超級無敵車仔麵

营业中

休息中

In this shop, noodles with 4 items only costs $40 (some special items may require extra 1/2 dollar)The number of choices is great. From beef to pork chop, from chicken wings to wanton. All these are available in this shop !And more importantly, they all doesn’t taste bad !My classic choice would be pork chop, dumplings, beancurd rolls (+2 dollars) and beef brisket.The beef brisket is of fine quality considering we are only paying 40. It has flavor of normal beef brisket. Pork chop is big in term

今朝约咗個客去西灣河睇廠，都好耐冇去過西灣河，改變咗好多，已經冇乜廠房可以睇，大部份做晒車房，因為冇乜選擇，所以睇咗兩個单位已經唔想再睇落去，叫個客再約過去睇其他地方，送埋個客去搭車，自已就走去西灣河搭地鉄返公司，途經西灣河街市，俾一個好勁嘅招牌吸引住，原來寫住 超級無敵車仔麵，就入去叫咗 一碗 雞翼豬手鳳爪 芝華力腸 配呢個粗麵，芝華力腸好大條，豬手好冧，好入味，雞翼同鳳爪嘅味道都好正，食晒一個4餸麵真係超级飽，好抵食，唔太貴，下次再來食过。

報讀了工聯會主辦的中醫推拿興趣班，逢星期六早上9時半在西灣河工聯會中心上課，今天是第一堂上課，下課時已是十一點了。記得附近有間超級無敵車仔麵，以前是經常來光顧的，後來搬了家，我就少來了。今天路過便去重嚐舊味。境況依然，價格只是微調了少許，仍是街坊親民價。$28就有兩餸麵，就算是4餸麵，亦只是$41。呢度有60多種配料、10款粉麵、8種汁料可以任配，如果未來過的，應該會哇一聲! 俾佢嚇親。我話晒都係過去式的常客，揀配料當然易如反掌，揀咗豆腐、豬皮、冬菇和菜餃，食米線，加腩汁。到手後，捧去窗邊立食。嗯! 是熟識的味道。豬皮爽腍，豆腐入味，冬菇肉厚味濃，菜餃香，米線滑。臨走時，俾是頭見到我，同佢寒喧了幾句，仲被問點解咁來唔來幫襯。放心啦，打後兩個半月的星期六，都會來附近上課，實有機會再來。

呢間超級無敵車仔麵成日有人排住隊，今晚一個人來試一試堂食，好彩7點冇乜人堂食，間店膊撞膞勉強坐到10個人。兩餸$27、三餸$34、四餸$40，有啲配料要另外加錢，但整體都算合理。今晚食瀨粉配豆卜、生菜、冬菇和鹵腩肉，加了沙嗲汁。瀨粉幾彈牙，淥得剛好，不過份量都偏少，晚餐唔夠喉。豆卜好吸湯汁，正過坊間豆卜！不過鹵腩肉減分，又硬又不香，應該放得太久了。冬菇和生菜正常水準。湯底不算太咸，但很普通，未算好吸引，沙嗲汁都不夠濃，要落好多才入味。坐的環境幾不舒服，另外湯匙要問先有，不太方便食客。

曾經住係港島區既我，搬到西貢區後難以搵到車仔麵小店，所以有一次經過港島，必定會光顧懷緬一番。本人最喜歡西灣河至筲箕灣一帶，因為有好多有心經營的地道小店，唔係其他地方都搵得到。車仔面源於過去手推車經營，麵質可以選擇有油麵，粗麵，幼麵等等，亦有唔同湯底 （腩汁，沙嗲，麻辣) , 每次既選擇都可以有完全唔一樣既風味。超級無敵車仔麵，住係東區一定會知道，難得有一間仲做到平民價錢，$34 有三餸麵。今次叫左牛腩，芝士腸，蘿蔔 搭粗面，腩汁。蘿蔔非常清甜入味，而且好大舊。牛腩炆得好淋，都算入味。要讚一讚係芝士腸份量真係好多！ 係脆皮，同有芝心。粗麵亦都好高質，係即叫即淥，有番麵質口感。$34 有咁大兜在食到飽，而家真係比較難搵。要留意係西灣河分店只供立食，筲箕灣分店都係得一張摺枱加側面BAR 枱，地方唔大。

This cart noodle shop is located in Sai Wan Ho, a popular eatery in the neighborhood. True to the nature, the cart noodle is able to offer customers a wide range of choice, from the type of noodle, vegetable, meat and other dishes, sauce and condiments. This is something most locals would have experienced when they grow up.One special note is that this eatery did not offer any seat, so you have to either order takeaway or to eat on site while standing. Despite that the place is rather clean and

立食徐左晏頓街出名，另一間應該係西灣河嘅（超級無敵車仔麵）入邊企位約可以容納10至12人，又可以外賣。姐姐煮麵連夾餸約1分鐘半內就攪掂。餸種類好多，價錢便宜。2個人$138 ，13個餸加2罐可樂豬紅，爽口蘿蔔，好大好清甜另外叫左冬菇，魚皮餃，生菜，雲吞，水尤，芝士波波腸，鴛鴦春卷，滷水雞翼，牛肚，魚蛋，豬腸。味道一般尚可接受。汁底可以加咖喱汁，沙嗲汁，腩汁任君選擇。沙嗲汁香而不辣配河粉一絕。因為叫得太多食物姐姐都怕我地食唔哂！最後吃清光了

今日過左港島一日遊，去到夜晚突然好想食車仔麵，本來諗住去太安樓，不過聽朋友介紹好似有另一間正野，就緊係要會一會佢啦！價錢唔貴，四餸都唔洗四十蚊，仲要份量超多，食左一半已經好飽，汁我揀左沙爹汁，係幾正既，不過唔知係咪係咪味精重左d ,食完都幾口渴，扣左d 分。另外，呢間鋪主要做外賣，如果要堂食就得d 企位。

呢間車仔麵開得好夜，岩晒夜收工既我，但記住佢地係星期日休息呀，因為我摸過門釘🙈味道好高水準！有好多送選擇，好多款都好好味🤤 簡直係西灣河居民既恩物😂👍🏼店員會同你吹兩句水😂幾有親切感。我揀左淨送（四款）$32全部都係送😍好邪惡呀！我揀左春卷（加$2）波波芝士腸、韭菜餃同雞翼。春卷好大條又好味👍🏼 波波芝士腸好脆身！充滿芝士的🤤 韭菜餃都好飽滿，皮薄餡靚呢👍🏼男朋友揀左蘿蔔、牛腩同米線 （好似係$26🙈） 蘿蔔好甜呀💕 蘿蔔好重要呢，好多朋友食車仔麵都會揀蘿蔔。呢間既牛腩吾錯，加埋腩汁既車仔麵就更有地道風味喇。番工既人都比較少食菜，所以我間吾中會叫碟油菜食下。$17 價錢合理，幾大碟。

講到食好東西的大家一家都經常聽到★〖西灣河太安樓〗有好多好野食🍗🍖，但大家又無試過行過🚶對面街🌆原來又有一間穩世美食呢🏙！就係呢間 ➡【超級無敵車仔麵🍜】⬅餸款多🌽🌶🍆🍖🍗🥓🥚🍤🍳🍄🥕🥔就已經數都數5曬！！每碗麵加餸都大大碗，叫兩三個餸都滿爆，我好鍾意叫佢地自家包餛飩因為超級大粒又好食好少見到這樣大係車仔麵店內有出現，所以超級貼地的車仔麵店。未試過的又成日都去★〖太安樓〗覓食的你不妨過去試下啦不會令你地失望💯💯

夜闌人靜的深夜，冬天的冷風 吹到寒風刺骨，但銀包所剩無幾時，當我遇上le間鋪頭系暖暖嘅窩心 可以開到咁夜嘅鋪頭真係買少見少(係我認識中)，我同朋友啱啱參加完party，假裝淑女又要扮小鳥胃，到咗深夜超級肚餓，翻屋企途中俾我見到哩間鋪頭... 行入去陣陣香味撲入我鼻，於是我就儘快買咗一碗最平嘅兩餸面($2X元)，配料係魚皮餃同菜底，加多兩蚊出前一丁！我真係冇惗過一間車仔麵啲餸可以咁多!!真系比東X街一碗車仔麵啲送多一倍，真系又平又抵!!! le個時候扮咩淑女ar，梗系大啖大啖咁食啦!側邊仲有支辣椒醬可以任加，雖然le間鋪頭系冇凳坐 要企喺度食，但企系度食真系幾過癮，系冬天 這碗熱辣辣嘅面令我感受到無比嘅溫暖

在西灣河放工 肚餓。。。為了食麵 行多兩步去後街 雖然當日不是公眾假期 但舖頭有機會休息 我無問過確實的休息時間 但試過一兩次去到摸門釘好彩當日有開所有配菜都一字排開 show曬出來 不過我去到邊 都係叫個幾味唔想食菜 就搵紫菜代替 一開始食唔到麵 因為太多紫菜遮住豬紅ok 椰果咁的質地雞翼尖 記憶中不是咖哩味 還是我太耐無食這間 而忘記了？最好係的河粉夠厚 食慢d 食到最後都唔會變到一petpet

探完病冇乜胃口，去食車仔麵，這間車仔麵是由他開車仔當時，吃到現在開一間鋪頭，平時也有很多人幫襯，價錢合理，三餸一麵$34，味道也很豐富，我喜歡吃辣的，但他的辣汁令人失望不夠辣，湯底是帶點甜，有很多餸菜給人選擇，最喜歡吃他的波波腸，皮脆肉厚，也喜歡吃他的自製鮮竹卷，清淡得來味道濃郁，也有少許地方給人堂食，是附近街坊的選擇。每到深夜時分就有人龍出現

剛搬嚟呢區，四圍搵嘢食，好正常呀！睇到個店名＂超級無敵＂以為好似掌門人咁勁，一於試吓！食車仔麵緊係要多餸，一於叫個$38四餸車仔麵，有炸豆腐丶芝士波丶炸魚卷丶雞翼同油麵，湯底加左咖喱汁。車仔麵一向流水作業，客人唔會要求有優良服務嘅店員，但最奇怪係呢間食店不設座位，客人要立食，將呢個日本文化帶嚟香港，本人暫時接受唔到囉，正所謂「辛苦搵來自在食」。食物方面，除左雞翼要鹵要整，其他餸都只係番熱，但鹵水雞翼根本無鹵水味。唯一要讚嘅係佢份量十足，豆腐切件有4-5件丶芝士波有5粒。至於咖喱汁就仲古怪，一D香味辣味都無，只係形式上加D汁上面，對個麵嘅味道一D幫助都無。加上個油麵煮得太腍，無哂口感！總結而言，食過就算，唔會再食！

員工寸咀， 我本身買唔止一碗，佢煮完第一碗麵，我以為佢係煮第二碗，另一個夾餸，咪話佢知第二碗要油面，點知佢寸我一句，呢碗要咩餸，唔係油面，算，我忍你，點知到第二個員工問我要咩汁，我第一句答話唔要， 之後即刻話要腩汁，但個員工即刻寸句"又話唔要", 我係唔岩，但第一，我唔知原來你又煮面又夾餸，第二，係咪唔比人改變主意，呢啲咩態度。另外，豬皮又硬又有油溢味，就算加左腩汁個湯都係無味。下次都係行遠啲去太安樓食，又平過你，又唔駛受你氣。