貴族甜品 (元州街)

营业中

休息中

食過一次豆腐花覺得唔錯，今日黎再食就出曬事 叫左個士多啤梨黑馬王子，見佢放士多啤梨諗住係新鮮野，點知伏曬 個底有士多啤梨冰，原來係用粉開出黎既士多啤梨味冰 好難食。另外又叫左個珠圓肉潤，很一般！

慶祝小朋友考完試，帶佢地去附近食甜品! 因為松記關係，附近都開左好多間甜品舖，依間價錢最貴，開左甘耐都未有機會去試。4個人叫左4樣野，落樓二百，抵唔抵真係見人見智。最好食既係椰皇燉奶，椰香味好濃，幾滑，但等左好耐先到，而且用原個椰皇燉，份量想像既少! 不過要俾2歲小朋友食，貴都要! 跟住個宇治金時望落好大，但味就一般。個冰唔夠幼同綠茶味唔夠出!個雪花冰最受歡迎，因為附近唔係間間都有得食，而小朋友都最喜歡冰品! 士多啤利味幾出，不過配料就唔夠多! 最最最唔得係個芒果! 唔記得叫咩名，但好水好甜! 將D料放係一碗糖水入面，食唔到有咩層次呀味道既分別! 個價錢都好唔抵，同纇既野，我會去返松記食! 最後要講既就係服務! 我完全唔知佢點安排位! 明明有幾次有2張隔離既2人台都唔俾我地，係甘叫後面D情侶! 歧視小朋友? 問佢，佢又只係叫我地等等!唔係小朋友好想食! 我先唔會等! 足足等左超個30分鐘! 而果時絕對唔係繁忙時間!

小妹中學係深水埗，番去探老師既時候總係中意搵甜品店食下～行行下見到有間野叫貴族甜品，見係平民價錢但有貴族既享受，我地就入左去試下咩叫「貴族甜品」啦～一行到入店就見到佢既裝修用左西方風格，模枋皇室既裝潢，真係比到人身處貴族既感覺小妹叫左個朱古力刨冰，等左一段時間都未有得食，諗住彈佢出野出得慢既時候，個刨冰就黎左而且比左驚喜我～估唔到佢個配料多到會令人食得飽！個朱古力刨冰有好濃既味，唔係用水沖淡黎呃錢，而且冇雪藏味，感覺係食緊朱古力流沙咁入口即溶～再加埋有新鮮香蕉同埋食到滯既小丸子，仲有清新香甜既紅豆沙，粒粒都有咬口，食完真係會有飽肚既感覺如果嫌啖啖都太林冇口感既話，佢加入左彩條令人有脆脆既質感～面對住靚甜品，最岩對住靚友人靚老師，一齊細水長談～～

如果想吃大量甜品~又不想去到吃自助餐這種程度。甜品放題其實也是不錯的選擇啊 ^^朋友在團購網站看到這間甜品店推出1.5小時放題甜品的團購就買了一起去吃呢環境來說不錯~  因為怕大家點太多會吃不完~避免出現浪費的情況，所以若吃剩需要付錢($10/100克)另外還限制了每人只限點2款甜品 =) 實際下單時間也只有1小時。好吧-w- 先來1個焗制的 (忘了這個是什麼名Orz)看似很漏，但其實是酥皮那種~而且中間是空心的。白雪黃金卷 - 芒果很甜 這款是我認為最好吃的喇~ 喜歡吃芒果的朋友可以試試看。豆腐花(熱) - 這個初頭吃時有點淡...沒有給我們黃糖之類。不過吃得出滿滿的豆腐香味。倒是吃到最尾幾啖就甜得可怕。這個是刨冰... 加了很多紅豆和很大舊的雪球糕  別看輕這個的份量 -口-！！這裡很多甜品都有加到雪糕...吃得太多之後其實都幾漏 ///香蕉船 - 雪糕球可以轉口味。北海道3.6牛奶燉蛋白(熱)- 這個是最喜歡吃的了 >3<！奶味很濃~而且口感滑滑的~ 甜度也適中。楊枝甘露 - 這碗料落得很足

我今次買左甜品放題團購，所以一試，食啲之前未食過嘅甜品。第一個食薑汁芝麻湯圓，只係普通湯圓，冇乜特別。皮薄，都幾好食。 第二個朱古力心太軟配雪糕。 呢個都ok，配兩個雪糕，但心太軟我覺得有啲細，因為正價都要$48架。不過亦有可能係團購放題所以細啲啦。第三樣甜品係紅豆相思呢個我搞左兩下先記得影相。材料都幾豐富下，粉圓同芋圓好有咬感，我覺得呢個幾好食。最後，第四碗，芒果河粉撈。我已經飽喇，食唔落呢個真係有點兒失望，因為自己本身都鍾意食芒果嘅，但真係好難食。啲白色河粉好甜，個底係芒果冰底真係唔合襯，如果係芒果西米的話應該會好多。最後講下嗰度啲服務。話差又唔係嘅，因為得一個姐姐喺度，客又多。有時想揾姐姐落單，佢又失左踪，一係佢就收緊錢，真係做唔切，因為見在場好多都食團購放題，最少都十二、三個客，一個人真係做死！姐姐都好友善，一見到我揮手都會過黎幫我落單。不過出甜品速度真係非常慢，整嘅起碼都十分鐘，我諗都係因為團購嘅關係啦。總括黎講都ok嘅，未係最差嘅。之後嘅日子都會幫襯。

年初三附近食飽飯搵甜品，OPENRICE 頭三位就佢，諗住都OK喇，雖然新年要比加一服務費都無可口非喇，但係一啲服務都無。好在唔洗等位，不過入咗店叫嘢食時係咁叫你「等一陣」，一個侍應又係咁，另一個又係咁，我諗兩個都係老闆，想趕客！ 後來單都重係未落  又要調位，落完單重好大力咁將張單掟落張枱，咁嘅「服務」收我加一條氣真係唔多順，初三差啲想同佢嗌交！至於食物方面一個字可以形容—甜  。以咁嘅價錢只係有咁樣嘅食物質數我會接受~PS 薑汁湯圓無乜薑味，紅豆相思啲紅豆再加埋椰汁實在過甜！

這個甜品，主菜是那些芒果，芒果在這間甜品是主打。在軟硬度方面，生熟度是剛剛好的，所以口感非常好的。芒果的色澤是很鮮明，芒果粒的形狀大小都每一粒都切得很適中，放入口很方便，適合所有年紀的人進食。分量也很好，不會覺得太飽或太少。而選用龍眼肉作為一個點綴的媒介，芒果的酸甜配合帶出了龍眼的鮮甜味道。不過這個甜品最為失色的地方就是那個巧克力雪糕，巧克力的甜與芒果的甜不相配。不過我還是喜歡這個的甜品。

嘩係我最愛既宇治金時呀！！綠茶味都算重仲要甘大份綠茶紅豆實在係絕配但係無咩特別同不嬲其他地方食既差吾多估吾到佢會甘大份但太多啦三舊一樣味既無咩特別淨係特別係大舊中間芒果係吾錯但我地三個人食就差吾多一個人無可能食得曬環境係吾錯，想再試下其他甜品d名都好吸引咁下次會再試！

食左天使之戀, 好sweet, 好中意>3< 其實自己不嬲都中意西式既焗甜品, 呢個天使之戀啱晒我胃口, 鬆脆得黎好sweet, 夾埋d生果食就係一流呀!! cream唔算多, 感覺輕營, 襯埋粒士多啤李, 嘻嘻i like it 唯一有少少不足既就, 太大舊喇, 食唔晒, 哈哈下次叫多個fd黎share先得xd

看他們的圖片，以為很好吃，來到的時候，卻是另一回事。。。我並不是太喜歡吃甜品，所以對甜品並沒有什麼很多的要求，但起碼是容易入口吧！！這一個鲜芒果什麼雪糕，不記得了，除了感覺像吃糖水外(糖加水)，吃不到很香濃的芒果味道。。。其實底部大部分是一些水份，真是好像糖加水一樣。。。雪糕只是一般質素的雪糕而已。。。

食飽飯在深水埗區找甜品店，這類店多的是，大部份還要排隊，實在難找一間可即入即食的。經過這家隊龍不算長的，便即管試試。Menu種類凡多，大部份是有雪糕的。雖夏日炎炎，又不想食大飽，選擇了吃棉棉冰。朱古力味濃，小丸子ok 煙韌，少少香蕉伴碟，吃完不覺太飽，沒有覺得肥的罪惡感，感覺良好，可以給個好評

大概都係食過的甜品中最差的. 這是否隨便搵個未整過甜品的外來人, 加上劣等材料製作出來的?清湖映月, 個名勁到咁, 實際上係芒果呀, 雪糕呀, 紅豆呀, 椰蓉呀, 紫米露呀撈埋一堆. 酸酸地但不討好.芋圓芝麻湯圓椰皇豆腐花, 呢個點解無改個勁名? 椰椰食黑妹豆腐咁得唔得? 味道一般, 有點貴了.綠茶蘆薈爽, 很唔夾的兩樣野, 可想而知味道是如何的差.  星空, 就是芒果龍眼冰, 味道唔夾.伊甸園, 就是龍眼冰加幾粒小丸子, 賣相差味道差. 芒果布甸, 一般. 綠茶刨冰, 直頭差. 紅豆豆腐花, 呢個係重點, 差的紅豆配上唔味道的豆腐花, 絕對係最唔似甜品的甜品, 這是藥嗎?

其實已經不是第一次幫襯貴族，由大角咀總店到深水埗分店都有幫襯過，次次都是朝著榴槤甜品來的！貴族的榴槤甜品算是做得很不錯！因今年開始寫食評,更想貴族成為其中一個篇幅！是日於深水埗食完晚飯，時間尚早，慢慢行來貴族～門口好多人，原來是一大班人在等位，我跟友人兩個就好快有位了！店內白雪雪的裝潢加上有少少歐陸畫跟店名呼應～我一心只想食榴槤銷魂HK$48，因為坊間好少有榴槤配芋圓的～除了芋圓，還有榴槤肉，榴槤雪葩及綠茶點子(我走了點子)。上檯時興奮極了，um...點解好似無以前那榴槤飄香? 食食下雖然味道一樣，但終於知道跟之前的分別．．．雪葩大了，可是榴槤肉比起以前少了>_<，怪不得端上時好似不夠香似的，食到尾段變得比之前淡口，第一次出現食剩的狀況.....有點失望呢 T_T，希望會改善啦！友人叫了宇治金時HK$35，有日本宇治菜，紅豆，白玉，雪糕及雪花冰。我試了少少雪糕都不錯，友人就算跟之前差不多，紅豆質地剛好，味道未算好夠～叫做不過不失啦！

三個人點了三樣食品～ 三樣也超級勁差1～豆腐花紅豆2～心太軟 3～3.6燉奶加芝麻糊1. 扮日本野又扮唔到， 紅豆無紅豆味唔鬆化好硬， 俾練奶唔好食， 雪糕好硬，因為雪米糍要拿出來涼幾分鐘才可以吃， 直接有雪櫃拿出來一開二， 非常之懶沒有誠意的，這樣做生意真係…2. 心太軟，是我食過咁多間糖水鋪 最差的一間口感味道似足7-11賣10大蚊的龍堡， 非常之難食沒有朱古力味也沒有口感，两球雪糕用了平價貨唔好食。3. 燉奶芝麻糊,芝麻糊只有眼見的一點非常之少， 大約两支攪攪棍的小匙咁多， 完全食唔到有芝麻糊的味道， 燉奶沒有奶味，只有甜味， 完全一點也不像3. 6 牛奶，個質感也是滑的。P.S : 這間店舖很強調自己用北海道3.6 牛奶， 但是店內只見到其他品牌的平價牛奶，從沒看見北海道3.6的盒子………

一班人食完飯，想食糖水，前面街好出名果間要勁等位，只好退而求其次，是旦揾一間。見到餐牌好靚好多選擇，甘就中伏了……燉奶上枱時仲係好水。椰皇就好老。木瓜糖水就勁小木瓜，同餐牌係兩個世界甘。芒果系列，就勁糖水勁甜，寫住有焦糖布甸係入面，原來得小小即食布丁碎，真係得啲碎碎……真的浪費金錢。餐牌設計精美，但同現實有極大差距本來都沒什麼期望，但無諗過甘失望，地方又細，5會再去了。