貴州遵義黔營羊肉粉

营业中

休息中

難得入屯門，途經呢間羊肉粉專門店，好有期望咁入去，試咗羊腩粉、羊腩湯飯、羊肉串、牙籤羊肉。羊腩系列OK，有羊肉味但係羊肉串，無論羊肉或者肥膏嗰part都冇羊肉味，勁失望，完全唔知食緊啲咩肉。食粉麵飯有飲品送飲咗杯勁難飲嘅凍鴛鴦係用咖啡粉沖嘅，完全冇咖啡味，勁奇怪嘅糖水一杯。而是老闆娘嘅阿姐，都好似唔憂做咁，又唔出餐，又唔出飲品。10萬個失望😭

呢度一兩個禮拜就會嚟一次，因為近公司，而且好食必食嘅係羊肉湯粉，個粉好似冇響其他地方食到，比米線粗啲硬身啲，湯好清可以飲哂，羊肉多兩片就更好🤣兩個人食，另外一碗叫干撈粉，勁多芫荽啱哂我，輕微辣，可以按自己口味加辣粉，有驚喜必叫仲有羊肉串，每串一肥一瘦夾住，鍾意食肥油真係好正，加啲七味粉孜然粉就更惹味，買十送一嘅，但兩個人，食五條就好夠啦！

第一☝🏻味道和遵义本地不同，因为开在香港🇭🇰肯定要迎合香港口味而做出改变，所以，虽然不是正宗遵义羊肉粉，但是还是要大家试过之后才知道是不是自己喜欢的口味，那我个人而言，吃也吃得。第二，环境中规中矩第三，服务中规中矩第四，随餐送一份饮品（我选的冻柠茶，其他选项忘记了）总结：这份餐的体验就像饮一杯白开水，能解渴，但也没什么特别PS：小食之中的串串，耳朵和肚还不错，调味也偏酸辣，这个有遵义风味。还不错。pps：一个小插曲，开吃第二口，看见一只蟑螂，我就直接叫服务员换一碗，这种事情说大不大，说小不小，就看个人如何理解吧。不多评价。

睇完戲行過見到就入黎試下。羊雜粉其實就係4-5片羊肉加一碗粗版瀨粉，d湯味精重到一個點，好似唔洗錢買咁，然後賣52蚊⋯🤬你以為已經係伏？仲未算，抵死嗌左個臭豆腐。然後8片正方形既薄片豆腐乾，少少乾辣椒粉，呢個就係臭豆腐！！！真係粗口就黎爆，呢碟嘢賣32蚊！！！！食完先醒起黎openrice睇下，先見到原來好多人都試過呢個臭豆腐，伏到阿媽都唔認得。怪我，怪我自己冇黎呢度睇。下次見到呢間野好快d走啦。

間唔中都會走來食碗羊肉粉同牙籤羊肉 的確唔錯 湯底鮮甜 但唔知係咪因為本地人唔識貴州羊肉粉食法 本身有鹽喺枱面 依家轉左糖 有次唔知照落咗😅今次諗住試下其他小食 炸羊肉餃子 好失望 入面幾乎空心😅

閑時經過見到呢啲食特色嘢嘅忍唔住入去試吓。羊腩河食到一半先醒起不如食個食評，中上水平。呢個涼拌兩味好好食，兩款都好食，皮蛋口感好黏口，所以食落口將嗰種川味嘅香辣味一路黏住，好香，特別要稱讚一下個木耳，試過呢個就知道完勝譚仔。個人覺得嚟到呢間餐廳一定要食。原本對呢個好有期待，最後來到有覺得中挺水平，主要係因為有少少鞋口，但係你話好鞋又不是，反而用嚟配搭嘅汁水都可以。整體而言，中挺水平啦，環境算乾淨。

今晚揸車入屯門攞野，諗住泊低架車去附近麥記食個快，咁啱泊正佢門口，見到佢新開，而本身又唔抗拒羊肉，就決定放棄老麥黎食碗羊粉（大辣），見到推介有皮蛋豬肉餃，店員又推介，就試下，再叫多個臭豆腐，羊腩粉黎到，店員叫我試下辣唔辣，我食左一啖就知瀨野，辣度一啲都唔辣，店員跟住比左碟辣醬我，我全碟落晒，都係唔辣，算！碗麵羊腩少得可憐，但味道叫正常，皮蛋豬肉餃黎到，食一口就想嘔，果啲味入到口似腐化左攻上鼻嘅味，但唔係豬肉變，係皮蛋嘅化學作用嘅味道，總之無形容錯，食一口就想嘔，跟住我同店員講，佢就換左個羊肉餃比我，但真心講一啲都唔好食，味道又係怪怪，臭豆腐黎到又伏，完全係炸豆腐乾，無臭無味，又無醬，簡直又係難食之中嘅難食！相信如果做香港人生意係無得做，唔知大陸人係咪鍾意呢種味道，但我就一啲都唔欣賞。皮蛋豬肉餃唔記得影相

🐑 羊腩麵 (少辣) $59羊肉偏肥,  但係調味係幾好, 呢度既拉麵同粉 同我地既認知有少少唔同, 佢地既麵係上海扁麵, 而粉就係米線, 小編最初以為麵係蘭州拉麵, 點知唔係，有d失望🐑 羊肉蔥花卷 $45相對麵, 小編覺得蔥花卷比較好少少,  蔥花餅好香,  碎羊肉夠羶, 不過價錢個人認為偏高,  CP值唔高呢間餐廳既服務態度一般般, 感受唔太好, 順粹個人感覺小編ig page @foodie_masian 👈🏻記得follow埋同比個like👍🏻支持下🥰～～～～～～～～～～～～～～～～～～～～～～📍 貴州遵義黔營羊肉粉地址:屯門屯門鄉事會路88號天生樓地下7-8號舖※※※※※※※※※※※※※※※※※※※※※※※※※※※ 

難食垃圾，份量又細，四個人食咗三百八十幾蚊，都唔知食咗啲咩，份量超級細，千祈唔好幫襯超級伏，湯底全部係味精湯底，羊肉湯粉冇羊味，啲羊肉完全唔香唔好食，千祈唔好幫襯，絕對係俾錢買難受

揸車成日經過見到呢間店，開咗幾個月，見到個樣好大陸，所以想試吓。男店員好有禮貌，阿嬸店員就冇乜禮貌！不過食物好難食！臭豆腐一啲臭味都冇，唔知點解叫臭豆腐，不過就好乾，係一個好薄嘅豆乾。簡單啲嚟講，難食。羊肉粉， 極之普通，完全冇特別之處，個人認為譚仔米線好食一千倍。排骨紅油撈粉，直頭難食！！紅油冇香味，油林林，得個油字！粉類可以揀拉麵，或者佢哋嗰種粉，佢哋嗰種粉爽爽地，冇乜特別，有啲似瀨粉。排骨簡直係都係難食，好喊，如果想腎虧嘅人可以去食多啲！

怕羊膻的人慎入！但喜愛羊的我，就是不膻不吃，所以，找對地方，速速入座。這館子賣的羊肉湯粉，羊肉平平無奇，羊肉湯底卻超鮮美，有粉和麵2款選擇，初來步到，不知原湯底的好，先點了小辣的羊肉湯粉，湯粉入口軟滑，羊湯其味無窮，心甚悅之，再點一個原味羊肉湯麵，惊喜交雜，沒有辣的湯更見鮮美，湯麵咬口彈牙，不得了，再追點了份小的手抓羊排，1客2支，蒸煮羊排入口香膻淋滑，吃得指頭也吮了，頗心滿意足。餐館出品賣相普通，份量偏小，服務員人手不足，工作慢，坐位不見寬敞，但，好吃便足以彌補缺點了！

呢間野不用排隊於是就試下叫了一個羊肉粉，一個勞粉味道都不錯，可以一試份量唔多，比起譚仔就少了一半有多$52一碗算是貴，因為羊肉片少，粉又少大食的應該唔夠飽我地回家都買了蛋撻加了。

冬天就係要食碗羊肉補補身🤭✨羊肉粉羊肉片好薄身 數量唔算多 肉質比較實淨 唔會有臊味 貴州米粉比較粗身 食落好彈牙同滑溜份量唔算多 但湯底味道唔錯✨羊腩粉羊腩好林 份量都唔算多 比較細粒 大食啲真係會唔飽✨羊肉串羊肉串燒得好乾身 可惜份量少 肉同脂肪夾集 但油脂味唔算香仲有蒜比你配埋一齊食俗語話 食肉唔食蒜 香味少一半所以大家可以試下 都有一番風味性價比唔算高 份量都偏少 大食啲既真係會唔夠飽 但味道算唔錯 食完暖粒粒 下次黎會想試下其他小食

路過一試黔營羊肉粉🍜羊肉粉🍜涼拌牛肉湯底唔錯 餐廳主要都係食羊少量其他不過佢啲羊肉份量唔夠多 如果有人中意食酥味 佢d羊肉就無咩酥味 我唔太食辣 所以多數叫小辣或清湯 聽人講要食到中辣先至覺得辣如你係嗰啲純粹想食吓米粉 試下佢湯底既人 可以試下 中意食羊既人就不要太高期望 除左羊肉粉 羊既其他部位都有得食👍

已經好多年冇食過羊肉粉了！ 最近見到v city對面新開咗這間羊肉粉店， 繁忙時間經常見到門外都有人排隊，不知道係等攞外賣還是等入坐。 心想一定要來試一試羊肉粉$52羊肉粉內的羊肉切得很薄， 羊肉分量不多， 我食到羊肉片有些少騷味，但不是每一塊都騷。 這個雲南米粉望落去似我哋成日食嘅米線，但米線口感較煙韌，這個雲南米粉口感較滑溜，我個人比較喜歡這個雲南米粉。羊肉麵$55羊肉麵也是薄切，羊肉份量少 ，男朋友食話唔覺得有騷味。 清湯湯頭香濃， 好飲， 加點青花椒， 有少少麻嘅感覺， 我男朋友話！ 小份手抓羊排$88清湯燉煮的羊排好味道！ 肉味香濃！ 但份量少，只得兩舊件，賣88元 ， 性價比低！ 羊肉蔥花捲$45這個羊肉蔥花捲似手抓餅既皮， 內裏有羊肉碎， 一份一開為四， 但有其中兩件， 羊肉碎放得比較少 ，唔均勻。原本好食嘅都覺得扣些少分！ 牛肉串$16x2牛肉串有肉味 ，味道不錯， 但肉量少， 牛肉串上灑上紅色嘅辣椒粉，看似好辣，但其實不算好辣的！總結： 味道好，但肉量少， 以這個價錢來說，應該給多點肉才對， 性價比低！ 但我哋會再嚟食 ，但因為太貴，唔會經常食囉！羊肉粉和羊肉麵的湯底