超羣麵包西餅 (金寶樓)

营业中

休息中

近月常出入花墟,每次經過超群都係人山人海,今日終於成為一份子,入去睇下什麼情況。環顧一下,好多玻璃罩都有水蒸氣bor!!即係好多新鮮出爐麵包叫緊我去買佢地啦。第一時間夾幾個muffin先,係入面可以自己選擇要邊個,係門口就視乎賣餅姐姐俾邊個你喇;原味muffin面頭脆脆地,裡面又軟軟地,甜味唔重,好似有淡淡蛋香,我個人幾鐘意呢種質感,唔錯! 朱古力質感同原味相似,但味道就濃好多,鐘意朱古力味道如我就會鐘意。細芝士蛋糕質感濕濕,食到有芝士味不過唔算好濃,因為好耐無食過,今日見到就突然想食!曾幾何時,呢款濕節節蛋糕令幾多人係旺角街頭排過隊....新鮮出爐紅豆菠蘿包面好脆,紅豆好多又唔算太甜,有水準!大人都話呢度d麵包質感唔錯,比其他美x鬆泡泡麵包好。揀麵包時見到唔少客人等芳叔蛋撻,唔知係咪真係咁好食呢??

一日三餐此中尋。實在頂唔緊Mrs. Fields 個細細個又濕漉漉既$11 Blueberry Muffin，$13.5 三個新鮮出爐既大大瑪芬實在太吸引了。三個大大瑪芬，猶如三個皇冠閃閃生輝，其中原味瑪芬最為出色：不甜、不太鹹、crust 如曲奇般香脆、內膽如海綿般鬆軟。朱古力瑪芬也不錯，但沒有原味的奇脆和鬆化，還多一分甜甜的滯膩感。藍莓的最教我「失望」：百分百偏濕，但仍比田氏太太的好。（後記某日吃過的芥茉QQ 波- 竟然是熱狗醬味！）

這是「超群」最水靜河飛的年頭，唯一執剩的分店。以前超群以爆多合桃，爆少脆糖的拿破侖聞名於世。重見天日後的超群，包餅款式趨「大眾化」，跟其他中港日台的集團連鎖的花款無異。「西餅皇后」現在推介的，是「芳叔蛋撻」：傳統牛油曲奇皮底蛋撻一件，比一般坊間的蛋撻大塊頭。曲奇皮底，厚甸甸的，只鬆不脆，重牛油感；吉士偏黃，細滑未至於，香滑也未至於- 普通製料一件。握在手中暖暖的，放入口中也是暖暖的，感覺倒好。不過，「芳叔蛋撻彭定康都力撐」，請想想：佢有幾何可以食到港式蛋撻？

軟心芝誘惑-----不成誘惑?軟心芝誘惑($5.5)—包面有大班芝士條上的那種日式粉,名字也好像很吸引本人喜愛芝士可惜這包不獲垂青原因是整個包除芝士多,再沒其他優點芝士該是車打芝士跟一片片的卡夫沒分別吃時甚至覺得自己用芝士夾麵包更好吃叮熱吃芝士也不見香濃試過就算原味鬆餅($6)—大大個,味道其實不錯,但略嫌牛油味太重了,有點漏,還是較喜歡藍莓等味道檸檬炸彈-----中招!!見他們金黃金黃的~十分趣緻~活像UFO BB仔~趕緊買來試一試但一口咬下去就感到失望一點檸檬味也沒有而且蛋糕質感很差散得很幸好小小一個, 兩口吃完就算

(19/10/06)突然想食三文治,被份吞拿魚治吸引,因為內裡仲有粟米、雞蛋片,蛋香混埋一齊,粟米増口感,勁好味。如果片方包新鮮D,會更加好。

(21/9/06)超群的麵包水準一般,意粉更是難食。同事請食Tiramisu,真係唔睇好。out come竟然好唔錯啊!芝士味、咖啡味較得好平均,又唔會太稀或唔新鮮,實晒咁,所以真係好喜出望外!

想講中環分店返工無幾耐,就食同事的散水餅如果不是佢請本人食,自己無不會買上一次食已經係小學年代盒packing好懷舊!藍莓raspberry tart,味道幾好

今朝返工之前去買左件egg tart同埋日式cheese cake slice,一上車就忍唔住拎出黎食(我都知唔應該o係巴士食野=P)egg tart好好味, 因為流量大所以熱辣辣好新鮮!個酥皮同蛋漿都好正! delicious~~日式cheese cake都唔錯, 未至於好好味但都合格!淡淡的cheese味之中帶陣陣蛋香味~都幾好

$5有3個麻薯波波,有多款口味:朱古力,blueberry,檸檬, 牛奶,芥辣之前食過朱古力,好濃朱古力味,入面有d朱古力粒,幾好食,今次就試下其他,要左檸檬&牛奶&芥辣~ \"檸檬\"-好香lemon味,黃色一大粒,幾fresh~ \"牛奶\"-甜甜地,成粒白雪雪,但無咩牛奶味~\"芥辣\"-真係好辣,食倒入面有黑椒,個味我唔太好~

尋日o係太子道跳完舞, o係樓下見到久違既"超群", 因家在元朗, 無超群, 所以就立即去睇下有咩正野.一到門口, 就被o個d大大個出爐蛋撻吸引住, 早前見報紙比較過幾間蛋撻, 知道超群係no.1, 泰昌都好似第2咋..佢真係比一般蛋撻高身同大個, d蛋漿幾黃, 好似好足料. 行左個round, 見到其他包都好似好味, 但食唔到咁多了, 只好買左蛋撻先.一入口, 嘩!!um. um...yummy!!係我最鐘意既傳統牛油皮,好香呀! d蛋漿好多好濃, 好有蛋味, 真材實料! 收你$3.8 一個唔過份~出左門口, 先見到佢地仲有其他product, 薑汁蛋撻..蛋白撻, etc...仲有肥彭張poster, 食到佢個樣..真係會再食~~

每次去都係買13.5元3個大大個muffin食, 味道係叫可以只係平同大件. 無咩特別要求. 不過佢d包真係唔得....完全唔得. 買左個雲石芝士包, 見佢面頭有一塊芝士係面就買來試. 點知真係得面塊硬芝士, 內裡係咩都無, 仲要塊芝士無咩, 完全只覺食緊個餐包. 無味道.

推介：1.藍莓芝士飽2.奶皇忌廉飽3.鬆餅4.地獄吞拿魚飽其他就唔清楚

嘩, 我以後都唔會去. d服務差, d麵包點抵我都唔會去

今日買左3個muffin($13/3個)，食左個藍莓鬆餅，都幾好食，不過得面頭個層有藍莓，食到中間就好似食緊普通蛋糕咁!

今朝黎買muffins做早餐,$13三個. 夾緊muffins o既時候,見到d面包師傅出緊一箱箱o既muffins,d箱上面寫住"華貴","順利"...原來係運去其他分店嫁! 以前食過佢個blueberry muffin,覺得唔錯, 今日食左個chocolate muffin, 覺得無blueberry咁好食. 可能係因為唔夠熱同埋無乜chocolate chip!不過就幾抵食o既!