賞麵

营业中

休息中

賞麵 (荔枝角)荔枝角青山道514號地舖今日黎到荔枝角食車仔麵😽，就入左間裝修都幾靚既車仔麵。入到去個feel幾似去左日本食拉麵甘，座位寬敞，又勁細心，有個位俾我擺電話同銀包。待應服務態度好好！公司車仔麵(8餸）嗌左佢個公司車仔麵，試下佢個惹味麻辣湯底，鐘意食辣既人一定要試，佢個辣同個湯好融合，唔會好似水溝油甘。8個餸入面有豬腸、惹味豬紅、招牌蘿白、秘制軟滑牛腩、五香牛肚、豬皮、滷水豆腐、唐生菜。想講每樣餸都好掂！蘿蔔無渣又鮮甜。豬腸好嫩，滷水豆腐好入味，同辣湯好夾！胃食又小鳥胃既你一定要試！自選車仔麵朋友就試左黑蒜油豬骨湯底，個湯底好正！搞到我食左半碗就騎劫左佢個碗🫣朋友嗌左滷水日本糖心蛋、招牌蘿蔔、炸年糕麻吉燒、蠔皇冬菇同埋炸魚肉春卷。糖心蛋本身有調味，已經好好味！炸年糕麻吉燒口感好得意！冬菇就好大粒好有口感！魚肉春卷好好食！有口感好正！懷舊紅豆冰啲花奶好香！調味岩岩好！好耐無飲到甘好飲既紅豆冰脆脆阿華田華田味夠濃，華田脆脆都好多！對得起加$8！勁脆香辣炸雲吞(6隻）炸雲吞炸得好岀色！佢係擺到最後食都唔淋！好正！份量又多！個泰式辣醬必點！滋味蜜糖燒賣（8粒）燒賣有炸過！勁香口！同蜜

好熱 吾知點解冇冷氣蘿蔔好多渣 d豬大腸係餿嘅救命 叫杯凍鴛鴦 又酸又難飲 想問其他話好食嘅人係咪覺有問題個朋友想要兩餸 佢同我講冇呢個揀死都要收三個餸 點都要50幾蚊點餐仲黐線 都話佢有問題死都唔信 一路食麵 佢就一路搵部機喺度隔離嘟嘟嘟想試你部垃圾機唔該等我食埋先 大家如果有錢冇埞洗 絕對可以考慮呢間 正常車仔麵應該有個湯底完全冇 比嗰啲奇怪味精湯 飲完之後覺得自己會變科學怪人好難食 好難食 好難食 真係好難食 （打個評論一定要逼人200字 本身諗住講幾句）

咁啱黎開呢頭就食呢開車仔麵先，之前食過覺得佢幾好食，環境仲唔錯㗎，唔似一般車仔麵店。首先鐘意佢獨立位，唔迫得黎又多位擺野，仲有個手機架可以放下雜物。另外佢啲用具幾乾淨，無黏立立又無蚊仔。用QR Code落單好方便，介面易用，仲即時睇到有咩已經賣晒。枱面呢個辣椒油同菜脯都係自家製，辣度唔高但好好味，強烈建議一定要加落碗麵度，哈哈。公司車仔麵自己叫左碗公司車仔麵，懶得諗食咩餸，一次過有晒都幾好。湯底要左原味，鮮甜濃味唔錯噃。餸方面個人覺得牛腩軟腍大腸入味，呢兩樣最好味，另外蘿蔔好甜又無渣都好好食。麵條要左油麵，吸湯一流。自選三餸車仔麵朋友叫左腩肉、漢堡扒、回鍋肉麻辣湯底大辣公仔麵仲要加底，仲加埋秘製辣汁，碗麵黎到真係幾紅食㗎，試左一試佢個湯底，幾麻幾香，辣度唔算太勁，飲完無舌頭發麻嘅感覺，朋友仲加埋枱面嘅辣椒醬去加辣添。麵條本身要出前一丁要加四蚊，加底再加八蚊，兩個丁麵咁幾抵喎，呵呵，超大碗呀。豚肉白菜炸餃子跟餐有優惠價加小食，叫左碟炸餃子，有五隻大大隻，炸得香口幾好食。勁脆香辣炸雲吞朋友就加左碟炸雲吞，同名一樣真係勁脆，加埋個甜辣醬好味噃。腩汁菜心大家碗麵都無叫菜，就散點一碟灼菜心啦，菜

越來越多餐廳用QR code 下單， 方便又快捷。 不需要與店員 正面接觸。十一點半到達餐廳， 人流都很旺，仲可以點早餐，當然唔少得沙嗲牛肉麵， 可以揀黑蒜出前一丁非常正，唔係好多餐廳有得揀。 麵包可以揀牛角包，多士，蒜蓉包， 選擇多更顯餐廳的用心，配炒蛋火腿。 而家仲有飯可選擇，肉燥太陽蛋鹵水雞翼飯。肉燥咸度適中而且好濕好多汁不會好乾，太陽蛋煎得剛好，半生熟拌飯好滋味。車仔麵有生菜，牛肚，雞翼，流心蛋米粉，麻辣湯小辣，米粉吸晒湯汁，好辣好過癮。小食非點不可，炸每款$18 良心價，炸雲吞非常香口。蜜糖燒賣都係好受歡迎，清碟。荔枝角番工一族有福了。價錢又抵又好食。

今日喺荔枝角附近，搵咗間車仔麵食下，呢度嘅車仔麵好多款餸可以揀。重點係入邊裝修好企理，而且每個位隔離都有個櫃俾你放袋，坐得好舒服。自選3餸車仔麵 $18+原味湯底＋油麵(正常）+加秘製辣汁†招牌蘿蔔 $10好甜又入味，無渣！ +滷水日本糖心蛋 $13個糖心好靚🥰🥰＋爽脆墨魚頭 $14好新鮮，而且爽口👍👍+彈牙魚皮餃 $12大大粒，好好味😆＋秘制軟滑牛腩 $13好淋又入味，正😆跟餐加左個菜心 $16出街食經想都想食多d菜，呢到嘅菜洗得乾淨👍跟餐包野飲，我要左杯凍檸蜜+ $3蜜糖係偏清香👍

平時一講去食車仔麵都會覺得坐得唔係咁舒服，今日經過依間餐廳見到個環境都幾乾淨企理，所以就試吓！餐廳座位好似日本拉麵店風格，單排咁坐。用QR CODE落單，夠晒清晰！做會員仲有$5優惠劵可以下次用。餐具同醬料擺放都好整齊。今次叫左豬軟骨、豬紅、蘿蔔公仔麵。豬軟骨普通。蘿蔔好甜，無咩渣。豬紅帶有蒜香味，不錯。另外仲叫左個蜜糖燒賣，味道不錯，但燒賣質地麻麻，只食到一團麵粉嘅感覺。如果改用高質少少嘅燒賣會更好。

同友人喺附近上完堂，肚餓見到原來咁近有一間車仔麵～我同友人都超喜歡食車仔麵，梗係即刻入去試下。去既時候係有下午茶既時段，見到下午茶都有一啲台式菜式嘅選擇～鍾意嘅朋友仔都可以試吓，但我哋淨係想食車仔麵成間舖冇坐對面嘅枱，只有自修室格局嘅枱，唯有同朋友平排坐小店用QR code落單，方便快捷。我嗌左自選三餸車仔麵：惹味麻辣湯底 (小辣)、油麵、瑞士汁雞翼、炸年糕麻吉燒、鹵香肉燥。真實用家評價：雞翼正常，冇特別入味/軟熟鹵香肉燥味道好，但上菜時已經係室溫狀態LOL炸年糕麻吉燒其實即係打邊入邊有舊年糕仔嘅魚蛋 (車仔麵圖左手邊嗰兩粒黃色野)，本身仲以為啲乜嘢嚟LOL惹味麻辣湯底其實係一味死辣，冇麻辣湯底嘅層次，同埋湯頭偏鹹，令你唔會想忽好多湯連埋啲面一齊食。總括而言未必會有下次，因為唔係太好食，不過如果附近冇選擇而你又超級想食車仔麵嘅話都可以試吓嘅。

甫一步進這小店就感到乾淨企理感，間隔相當不錯，很像正宗日式拉麵店，一個人吃也不會感到奇怪，兩個人吃也可以坐邊上，非常適合朋友小聚服務也是很好，店主十分友善地介紹新app的點菜模式，這是其他餐廳甚少見到的情況而且也有介紹那款菜式比較好吃，令人吃得愉快餐廳主打車仔麵跟新推的飯類我就對他們的車仔麵類比較有信心點了一份五餸麵$68分別是麻辣湯底（大辣）這個湯底絕不馬虎，充滿着花椒的香氣，加上適中的辣度，做到惹味但不死辣菜底點了菜底，唐生菜的份量不少，加上10分掛湯，所以唐生菜跟辣湯底是絕配！蠔皇冬菇+蘿蔔+豬軟骨+回鍋肉+糖心蛋意料之外地，這裏的車仔麵湯底吃起來完全不口渴，加上相當鮮味的蠔王冬菇，無筋的蘿蔔豬軟骨件頭細小，但軟骨10分爽脆，糖心蛋也是半熟深黃色的，再生一點就流心了豬軟骨的爽脆，不鞋不韌，令我想一吃再吃回鍋肉則比較普通炸雞翼加$15意料之外地雞翼頗大隻，而且外面炸得金黃，入口juicy，吃起來口感豐富，味道也不錯，$15.三隻非常抵食任吃的菜甫口感爽脆， 微辣帶鹹味，對峙高質素的任食小食推介！

今日同朋友嚟到荔枝角做瑜伽，行過見到有一間車仔麵幾吸引，所以就入去食碗麵。😀睇到佢嘅小食幾吸引，而且每個麵都可以加配一款小食，所以就揀咗炸燒賣、煎餃子、煎雞翼🍗朋友叫咗生菜溫泉蛋冬菇同埋其他餸，冬菇同埋糖心蛋真係好好食❤️而我就叫咗牛腩蘿蔔生菜腐皮🍜，蘿蔔炆得好入味👍🏻三款小食之中，最好食嘅係炸燒賣，炸餃子都煎得香脆，雞翼都煎得非常脆卜卜🤩雖然今次係自選車仔麵，但係其實佢都有公司車仔麵同有營之選，如果唔想諗食咩就可以揀呢兩個配搭😆可能因為時間中午12點比較早，剛到嘅時候唔算太多人，環境不錯☺️

週末同朋友一齊喺荔枝角，佢話想簡單快趣食個午餐，路過呢度，我記得好耐之前食過，印象中呢間車仔麵店乾乾淨淨，咁都冇乜考慮啦，就同朋友一齊入咗去醫肚😆自選三餸車仔麵 價錢係 $18，有幾款粉麵底可以揀，我揀咗 出前一丁（+$4），朋友就揀咗 粗麵，麵仲可以揀 爽D、正常、腍😋；湯底我哋都揀咗「黑蒜油豬骨湯底（+$3）」😋車仔餸嘅價錢就由 $10 至 $13不等，我哋兩個加埋揀咗好多嘢😆，包括 招牌蘿蔔、響鈴🔔、午餐肉、秘製軟滑牛腩、五香牛肚、滷水日本🇯🇵溏沁蛋🥚、溏沁豬軟骨、滷水豆腐、唐生菜、豬皮、香辣陳皮魚蛋😆；再加一碟 $16嘅「油菜」😋其中特別好味嘅車仔餸：牛腩同牛肚都好有牛味😋；白蘿蔔冇渣又鮮甜😋；午餐肉煎得幾香😋；溏沁蛋🥚好溏沁，蛋黃重紅卜卜好靚🤩。另外，「黑蒜油豬骨湯底」出奇地濃郁好味😋。跟餐我哋兩個都叫咗「熱奶茶☕️」，香濃好飲😋

🍛賞麵🍛繼續荔枝角找尋男人的浪漫，茶餐廳。聽個名一定意為只有麵食？我就帶大家食飯！位置距離地鐵站有大約兩個街口，其實不太遠，步行都係5分鐘左右。衞生算好，走韓風路線，有架放電話、銀包等等。亦都用左QR code點餐，咁就唔怕同餐牌有接觸啦。話唔食麵，食左個三眼仔+蒽+豬扒飯，見餐廳推介食埋個雞翼+3蚊轉凍奶茶：🍛三眼仔蒽油豬扒飯餐$55:咦？聽個名都覺得似某餐廳既飯款。所謂有對比先有驚喜，豬扒鬆化，蒽油都唔錯。最驚喜反而係個獨家辣椒醬，有辣之餘仲有麻，味唔會太搶，想試辣又唔想成口味必試。🥛凍奶茶我叫左所有野都正常，少冰。感覺奶比較重，茶底都香但冇茶餐廳風味。🍖皇牌香酥炸雞翼幾唔錯，皮薄脆皮。不過建議唔好點兩野炸嘢，會熱氣😂老闆好好人，一入黎都有介紹下有咩好食😋暫時見佢開到8:00pm鬆啲，晏左收工之選。味道：🦙🦙🦙🦙/5環境：🦙🦙🦙🦙/5推薦：🦙🦙🦙🦙/5抵食：🦙🦙🦙🦙/5

去完荔枝角做Yoga 餓到就快企唔穩🌝咁就去醫肚先啦🤭行到壽司郎附近既後街, 就遇到佢🫠賞麵一入到去以為食拉麵😂因為裝修同環境麵好日系不過其實佢係主打車仔麵🤭我會形容佢係一間好有heart 好人性化 好貼心既潮流尖端車仔麵首先講下好貼心果方面呢個係我個位😹一坐低就會見倒個手機/銀包架個高度闊度係就算你dup低頭食野都唔會撞親~真係夠位放銀包 電話 口罩蓋等雜物🫶🏻我最中意既係個小巴式怕醜鐘😂你知啦~ 其實而家仲有好多女仔唔係幾想大聲喺餐廳舉手搵伙計~個鐘幫倒手!餐具飲管都掛哂喺個架上面, 自己拎就得喇~所以枱面真係靜係放食物🤭好夠位呀落單轉左用QR code, 操作簡單又環保啲唔洗嘥落單紙~如果怕唔識手機落單, 可以㩒鐘搵店員黎幫手.話說坐我地附近有位客人唔識用手機落單店員黎到佢身邊慢慢介紹個app仲逐步教佢用又介紹埋佢登記做會員等下次黎食有現金優惠前後都搞左10分鐘🫠但店員態度耐性💯好好, 值得一讚🫶🏻重點! 野食到喇~🍜魚皮餃+花枝丸+溏心蛋 麻辣中辣湯底+秘製辣醬🍜牛腩+漢堡扒+回鍋肉+溏心蛋 黑蒜油豬骨湯+秘製辣醬兩碗麵岩岩黎倒, 已經聞到好香既香辣味同黑蒜油味! 食落既味道比

今日行過d2逛完街冇嘢做行咗去荔枝角道 , 去咗一間食麵嘅地方食晚飯 , 間舖唔算好大 , 但係疫情關係用間板分隔得好好 , 環境衛生亦都比其他車仔麵檔理想 , 見到佢有個蔥油豬扒飯同埋雞翼鹵肉飯 , 我最尾揀咗雞翼肉燥飯 , 個飯出奇地好食 , 肉燥好香,雞翼係生炸嘅 , 加埋隻太陽蛋撈飯食一流 , 但見到隔離枱食蔥油豬扒飯都好香 , 真係好邪惡 , 仲跟三隻蛋 , 但我應該未必食得曬 , 搵日再你要試下老闆個樣肥肥你好搞笑 , 侍應好有禮貌都幾細心 , 見佢哋有其他下午茶 , 下次可以再過嚟試下

經過麗新商場後面睇下有乜嘢早餐選擇， 見到“賞麵“門口個餐牌好似幾多選擇， 入到去坐低先發覺原來咁早係冇車仔麵， 唯有叫早餐試下啦。叫左兩份早餐，其中一份扎肉湯河牛骨湯湯底， 其實唔單止顏色淡，連味道都好淡，唯有加佢嘅醃蘿蔔落湯入面， 但都係無補於事😬至於沙爹牛肉麵就中規中矩，冇乜特別啦雙蛋可以揀炒蛋、煎蛋或反蛋， 牛角酥上台嘅時 侯係暖嘅， 係呢個做得比較好。今次食唔到車仔麵，唯有下次再嚟過，相信會畀早餐做得好。

話說今日9/11 同朋友去食食野因為我唔飲甜野店員都好細心話幫我沖淡d熱朱古力再者 放係上面個架果袋野無啦啦 跌咗落碗野度碗野又賭瀉哂 林左落我朋友度店員好細心即卡黎打掃又囉濕紙巾 幫忙。。。之後仲話我地都唔想 仲煮個碗比我地冇嚴我地麻煩食食下另一個男店員行過好細心咁望住枱有熱水樽問我洗唔洗幫我加熱水果陣先發現我果熱水樽淋到油林林 男店員即卡囉去沖洗成個感覺照顧好周到d野食都ok 份量都唔小淨係呢個態度香港都小見值得下次再去食過加油 支持你地 希望你們生意 興隆要繼續keep住呢個態度待客人💪💪💪💪💪欣賞你們 😍😍😍