超級無敵車仔麵

营业中

休息中

Today i have tried something else before my whisky, my teacher told me there is a very yummy noodle shop.When i went in , i didnt expect that there are only tables with no chairs, and we have to stand there to eat. But it was full of customers so i decided to try.  I ordered pig blood and intestine, surprisingly , the taste is very good. The pig blood is very solid which i really like it.

夜媽媽，去到凌晨1，2點想食碗車仔麵，係港島東區選擇並不多，而西灣河呢間營業到3點，可說是唯一的選擇。車仔麵的餸選擇不少，味道算是不過不失，勝在價錢實惠。店面不大而且只提供企位，最多也只能夠容納不超過10人。要說得上賣點，就是營業到深夜。註：有部份阿姐工作態度有待改善。

優步這個不是什麼新鮮事，香港用的人多的是，自從Uber eat 正式在香港出了以後，在香港曾經瘋狂了一時，在中西灣仔區，多得朋友P小姐一篇非常精彩的說明書，配合那個幾百蚊的promotion，差不多個個都認識這個網上外賣平台，如果那刻網上外賣平台 有上市，大約個股價可以跌至少五個巴仙。 當然，我不是後知後覺，只是港島東很後期才出現呢個服務，於是想寫下呢個咁精彩嘅服務都無用，太遲才執口水尾，是冇乜意思的事，於是關係寫下uber eat的想法，都是和同事分享罷了。 不過，有時佢嘅promotion真係好吸引，如果餐廳配合，佢地可以平得好離譜，分分鐘你午餐平唔少，慳唔少，分分鐘儲到錢買那個128尺實用面積，被稱為皇帝都係訓一張床的新式劏房，你要買樓仲唔快啲call UberEat。 今天要精明吃午飯，全因同事又高叫網上外賣平台有五十蚊優惠，於是，立刻打開看看有什麼好叫。 從前，在太古城係唔會有車仔麵出現，這些高檔次的地客就是缺乏了這些地道食物，以前你想食可以去乘的士到西灣河，現在，我們都不用了，因為有UberEat。 叫了網上外賣平台勁hit的超級無敵車仔麵，四餸麵都只是三十多，連送貨費，

放工後肚餓得很，故去左西灣河買車仔麵食。想不到都要等差不多10分鐘的時間...已列明價錢，點選某些餸會再另加錢的！餸菜種類十分多，琳瑯滿目。三餸車仔麵 - 豆腐紅腸豬手河。紅腸肉質厚，食落滋味無比。河粉幼身之餘又夠滑，口感不俗！豆腐很軟稔，咬落充滿鹵水汁，很入味。豬手(需再另加一蚊) - 很嫩滑啖啖肉。又可以補充骨膠原，大愛！

友人介紹呢間車仔麵抵食。叫咗兩碗4送麵（每碗$36蚊），我的： 咖哩麵根，雞翼，鴨腎，大腸，河粉，腩汁及沙爹汁。友人：雲吞，餃子，豬耳，豬紅，河粉。咖哩麵根，有濃郁的咖哩香。雞翼，表面有小小鹵水味，入面好似老左小小。鴨腎，唔覺有味。大腸，有大腸的臭味（有人喜歡，有人不喜歡）。腩汁及沙爹汁，唔咸，ok。雲吞，餃子，足料，似自己包（我唔肯定）。豬耳，厚切，nice，爽口。豬紅，唔咸無怪味ok。無得坐，要站着吃。總結：價錢平，份量多，抵食。

店名：超級無敵車仔麵地址：西灣河西灣河街116號地下好味指數：8.5/10價錢：$29三餸車仔麵由太安樓舊址一直幫襯到而家 😋😋大大碗平靚正夠曬飽肚🤓🍜🍜🍜🍜🍜揀完餸之後仲問你要咩汁，揀左咖哩同腩汁✌🏻️湯底濃郁鮮甜，米線嫩滑，🐽豬腸豬皮入味爽口，加埋蔥仲正啊😍😍😍店名：超級無敵車仔麵地址：西灣河西灣河街116號地下好味指數：8.5/10價錢：$29三餸車仔麵由太安樓舊址一直幫襯到而家 😋😋大大碗平靚正夠曬飽肚🤓🍜🍜🍜🍜🍜湯頭鮮甜，油麵滑而不腍🐽豬手加多$1，有2舊大大件，腍滑入味。豬耳爽脆。 

店名：超級無敵車仔麵地址：西灣河西灣河街116號地下好味指數：8／10價錢：$26三餸車仔麵（上）雞翼 魷魚 胡椒豬肚 河粉（下）豬皮 豬紅 冬菇 米線車仔麵湯底惹味，原因叫了多沙嗲，然後再加入一堆蔥花，好味極了！米線和河粉嫩滑可口，浸在湯上惹味非常，豬皮是咖喱味，爽滑之餘又夠入味。豬紅味道亦不錯，但豬紅可以再滑一點。冬菇醃得入味，口感亦很滑。雞翼很巨型 長度大約有一隻半手指長，肉質嫩滑，鹵水味夠。魷魚新鮮，味道很鮮味，也很爽口。胡椒豬肚不太吃到胡椒味道，豬肚質地尚算可以，很易便能咬開。整體來說，配料水準很好，要咩有咩。店內有很多汁類提供，如沙嗲，咖喱，腩汁等，愛重口味的你記住要主動提出。 

次次去食甜品都會見到好多人排緊隊！一直好好奇呢間車仔麵嘅味道！ 終於有機會去食啦～加左 腩汁個味變得好有層次！   終於知道點解咁多人去果度食車仔麵啦！ 最重要嘅係開到半夜三點，之後食夜宵有著落喇～

由於自小歡喜食車仔麵, 所以經常外出尋找車仔麵嘅蹤影。 經過同事的介紹, 找到了位於西灣河的超級無敵車仔麵。 在朝早十一點幾嘅時間入餐廳, 人數不是太多, 所以不用等位。 叫了餐便可埋位等食, 有姐姐會遞上車仔麵。這次我叫了牛膀, 牛腩, 羅白, 雞翼同油麵。 牛腩同羅白都好冧, 牛膀亦好入味。 至於雞翼嘅瑞士汁好濃, 幾啱我口味 而油麵是我自己歡喜嘅選擇, 因為其實佢比用大量油炸的伊麵和丁麵健康和少油!另外, 坐位方面唔算好坐, 佢張枱冇位伸腳, 要全程擰側個身黎食, 都有啲辛苦。不過食物搭救, 值得一試!

屋企樓下就是超級無敵車仔麵，近幾年睇住麵檔一路加價，幸好質素同份量仍然保持相當水準，就算貴過以前都繼續幫襯。不過朋友話，20蚊一碗兩餸車仔麵其實算平，出去其他地方買邊有呢個價，諗諗下真是身在福中不知福。女仔唔大食，一般兩餸車仔麵都夠飽，今次點米線、魷魚、咖哩麵根。咖哩麵根是每次必點之選，煮得又軟又入味，每個小氣泡都充滿濃郁的咖哩醬汁，正！魷魚夠彈牙，不過衰在不夠吸湯，食落無咩味。米線好在不會斷開一截截，記得配埋沙嗲湯底及加辣油，個麵會更好食。

唉，人最麻煩就係會有希望，有希望又總會失望。呢家車仔麵因為阿蘇當年推介而大熱，由太安樓檔仔搬咗入舖，最新仲擴張咗少少，持續受歡迎一定有原因，點都要去試試。個地步有啲難搵，搵吓就搵到。 嘩，啲餸多到呢，連豬手都有，腸都有幾款，滷水又有，真係花多眼亂，我點了：魚蛋、豬皮、冬菇、鮮竹卷、芝士腸，米粉，承惠＄41 ，真係平到笑； 可樂都係賣五蚊。 醬有3款，咖哩、沙嗲、腩汁，我要沙嗲。 就份量來講，冇得輸，成碗質到實一實，都唔知點開始，食塊豬片先⋯⋯好爽喎⋯⋯有沙嘅；試吓個湯底先，好咸，可能因為太多沙嗲醬。其他配料，魚蛋質地可以，味道一般，冬菇最正，入味又腍，一份有成7, 8隻，芝士腸都有5 條，可惜車仔麵湯底同個醬都好重要。 「超級無敵」只不過係個名，唔好當真，銅鑼灣新記、榮記，冇得比，灣仔「車仔麵之家」贏成條街。 呢度開到凌晨三點，可能呢個先係最大賣點。

由細食到大，眼見佢由太安樓一個細檔位，搬入西灣河街的舖位，再租埋旁邊雜貨舖擴充營業，一路見證著麵店的成功及成長。依家堂食約有十個位，門口左邊的設置可供四位食客企著食麵，大大方便了捧場客。剛巧今日路過，就去食碗麵先。小妹叫左彈牙的龍蝦丸、餡多的雲吞及入味的豬紅配略為硬的米線加惹味的腩汁，好味足料，僅花左$24。食咁見人龍越黎越多，有個客竟買左八碗外賣﹗ 後面排隊的人就慘了......好彩我早到一步....

呢晚去西灣河蒲吧睇Kolor~~睇show前,梗係要食飯先啦,記得幾年前去過太安樓食過好好食嘅車仔麵,但最近發現佢已經無做...本身平時好日都唔會去西灣河呢頭,諗住呢晚去呢頭睇show,可順道食返碗正嘅車仔麵,點知...還好,上openrice搵到呢間個及都充滿霸氣嘅車仔麵,發現係以前喺太安樓擺檔嘅,就即管一試~~入到去,只得4張凳,好明顯大多以外賣為主...叫咗個咖哩麵筋,豬紅,鳳爪,鴨腎油麵,盛惠$25;麵筋同豬紅好入味,咁嘅價錢食到碗正嘅車仔麵去邊搵呀?Kolor,一隊好有heart嘅本地獨立樂隊,為音樂默默付出,好值得大家支持~~睇場好show前食碗好麵,夫復何求呢?

今天的午餐是車仔面~等左10mins到,就到我喇.叫左: 芝士腸 豆卜 瀨粉每位均送魚蛋x2;菜幾條.芝士腸;有5條,足料非常,味道唔錯.豆卜:索滿咖哩味,good!未食過瀨粉,今次第一次食.對我黎講冇咩特別.魚蛋:我好鍾意好滑haha菜,普普通通啦,略嫌太諗.服務態度良好,唔會黑口黑面,做野快.衛生麻麻,地下有少少污糟.兩餸都係$16,食得飽又味道好.呢個時勢,平啦.

每次經過，總見它門外出現一條長長的人龍。這個情境告訴我：是時候開飯啦！看到牆上的雜誌，才知道這家店子曾被介紹過，怪不得人氣如此爆燈。這店原本是太安樓的街邊檔，後來生意滔滔，越做越好，後來搬入現址。舖頭面積非常小，左邊是廚房，放滿不同款式的食物；右邊則擺放了三張椅子，供顧客堂食。眼看餸菜款式最少有三十種，不外乎是坊間的貨色，包括冬菇、豬皮、蘿白、豬紅、蛋旦、紅腸......麵底方面，可配米粉、幼麵、粗麵、油麵、瀨粉......兩、三、四餸麵，分別售十五元、二十元及廿四元，價錢合理。如要加餸，一般為五元，部份食材如豬手則要多付一元。至於調味，可選腩汁、咖喱、沙嗲及辣醬。由於地方狹小，大多數顧客均叫外賣。如像我那樣選擇堂食，則要有心理準備背後有不少人經過，跟旁邊的食客亦難免會碰撞手肘。阿姐服務態度非常好，即使食客想很久才柯打餸菜，亦不會發脾氣。她們亦毫不吝嗇，位位贈送兩片生菜先試湯底，由於加了沙嗲醬，非常惹味。豬腸雖然沒有押味，但煮得不夠時間，口感像粗橡筋牛腩全是瘦肉，或許是長期烘熱的關係，硬得死實實，要花點牙力才咬得開咖喱齋夠入味，吸滿湯汁，正魷魚超級爽口，吃時索索聲響，過癮非常油麵頗有彈