貴族甜品 (元州街)

营业中

休息中

老虎我唔係好食甜品都覺得OK.我只係鐘情於芒果口味,叫左個芒果奶凍。甜品黎講$30有咁既質素,芒果味濃,又唔係HEA你,都滿意。老虎乸食伊甸園(完全唔明點解要改呢D名) ANYWAY佢話材料夠多之餘係夾既,味道係好食,連最容易出事既龍眼佢都話正,咁我都試一啖,又真係OK $32朋友凍既椰皇燉蛋白雙圓頂$53。朋友意見:燉蛋白帶椰香.好夠滑。周圍望見到個甜品放題1.5小時都有係$130有找,鐘意食甜品可以去試下,平靚正,老又有得平D,學生又有得平D。但自問無本事~ 如果係肉就爽啦... 貴族甜品整體評分 8.0 /10推介: N/A(五分滿)老虎乸滿意指數：🐯🐯🐯🐯🐯(五分滿)老虎回頭率：🐯🐯🐯🐯

可能時間尚早，甜品鋪人流不多，其實就只有我們兩人， 以甜品店來說，餐廳人流餐廳座位和空間算大，以當區平日的人流，要坐滿實在不容易。芒芒小丸子 ($30) Mochi in Mango Juice (HKD30)小丸子看起來就跟吸濕珠一樣，樣子有點驚嚇，但食落口感不錯，有咬口煙韌；芒果不算新鮮，相信是不當造的季節的關係吧！多芒果布甸 ($30) Mango Pudding with Fresh Mango (and Evaporated Milk) (HKD30)就是由芒果布甸、芒果粒和花奶所組成，布甸不過不失，雖然算滑，但不算太香，本身沒有什麼味道，還好有花奶調味；芒果也是同樣的問題，就是不太新鮮，口感不太好，也不夠甜。以上兩款食物質素算可接受， 雖然未算十分出色，但考慮到糖水舖來說相對便宜的價錢，有空間感，份量又足，感覺都不錯，會考慮再來。

經過深水埗緊係要食一食甜品啦，深水埗有好多出名嘅甜品店，不過未試過呢間，喺門口睇完佢嘅餐牌就決定試吓，我叫咗個宇治金時同咖啡牛乳飛雪，2款都好好味宇治金時-d綠茶雪糕好濃綠茶味，仲有大大粒紅豆咖啡牛乳飛雪-咖啡味嘅綿綿冰，入口即溶，咖啡味好香濃，仲有幾粒勁大嘅綿花糖

朋友喜歡吃桃膠，剛好行過貴族甜品，被餐牌吸引，於是決定一試。當天叫了椰汁桃膠和椰汁蓮子雪耳，前者淡而無味，桃膠分量少沒有口感，後者賣相差分量小，十分普通，加上糖水不夠熱，下次也不想再幫襯。

成日都食好多西式甜品，偶爾食中式甜品都唔錯！點左個木桶豆腐花😋用個木桶裝住，好似更加原汁原味，即製即食咁😚😚😚呢個豆腐花滑嘟嘟，猶如少女肌膚般軟滑，唔知食完皮膚會唔會靚d🤣🤣聞落有濃濃嘅豆香味，質感好好，唔會一畢起就散曬。嫩滑嘅豆腐花加埋黃糖，甜甜蜜蜜，入口瞬間有綿綿嘅感覺~食幾啖就成個人暖曬，好幸福！🌸份量好多，兩個人食都夠。🥰🥰另外，仲點左北海道牛乳燉蛋白，牛奶味濃郁，唔會太甜，味道啱啱好🥰

今日係元旦，所以特登再去貴族度食宵夜糖水。 但估唔到，今日元旦竟然唔係好多人嚟食糖水。所以唔使等就完可以直接walk in入去。入到去，朋友一如既往地嗌佢鍾意食嘅 紅棗雪蓮子燉桃膠，而我就鍾意試下新嘢，所以叫咗杏汁蓮子燉雪耳。杏汁蓮子燉雪耳：個杏汁蓮子燉雪耳一放埋嚟，已經問到好濃嘅杏仁味。可見佢用既材料都幾充足。而且望落去啲杏汁已經將個雪耳污到變成奶白色 ，好靚。雪耳食落十分爽口。而且因為浸咗啲杏汁，所以食落去好滑好香口。成個杏汁只係有少少甜，所以食完成個糖水都唔會一種好滯嘅感覺。紅棗雪蓮子燉桃膠：呢個紅棗雪蓮子燉桃膠用料同平時食開嘅一樣，但今日就偏甜咗少少。而且依然唔係好細心。佢哋用嘅紅棗仲係有核嘅，所以食嗰陣時就要自己去核，變相就食得冇咁盡興啦 。希望可以改善下啦。

食完飯想食甜品，見到呢間Noble，就睇下有幾「貴族」。一入到去，椰香彌漫，一聞就知有我鐘意的椰皇甜品。地方細細，座位都多嘅。多唔好款式的甜品，由傳統的，到近年好hit 的waffle ，到燉燕窩滋潤的都有。邪惡的碳水化合物 waffle...想天氣冷上加冷的冷冷...傳統之選同飲品。果果果系列。我就叫咗原隻椰皇的甜品。算是比較貴的系列（貴族嘛！），不過唔係因為有人請而叫得貴 lol ，而是一直都好鍾意原隻椰皇，暖又保。（無計啦，識食叫開好嘢）不過如果你想追女仔，帶黎呢到食你要衡量下，因為最貴的椰皇成百蚊（其實我都想食，好似喺燕窩...不過有少少貴），除非你搵個非港女會幫你省錢的（eg. 我）。有西米露。3粒芝麻湯圓。3粒芋圓。另外叫咗茫果布甸，賣相好靚，成朵花咁。食完埋單走人。

就在那天吃過米線的同一天，完成了晚餐當然要留肚子吃甜品，由米線店走出來最近的就是這家Noble貴族甜品了，店舖面積還算大，但桌子與桌子之間、桌子與椅子的距離為何那麼近.....座得比較迫.....不行，座得不舒服會使到食客有不愉快的食後感啊 = = .....既然座了下來，就給他們考驗一下的甜品當然是榴槤系列，榴槤公主：一般地將榴槤打成蓉，再加上奶凍及QQ布甸啫喱放在面，榴槤味不夠濃，水的狀態比較強烈，比較普通。榴槤銷魂：主角榴槤、雲喱拿雪糕、芋丸、綠茶點子，我為什麼會選擇這個呢，不就是因為有我喜歡的芋丸子，但....失望了，榴槤蓉還是比較水狀，香味不足，也連丸子不應該有厚實的感覺，而該是QQ彈牙，綠茶點及的份量多了點。

晏晝嘅時間嚟到，好似都係得老闆娘一腳踢，由樓面廚房去到埋單全部都係得佢一個，所以都唔使要求太多服務😂同埋好似呢度都係做街坊生意多。今次叫咗兩個甜品，質素都唔錯。呢個榴槤甜品都幾大碗而且真係有好多榴槤肉，上面嘅啫喱都好彈牙。另外呢個燉蛋白，真係熱辣辣，冬天食就一流，同埋湯圓都唔會浸到糊哂。燉蛋白都好香好滑。😃

一開始聽到貴族甜品個名諗到嘅就係個價錢會唔會好貴啦 跟住之後有一次上網見到佢話有甜品放題 但一路都未有時間去試... 今次去到都係唔係食甜品放題 只係普通咁散叫😂😂 一去到見到隔離位食緊一個好大嘅燉椰王 都好吸引！ 但係嗰日唔想食熱野 而且Menu上面好多好吸引嘅凍甜品 例如係吾同既冰 芒果甜品等等...呢度嘅甜品嘅份量都比較大 咁就叫咗兩個吾同既甜品試下啦 綠茶嗰個係冰嚟嘅 但係個人認為就真係比較多冰 有啲凍🙈 啲小丸子同埋紅豆加返分👍🏻 另外芒果嗰個 啲芒果好新鮮！ 不過兩個甜品嘅雪糕都好好食 好香同埋好滑！！！

不知所謂，我食緊榴連公主，有客入黎話唔聞得榴連味，老闆娘好大聲同個客講（重要指住我）話佢食完榴連啦，我重杯都收埋佢，叫個客入黎，離哂大譜，唔識尊重客人，唔聞得榴連就唔好食甜品啦，唔通個客入左黎，唔俾其他客人食榴連？不如以後唔好買榴連？不知所謂既服務態度！佢係客人我唔係客人？

今晚，和三五知已相約來到這區出名的甜品屋，價錢比想像中便宜，甜品份量十足，賣相同外形不錯，比一般酒店更好，質素好高。我一個人已經叫了，兩款甜品，有宇治金時和芋圓牛奶燉蛋白。

從前把貴族與松記相比，總覺得貴族更勝一籌⋯⋯因爲它的賣相吸引，味道也遠勝。但最近一次，卻覺得它退步了，特別是雪糕的質素。感覺太冰，不滑，味道如雀巢公司😑⋯⋯今次點了窩夫，脆脆的，但口感卻一般，太乾了，再加上朱古力雪糕球，如前言，雪糕並不特別好味。還附香蕉，但中間有撞傷的黑印。另外叫了心太軟，中間的確流心的。但朱古力味不香濃，味道只是一般。外層也沒有脆的感覺。

今日同朋友去黃金買野，熱辣辣想搵個地方坐下抖抖，附近好似無乜café，咁就去左呢間甜品店，叫左兩個甜品share食。白雪公主　$32點睇呢個配色都係bella而唔係白雪公主，芒果唔算多但都甜既，芒果汁有加糖偏甜，河粉好多下食飽飯食覺得膩，椰子味唔算濃但都滑既，雪糕係雀巢貨色，意料之中既因為個價錢都好抵下。少女時代睇個名唔知係乜，問店員先知，應該係因為顏色好少女啦哈。巨峰味刨冰配小丸子紅豆同雪糕。靚就幾靚既，食落完全唔夾，巨峰味糖漿好人造味；紅豆同巨峰又唔夾；但係紅豆同vanilla雪糕同小丸子又夾倒。正確泥講應該話個刨冰味錯左，整體都怪怪地。至在坐下，平平地簡單食下甜品，都ok既，

因朋友最近搬到長涉灣住，三個人house warming之後就搵甜品做完結，所以去左依間甜品。入到去每人叫一樣，再加一份糖不甩，一齊互相分享。第一道甜品係榴槤公主：榴槤味相當足，食落口有好多榴槤肉，可見用料充足。第二道係椰王燉3.6牛奶蛋白：牛奶好香而且唔太甜，唯一唔夠好就係可能燉耐左，蛋白唔夠滑。整份甜品連椰殼的肉都食埋。第三道甜品係紅棗雪蓮子燉桃膠：同樣料足，有兩三匙桃膠(算係甘),唯一唔好係太淡味，甜多少少會好D。第四就係糖不甩：無唔特別，所以唔多講了。