超級自助壽司店 (已結業)

次次黎親葵芳廣場都一定會幫襯呢間小小既壽司店，雖然呢間係外賣專門店，但經過都一定會買一舊手卷食。原因得一個，因為佢d手卷真係好平好抵食👍🏾👍🏾。呢個三文魚手卷都只係$9蚊，咁多年黎都無乜點加過價，如果買2件既話都只係$18蚊，簡直係窮人恩物呀！。不過其實質數係一般，只係好抵食。好似呢個三文魚手卷佢面頭望落好大舊三文魚，但中間係乜都無，所以如果食哂面頭舊三文魚之後。中間就係食豉油撈飯🤢🤢。

黎得葵涌廣場既人，相信都會識得呢間壽司鋪。雖然物質昂貴，年年通賬，但呢間算係良心小店，咁多年黎價錢都係差唔多。次次經過都總會有人幫襯緊，我諗其中一個原因就係平，平，平！😱😱😱手卷都係8蚊一舊左右，而其他壽司都係20幾蚊就有一盒。今次我叫左個三文魚沙律手卷，都係$8蚊一舊炸！ 就咁望落去d咸好似已經多到爆哂邊咁。咬落去每一啖都係充滿住三文魚沙律🤤🤤🤤🤤。雖然葵廣而家開多左好多間壽司外帶鋪，質數都一定比佢高，但我始終都係中意支持小店🎈🎈

不經不覺喺葵廣呢間小小嘅壽司店已經開咗十幾年喇,由我讀書過嚟行街買衫開始幫襯,直到而家番工過嚟行街買衫亦都繼續支持。唔係因為佢特別好食,只係因為太耐感情,同埋自從帶埋阿肥嚟幫襯過之後,阿肥都好鍾意食佢哋嘅出品,尤其係今日買嘅呢份雙拼沙律。 呢份雙拼沙律盛惠$18蚊,係白汁碎蛋拼吞拿魚碎,面頭有少少蟹子襯托下,而下面就有粟米粒溝沙律醬。每一次嚟,都好似當咗佢係餐前嘅醒胃小食咁,兩個人一齊share,分甘同味嚕

呢間壽司鋪真係每次嚟葵廣都一定會去食，不過通常我都會買返屋企慢慢食，因為食一盒就飽哂掃唔到街，haha。今次我就買左軟殼蟹壽司，因為成日都係食手卷同加州卷，所以想試下其他。佢d軟殼蟹壽司大大件都只係二十幾蚊，真係好抵食。而且佢每一件都超大，d配料同飯又多，不過如果面頭d沙律醬可以多d就好la, 因為我唔中意落豉油，我中意加多d沙律醬調味，當d沙律醬配埋炸到好脆既軟殼蟹，食落去真係好滿足。其實呢間輔頭d野都幾抵，而且味道又ok，如果大家嚟到葵廣都可以試下。

以家已經無自選壽司，係一早pat好哂，有時係姐姐好人會幫客人調轉下啲款式，今日買了6件櫻花魷魚番到去一睇幾乎得番啲飯咁樣，如果要加錢先會正常份量我都唔介意比，問個姐姐點解得番啲飯我加錢可唔可以加番啲料又話無，知道係小本經營，但咁樣過份左少少，已幫襯8年以上，但我真心講無下次了

🦄超級自助壽司店🍣-新香小卷Hkd 10Rating🌕🌕🌕🌕🌑吞拿魚小卷Hkd 10Rating🌕🌕🌕🌕🌑-葵廣特集第一彈去到我好中意既超級自助壽司店😂😻 雖然葵廣有好多壽司店呀手卷店 但呢間都叫耐喇 而且都好多人幫襯🙈！然後啲小卷係我最愛 因為夠曬平😂😂😂簡簡單單既餡但味道唔差既 我已經食過好多次😂 吞拿魚呢個好好食😗黃瓜🥒都好正💦雖然質素一定冇其他壽司店咁好 佢啲紫菜又淋 啲飯會痴到一舊舊咁 賣相又唔好😗而且可能睇落唔太新鮮同吸引 但佢餡都叫多係足料既！味道唔差！壽司款式選擇多 同埋夠平😻😋而且人情味搭夠💜我都會Keep住支持呢間店 之前係Openrice見佢執左嚇親我🤦🏻‍♀️🤦🏻‍♀️🤦🏻‍♀️💦💦

今日去咗葵廣食依間超級壽司，咁佢就冇得堂食嘅😂咁所以我都係拎走翻屋企食嘅😋😋去嗰陣其實本來係想食二十蚊三件嘅花之戀😍可惜我去到嗰陣已經八點幾，所剩無幾，花之戀賣曬😣😣見依盒飯好似幾正，所以就買了😍【食物】其實依間壽司外帶店嘅款式都幾多，分分鐘平過魚x同爭x😤😤💓依個飯25蚊唔算話貴，仲要食得好飽！個飯都幾多幾厚吓，三文魚粒雖然舖滿喺面，但如果可以再多啲就好了，多啲咁就冇咁dry😍

試食餐廳：超級自助壽司店（葵芳葵富路7號葵涌廣場C73號舖）、慧食貓（葵芳葵富路7號葵涌廣場B01C號舖）美味指數：$26三文魚腩拼帶子壽司（4.5/10）、$28火腿雞蛋芝士豬柳手抓餅（7/10）-小女子早前已介紹過葵涌廣場的美食，但到過葵廣的食客們都知道，要試遍葵廣所有小店，是需要花很多時間的，且不斷有新店落成，可說是無盡的掃街天堂。-「超級壽司」在葵廣已開業多年，價錢普通，小女子偶然看到它所售的三文魚腩厚身肥美，就作一試。失望的是，飯粒不似人手握製，顯得方形又厚實之餘，過多白飯亦掩蓋刺身的鮮味，就算單吃三文魚腩，其油分不重且淡味。-手抓餅是香港近年興起的街頭小吃，售賣點大多是自選餡料，逐樣收費，但「慧食貓」就拼好各種款式，除開配料屈指一算，收費一點也不貴。小女子的火腿雞蛋芝士豬柳手抓餅只需$28，配料豐富，即叫即煎，吃下去手抓餅鬆脆可口，芝士呈流心狀態，有吃漢堡包之感。

買過都有3//4次但每次都係買呢盒10蚊既壽司 款式簡單 唔可以話係啲咩美食但我就好中意食佢特別係吞拿魚沙律個隻紫菜唔脆比較淋但勝左佢$10夠平都唔可以要求太多葵廣開左好多壽司手卷店相比起呢間小店人情味更多

葵涌廣場係最佳掃街既地方，每一次食飽飽返屋企前都會於超級壽司買刺生回家吃。今次買了加拿大海膽刺生（$168）蟹籽（$28）帶子刺生3件（$30）。加拿大海膽刺生，一盒有5小格，每格有2-3片如咀唇般大小。今次海膽新鮮甜美，甘香肉厚。配上店家獨有的紫菜，紫菜較一般的厚身，帶有點點醬油甜味，配上海膽，一脆一滑，簡直絕配。蟹籽，店家說是比較大粒的真蟹籽，不是飛魚籽扮蟹籽。蟹籽超爽脆，沒有腥味。帶子刺生，直徑差不多2cm,十分大件。最後推介大家下次試試把3樣食材組合，得出街外$58 1件的帶子海膽三文治。一口咬下，有紫菜的甜脆，帶子的鮮滑，海膽的甘香。十萬個美味！！！！ps.壽司飯長期又乾又硬。另一推薦-三文魚刺生~

屋企樓下有一間平價壽司舖, 又有爭鮮, 呢間絕對有得揮, 今次路過就試下作為三文魚愛好者, 今次揀左三文魚飯同花 之 戀 ! (個人鐘意花之戀多過三文魚壽司😋)首先食個飯, 除左三文魚粒之外仲有魚籽同青瓜粒, 鋪滿晒成個面, 食落啖啖都有三文魚同埋一定落埋佢比嘅豉油, 日式豉油係比較甜, 溝埋食先至正花之戀一向都比其他壽司貴, 不過呢度有18蚊3件, 一個人食份量啱啱好個人鐘意花之戀係因為多啲三文魚同有沙律醬, 而佢呢件真係好多沙律醬, 多到痴盒, 不過食落口真係好滋味下次去葵廣可以再食

壽司拼盤司令見到壽司檔前有一盒盒既壽司，咁岩又想食下啲生冷野，就買左一盒有花之戀、帆立貝壽司同三文魚腩壽司拼盤嚟食下。花之戀啲蛋黃醬超多，三文魚都有肉地，食落多重口感。帆立貝壽司，司令最期待係個帆立貝，雖然唔腥，但司令食唔到鮮甜味，而且唔大粒，咬落冇咩口感，實屬可惜。三文魚腩壽司，三文魚腩咬落煙韌，有口感，而且又鮮甜！三文魚夠新鮮同口感厚實，三文魚腩算係多油脂，所以呢，呢個三文魚腩，抵讚呀！睇到其他食評話員工態度麻麻地，不過可能司令由選壽司到比錢只係幾分鐘，所以覺得佢地態度都可以。

葵涌廣場真係好多野食，曾幾何時，超級自助壽司店的12蚊2件手卷平絕全場，超抵食，現價格雖比以往貴，但惟一不變的依然份量十足。今次要講既係妹妹買返黎既宵夜──花之戀。18蚊3件，好大舊。三文魚瘦，但魚味不錯，配上厚厚一層甜甜的沙律醬及少許蟹子，內裏壽司飯較實，一口咬下不會散開，只是沙律醬過多，整體口感幾甜，間中食下確是不錯！

是日爸爸生日, 他是一位樸實的人, 即使是這種大日子也只想在家中吃飯就好. 既然如此就決定買他最愛的三文魚刺身讓他一過口癮, 我們一家五口除了媽媽外都吃三文魚刺身, 爸爸更是 Super fan. 這裡的三文魚刺身價錢十分相宜, 80 左右便有交易, 質素還可以, 當然若你追求質素的話便一定不是你的首選. 不過這樣的價錢有這樣的質素已交足功課 ~~~ 況且最重要的是爸爸鐘意食ar ma. 選了一盒較肥美的比爸爸, 另一盒我與弟妹分享, 再加一盒爸爸的第二至愛-八爪魚, 賣單也不用二百. 三文魚刺身夠口感, 爸爸食得好高興. 食野最緊要開心=]

葵涌廣場除左係賣衫之外，仲有好多野食賣，今日經過呢間舖，見到門口o既各款手卷都係$12兩件，真係平到好多地方都唔會賣呢個價錢，於是買左兩條反去食，舖入面各款壽司都係$3件，仲有冷麵沙律都係十幾蚊，真係好平1. 芒果蟹柳手卷呢種手卷自己卷好方便整黎食，咁樣可以保存紫菜香脆令口感更好蟹柳係一條放係中間做餡料，芒果肉就唔見只係見到芒果汁，蟹柳有陣雪藏味，味道一般假若加上新鮮芒果肉，味道就更佳2. 三文魚蟹籽沙律手卷三文魚蟹籽份量很少，基本上這條手卷可稱為沙律手卷餡料只係食到沙律醬，飯粒雖然煙韌有少量醋味，但係好散唔夠實正##以$12兩條手卷黎講味道算係咁，最值得欣賞o既就係紫菜香脆，如果餡料同飯粒可以做得好d，相信貴少少都會吸引好多人買