越一越南牛肉粉專門店 (已結業)

今晚同朋友黎到呢間開左應該冇半年嘅餐廳試下☺️好耐都冇食pho 估唔到呢間都幾抵食 散叫40蚊左右就有交易👍🏻但我地見到晚市有二人餐 仲抵食 叫左個set D 再加多個豬頸肉青木瓜沙律😋😋😋講下個豬頸肉青木瓜沙律先燒豬頸肉十分Juicy 而且切左d 紋 好易咬❤️青木瓜食落爽 又夠新鮮 正👍🏻.講番個set先 有5樣野 都只係$238 好抵食越式牛油軟殼蟹牛油味好香 而且分量勁多 炸得好香脆😋😋扎肉蒸粉包呢味菜第一次試 有d 似粉果feel 但個皮就簿d 入口有好多層次 都幾好食👍🏻我食生牛河 朋友就食香茅豬扒河就咁湯河都有三款粉比你揀 河粉 檬粉 同金邊粉我揀左金邊粉個湯底都幾濃厚 自己加左青檸同辣椒會多埋酸辣味😋上湯蘿蔔煮到冇曬渣 好鮮甜又有湯嘅味道叫餐仲跟野飲兩杯 菠蘿冰（+28）同咸檸七菠蘿冰原個菠蘿上 好正 菠蘿味都好濃厚☺️☺️

雖然味道還可以，但也是不是非常突出，衹能説一般。做飲食除了出品就是服務，餐檯衛生清潔就絕對不合格！湯汁在檯面下還滴緊，座椅好髒就沒有人理，服務態度有問題！如果老闆都不關注客人的餐桌衛生環境，唔敢想像廚房個情況係點樣！

今日收工約同事一齊食晚飯，行經荃灣一間叫越一餐館，環境好開揚，望入去店舖幾優雅，牆上掛有一架單車好別緻，食物都有好多款式提供。我點咗一個海南雞飯$52 上枱已經聞到陣陣飯香，飯粒顆顆圓潤飽滿，椰味香溢，潤甜又彈牙，一大碗滿滿的，雞皮滑捋捋，油香滿載，肉質幼嫩，煙韌彈牙，當你咬下去汁液才會散在口腔鮮甜至極。同事叫了一個生牛肉湯檬粉＄45份量絕無欺場，整大碗紅粉緋緋的鮮牛肉，肉質閃令令，只要你輕輕咬一口，鮮嫩又腍甜，一邊咀嚼肉汁源源流出。檬粉爽滑彈牙，浸在濃甜上湯一起進食，簡直係極級享受。咖喱脆皮牛腩＄68 好有特色嘅卜卜脆牛腩，外皮炸得鬆化無比，將每一件牛腩重重裹著，汁液不會流失，只有你把他咬開後，濃烈嘅牛腩香氣直撲面龐供進鼻蕾，腩汁濃甜豐富，再點上大廚嘅拿手好戲㗎哩汁，真係錦上添花。美法式蒜蓉多士＄38呢一個都係我至愛，未上枱已經聞到香濃嘅蒜蓉味，整碟好像一條條嘅金條，放在你面前一樣，賣相已經贏曬，我急不及待已經將他放落口，鬆脆到不得了，時間控制一流不過火，味道恰到好處。椰青＄28一個食飽飽後飲番一大個清甜潤喉嘅椰青，真係一大樂事。

今日放工後和太太往荃灣越一食lunch, 我們點了上湯生菜, 蕃茄扎肉湯河粉、香茅朱肉米紙卷、越式炸蝦餅、咖喱脆皮牛腩、羅漢果茶和凍奶茶。上湯生菜食落新鮮爽口；蕃茄扎肉湯河粉蕃茄湯底清甜開胃, 扎肉切得薄薄惹味, 河粉食落爽口整碗蕃茄扎肉湯河粉口感十足, 食落美味；香茅朱肉米紙卷賣相一流, 皮薄餡靚, 沙律菜食落新鮮爽口, 食落不會有苦味；香茅朱肉食落美味醒胃, 整份香茅朱肉米紙卷口感豐富, 味道十足；越式炸蝦餅炸得金黃, 外脆內嫩熱辣辣, 蝦肉食落彈牙, 食落不會感到油膩成口油；咖喱脆皮牛腩炸得香脆金黃, 脆皮牛腩香脆之餘保留到牛腩肉質的爽口軟腍, 食落惹味醒胃, 配上的咖喱汁辣度適中, 配上脆皮牛腩一起食份外美味；羅漢果茶飲落羅漢果好清甜, 絕無加糖, 飲落天然, 口感清新, 能中和油膩和解辣；最後凍奶茶飲落茶味香濃, 奶味香滑。餐廳座位舒適, 食物份量十足, 價錢大眾化又不收加一, 我們食了一頓質量兼備的越南菜。

附近有一間食開嘅越南餐廳，係好好味。平時見哩間都多人排，所以就諗住試吓，點知中伏了。第一碗係生牛肉湯河，聲稱係無味精，但一飲啖湯就知道呃人。個湯勁咸，好多味精，而且完全無牛河平時嘅鮮甜味，食完要狂飲水。湯係一碗麵嘅靈魂，所以哩碗真係好差。另一款係咖喱牛腩煲配法包。個咖喱又係令人失望，係港式咖喱嘅味道，而且咖喱香味欠奉，又係得個咸字。牛腩炆得唔夠淋。蒜蓉包好彩係正常。最後一道係豬頸肉木瓜沙律，全晚最正常嘅一碟。豬頸肉燒得幾好，好香脆，調味啱啱好。木瓜味道就普通，始終唔係當造季節，唔可以要求太多。哩間一定無下次。

這裡係朋友介紹話好食，今日專登等男友放假就過黎試一試下，沒想到真係味道吾錯而且價錢抵食，$280差不多三人份量都夠添。這裡還有出面比較少有的辣椒醬（紅同綠色）。而且仲有海鮮醬添，可以放入湯食。青木瓜牛肉沙律，份量足又夠酸夠辣，青木瓜入味，牛肉還可以。生牛肉牛丸湯河粉，湯底味道清甜，牛肉夠嫰又夠薄身，河粉夠滑，牛丸夠彈牙。招牌拼盤，十分大份，最後仲要食吾晒，用了香料醃制味道特別，雞翼和春卷夠脆吾太油的確吾錯。香茅豬肉撈檬，豬肉醃左味道更濃，烤完十分香口，而且檬粉爽口，醬汁酸辣剛好勁開胃，足料份量三碗份量。椰汁三色冰和椰汁綠豆冰都係我地最愛，沒想到咁大杯，椰汁味比其他的店更濃同好飲，材料十足，啖啖綠豆和三色冰的材料。裝潢都以淺色為主，而裝飾都十分特別，仲播住音樂可以舒舒服服食飯。

約左荃灣友朋友食飯，佢地兩公婆介紹呢間算係新開既越南野，係地鐵站對面，好方便~我地一行四人叫左二人餐加其他散點食物，啲野食上枱我地都呆一呆，嘩好大份，食唔食得哂呢...果然係抵食~越一招牌拼盤 $118食越南野一定要食拼盤呢個拼盤有豬扒，春卷，雞翼，蝦餅，豬扒好香香矛味，外層脆脆，帶點蜜甜，肉質軟熟，我最愛~蝦餅夠爽彈，都唔錯啊推介豬扒~軟殼蟹二人餐 $238見到格離格既軟殼蟹好吸引，原來有軟殼蟹二人餐，價錢都好平~我地揀左椒鹽軟殼蟹，軟殼蟹大件啖啖肉，炸皮薄，入面仲有膏，正~生牛肉金邊粉跟餐揀既生牛肉金邊粉，個湯都幾香牛骨味同九層塔味，牛肉都有牛味幾好~蘿蔔爽甜~鮮茄牛腩煲配法包 $78呢個汁比想像中希，味道偏酸似平時食既焗豬扒飯個汁味道，牛腩夠爽夠腍~椰青+$18最後唔少得凍冰冰好解喝既椰青，清甜肉嫩~

荃灣真係有好多越南餐廳，至前試過幾間都唔錯，而今次就係位於南豐中心對面嘅越一，令我印象較深刻係他們嘅份量好大份好驚人當然味道都有反咁上下總覺得食越菜必試嘅係生牛肉金邊粉今次點左份軟殼蟹二人餐，個人覺得好掋食，可以揀倆碗粉，一份椒鹽/牛油軟殼蟹，一份小食，一份蘿蔔，倆杯飲品講反個金邊粉湯底味道濃淡適中，配上青檸汁嘅酸同九層塔嘅香好醒胃，可惜生牛肉我個人應為有少許過熟 另一碗係香茅豬扒，份量好多，而且腌得入味，又唔會乾，肉汁滿滿。小食我揀咗酸辣鳳爪，但唔夠入味，酸同辣都唔夠出味上湯蘿蔔同事十分推介嘅檬汁我亦都係比隔離枱客人嘅呢碟軟殼蟹所吸引，而點呢個餐，大大件，外層脆漿十分香口，又唔太厚，點檬汁食又出奇地夾講到飲品呢杯椰汁三色冰，椰味清香，多料又唔太甜，相信我們好快又會再幫親

今晚來到荃灣區覓食越南菜是今天的首選先點了椰汁綠荳冰清涼一下椰子味香濃但綠荳量不多頭盤是香茅豬頸肉肉身質感軟腍有炭燒香味主菜是熟牛肉湯河粉湯底出色並配有金不換提味也提供青檸及辣椒給調味味道恰到好處不多不少咖喱牛腩飯很香但味道尚可越式咖哩汁偏甜牛腩有點太瘦不夠嫩滑但咖哩汁非常下飯四式拼盤大堆頭味道不錯有蝦餅春卷香茅豬扒及四隻雞翼蝦餅有蝦味且軟身有點油膩春卷有咬口餡料豐富雞翼濃味外皮炸得脆口豬扒肉質鬆軟兼有肉汁流出非常好吃

今日近近地去到屋企附近搵野食,之前經過好多次都未試過今日就同老公去試下. 舖頭的環境都乾淨光猛都好多人. 我地叫左香茅豬扒飯, 個presentation 都不俗! 味道唔錯甜豉油汁好好味呢個咖哩牛腩真係好好味! 咖哩椰香重只係微辣, 仲有薯仔做伴菜. 配上完美組合香脆熱烘烘的蒜蓉包, 成件事好完滿呀!! 呢個牛肉生菜包好特別, 有別於一般的生菜包. 生菜上有酸蘿白沙律米粉同牛肉, 最major 係上面既乾蔥碎同花生粒... 將成件事提升到極至.食物質素,環境,地點同價格都好好. 如果服務態度都可以提升而唔係而家咁會更perfect! 現在的服務態度真的破壞了一切.

凍凍地 放工唔想周圍走 近近地荃灣食又去返好味又抵食嘅越一 佢地個套餐真係好抵$198 包兩碗粉 兩個小食 同 一碗蘿白上菜速度勁快 先黎上湯蘿白 蘿白夠甜配埋熱辣辣嘅清湯 好正再黎肥牛湯河 湯底好香香料味 感覺唔會太味精肥牛都有成4-5塊 堅係係熱湯淥熟另外叫左店員推介嘅香茅豬扒河粉 豬扒熱辣辣 岩岩整香 調味調得好好小食叫左牛油雞翼 牛油味好濃 好有罪惡感 即叫即炸 熱到爆咀 雞翼肥卜卜 口感一流另外加左個酸辣鳯爪 份量唔少 而且好入味 勁辣

昨晚到荃灣見到越南粉，諗住趕時間快啲去食完就走啦。我地兩個人入到去，見到幾張枱都未執枱，間舖80%滿，三四個員工。等左一陣先有人黎執枱，就叫野食。我地坐左十零分鐘，由於係趕時間，就問員工食物到未，佢地話check下，行黎行去好似好忙咁，過多陣我地問其實你地係未未落單，佢地去check電腦，真係未落單，咁叫佢地落反單啦，之後佢地話岩岩無晒粉包啦幫你轉炸豬排呀，而十分鐘前係重有粉包架係因為佢地無幫我地落單搞到我地無得食粉包... 我地喉嚨痛唔想食炸野，真心好嬲 以後都唔會再去呢間野！最後無食到走左，已經趕時間架啦，重要漏落單！

平時我麻麻地越南野🙈但男友話想試呢間咁就試下啦其實都開左一段時間，每次經過都幾多人食，心諗應該唔太伏😂男朋友嗌左生牛河，幅圖就係咁😂但事實係。。。都幾大落差😫但好彩味道又幾好！我就嗌左豬頸肉湯金邊粉，我自己覺得豬頸肉真係好難會伏，因為本身已經係一樣好好味既食物🤤再叫多樣特色小吃，個包烘得好香口，咖啡牛腩都非常入味！埋單就大概差唔多$100一位總結嚟講，其實呢間價錢真心幾貼地xd一碗麵都係30幾40，味道連我唔中意越南野都覺得幾驚喜，唯一挑剔應該係個賣相同侍應服務態度真係一般🤔但我仍然推薦👍🏻

聲稱全店冇用味精牛肉牛丸河－湯底較淡，但感覺的確冇乜味精，可惜湯唔太熱，生牛肉要响湯裏浸耐啲先食得。牛丸算爽口，味道普通，蘿蔔大舊夠焾，可惜河粉有啲「行行哋」味，望落size普通，食落都好大碗蝦餅－有蝦味，但嫌唔夠熱所以食落油咗啲越式春卷－驚喜，其貌不揚，但一咬肉香散發成個口，同蘿蔔木耳絲比例啱啱好，而且上菜時超熱即啱啱炸起，熱辣辣好好味有越南醬油同酸酸辣醬，值得試試。48蚊一碗粉，同區比都尚算合理

我今天去荃灣(越一)食嘢,點知問個waitress可吾可以加錢比多D牛肉落碗湯粉? 佢話冇呢樣嘢! 跟住我再問咁如果我叫碗檬粉,可否牛肉和香茅豬肉兩樣? 佢又話吾得喎! 咁樣做生意吾掂的!!!!!不過亦都要讚吓佢碗粉,真係久熱!👍🏼