貴族甜品 (元州街)

营业中

休息中

食飽飽飯梗係去食下甜品滿足下第二個胃，見到呢間貴族甜品店，淨係見到都覺得高貴。 入到去，環境寬敞，令人感覺舒服，不會太擠逼。個椰王燉3.6牛奶蛋白燉得啱啱好，好滑之餘仲有陣陣奶香。啲椰子肉仲可以好容易咁刮埋出黎食，好有咬口。另外，呢個石磨養顏合桃糊相比起就比較遜色。食落去已經感覺到係翻熱既合桃糊，無新鮮即磨既感覺，水既比例亦太多，另合桃糊質感大降，可以有待進步。最後呢個宇治金時，係店鋪既人氣款式。一擺上檯，賣相已經把其他甜品比下去。食落去，冰同雪糕既甜度適中，唔會太過甜，又唔會無味，有淡淡綠茶清香，加上日本紅豆既配搭，簡直係完美！甜品上更有一啲白玉，好有咬口，同啲雪糕同冰一齊食，另全個甜品唔會咁單調，有畫龍點睛既效果，真心值得一試！

<宇治金時> $35冰花小山丘係由日本宇治茶跟冰打出來的抹茶冰😌旁邊用上甜滋滋又大粒嘅日本紅豆😈仲有煙煙韌韌嘅白玉小丸子🙊頂頭放一球都幾濃郁奶滑嘅抹茶雪糕🍨 

放假前一晚當然要約三五知己去盡興一下, 於是決定放縱一晚, 實行甜品放題夜先試下心太軟, 店員推介心太軟是比一般的甜, 少了點苦味但也不會失去朱古力的味道, 先戳穿後發現朱古力漿慢慢滲流, 而外皮脆內熱的感覺亦很強烈, 朱古力漿的熱度令蛋糕亦感到軟淋淋, 外脆的皮包著, 令整件蛋糕都滿足! 而雪糕是朱古力和Oreo味, 沒有太特別另一份是椰王燉3.6牛乳蛋白, 椰汁的香味令蛋白都有少少甜和香, 而由於椰王裡的椰是可以吃的, 所以蛋白加椰子就有口感了! 蛋白雖然經過燉, 但不覺得好老, 反而是滑和香!

星期六第一餐就去食甜品！以為無咩人但原來keep住都有人嚟，可天氣太熱個個都想消暑啦！《原盎椰皇燉雪烚膏 $88》雪烚膏滋潤養身，燉奶又可以養顏，點可以唔叫呢！食到淡淡薑汁味，燉奶好香滑，而且入面有蓮子～好鍾意食芒果，腸粉皮又夠薄同滑，芒果大大粒好有肉，好甜唔酸～開心滿足

其實我對食甜品真係跟我性格一樣，好飄...😓唔特別嗜...但有時又會突然勁想食😌-今日約左朋友喺深水埗食飯，食完後突然勁想食熱嘅糖水，朋友就帶左我去這間👑貴族甜品👑一行入去被牆上靚畫吸引，好靚😍-我就點左個好勁嘅，因為今日真係發左癲，好想食勁滋潤，😁所以點左個勁嘢🌰椰王燉燕窩🌰燕窩非常足料，入面用左蛋白一齊燉嘅🔥，甜到適中但非常滋潤😋但椰肉好像有點老，不算太嫩滑，有點少扣分

Working Monday又係揾野食嘅時候。返工忙左一日，放工想食啲甜野。咁啱朋友推介去貴族甜品可以任食，所以就去試下。貴族甜品都食過好幾次，水準都幾穩定。朋友住荔枝角附近，所以放工join埋，篤左串魚蛋就去食甜品。甜品放題分一3回，首輪$108，次輪7～11點$158，11點後就$108。 可以任食1.5小時，其實十分超值，因為可以食差不多過百款甜品，食4、5款都抵返。我地先點左個白雪黃金卷，椰汁河粉包住鮮甜的芒果，芒果好甜，椰汁河粉質感好好，唔易爛，包住一齊食，好好味，兩者好夾。因為唔夠喉，所以叫多左個芒果布甸。布甸奶味好香好濃而且好滑，唔太甜，上面鋪滿鮮甜芒果，兩者配合得啱啱好。芒果系列真係好好食。朋友見吐司金磚造型好靚，所以都叫左一個。個金磚比起出面食的，唔算大，但見得出有心思。因為面包皮已經切左再拎去烤，每條面包條都預先塗上吉士醬和士多啤梨醬。再係上面放球雪糕。食每條面包都唔覺乾，啲醬完全配合到烤得香脆的面包，基本上唔使依賴雪糕去點黎食。好欣賞呢種貼心。食完個吐司，其實已經飽到一個點，但朋友話仲要食埋個宇治金時先收手。一如既往，宇治金時大大碗，上面有球綠茶雪糕，下面是滿滿的

外買咗一個椰子3.6牛乳布甸返屋企食，其實都等左幾個字先有，可能佢真係即刻整返熱，所以要等咁耐，好彩味道唔錯，牛奶味都幾濃，質感都幾滑！拎到返屋企，佢仲係出晒煙，要攤一陣先食到，真係好新鮮咁樣，食完都覺得幾潤，仲覺得幾飽添。

深水埗也是一個覓食天堂，今天來到這家店好彩出品不裕呢！裝修也幾付合店名有點點似貴族的色彩。回正題，是夜點了芒果椰汁腸粉，好吃，果肉勁甜，皮既煙韌又不會過厚，淡淡椰汁味包着甜到漏的芒果肉認真冇得輸，配埋芒果沙冰在腸粉的上面，令整體變得冰涼濕潤口感提昇！即撞豆花，以木桶程上很有特色，打開木蓋，白白滑滑的豆花賣相真的很美，一小木桶可盛上兩小碗，也算抵食，未知是否即撞出來的關係，熱騰騰滑脫脫的感覺真的很過引豆味亦很濃郁，值得推介！

打邊爐有任食～ 日式放題～high tea 任食～ 估唔到甜品糖水依家都有放題～ $108 任食90分鐘！樣樣即叫即整～ 份量十足用料都十足～ 我就挑戰左3樣加一杯野飲 即係4樣 飽到頂樓～ QT自己就幾滿意佢地嘅野食～ 至少係食得出新鮮唔係有雪左好耐嘅雪氣味～ 環境都光鮮清潔～ 如果有時幾個朋友又鐘意食甜品係不錯選擇～ 個芒果拿破倫好新鮮熱辣辣脆脆甘上碟～ 配上因熱半溶嘅cream 同超甜芒果！超match !

今次已經係第2次團購甜品放題。同朋友一行5人又瘋狂食食食。$78蚊可以任食1.5小時，之後要比多8蚊服務費。其實計落係好抵。之前食過都OK所以今次再encore!甜品種類都算多，有凍有熱，有中式西式，但有d款係每人限叫一次。我地差唔多試哂咁多種，好誇張, 不過open rice 最多只可upload 12 張pics就唯有介紹12款甜品啦!多士外層好脆，士多啤梨雪糕OK既，不過唔夠滑。呢款熱食，啱女仔，薑味唔太濃，"in韌"既外皮包住芝麻，食落唔會太漏。仲可以驅寒。呢款d 沙冰好幼細，有d芒果味，食落好涼。而d丸子口感好煙韌，好多咬口，d芒果啖啖肉，都幾甜呢款由薄薄既酥皮包住d芒果肉，淋上煉奶, 忌廉，酥皮內裏係空心而且好香好脆。多芒芒果布甸，呢款其實麻麻，外邊d芒果肉OK，夠甜，但個布甸就冇咩芒果味，口感似布甸而且，而入面d果肉都冇味。呢款 個窩夫就一般，口感軟身似個餅底多，味道偏啖。雪糕ok，只係唔夠滑。呢款心太軟配兩球雪糕(朱古力同雲呢拿)，可惜心太軟唔太流心，味道一般。唯有欣賞雪糕而且，不過朱古力冇咩味。雲呢拿OK既。呢款白雪雪既椰汁外皮好滑，散發出絲絲椰香，包又大又甜既芒果肉

許多時候，在晚飯後都會去食埋甜品，才正式踏上歸家路。當食埋甜品，也許這就是完美的結局。今晚同樣地吃過晚飯後，到隔鄰的貴族甜品，食番個甜品，才會覺得完成了今晚的晚飯。雖然今次並非第一次到來，但是卻又有去完再去的感覺。打開餐牌，由冰花以至西式甜品，種類琳瑯滿目，花多眼亂，稍有選擇困擾症的，總會揀來揀去，還好的貴族甜品尚有甜品自助餐，只要甜胃無限大的話，以及不理後果的，話可以一口氣把所有甜品塞進胃裡，咁就不用選擇。不過在下還是有自知之明，不會吃得太過份吧。宇治金時（三十五個大洋）。除了芒果，一向對抹茶都有種情意結，抹茶雪糕放在抹茶冰上，再加上小丸子以及十勝紅豆，令甜品增添不少色彩。縱使在下不太喜愛冰製食品，但是為了那個香濃的抹茶雪糕，和那一大堆的十勝紅豆，就一於少理吧。而那柔糯的小丸子，口感卻又煙煙靱靱，增加了咀嚼的口感。果汁選自芒果，也是在下心儀的生果。當芒果變成汁，就覺濃密和稠密起來，每一口都是那種綿綿不斷，又像是那絲綢般柔滑般的順滑。幸好的是，今晚並非星期五，只有好幾枱顧客，否則熱鬧非常。

初2飯後甜品，要收10%服務費，沒辦法啦 朋友推介宇治金時，味道真的不錯，小丸子有咬口，才35元抵吃，雪米糍紅豆奶凍圖片俾相片較為吸引地點鄰近工作地點，下班也有再來試其他款式

同個friend食完M記，佢話過對面食甜品，我跟只係我唔想再食嘢，反而想飲杯嘢。不过 D 服務態度就真係惡，女侍應粗聲粗氣，仲話「下次肯定自己食乜先好叫人落單」芒果沙冰$28，沙冰打得幼細， 飲落清涼冰凍，芒果味濃，不過都係幾甜下。希望service改下啦。

又係食甜品既時間啦~今次試下黎間貴族甜品, 心太軟配兩個雪糕但朱古力味唔夠, 皮太厚。芒果河粉撈真係第一次食咁既河粉一D都唔好食, 好後悔叫咗最後就咁食芒果同芒果沙冰算數。龍珠二世上面有好多西米, 珍珠Q嫩帶勁, 龍眼少少甜, 芒果好彩唔酸。

今次係我第一次食甜品放題! 之前見到團購$78可以任食1.5小時，所以就買左黎試下 因為預先book左位，所以一入到去就可以直接叫野食 甜品種類都算多，有凍有熱，有中式西式，總會搵到你想食既一款。雖然係叫「放題」，但有部分甜品每人只限每款叫一份，我地一行三人，限叫款式就食左:心太軟可配兩球雪糕，心太軟唔太流心，味道一般比利時窩夫窩夫軟身，易入口，配上吉士醬，味道不錯白雪黃金卷外皮好滑! 又大又甜既芒果肉，加上上層係芒果沙冰，口感一流!之後再叫多2款凍甜品:宇治金時沙冰味道不錯，喜歡「奶+綠茶」既朋友可以試試，紅豆好甜，適合配上丸子一齊品嚐。傾城之戀奶凍有濃濃朱古力味! 口感好滑! 出奇好味!食完凍甜品，就試下食熱!酒釀桂花雙丸酒味唔太重，配上桂花味道變得清新，但丸子數量比較小 百花蜜燉柿貝蘋果味道清甜，感覺好滋潤，冬天食最好!合桃糊同各大既合桃糊差不多，如果合桃味可以重小小會更好。木瓜雪耳糖水味道比較甜，木瓜夠淋，都幾足料糖不甩面層糖不甩配料味道岩岩好，唔太甜。丸子入面係芝麻味，可能係熱食既緣故，d芝麻仲好流心最後我地三個人總共食左10款甜品整體黎講，以呢個價錢可以食到咁多款唔同既