越一越南牛肉粉專門店 (已結業)

越南河粉個湯底真係冇得頂，所以成日都會好掛住，荃灣地鐵站附近都有一間，食返個下午茶價錢仲好合理T04 老街香茅豬頸肉湯河$38豬頸肉湯河粉分開，不過豬頸肉大大件好爽脆，口味偏向咸。T10 生牛肉，牛腩片，牛丸，牛筋，牛柏葉$52一個算係下午茶之中比較比較勁嘅一個套餐，因為真係咩都有，樣樣都唔錯，夠林又入味，啲河粉比平時食中式嗰啲比較幼細。M04 熱+冷薏米水加$6 x 2薏米水裡面材料十足，特別係凍飲好大杯好抵飲。S02 越一炸春卷兩件$12炸春卷都係比較有鹹香，外表香脆，裏面材料豐富。S07 車河酸辣鳳爪$22酸辣鳳爪好正，辣味都幾夠，但係又唔會太辣，好爽脆，連啲骨都一樣可以食得。

店舖好近荃灣地鐵站，係南豐中心一落天橋轉彎位就係了。因為係新開？嘅鋪頭，所以睇落去都好新淨～店舖好寬闊，除咗牆上掛著嘅單車等裝飾，燈光照明充足，俾人一種乾淨嘅感覺。我地7點幾嘅時候到，都見到有唔少客人。😂欣賞員工嘅熱誠，我地坐低之後有其他客人黎，一入門口就聽到員工勁大聲咁「歡迎光臨」。落order 上菜收碟嘅都好有效率。我地嗌咗2個檬粉：豬扒撈檬+雞翼撈檬，一個軟殼蟹米紙卷，同埋豬頸肉木瓜沙律。檬粉係相對粗身嘅，係我鍾意食果隻。雞翼好大隻同埋豬頸肉都脆口。不過如果可以多啲木瓜絲就好啦！！！同埋幼絲嘅話，個口感可能會再好啲，但係木瓜同生菜都係新鮮👍🏻總體來講，呢間嘢嘅食物價格都合理，如果鍾意食脆口嘅大大隻雞翼都可以黎食。希望下次可以有機會試下個牛肉粉。

應承左好姊妹陪佢去南豐中心整DIY銀包比男友, 為左有更多既時間整銀包, 我地就快快脆食d野過去~咁岩搭車個時見到對面岸有間大大間, 又光鮮, 多人得黎又好似唔洗排隊既越南野, 即whatsapp問問姊妹, 姊妹say左yes就先衝過去叫定野食啦~因為太趕, 佢問都冇問叫左個二人餐, 配左個生牛河比我! 好姊妹真係好姊妹, 知我心~~~一間普通既越南餐廳有乜值得一提呢? 就係因為超抵, 唔洗200蚊, 就有兩碗粉, 有個菜, 有個沙律同有個小食, 係邊度搵? 平時叫兩碗粉都過百, 加多唔洗100蚊就多左3個餸, 勁抵!難得既係, d野食唔差得黎又幾大份下wo!我地最後叫左個牛油雞翼二人套餐($198), 除左個牛油雞翼, 你仲可以揀: i)上湯生菜/上湯蘿蔔 ii)柚子鮮蝦沙律/香茅牛肉米紙卷/香茅豬頸肉米紙卷/春卷四件 iii)生牛肉/牛坑腩片/雞絲扎肉/香茅豬扒/香茅雞翼湯河, 姊妹已醒水怕太多野食, 所以叫左沙律冇叫米紙卷, 但最後我地都係食唔哂......另外我地見到只要加$18就有一個泰國椰青, 好抵咁, 仲一人叫左一個tim~唔好諗住平就冇好野, D野食都唔差嫁, 下面幾樣

約左朋友想食晚餐，但又想食得清清地，所以揀左呢間試下，看似不太貴好似平民價錢，但發覺質素亦相當不錯，叫左個生牛肉併牛腩片湯河粉，生牛肉好新鮮嫩滑，而牛腩片亦煮到好夠淋，最重要河粉不是隔夜河粉，而且煮得時間剛剛好，所以食落冇斷開或爛晒 ，再叫左個紮肉生菜包，紮肉好香好嫩，加埋餐廳特制既撈汁，撈汁夠晒酸辣，夾埋非常好味，正，另一個小食炸蝦餅，蝦餅由新鮮蝦肉打成蝦膠再炸成，所以蝦肉非常爽口，而且沒有用太多炸醬，所以唔會只係食脆醬，同埋唔會太油膩，而朋友就叫左個咖喱牛腩飯，咖喱汁好香濃滑，試左一啖相當好味，而且不斷太辣味道剛好，我下次都要黎試個咖喱。

經常出街食飯，太濃味或太多味精都覺得食到厭，朋友介紹這間越南菜沒有味精，越南菜本身味道清淡，很適合我，就來一試。餐廳環境明亮，座位空間充足，給人感覺舒服。前菜春卷造型可愛，蔬菜爽口清甜，很新鮮，而且多菜有益，配醬汁一起吃很清新。雞翼炸得很香脆，但不會太油膩，喜歡雞翼上的炸蒜，增加雞翼的口感和味道，一人食兩隻唔夠喉。蘿蔔令人十分驚喜，不是放在湯麵裡而是另外裝一碗，蘿蔔吸滿湯汁，非常軟稔，用筷子可以輕易分開，好吃。牛坑腩金邊粉的牛坑腩份量很多，每塊都是厚切，啖啖肉的口感令人很滿足。肉質煮得很軟和入味，湯底有很香牛肉味，金邊粉陣牙有咬口。生牛肉河粉都沒有令人失望，果然是店家推介，牛肉肥瘦適中，牛味香膿，非常軟稔，吃得出是用了靚牛肉。我特別喜歡香葉的味道，加在湯裡可以增加味道的層次，又可以減少肥膩的感覺。

約左朋友收工食宵夜，荃灣路德圍附近果邊就最多宵夜，食店都開到好夜朋友話是食力生樓下一間越南野，咁我都未食過既、咁就齊齊去食～我地去到都10:15，都有幾台人食緊～地方都好大，好整齊乾淨～有時真係好唔鐘意好迫嘅餐廳，坐都坐得唔舒服幾特別，將單車掛喺牆上面，鍾意呢度夠光猛朋友點左個生牛肉河，呢度嘅生牛肉河係真係半生，呢方面做得好好，因為出面好多已經全熟，跟本就唔係生牛肉喇已經，仲有加左金不換，越南野一定要有呢樣嘢啦，亦係有d鋪頭都無加到既跟住就係我叫既火車頭～有牛肉，牛丸，牛筋，牛腩，牛柏葉等等....佢既牛丸好爽口，好實，勁好味，一碗仲有兩粒！個牛肉都好嫩，我鐘意將佢浸到得返少少粉紅色先食仲有好大舊白蘿蔔，將浸滿牛肉既湯底索入去，好入味！正～仲叫咗個牛肉米紙卷，好靚呀好大舊每入邊呢都有一舊好大舊嘅牛肉，牛肉係調左味，好嫩滑，外面既米紙唔會太薄，連埋入面既菜同粉絲料，口感好豐富，好清爽朋友仲叫咗一個越南嘅啤酒，佢話有種特別既味，係唔會同香港啤酒一樣，佢係女仔黎都話易入口！

VIFON越式即食河粉 (牛味)產地: 越南，食過一次呢個牌子既越南河粉後就愛上越南口味， 今晚心血來潮，喺荃灣四出搜尋越南湯河， 平時去坐巴士都見到呢間舖頭，但係就未去過呢間分店，之前去嗰間喺黃大仙， 今日叫咗越式火車頭，材料非常豐富， 聽聞招牌河粉就係生牛肉河， 不得不試， 六十二蚊碗， 我最鍾意係佢個湯底，好鮮甜， 最後叫咗一碟小食扎肉蒸粉包四件，42蚊4件， 全部食物都係酸酸甜甜啱曬我口味， 晚市埋單唔使加一，total 104元

越南美食， 中國人，西方人都喜歡 ，越南必食地道美食 ，湯底是牛骨湯，煲足十小時，加上香料，後再煲2小時，牛肉香濃不油膩，還帶有點香料味火車頭湯河粉62生牛肉，牛坑腩，牛丸，牛筋牛柏葉， 香葉，九層塔，生洋蔥，白蘿蔔，葱， 溫馨提示，記得要將生牛肉浸係湯底後先至食， 即熟即食 ，正。咖哩牛腩飯52香辣咖哩， 炸過既薯仔，牛腩， 最有趣嘅地方係發現餐廳，小智慧，原來用一片生菜就可以令到碗同碟之間唔會再有磨擦， 碗碟唔再翻側，減低餐廳意外發生扎肉蒸粉包四件42碎肉，紅蘿蔔，蝦米，木翠耳， 點樣睇是一定要加埋橙色嘅甜酸醋一齊食上湯生菜18上湯牛肉湯底， 同火車頭湯底一樣味道椰青28椰青非常新鮮，連埋椰子肉一齊食得乾乾淨淨@100, 餐廳環境干淨，寬敞，服務態度良好，舒服

越南粉對我來講湯底系好重要，每個月都要黎食幾次，講緊係荃灣越一越南粉專門店，每次嚟到都覺得裝修很乾淨，地方都夠大。食越南粉當然要試一試佢地嘅牛肉湯底，今次都唔會例外，點左一個叫做越一火車頭檬粉，當中包括有生牛肉，牛腩片，牛丸，牛筋同牛柏葉。當中湯底非常之濃厚，牛肉味非常重，仲帶少少牛油系上面，當然除咗湯底之外，餸都緊要，其中牛丸同埋牛柏葉都係我覺得最出色嘅，牛筋骨膠原好高，生牛肉切到好厚身。當中午市套餐係可以加錢叫小食，今次我叫了香茅雞翼，煎得非常乾身，唔會太油膩，外邊脆裏面卻軟熟，雞翼吾會有雪藏感覺，非常香口。

就到新一年 今晚就食豐富啲😽😽 同朋友搵間暖笠笠嘅越南河粉食dinner慶祝下先😽 呢間越一PHO位於荃灣路德圍 好近荃灣地鐵站好方便！😸坐定定之後望吓餐牌 有勁多款式可以揀😸 連咖喱牛腩煲配法包同椒鹽軟殼蟹都有 勁！ 😼😼不過我哋想試多啲唔同嘅款式 所以就冇叫太多飽肚嘅食物😹😹餐廳上菜速度超快 一枱食物好快就嚟哂！😹青木瓜牛肉沙律 份量好大份🙀 牛肉爭啲遮蓋晒底下嘅沙律🙀 酸酸地唔錯！不過朋友就話啲牛肉老左啲 要用好多牙力咀嚼😹😹越南式粉包 賣相已經贏晒😻 入面既餡料又足又爽口😻 配軟熟嘅粉皮好好味 呢個10分推介！😻😻牛油蒜蓉雞翼只係$39 omg🙀 勁平🙀 上枱嘅時候已經聞到勁香牛油蒜蓉味😼 雞翼嘅皮炸得好鬆脆 脹卜卜又juicy！最重要真係價錢超抵🙀最後我哋仲叫咗個香茅豬頸肉湯河😽 河粉好滑 食落油膩感唔算好重😸 不過河粉始終比較吸湯 要食快啲先得😹😹 豬頸肉都好香香茅味 同埋份量都係比其他餐廳取勝嘅！兩個人食到超飽 埋單total都係$200唔使😻😻

夜晚同老公經過路德圍， 諗住去間特別啲嘅餐廳食， 老公就提議不如食越南菜， 最終去咗呢間餐廳食😂我哋叫咗個 牛油雞翼二人套餐， 呢個套餐都幾多唔同款， 有牛油雞翼四隻， 上湯生菜，一款小食， 我哋揀咗香茅牛肉米紙卷， 同埋兩碗湯河， 我哋就叫咗一個生牛肉同埋牛坑腩片湯檬， 再加一杯熱咸柑桔水同埋一杯熱薏米水，呢個二人套餐加埋都係$198，可以食到甘多款餸，都幾抵😍😍我哋兩個都覺得牛油雞翼好好食， 好濃嘅牛油味，正呀！ 上湯生菜清清地，都幾好， 香茅牛肉米紙卷都整得好靚， 點埋甜酸汁， 好入味👍👍👍生牛肉湯檬同埋牛坑腩片湯檬都一樣好入味， 食材都幾新鮮， 再配埋熱咸柑桔水加熱意米水，覺得好滿足呀！同埋呢間餐廳值得一讚嘅係啲店員態度好好😍👍👍

今日(23-12-2018  Sun)同老公去荃灣行街前食o野,過o左早餐時間,我o地行經呢o度睇睇,價錢都可接受,就入去食.我要$48.00o既順化香茅豬扒撈檬,要熱奶茶,老公要$52.00o既海南雞飯,加$6.00要凍鹹檸梳打.落完單冇耐,兩杯飲品到o黎,我冇試到老公o個杯,而熱奶茶口感滑,但茶味唔濃.味道: 3分之後海南雞飯到o黎,黃薑飯熱騰騰,味道同口感又o岩o岩好;雞肉呢,揭開睇,紅紅地色o既,夠熟未o架?老公食o左話夠熟,而我食o個件嫩滑.味道: 5分我o既順化香茅豬扒撈檬呢? 香茅豬扒係炸o既,外脆肉唔o鞋,但香茅味唔多夠;檬粉爽口.味道: 3.5分抵食係2.7分

今日嚟咗荃灣呢頭做物理治療 做完就好肚餓 咁見到呢間越南菜有二人套餐 好似幾豐富 又抵食 就入咗去試試叫得牛油雞翼套餐 當然牛油雞翼就係主角啦 一上檯已經聞到好香嘅牛油味😗 食落去牛油嘅香充斥住成個口腔 再加埋啲蒜蓉 呢碟雞翼真係好高質😋上湯蘿蔔 估唔到小食嘅份量都咁多 有成六七舊 蘿蔔好入味 甜甜地 又幾林😻春卷 細細舊咁 裡面有雞絲同蘿蔔絲 配埋生菜食 唔會怕太過熱氣🙊咁我地一人嗌咗一碗湯河 牛坑腩片湯河 牛坑腩片唔算好薄 肥瘦亦好適中 點少得招牌菜 生牛肉湯河 啲湯夠熱 生牛肉浸落個湯度好快就熟 牛肉湯飲落口唔會好鹹 飲到淡淡嘅牛肉味 同有香料味👍🏻個套餐包左$18蚊既特飲 我地嗌左椰汁紅豆冰 唔會好甜 椰汁味好重🥥蜂蜜柚子茶 味道正正常常 飲到柚子肉 幾好呢個二人餐好多野食 真係好飽 好滿足🤤

之前同朋友食過這間覺得味道吾錯而且份量都幾大份，所以今次我們再來吃其他食物，今日六點鐘左右已到了餐廳，人客唔多都幾舒服，我地二人坐四人坐就更加好啦，今次我們叫了必叫的牛肉粉一起吃再加小食，整體來講都十分飽肚而且價錢一點都吾貴夠抵食。上湯蘿蔔是我喜歡的菜，這裡的蘿蔔沒有根又夠甜，大大舊十分足料。喜歡叫牛肉的我選擇了香茅牛肉米紙卷，沒想到有四舊仲要好足料，啖啖紙卷和酸汁食好味道又清新，完全吾䑁很油的感覺。當然為了這個生牛肉湯河粉而來，這次都沒有失望到，牛肉勁多又夠嫩，熟的程度剛剛好，粉都幾滑份量不少，湯底夠清甜。小食就叫了酸辣鳳爪，吾太辣又夠酸，鳳爪好爽口，十分開胃。而這裡的蝦餅有驚喜，吾油身皮又夠脆和蝦肉十足，味道夠不用汁都十分好食。

荃灣真的是一個隨意逛也能找到好吃的地區，這次偶然經過這間越一越南牛肉粉，便決定試試看。這裡環境尚算舒適，裝潢設計也有點越南風味。生牛肉湯河粉牛骨湯底味道濃郁中帶香甜，沒有味精亦沒有很鹹。牛肉夠新鮮夠牛味，口感軟嫩好咬，河粉亦煮得軟硬剛好。佢呢一度嘅生牛河湯底味道都幾正宗，而且牛肉嘅份量非常之多。想不到原來這裡的香茅牛肉湯河如此大碗，對我而言，有種吃不完的感覺！果然足料泡製！期盼的香茅醃製後的牛肉非常香口，而口感帶點嚼勁的口感，還是不錯的。越式炸蝦餅，蝦味濃郁，非常爽彈，外脆而不油膩，不會滿口粉的感覺，蝦肉量不少呢。而且很大份，幾乎是3-4人份量，抵食！這裡服務不錯，大部分食物有水準，價錢更是非常親民，值得支持。