走肉‧朋友 (已結業)

做完GYM梗係想食飽飽之餘又要夠健康💪🏻💪🏻之前係奧海城做GYM，由gym room行5分鐘左右就到呢間餐廳，所以今次已經係我第6 / 第7次去食素食buffet黎講，餐廳的種類選擇我覺得係平均啦，但味道就GOOOOOD，lunch $90，CP值係高嘅除左一般素食buffet嘅標配外，即係炒飯炒麵、蒸蓄薯/栗米/包點/腸粉、幾味小菜、湯/熱糖水、沙律BAR，呢度有D唔係間間素食buffet都有嘅：Pizza（一款）、天婦蘿、豆腐花、皮蛋凍豆腐我個人覺得必試嘅係皮蛋凍豆腐，同蒸腸粉（口感煙煙韌韌）仲有沙律BAR 有火箭菜同羽衣甘藍，淨係食兩碟沙律菜都抵晒 LOL

素食新派餐廳，主打健康素食，午市自助餐＄68/位，1小時任食任飲。落地玻璃，與街景形成一線，至方便泊車人仕。食物非常豐富，有一般素菜西蘭花，菜心，手拍青瓜，豆角，茄子，冬瓜⋯⋯等等。豆腐有蒸、煮、炸的，各式各樣，不同口感不同享受。還有面條，炒飯，炸物，炸紫薯特別鮮甜香口。炸南瓜也很香口。種類繁多，可惜只可以吃一個小時，咁就盡情享受吧，反正都係健康元素，價錢平宜質素又高而且健康的午餐。吃多多都無罪惡感。

喜歡川辣風味的朋友必定要試口水雞，拍青瓜，還有魚蛋，拌薯粉，蒸素肉餅，柚子涼瓜，桂花沙葛，都超好吃環境有小清新感覺，支付方式多了支付寶及八達通支付。交通也方便^_^

同屋企人family day 媽媽提議去食走肉朋友 咁成家都一定奉陪既🤣一入店個裝修俾人感覺幾舒服 但略嫌d枱與枱之間有d太迫🤨講返野食 佢係行自助餐形式 咁同一般自助餐一樣 有沙律吧 炸物區 熱食 糖水 湯等等 但因為我係假日去 太多人 所以唔係每個區都有影到相因為野食太多 我就揀d我覺得特別d既出黎講😂〰️沙律吧桂花車厘茄真係好正本身個人麻麻地車厘茄 因為好怕佢酸 同睇個樣唔知點解覺得好似伏伏地咁 但係 佢哩個應該係撈桂花糖 甜甜地 夾雜住桂花既清香 再加上車厘茄酸酸甜甜真係好開胃口水雞好好食 超好食 個辣汁一流 夠辣 夠香 但唔食得辣既就唔好挑機了🤣〰️炸物區薯條好脆 唔係擺左十幾年冇人要都死唔斷氣放喺度嗰d 而最特別既係 佢d薯條本身有d紫菜粉咁既野調味 幾好食最邊邊個越南卷？雖然真係淨係包蔬菜 但成個卷加千島醬真係好fresh好好食 我連食左3個都仲係對佢好飢渴😂😂😂Pizza因為長期一拎出黎就冇哂得返個吉盤 咁當然好好奇佢有幾好食 佢出餸既速度唔慢 所以其實都好快有下一盤 派左我家姐做勇士出去拎 果然 碟野一放低 我姐唔會餓狗搶屎咁狗衝 但事實係我地個坐位離個pizza只係一步

而家愈來愈多素食自助餐🍽🍽食過幾間後我就覺得間間都大同小異都係有冷盤 炸物 家常小炒 麵 飯 湯 甜品等等有日星期一20:00-21:30去左食(💰$125)呢間晚市任食90分鐘 食物都有以上呢啲選擇✨比較特別既食物有口水素雞 麻醬素雞絲 呢2款素雞口感同真雞好似 而且味道唔錯👍🏼✨另外 我會推薦食素薄餅🍕 齋燒鵝 炸菇 壽司🍙 迷你紫薯脆筒 蔬菜卷🌯 炸番薯🍠📝整體黎講想試走肉既自助餐既可以去試下😆

今日揀左黎呢到食素，位置比較偏遠不過奧運站一出就係，都尚算方便事先睇過食評話要訂坐，即日下晝打黎訂晚餐有兩個時段，6點及8點，食90分鐘正常唔係呢頭番工既都唔會急到6點訂左8點，7點45到左，以為要等夠鐘先入見到有其他人到左直入先知唔洗入到去俾錢先，有人帶位，坐低之後知我地未黎過有講解下呢到運作.睇過話服務差，碟又唔換得，所以有啲心理準備但帶位個姐姐都幾nice，幾好笑容又會講解下咁而且依家無限你用一隻碟，不過我全程都係用左兩隻地方佈置得幾文青，位同位之間唔算迫我地坐左四人枱仲諗住一定要搭枱，始終星期一係green monday不過最後我地獨霸要四人枱，所以坐得幾舒服同埋今晚唔算好爆，我地坐過左90分鐘都無趕我地走，所以餐廳環境我覺得唔錯食物方面，種類選擇正常，未多到眼花撩亂但每樣食一次都夠你飽既食物質素都中上既，簡單講下我記得既野食.披薩：芝士咸香重，加少少香草，唔錯既，但唔鐘意佢有啲薑味麻醬雞絲青瓜：呢個幾好食，雞絲都幾肉真肉，配上麻醬調味，夾埋青瓜幾清新班蘭粽：比較小見既一款，糯米做到好煙韌，唔算深色但班蘭味幾出，配埋甜甜地既椰汁好好食，encore天婦羅蔬菜：不過不失，炸到非常

首先店内外環境巳跟一般舊式古板印象既素食店截然不同，視覺上你已會改觀(對食肉獸)此店自助餐形式，食物款式選擇都算多，補充食物速度都好快，有部份係模仿肉類食材，味道同口感都同肉食幾相似 主要有幾大類食物，沙律，🍚🍜，冷盤，炸物，熱食，包點等等，因為種類都算多，所以只介紹一兩款比較特別，其他就去相啦🤣冷盤有兩款好特別，壽司🍱同凍豆腐，壽司本身外表已吸引眼球，囗感豐富，你可以食到有仿🦀同重海菭味，口感清爽。至於凍豆腐雖然外表平凡，但一食落口有驚喜，有仿海鮮味，醬汁調配得好夾加上仿肉鬆同皮蛋蓉，簡直一試難忘當然唔少得近年間間餐廳都有既麻辣口味，麻辣🐔絲青瓜，麻辣薯粉，🔥辣既你，一定要試！如果有埋傳統既酸齋，素叉燒，炸燒鵝，就真係完美啦！😋總括而言此依間素食店係值得一試，連無肉不歡的我也能給讚👍🏻

大角咀，係我一直都想發掘有咩食嘅地方。朋友搞小朋友百日宴，又作為素食者，相信係搵場地方面都用左好一段時間。清新風格，用簡單木系同配了植物，室內環境好文青。隨便一個角落都好吸睛，完全無諗過係素食嘅餐廳。呢度係自助形式，無限時，未清場前都有唔少人食緊。俾大家睇下食物吧枱，比我想像中多選擇，對於我一向麻麻地素食嘅，都另眼相看。有沙律菜，好多都啱口味。都有pizza，有壽司，有炸物等，肯定有啱口味。我最愛嘅豆腐，呢間煮得幾好味，而且都keep住refill。自己餐具自己處理，食完幫手分類，調味料自己拎。新派嘅素食做得幾好，我個人幾鍾意。題目「終於」意思係難得有一間令我有興趣回頭嘅素食餐館。

唔想餐餐又油又肉, 素菜係唔錯既選擇同朋友兩個人即興決定呢間餐廳,即日BOOK夜晚都有位不過時段就會較早, 18:30 或者 19:30用餐時間90分鐘, 其實食得黎都差唔多, 所以就揀左19:30到步就同櫃台講低Booking 資料, 之後就即刻俾錢, 每人 $125 (用餐時間90分鐘)因為第一次食既關係, 所以有職員話我知, 新既餐具碗碟係拎野食既台邊有得拎, 用完既餐具碗碟就自己放返去回收箱到整體黎講,野食款式唔算好多, 但係都大眾化.有沙律, 粥粉麵飯,仲有饅頭,腸粉,幾款生果,一款甜品味道都唔會好濃烈, 不過有少少偏油,最欣賞係個炸魚蛋!不過相對飲品選擇可能少D, 今晚就見到有普洱茶同檸水環境黎講坐得都幾舒服, 旁邊有sofa位, 另外有D高台櫈俾大家casual 食野同gathering強烈建議人多的話預先BOOK定位啦!

食物雖然ok,但服務差到九彩，自助餐都已經無咩野要求，無野要佢來服務，佢d伙記都可以氣到你完全食唔落，浪費班廚咁有心去煮既野食，剛剛望番其他人既食評，起初仲以為d人無理取鬧，自己親身試過先知中伏，仲要係大伏。百五蚊位真係唔係咩錢， 但食自助餐食到有被人死chur爛chur,死握難握,有錢掙到盡的感覺，就真係讓我以為自己去左雞籠和豬欄，呢間野咁既服務體驗真係永遠不再食用，呢d咁既機會一次都太多，講完。

一直都睇到呢間素食自助餐嘅食評好兩極，所以就決定自己去試試！🗣環境方面：揀咗6pm-7:30pm嘅晚餐時段去食，人流比較少，所以坐得舒服又唔會逼。全場設有Bar枱、四人枱同六人枱，唯獨接近7:30pm人就開始變多，就會需要搭枱。🍽食物方面：由於食物種類繁多，冇辦法一一列出。佢主要有炸物（炸饅頭/炸南瓜/炸菇菌/煎堆etc.）、冷盤（沙津菜/涼拌酸辣粉/拍青瓜etc.)、家常小炒（時蔬/蓮藕etc.)、特色食物（素口水雞/素酸辣雞絲/皮蛋豆腐/壽司etc.)、粥粉麵飯湯同飲品糖水豆腐花。🌟我自己最推薦皮蛋豆腐、酸辣雞絲同炸物。啲素嘅酸辣雞絲嘅口感同真嘅雞肉係冇分別，而且辣味都好足夠，食落好開胃！而皮蛋豆腐係咁多餸入面都幾搶手，我都食咗好幾轉。💰價錢方面：當日去係星期一至四兼假期嘅晚餐，所以收費$150/1位，用餐時間為90分鐘（一個半鐘）。個人覺得$150都合理，素食款式多而且見到食品fill得幾快，環境定食物質素都好。佢平日午餐就$68/1位，用餐時間為60分鐘，仲抵食！💡總結&溫馨提示：素食唔再停留係只有上咗年紀嘅人先至會去食，走肉朋友係食品款式上花咗不少心機，所以唔多唔少會吸引到年

今晚食左走肉朋友，感覺很差，未夠鐘個待應已經不停提我地要走，人地袋都未攞佢就擺定新碟係檯。以為佢聲趕住收檯比其他客人啦，但其實出面冇人排隊囉，而裡面也還有吉檯！食物方面選擇少，行左幾圈都冇咩岩食，d野好多都偏辣，有d大6蕃薯同烚粟米食，甜品更少，有涼粉同有個綠茶餅，涼粉好似擺左好耐咁，吾新鮮，眼見冇人吼，難食到嘔！水果得幾舊薄切西瓜同酸橙食個半鐘d食物都一樣又吾轉下款

無服務，坐位擠迫，入坐時買票，要搭枱感覺上好似去咗快餐店，走時又要自己清潔枱面餐具。最重要吾好食，食物種類不多。 大部分客人都係食咗半小時就走。 我唔會再去，亦唔會推介比朋友。 失望之作。

第一次去，滿心期待，但失望而回，食物同飲品款式很少，味道可以, 但服務很差，首先因為第一次去唔知佢地規矩，檯面又無提示，職員亦無解釋清楚，整個過程都好尷尬， 朋友攞拐杖，但職員居然要求佢將拐杖擺門口， 咁最後當然我朋友無咁做，因為無咗拐杖人地跟本行唔到，地方很逼夾，坐得好唔舒服，D碟因為不停食完重用，通常都好多汁同食淨嘅少量嘢，到再攞嘢食睇到人用公家餐具夾嘢時掂到食過嘅碟感覺不衞生，中間我朋友唔小心倒瀉嘢，職員即時黑面，朋友都已經即時道歉，最後嚇到朋友唔敢再去攞嘢食，因為朋友覺得好尷尬，到走嘅時間，因為唔清楚要自己執檯，比職員叫住要執返真係好肉酸，其實唔係我地唔願意執，係佢地無講清楚我地知，第一次去邊知咁多，好啦，到自己執攞去另一面收納箱啦，又要比佢職員黑多次面……真係再好食都唔會再去囉！

以往素食比人印象都係一啲中式小菜，比較傳統嘅食物，年青人未必岩心水，不過今次嘅餐廳就有唔少人幫襯，尤其是係女仔。叫得素食buffet,菜色非常之豐富，由菜蔬到粉麵飯，小食，特色食品都有，喜歡西式嘅人亦都有沙律菜、素pizza可以選擇。 值得一提嘅係哩度嘅仿肉素菜做得好唔錯，例如川式嘅口水雞，連個雞皮嘅外表都做得好似，口感亦都好實淨，唔會覺得自己食緊麪粉，個酸辣汁仲好正！ 特色食物方面，素菜卷不得不提，裏面有紫色綠色嘅椰菜，亦都有紅色嘅甘筍絲，食起嚟爽口多汁，仲可以自己選擇鍾意嘅汁，例如千島醬、甜酸汁等等。另外甜品方面亦都有中式糖水同埋啫哩，仲有炸嘅紫薯/地瓜球，一d都唔老套。在場所見食客有唔同年齡嘅人，甚至外國人都有，環境亦幾舒服好坐。 間中食素都可以清下腸胃，值得一試。