貴族甜品 (元州街)

营业中

休息中

飯後直落吃糖水在朋友間已是共識。自己偏好吃西式甜品，這次就來試試這間名字聽落已覺得高不可攀的「貴族甜品 」。先看看餐牌，甜品的賣相都很精緻，有選擇困難症的我左挑右選終於決定點了宇治金時。份量比我想像中的還要多，雪糕跟配料疊得高高的，建議女孩子們可以兩人分享着吃。綠茶雪糕味道不錯，奶味較重。底下的綠茶冰入口即溶但味道偏淡不太出眾。而在旁邊一顆顆小圓子口感煙韌，單獨吃是沒有味道的，所以伴着雪糕吃最適合。可惜的是旁邊的紅豆蓉過甜，吃起上來太膩了，完全蓋過綠茶冰的味道。整體來說，店裏的甜品選擇頗多，價錢大眾化而且足料，會考慮再來嘗嘗其他款式。

食完晚飯之後屋企人問食5食糖水，緊系食啦我簡左最愛既宇治金時，走練奶綠茶雪糕奶味比較重，冇咩綠茶味，但都好食既而且雪得夠凍，口感好正，亦5會太硬好似咬冰甘個人幾中意佢地既綠茶雪糕既口感雪花冰依然系冇咩綠茶味中間先食到多小小綠茶味不過個冰都幾綿，算系入口即溶亦5會太凍。配料都幾多，紅豆好味道，夠淋身，量又多不過系有d甜左小小小丸子亦都好煙韌，亦系凍記得某連鎖店既凍飲，小丸子系熱既整體份量算大碗，夠抵食，味道幾好，推介大家泥試下

食完飯未咁想翻屋企就同班朋友去食甜品，見到呢間門牌大大隻字就走左入去我地叫左個百香果園，巨峰金時同埋椰皇燉3.6牛奶蛋白朋友個百香果園係熱情果沙冰，有芋圓，芒果，椰果個熱情果味嘅沙冰好清新，好開胃，估唔到又幾好食我就叫左個巨峰金時，本身好鐘意食提子，覺得好清甜，不過佢今次係襯紅豆就覺得麻麻，佢個冰係好味嘅仲加埋d丸子整體黎講都幾高分最後仲有個椰皇燉3.6牛奶蛋白佢個牛奶蛋白都幾滑好有椰香嘅味道 不錯有時食下呢d甜品都好過成日食西米露涼粉個d

呢間真係愈做愈差，以前都做得幾好先講服務態度，侍應叫佢只會望一望你，之後完全冇回何回應，咁姐係你同唔同我落單呢？我點知你聽唔聽到，服務全程西口西面，差啲鬧佢一獲！環境方面，衛生問題非常嚴重，基本上你一入去就有好多好多蚊，坐唔夠半個鐘，我地已經拍左5隻蚊，相信佢廚房一定好污漕，最後我地一邊食一邊拍蚊，心情都差埋！食材方面，貴族嘅價錢我應為佢都中上水平，用嘅食材唔該可唔可以好翻少少，你啲士多啤梨喺隔離惠康買翻黎，你咁樣批翻落個碟度，我洗乜搵你食呢？你地冇入貨嫁咩？味道方面，叫左個心太軟，賣相好好，個士多啤梨雪糕黎到已經溶哂！滑來滑去！而且太甜，曲奇雪糕食食下仲會食到有陣雪藏味！最後4人急急腳食完快啲走，費事餵蚊，決定永久blacklist 呢間野埋單比張10蚊優惠我，我地彈翻比佢算

同完朋友食完晚餐，當然要去食埋甜品啦。之前見到團購有得任食，但見食評好似差D，有D卻步。今次黎尼間試下係唔係真係咁差先。間野都算方便，都近地鐵站。我地入去，唔知係唔係仲尚早，店裡冇咩人。我地睇餐牌，想食魔鬼的誘惑(朱古力沙冰)，所以點左。一個兩份食。（頭先果餐太飽太好食）魔鬼的誘惑(朱古力沙冰)同相片有D出入，但我覺得外觀都好靚呀～香蕉、紅豆同白玉沾上朱古力味沙冰就更覺好味。分開食都好味。棉棉的沙冰，口感不錯，入口即溶。真係要試試這個，好食。整體，好食，42蚊咁大咁多，抵食。我諗其他都唔錯掛，下次會再幫襯試試。

經過貴族，入咗去食番個甜品先走，點咗個『芒果腸粉』，好開心呀！滑溜嘅蒟蒻皮包住大大舊芒果，因為芒果都當造，所以真係好甜好多汁，一啲都唔酸，而且又夠凍夠新鮮，所以非常消暑。特別一讚嘅係『腸粉皮』椰香濃郁，而且口感幼滑，好食！

好鍾意嚟貴族食糖水，因為夠多款式，價錢又相宜。同埋年紀越大，個人越嚟越鍾意食有汁嘅糖水，飯後嚟一點甜，令人滿足。呢碗甜品叫清湖映月（$33)，個名改到好有詩意，吸引咗我去點。其實入面既材料有芒果、紅豆、芒果雪糕、椰果同埋紫米露， 色彩繽紛，材料豐富，而且有唔同質感，可以製造到口感上嘅對比。而且有大大舊芒果，香甜可口，加上冰涼嘅椰果，夏天熱辣辣食呢碗清湖映月特別fresh！ 本身我好鐘意食紫米露，呢到d紫米露亦煮得唔錯，質感軟綿，保持左口感得來又唔會一pat野咁黐埋一舊。唯一要挑剔嘅係芒果雪糕既味道比較人工。

甜品味道ok，員工好懶散，唔理客人，態度極差，我同朋友去完體育館之後去食，落單個時，啲員工好似想痴住係個廚房到，唔想走出黎落單咁（當時得我同朋友兩個），之後有個男客人黎，又係等好耐先肯走出黎落單，個男客人問左幾次“有咩好野食吖？”個員工都冇答，甚至等左一陣，佢先悠悠閒咁行出黎，仲好似自己啱曬咁話“有咩食咪自己睇啦！”，然後個客人又話“有冇凍嘅×××？”個員工就好惡咁話“梗係有啦！”，態度差到一個點（朝早去食）

榴槤公主有超級足料既榴槤肉😍中意榴槤既你一定食到啖啖滿足係面都有好多粒粒焦糖布甸所以底下既沙冰除左有淡淡榴槤味都有焦糖味😛最底層既就係奶凍 味道淡淡地成個甜品好足料 又唔會感覺膩😀宇治金時既抹茶雪糕同其他店既有啲唔同食落有少少椰子味，味道較為特別！白玉夠煙軔，仲有好多粒添😁不過雪花冰就略嫌偏甜左少少🤔可能因為加左煉奶嘅關係~但系值得一讚嘅就系雪花冰口感夠綿呢三個金枕頭其實係芒果拿破崙🙂真系好鬆脆，一咬啲碎就周圍飛😂果然系一層比一層鬆化💕加左煉奶所以食起上黎有拿破崙嘅牛油香，仲有煉奶嘅甜，好食👍而且用咗忌廉去固定三個枕頭，忌廉吾算太多，所以食完吾會好膩..芒果帶點酸甜，都幾醒胃嫁！

今晚突然想食多芒小丸子，夜媽媽許留山又早山本來想食松記 點知松記無小丸子米去左前面間貴族甜品，見有分店應該吾差啦點知有個貌似女板娘既女人態度差個小丸子d芒果又酸又有渣水仲要有d芒果連皮都未批好 堅嬲芒果汁又無 水又勁稀 成盤野無味永遠吾會再去食😒

吃完晚飯，當然要食反個甜品啦！ 點了個凍椰皇燉燕窩（$128），凍冰冰夠曬涼快，燕窩用材矜貴，椰汁味清香甜潤，美味可口！榴蓮公主（$48）同樣好吃！入面除了有榴蓮外，還有焦糖布甸和奶凍。榴蓮肉味香甜，冰爽可口。 白雪黃金卷（$35）充滿椰汁味的外皮，包住鮮甜厚肉的芒果，一口一件，滋味可口。

宇治金時$35抹茶控當然要點宇治金時吧，一大球抹茶雪糕配以抹茶雪花冰，白玉，紅豆，貌相漂亮。白玉煙靭軟糯，抹茶味再重一點點更好。清湖映月$33

位置唔遠，深水埗地鐵站行5mins特別之處是甜品舖提供飲食放題1.5小時價錢唔貴😘😘叫左四個甜品椰皇燉雪蛤膏呢個椰皇燉雪蛤膏有好大陣椰香味加上熱辣辣的燉奶同雪蛤膏感覺好鮮甜榴槤公主😍😍真係有性差唔多三分一都係榴槤肉 榴槤肉非常鮮甜呀 連我一個平時唔食榴槤嘅朋友佢都食唔停而且下層係奶凍黎心太軟👏👏👏一切落去即刻留曬朱古力醬出嚟好甜好濃嘅朱古力味芒果腸粉👏👏用椰果做嘅表皮包住原隻芒果食落去真係好似食緊腸粉咁不過好甜

女仔食野係有兩個胃, 當遇到甜品既時候, 第二個胃就會打開...每次見到甜品都心心眼, 揀黎揀去有好多款都想食.所以就搵到一間甜品放題, 一個價錢, 1.5小時內任點任食, 仲要有超過100款唔同既甜品可以揀! 價錢都只係百幾蚊有找咋!如果胃口冇咁大既, 都可以入去散叫甜品食啊!------------------------------【椰皇燉燕窩】HK$128 個人覺得呢款值得推介! 首先係好重好濃既椰汁味, 椰皇入面有好足料, 啖啖燕窩, 甜味適中, 必食!【心太軟】HK$48心太軟入面有好傑既朱古力軟心, 要比時間佢慢慢流出, 心太軟外皮唔太乾脆, 比較鬆軟~ 另外仲可以自選配上兩個唔同味既雪糕球, 當中既芒果味雪糕既芒果味道好重, 正!【白雪黃金卷】HK$35滑而薄既椰汁皮, 包住啖啖芒果, 上面再有少訐冰凍芒果沙冰.有部份芒果比較酸, 但亦有部份芒果係甜的, 証明芒果唔係浸過糖水吧...但比較酸既芒果, 夾埋沙冰一齊食, 都中和到酸性, 還可接受.【芒晶晶】HK$33大熱天時, 呢款甜品係非常解渴, 入面有芒果肉, 黑珍珠, 細細粒既水晶珠, 芒果雪糕球, 更加唔少得既芒果

食飽飽飯梗係去食下甜品滿足下第二個胃，見到呢間貴族甜品店，淨係見到都覺得高貴。 入到去，環境寬敞，令人感覺舒服，不會太擠逼。個椰王燉3.6牛奶蛋白燉得啱啱好，好滑之餘仲有陣陣奶香。啲椰子肉仲可以好容易咁刮埋出黎食，好有咬口。另外，呢個石磨養顏合桃糊相比起就比較遜色。食落去已經感覺到係翻熱既合桃糊，無新鮮即磨既感覺，水既比例亦太多，另合桃糊質感大降，可以有待進步。最後呢個宇治金時，係店鋪既人氣款式。一擺上檯，賣相已經把其他甜品比下去。食落去，冰同雪糕既甜度適中，唔會太過甜，又唔會無味，有淡淡綠茶清香，加上日本紅豆既配搭，簡直係完美！甜品上更有一啲白玉，好有咬口，同啲雪糕同冰一齊食，另全個甜品唔會咁單調，有畫龍點睛既效果，真心值得一試！