超羣麵包西餅 (金寶樓)

营业中

休息中

食過一次絕對會上癮，呢個係一個奶皇包包入面有一層糯米口感（麻糬），咬落去會有流沙嘅奶皇餡(づ￣ ³￣)づ 層次非常豐富，包嘅皮絕對唔厚，不過如果等到去出爐嗰陣時買嚟食絕對更勝一層，個名叫天下第一包絕對係冇錯因為食完一次之後，其他嘅奶皇包都比唔上佢，有冇咁誇張？你食過就知！(๑•̀ᄇ•́)و ✧ 不過當然啦如果凍咗食就冇咁好味啦(つД`)，個包$6.5一個，不過細左d，但味道同口感可以拉個返個性價比，所以都唔錯(*๓´╰╯`๓)♡

下午有空到花墟走一走，色彩繽紛的植物在鬧市中讓人有一種放鬆的感覺。走得累了，當然要吃點東西作下午茶吧！每次經過這家超羣，總會有很多人在選購，今次到我了！經過不難發現超羣有位姨姨在製作雞蛋仔。我走上前，手拿著零錢等候她正在製作的雞蛋仔時，她告訴我要先到裡面付錢在出來領取，我便進去店的裡面付錢。付錢以後，我收到一張單，而憑著那張單便可以到雞蛋仔製作的counter領取。一邊等著姨姨製作新鮮的雞蛋仔，一邊嗅這蛋漿被加熱的香氣，很期待！終於出爐了，熱騰騰的雞蛋仔在我手中發燙。超羣裝雞蛋仔的紙袋挺好的。跟平常我們用的紙袋不同，它的用料比較厚，質地好，而不是薄薄的。無論是隔熱能力還是手感，它的紙袋設計和選用都很貼心，令客人的手指不會被剛出爐的雞蛋仔燙得不斷彈跳，是可以很放心的拿著享用，這比其他紙袋更優勝。拿一顆放進口中咬著。嗯，很香的蛋味，就如我在店前嗅到的香味一樣那麼吸引。由於每一底雞蛋仔都是即場新鮮製作，保證你會在冷冰冰的冬天裏吃到一底蛋味香濃的熱辣辣雞蛋仔，是一件多麼幸福的事！不過，雞蛋仔的表面不夠脆，不能做到外脆內軟的效果。還有，雞蛋仔的裡面不夠料，吃到有點空心，感覺有點空虛呢~如果你在尋

Seriously I’m an earl grey monster hunting down every earl grey item I could. This cake shop had previously launched some earl grey goodies like earl grey molten egg tart and earl grey mochi BUT I DID NOT GET THE CHANCE TO HAVE IT coz it’s all sold out every time I got there.But today I was lucky enough to bump into this earl grey mochiI was like you got to be kidding me!!!!It was so good, like the outer layer mochi was soft yet chewy, and it was sprinkled with earl grey powder, which made the t

食過阿華田和焙茶系列，尤其前者簡直齒頰留香！超群今期又有新攪作，就係新嘅士多啤梨系列，今次媽媽買來士多啤梨芝士蛋糕 ($30)，另外要多兩個紫薯紙包蛋糕 (每個 $13)。***今次冇出黃金糕，有D失望！好似之前一樣，蛋糕不太甜，好軟熟。不過士多啤梨好似同芝士唔太夾，我覺得唔太吸引！反而個紫薯紙包蛋糕有D瞄頭，甚具水準，唔太甜但充滿鮮甜的紫薯味，輕怡愜意。食物方面超群真的不賴，睇埋個蛋糕盒設計又見出佢好體貼顧客！超群的紙盒幾有趣，驟看像其他品牌的揭蓋，但它細心之處就係正面位置有一個die cut懾入位，將兩隻 "耳仔" 懾入，拎起上黎又好似穩陣D喎。

3點半大圍上完堂，諗緊大圍食完Tea先出旺角定出旺角食……有選擇困難症嘅我，如果係大圍邊行邊諗，一定諗到天黑都未諗到 😂 最後決定出旺角先之但係，出到旺角，個腦都係塞住左 😅望下錶，約左人5點，算啦！都係求其買個包食算 🙈往大球場方向行，經過超群，裡裡外外都見啲人係度排隊。我呢啲受人群影響心理嘅人，梗係走左入去……本身中意食糯米糍同🍓🍓🍓嘅我，見到竟然有🍓大福，緊係吾會錯過啦！😋 然後又見個個都買雞蛋仔，所以我又買左 😅🍓大福~煙煙un un, 好香🍓，吾太甜，有半粒🍓係入面。好味到想即刻再食多個（誇張😂）雞蛋仔~以為咁多人排隊等，會好食或者有咩咁特別。失望~吾覺有蛋味，吾係外脆內軟，仲要$17。雞蛋仔呢啲小食，似乎都係小食店整得比較好食＆有濃濃嘅蛋香味。

/椰撻就過關~唔知兔米糍又點呢🥜🐰<超群>🥜花生糯米糍($5.5)▪️位置太唔就腳🤦🏽‍♀️所以今日順便出開去太子依個寶地，就一次過買兔米糍🐰兔椰撻同兔燒餅🙊均為兔仔而設嘅美食🤤-其實n年前食過一次，個時得番一粒，心知不妙，難估放左幾耐🙁不過又口癮起想吃糯米糍，仲指定要花生餡wo😤個次經歷🤢😬今日就比多次機會你，見到有成十幾粒，夾上盤有少少墜手，但睇落表皮已經偏韌😣🥜一咬落....Um係有d乾🤔但再𡁻落 好煙韌👍🤤係我鐘意煙韌得泥帶點嚼勁嘅口感👉🏽內餡拍得住🔝1️⃣個間，而且更多花生原粒😍重點係香脆，混合砂糖，椰絲，花生醬。食落偏甜少少，但回味wo😲🙊提提外皮質地，應該放耐d就會又硬又實，盡早食用為佳🥜但索貴有點高，差一蚊就食到個大椰撻😭....

由見到poster個一刻已經好想試❤️ 超羣餅店唔多分店，咁岩出去太子，就順便去買黎食啦！🍓士多啤梨牛乳撻 $9 士多啤梨味唔重，但帶小小既微酸，感到好開胃，中間仲有小小果蓉，覺得好夾呀😳👅 而且佢個撻皮不嬲都好正！士多啤梨大福 $12 本身就好中意食煙煙韌靭既野，呢樣野食就正合我意😋大福本身夠凍，外皮軟熟，雖然覺得層皮可以再薄啲，但吉士醬甜甜地又好滑，但士多啤莉得1/4粒咋經過可以買黎試下呀～ . 我好中意食士多啤梨，一定會番黎再搵你地😆😆！

近年產品年輕化嘅超羣好似成功翻生，又紫薯乜乜，又焙茶乜乜最近又有士多啤梨系列，分別有士多啤梨大福同士多啤梨牛乳撻。士多啤梨牛乳撻 $9.5：明明有好多隻，我唔明點解我唔揀下。結果「隨機」得到一隻掉哂粉，溶哂妝嘅撻。士多啤梨味比較淡，果肉極少量，牛奶味唔知喺邊…反而有少少似乳酪。口感就係半挺身嘅慕絲，食落幾鞋口，好似老左嘅蒸蛋…唯一好食就係個撻皮，厚身夠脆，又勁重牛油味士多啤梨大福 $12：同喺日本嘅不能相提並論，始終人地用原粒超甜爆汁嘅士多啤梨。呢個大福味道唔係太自然…糯米皮厚到冇朋友，但都幾煙韌，不至於難食而且12蚊，預左檔次爭幾皮…

我娘好喜歡吃紙包蛋糕，所以每次見到紙包蛋糕都會諗起娘親。是日同9月上N班嘅女女去太子買校服，行過一間麵包鋪，幾得意喎，有朱古力味同紫薯味紙包蛋糕！再睇下貴寶號先… 超群麵包西餅… 超群麵包西餅﹖wait a  minute！超群！﹖唔係執晒喇咩﹖定係同名嘅鋪頭﹖是旦啦，掉低丈夫同個女喺街就自己衝入去買個紙包蛋糕嚟試下先！入到去見到D包都焗得幾企理，令人食慾大增！咦﹖有曲奇皮蛋撻！買嚟試下先！見到有個酸瓜熱狗包，啱丈夫食，買埋佢啦！出到去，人山人海，行埋一邊先食。問丈夫個酸瓜熱狗包點，佢無咩評語，不過有時買包比佢佢見唔啱心水就寧願餓死都唔食，尼個食晒，應該都唔差得去邊。個蛋撻呢，夠脆，不過略嫌香味唔夠，蛋香爭少少。而個紙包蛋糕呢，先講紫薯，其實初食唔係好覺有紫薯味，但愈食個味就愈出，所以要試多兩啖，同埋個 texture 係同平時紙包蛋糕唔同，係軟身少少又杰少少，好似真係有少少食緊紫薯咁嘅感覺。因為食咗紫薯味紙包蛋糕，相對個朱古力味又無咁特別，不過佢係一個好食嘅紙包蛋糕。個皮好好食，可以成塊起出嚟，個蛋糕嘅質感比平時買到嘅實少少，但係又軟綿綿，下次有機會行過再試埋其他麵包先！

超羣出名賣芝士蛋糕及紫薯糯米滋，但好多人忽略左柚子蛋糕都好好味柚子味好濃郁，好香新，蛋糕有爽感覺，不同其他蛋糕較黏，非常爽，能配上一杯濃茶或者咖啡，整個早餐都好完美

超羣平日宣傳唔多，但成日聽人講好正！呢日買咗超羣嘅紫薯大福😍ig成日聽人講話好味，果然無講錯，係真係好-好-食‼️外層糯米皮沾滿大量紫薯粉，紫色的賣相極之誘人，而大福皮依然好糯，食落煙煙靭靭之餘又非常軟熟。入面嘅紫薯餡充滿天然香甜，唔會話味道好人工，咬落仲有大量紫薯粒，更有口感，聽講仲要係用日本紫薯粒添，好揼本！雖然價錢極平，只係$8一個，但完全無將貨就價，餡料飽滿又足料，而且size有差不多成個手掌咁大，性價比好高。

悔恨太晚與你們相遇，只求你們別要太快下架😢超群 前前後後出左好幾款新口味大福麻糬，其實我每款都有試架 但都只係覺得不過不失！所以佢地既“焙茶吉士甘栗大福”出左好一排，我都無特别去買黎食-焙茶吉士甘栗大福 HKd$8.5而個日經過又心血來潮想試下，點知......真心估唔到焙茶呢款咁岩我口味，個焙茶吉士唔膩，外皮軟糯富奶香，仲要有原粒栗子喺入面...面頭灑既又要係我中意黃豆粉💛真心覺得好正呀😍😍😍希望唔咁快轉款啦，等我可以食多幾次嘛

為左滿足我嘅芝士慾望！自己行完街就去左搵超群！去到都幾多人排。有啲排隊買雞蛋仔！有啲排隊買蛋糕！有啲排隊買麵包！諗左陣買焙茶芝士蛋糕$30，定紐西蘭芝士蛋糕$25 （$45有兩個架。不過未試過。唔知味道如何！）都係買紐西蘭芝士蛋糕啦！返到屋企急不及待要試下。聞落無嘜芝士味喎。但幾香多味！食落又點呢？蛋糕幾鬆軟！但其實只有好微微嘅芝士味！對於芝士控嚟講一啲都唔滿足😂但過下蛋糕癮都ok嘅！雪凍再試試先！可能會重芝士味啲！

<超羣西餅>☕️伯爵茶✖️牛乳蛋撻🐄($9)🔻其實前日買完個伯爵茶大福，我見到個椰撻咁高，想番去買個食🤔👉點知1:30左右又見到d蛋撻出爐😂又轉移左個新品(雖然都唔新架la)🌸以前仲2酥皮💁🏻依家仲2曲奇皮，酥皮太油la。🌸依隻曲奇皮都鬆脆，而且有少少厚，口感唔係我仲2個種厚脆🙈🌸第一啖趁熱食左，咦👀都有d茶味wo，但越食就越淡，而且唔似得大福咁有d茶葉碎，食落奶味重☝️🌸中間個蛋都滑嘅，但又未去到嫩級，而且表面好似凝固左層膠，有d彈性嘅口感🤔🌸整體又5覺好特別，好似眾人所講紫薯抵食d，依個中間餡都無，不如食普通蛋撻🌚#wwhkfood #hkeat #uhkfood #hkfood #hkig #hkfoodies #超羣

最近好多地方好多餐廳都避吾開同紫薯crossover，好似已經成為左個trend。但有啲餐廳就索價不菲，有啲就夠晒貼地。依間超羣早前已經出過一輪紫薯系列 但早又再推出，可以話係強勢回歸。本身上次無食過既我，今次就吾想錯過啦。去左太子分店度買，如果佢地開多啲分店係方便啲新界西既人就好了紫薯大福 $8銅板美食 唔洗十蚊 大大粒好煙韌 外皮完全吾厚 紫薯蓉都幾真 吾太甜 整體就係抵食又不錯吃依家仲出左焙茶系列，好想試一試！