越一越南牛肉粉專門店

营业中

休息中

我成日都係呢頭食飯，呢間一個月一定會嚟幾次。今次見到個優惠真係要介紹吓比街坊知，佢哋嘅優惠去到12月尾有八五折！真係超抵！已經係街坊生意，價錢大眾化仲有折，作為街坊真係要支持一下！不過記得最好就12點幾之前或者1:30之後去佢好啲，因為好多學生驚要等冇位！晏晝梗係要食午餐啦，一樣有折！首先叫咗個越一火車頭湯河，裏面已經有牛肉片牛腩片，牛柏葉同埋牛丸！牛丸夠晒彈牙，牛腩夠厚，都幾大碗好多餸！河內綜合牛肉湯金邊粉，其實佢嘅湯粉都可以選擇唔同麵，我比較鍾意食金邊粉夠口感！呢個面同火車頭就係少了牛腩片。基本上都係一樣，不過食越南粉最緊要就係湯底，佢哋嘅湯底屬於清甜，亦有牛骨味道！跟餐仲加了一份蝦餅，他們的蝦餅同平時食嘅蝦餅有點不同，裏面有啲馬蹄，令個口感會再豐富啲，不會好似出邊咁厚實實！跟餐加幾蚊，亦都有特色飲品：鹹檸七同埋滴漏咖啡。咖啡好飲，咖啡味濃厚之餘不會太苦！味道好價錢平！推介

今日去黃大仙探朋友，鳳凰辣村都係第一次嚟，都好多食肆小店，朋友話呢間越南菜好味外，價錢仲非常親民好抵食剛好嚟到係下午茶時段，下午茶都非常多選擇，就叫咗個法包餐，有5款法包選擇，呢個係燒豬頸肉包，個法包外層香脆裡面好軟熟，豬頸肉夠爽嫩都夠燒到好香，中間餡料有蘿蔔絲芫荽等，另外跟餐熱飲係越南滴漏咖啡，夠順滑及香唔會好苦澀另外以優惠價升級咗個車河酸辣鳳爪，酸酸甜甜辣度剛好，鳳爪好爽口脆身，仲上哂色入哂味，仲有蕃茄仔洋蔥伴碟

黃大仙這間越南小店 上星期來過一次很滿意 今星期再帶朋友來吃午市套餐很實惠 每人點了一個我點了越一海南雞飯 還有加錢要了越式滴漏咖啡 也另加了升級小食 車河酸辣鳳爪越一海南雞飯 賣相不錯 還配上一碗湯 抵食海南雞雞肉鮮嫩 每口雞肉都喜歡點上醬汁吃 惹味得很 還有油飯很香 吃得滋味車河酸辣鳳爪 也是出色之作酸酸甜甜 幾開胃的 鳳爪也很爽口 越式滴漏咖啡 咖啡香氣撲鼻 味道比得上越南旅遊時喝到的咖啡 很好喝！朋友點了燒豬頸肉法包 大大件外層很脆 餡料豐富 塗抹了不少肝醬 夾著豬頸肉吃 真是美味 肝醬濃香 豬頸肉爽口飲品點了倒立芬達草莓沙冰 賣相很吸睛 粉紅色 喝著很爽賣單還有85折 抵上加抵 下次encore

每個月都會同屋企人去黃大仙鳳凰新村探親戚，以前間中都有幫襯越一，今日去到見佢做緊85折，有特價又去食下。 叫左個午市lunch，越一生牛肉湯河$52，加個小食西貢扎肉蒸粉包$18 ，再加$8要杯特飲椰汁三色冰，85折完都係60幾蚊，真係幾抵食！越一生牛肉湯河仍然保持水準，個湯熬成10個鐘，仲要無味精，飲落幾濃郁。生牛肉份量都唔少，牛肉幾滑幾嫩，幾好味！西貢扎肉蒸粉包都幾大件，呢個份量係半份，有兩件，札肉大大片，蒸粉包入面好多料，唔錯唔錯！椰汁三色冰 賣相幾靚 椰香味十足，唔會過甜，飲得幾舒服。下次會再嚟食！

開始秋高氣爽最啱行山，今次由黃大仙出發，行山前係中午時間喺附近鳳凰新村醫醫肚先呢間係區內望落比較新淨，原來專食越式美食，午餐都好多選擇，今日想食飯點咗個招牌海南雞飯上檯時賣相都不錯，雞件黃油食落又夠嫩滑，幾有雞味，而個飯都係黃油飯嚟，充滿油香，仲跟上餐廳例湯，三款醬料都調得好味仲追加咗扎肉蒸粉包，扎肉都好香，粉包蒸到剛好，入面仲好足粉串料另外仲同朋友齊齊叫咗杯越南咖啡，好濃香細膩，一啲都唔會話好苦澀

上星期陪朋友去黃大仙拜神，拜完順便喺附近食午餐。朋友話前排喺越一食過，lunch 幾抵食又好味，帶我嚟試下！睇完餐牌，佢地個午市套餐又真係幾平，平均50幾蚊有主食加杯飲品，另外仲可以跟餐點個小食。主食可以揀湯河/ 湯檬、飯、撈檬及法包，都幾多選擇！今次我就揀咗「頭頓三寶撈檬 」入面有齊豬扒、雞翼同埋扎肉。碗撈檬份量都足料，雞翼都有3大隻，豬扒又係大大件斬件，仲有2塊扎肉。自己加入撈檬汁，我習慣加多啲會濃味啲，咁就啖啖檬粉都酸酸味味，好開心，我勁鍾意食！小食我叫咗「紅河炸蝦餅」都幾大件，炸得好香口，咬落好彈牙，好滿足！ 點埋甜酸醬食，味道更加好！飲品叫咗越式滴漏咖啡，齋啡，咖啡味好香濃，飲落都幾順滑，建議一試！另外都要讚下呢到嘅姐姐，落單幾有禮貌。問佢地拎咗幾次野都笑笑口，服務唔錯。

今日嚟到黃大仙做嘢，行過見到有間越式餐廳，剛好想食碗生牛河餐廳環境都簡潔，坐位都坐得舒適午市餐牌都好多款，點咗想食嘅生牛肉湯河，再加配個小食，價錢都好低食個生午肉湯河賣相都靚，湯色望落夠濃，飲落清甜香濃有牛骨味，生牛肉熟度剛好夠嫩腍，而河粉都嫩滑，而且最後食完都無口渴無味精㗎另外加配咗炸春卷半份，外層夠香口脆身可口，入面蘿蔔絲、木耳絲等餡料都豐富最後跟餐有熱飲，越式咖啡一直都係我鍾意，夠清香濃厚，入口細滑

喺網上外賣平台叫咗兩盒海南雞飯同扎肉粉包，拎到返屋企發現其中一個海南雞飯啲肉係生生地，另外粉包都冇比到個汁，打電話落去講返件事，男店員態度欠佳，佢話好肯定啲雞係熟嘅，我問佢點肯定？我見到係生嘅，佢話因為啲雞係全部一齊整所以一定熟，咁就一定熟㗎㗎咩，真係好搞笑，最後我又要拎多次落去換同拎埋個汁，男店員仲問我有冇偷食到啲雞，唔通生嘅我都食咩！又話頭先俾咗個汁我，佢根本就唔記得俾，海南雞飯一般，扎肉粉包鹹到呑唔落，無下次

叫3碗嘢錯2碗嘢，香矛牛肉變生牛肉都算，個menu 寫住蟹肉蕃茄湯檬，黎到完全一粒蟹肉都見唔到🤦🏻‍♀️問個侍應話係蟹膏溶咗入湯入面，大佬你地咁叫違反商品說明條例。再講碗嘢第一次黎係錯變左河粉，我話唔要先轉番檬粉俾我，冇蟹肉不特止碗嘢勁咸。問個侍應就剩係俾個餐牌我話退錢揀個第二樣嘢走左去，唔係去咩貴餐廳都唔求號嘅服務態度，但錯3次講句唔好意思係唔係最低要求？我知寫上黎都冇咩用，佢地都係諗住做街坊生意，但唔該俾番基本餐廳質素，咁唔想做不如執左佢啦。

🇭🇰肥ne &肥兔岀巡🐰😺今次我地兩匹去到黃大仙度行街街😽🐰行行下肚餓就搵咗間”北漏洞拉”🇻🇳 食 - 越一越南牛肉粉專門店下午茶時段, 食物同飲品方面order咗： 🐈 老街香茅豬頸肉湯河🐈 越一生牛肉牛丸湯河🐈 北寧香茅雞翼😼凍薏米水😼凍青檸梳打價錢平民, 嘢食嚟講亦中規中矩…但係喺咁熱嘅天氣飲返杯青檸梳打真係好消暑啊ne ~~😽食物質素(🐈x6最高)：🐈🐈🐈$性價比(🐈x6最高) ：🐈🐈🐈🐈————————————-越一越南牛肉粉專門店 (黃大仙)地址: 黃大仙鳳凰新村環鳳街12號地舖

今次入到黎粉嶺，忽然之間好想食越南野，咁嚟到呢一間越一越南牛肉粉專門店，咁就梗係試吓佢嘅牛肉粉啦，佢嘅湯底果然係煲咗好耐，好濃味。牛肉都係啱啱好熟，粉粉地紅色，好軟好易咬😍😍😍

今天二人到訪黃大仙吃午飯，網上對這店的好評如潮，所以慕名而來。今天的氣溫有36度，從地鐵站行上這鋪店，已經身水身汗。當我走進這舖頭，我被女職員安排坐一張已有一位客人佔用的四人枱。因疫情關係， 我們表達不太想坐這張枱，而在較内的位置。其實是有空枱的， 但職員說這枱子是職員用膳用的，別一張是用來處理送外賣用。女職員說我們可以等位，但不可以在店舖內等，要在外面等待。我覺得這間店舖的女職員， 態度十分惡劣。雖然我都明白這兩張空枱是有他們的用處。所以客人不能用。但他要求客人在大熱天時下在店外等候我就覺得有點不合理。他們在網上獲得的好評如潮，所以不用禮待客人，少了我們兩個幫襯也沒大所謂吧

見食評推薦，又再附近找餐廳食晚飯，於是到來一事。差不多晚丘8:00 ，不是太多人，坐下研究了一陣餐牌，點了火車頭金邊粉一碗，牛三寶金邊粉一碗，加上湯蘿蔔。侍應一陣電端想兩碗粉，碗很大，份量絕對足夠。兩碗粉麵基本上食材完全一樣，只是火車頭有牛柏葉，牛三寶則是腩肉而已，所以不明白為何火車頭會比牛三寶貴。味道上湯底偏鹹，越式味道不重，牛肉大件但比較鞋口。腩肉尚算可以，牛丸汁普普通通。上湯蘿蔔喜渣，這兒有點扣分。晚上沒有套餐所以飲品要另外叫。整體算係抵食，份量十分足夠，如果只想填飽肚皮，可以；如果追求食物味道，還是選其他店吧。

綜合牛肉湯河粉$54青檸梳打+$6係黃大仙發現左間性價比極高既越南牛肉粉專門店🤩依碗綜合牛肉湯河粉大碗到呢...我覺得2個人分都夠食😅牛肉同粉都超多...食左一半已經飽到上心口🤢勝在湯不會太甜，飲左好多亦唔覺口渴👍fact checked無味精😎加$6仲有杯咁巨型既青檸梳打，我又係飲左一半都無就放棄😂大食既朋友仔快啲去挑戰下💪🏻

今日同同事外出食飯 食左呢間係我食過最難食既越南河第一牛骨湯底淡而無味 懷疑用味精粉沖水，第二河粉完全無味，一d掛湯力都無，牛腩肉質鬆散，牛肉超超超硬，完全係超級失望，影響了我一天心情😭