔到珍珠,但今次飲啖啖都食到幾粒,唔錯大大杯先$20, 抵飲,下次經過都會再幫襯

今日又去左仁安醫院 , 因為朋友工作個部門有人生日 ,所以佢地個上司請成班同事飲野，佢地提議買台式飲茶 ,好過o係茶餐廳外賣奶茶咖啡o個 d , 價錢其實差唔多 ,但台式飲品多 d 選擇 , 而有得送外賣既就只有呢間貢茶 真係好值得一讚 , 我記得以前要外賣珍珠奶茶 , 就只係仙 xx朋友揀左格雷黑糖凍奶茶，我都有幸一齊飲埋一份 , 格雷系指黑色既啫喱粒，咬落去煙煙靭靭，不過就無咩味道，至於奶茶，唔知點解無黑糖味，同普通奶茶無咩分別我仲幻想杯黑糖奶茶會好重黑糖味會好好飲，點知令我有 d 好失望如果有黑糖味應該會令我愛上，下次都應該唔會揀黑糖系列架喇## 其他同事飲完都評語都唔錯 , 大部份都滿意呢間貢茶 ,朋友話相信遲 d 佢地公司再有人萬歲 , 都會考慮再幫襯佢

今日同亞佬打算由沙田新城市廣場經瀝源行路去禾輋邨呀。一行出新城市我地就起貢茶度買咗杯檸檬綠茶同香芋奶茶加寒天邊行邊飲… 真嘆。杯嘢飲好大杯呀，直至到達禾輋先飲完。檸檬綠茶已經要咗半糖，但係唔知點解都係偏甜，鮮檸檬碎晒連埋檸檬核入口有D苦。香芋奶茶加寒天半糖味道真不錯，香芋粉同奶粉加埋好香濃！

飲過咁多間珍珠奶茶,都係貢茶既珍珠奶茶最平均最好,茶味&珍珠都OK我覺得旺角(近家樂果間) 最好飲太子果間都好,不過如果走冰要等好耐好耐….其他間間都無佢等咁耐,D店員服務態度勁差(收錢果個態度已經唔多好,攞茶果個仲衰,走冰我G係要等耐D,但都無話過成40個都未到我掛,後黎問佢佢話叫左你LA,你聽唔到姐,大老我企係佢門口都未走過,佢叫我企正係佢前面等,你間舖咁多人我點企正係你面前呀!唔好玩LA,火都黎埋, 以後都唔會再去太子果間LU) 紅磡/深水埗果2間人流無咁多,就算走冰都好快近排去開沙田果間,人流多D,不過都OK快,等既地方又大,遲D連成廣場會有新分店,去親PHYSICAL一定會買返杯黎飲

每一次到訪,定必只選一款...無它,唔會''走樣''【台農奶茶+紅豆】,因冇無珍珠咁飽,但....定必要先【''走甜''】,原因我深信在煮紅豆時佢地已經已加上糖在內''走冰'',係因天氣已凍,再飲凍飲咪...《因好深刻第一次叫這款東東時,全''正常''的話會''甜死''咗》冲製過程好快,每個人都等2-3分鐘就可以...''台農奶茶''我覺得係''珍珠奶茶''嘅底茶,因味道係一様,

BB滿月的盆菜宴後, 齋妹也許太耐冇出過街啦. 放下BB絡眾親戚們, 兩口子便開車來到沙田. 逛个夠.係沙田中心泊好車, 忍了口多个月的她, 除了在食盆菜時, 對返罐黑水落肚. 出到黎, 一見到有貢茶既廣告牌. 便急住要去朝聖. 來一杯奶蓋烏龍茶. 而我就要一杯他們的推介產品, 手工咖啡.奶蓋烏龍茶, 是清清的烏龍茶, 上面再加一層Cream. 茶味, 我覺得唔夠. 奶油香, 就十足十. 另外, 加了冰的茶, 我覺得更加扎味道沖淡. 普普通通的.手工咖啡, 貢茶就貢茶, 而家整埋個貢啡出黎. 都好既, 可以滿足一下一眾嗜啡人士. 台式的凍咖啡, 又是如何的呢. 插入飲管一飲. 味道好cream. 奶味十足的, 幾好. 不過, 說有什麼台式風格, 說有什麼特色. 我絕對飲不出. 飲飲飲, 這不就是凍咖啡一杯. 茶餐廳出品更佳. 雖是這樣, 味道普普通通的, 但行街買杯仔野飲, 方便. 台式奶茶店, 就是朝便民呢一個方向做生意.

平時成日飲珍珠奶茶..諗住試下貢茶d新款野今次專登揀d 特別d 既野飲..朋友點左杯 新出 水果乜鮮乜(上網都查唔到個名..咁古怪?!)我就試下佢杯寒天愛玉...咁因為人少少~ 好快就有得飲啦真係好鬼大杯..700cc咁我飲寒天愛玉啦...真係好難飲我吉飲管飲左少少...勁酸跟住 係咁搞係咁搞...再飲...仲係好酸...d 糖漿又搞極唔勻咁..之後吉高少少飲...飲唔到...因為上半杯係 o者o厘果類野唔怪得搞極都唔勻...之後勉強飲...真係好難飲~ 又酸... 有d 柚子~好苦d 一粒粒 又唔煙韌好難咬....我朋友果杯野飲... 我見有d qq果係入面...我諗就係稱之為"水果" 既野..-_-紅色白色一粒粒... 朋友話杯野好酸好難飲...未飲過咁難飲既野....我冇試...都唔知咩黎~但我下次一定唔會再係 貢茶亂叫野飲下次試佢既 奶蓋紅茶算了-__-真係飲完都想洗胃...16杯蚊..都幾貴...而且太大杯..根本飲唔哂如果有得減半size就好了

自從台灣既珍珠奶茶吹黎香港之後,已經比佢吸引住我成日都要飲珍珠奶茶,其次就係香芋奶茶,好好味~沙田都有幾間,選左貢茶試下,因為佢係旺角好出名。其實都無乜咁特別,個味同其他珍珠奶茶差唔多....無想像中咁好飲囉!今次呢間令我對貢茶無乜特別期望,又要等得耐D,下次都係選其他試下!