越北牛肉粉專門店 (已結業)

越北牛肉粉專門店沙田橫壆街1-15號好運中心3樓194號舖疫情開始穩定，終於可以周圍食，聞說沙田好運中心大翻新，連馬會都要搬，好彩食肆無咩受影響，包括呢間越北。今次入去，係因為人在沙田，但要搵有水準的越南野食都好難，好彩仲有越北。今次我就叫左套餐，叫做「清新配搭A+B+C」，其實都幾抵，一個價錢起碼有主食、配菜同埋野飲。我就叫左越北生牛肉牛腩片湯粉，配魚露生菜、凍奶茶。先講碗湯粉，個湯底夠味，食湯粉一定要食個湯底先，至於D牛，又睇唔出幾夠味，肉汁一咬就出來，驚喜。至於個魚露生菜，呢個配搭唔錯，魚露食落咸咸地，調到個味出來。最後係咁熱既情況，飲返杯透心涼既凍奶茶，超滿足！正呀！

疫情關係，六時後沒有堂食，唯有帶一個外賣回家吧！看過餐牌，最後選了一個越式烤豬頸肉飯。回到家中，打開飯盒，感覺賣相不俗。白飯放在一邊，烤得金黃色的豬頸肉在另一邊，中間放了醒胃爽口的酸紅、白蘿蔔幼條，酸酸甜甜，頓時食慾大增。這店的白飯粒粒分明，豬頸肉爽口又不會韌，肉烤得恰到好處。我喜歡把附上的甜豉油加到飯內吃，味道會更濃更好。吃完一口肉，才來一些爽口酸蘿蔔清清口腔，非常理想。飯後再來一杯熱飲，非常滿足。

今日lunch諗唔到食咩 但係又好想食越南嘢 行過見到呢間門口香噴噴嘅越南餐 都幾多人排隊 所以我哋都唔執輸🫣價錢方面一啲都唔貴 分量大大碟 下午茶$60有找🙈 經過一定要試吓！🍲生牛肉牛丸湯河粉唔好睇小呢一碗河粉 生牛肉好新鮮 色澤紅潤 一上枱會比較生 按自己鍾意嘅程度 整熟啲牛肉！牛丸有驚喜 唔係普通牛丸 牛丸充滿油脂香 咬落去爆汁嘅 真係非常好食😋🍲三寶撈檬三寶係豬扒、炸雞翼同扎肉 全部上枱熱辣辣 聞落非常香口 必食雞翼！肉質好嫩滑！🐷豬頸肉(半份）豬頸肉肥瘦均勻 充滿油脂 配埋泰式辣醬就一流！🐔青桔仔雞翼呢款雞翼一碟有四隻 食落口啖啖肉 青桔仔令到個雞翼酸酸地 比較濕潤 好開胃！🥥椰青過到嚟食越南嘢點可以唔飲椰青 呢度嘅椰青好鮮甜 椰青肉好滑溜 味道好清新 夏天飲真係唔錯！

耐唔耐就會好想食越式牛肉可，但又唔想食平時食開湯底好味精嗰間，於是就搵咗呢間，叫咗個外賣，佢外賣會分開湯，河粉唔會淋哂！叫咗個越北綜合牛肉湯粉，好有驚喜！牛腩超淋，好軟熟口感好好，無騷味👍🏻牛丸好彈牙，勁好食👍🏻肥牛普通冇乜特別湯底係好清香嘅牛肉湯，配河粉加埋辣椒同青檸好夾👍🏻

LUNCH TIME去咗沙田行街買野，順便係附近食埋LUNCH，同朋友揀咗呢間越北牛肉粉專門店。海防蕃茄蟹檬份量十足，有齊蕃茄、札肉、蟹肉、蝦丸等等，金邊粉爽滑，札肉同蝦丸都好彈牙～套餐加配蝦頭膏通菜見到有蝦頭膏咁得意，第一次試，咸香十足，通菜口感爽脆都幾新鮮。越北招牌牛肉丸湯嫩滑彈牙有嚼頭，難怪為招牌菜式之一！越式沙律好多選擇，最後揀咗牙車快，即係椰菜雞絲沙律。味道清甜帶點酸咪咪，好開胃，雞絲滑嫩，加入椰菜絲口感清新。蜂蜜玫瑰柚子茶香甜養顏，有助消化～

🇻🇳越北牛肉粉專門店🇻🇳📍:沙田好運中心3樓194號舖難得今日早放lunch 就約左同事去沙田好運中心食越南嘢 成日都見到好多人排隊 行過都聞到好香嘅味道 今日一於去試吓佢先🥰呢度嘅座位好闊落 大致上都比較乾淨 出餐好快 Lunch time都足夠時間食👍🏻值得一提 外賣自取都有九折架！🍝峴港蝦餅春卷撈檬蝦餅食落啖啖肉 係用咗煎嘅方式 食落好香口 仲會有啲青蔥等 令到個蝦餅更加香 炸春卷裏面有好多香菇、蘿蔔絲等 比較油膩 不過好惹味！🍝越式烤豬頸肉撈檬呢個好有驚喜 豬頸肉烤得肥瘦均勻 充滿油脂香 份量都唔少 大概有六片左右 枱上邊亦都有酸汁 可以自己選擇落幾多份量 唔錯！酸辣無骨鳳爪呢款比較辣 如果唔食得辣嘅可能要叫小辣 酸味好出 無骨食落啖啖肉😍椰青水呢個真係必叫 椰青水好清甜 原隻椰青開出嚟 仲有椰青肉可以食😍價錢都唔貴 叫一個套餐加$26就有！

今日行經沙田打算揾嘢食 經過好運中心見到間越北牛肉粉好似幾好食而且咁啱有位 於是衝入去試吓街頭香茅豬朳撈檬魚露甜酸汁味道奇怪 除咗有少少酸 就食唔出個汁嘅味道 香茅豬扒都ok 可惜在撈檬重點在魚露甜酸汁 大打折扣峴港蝦頭膏酸辣海鮮湯檬呢個湯檬特別之處係我食唔到佢講嘅味道 淨係食到好香嘅牛肉湯嘅味道 亦都見唔到蝦頭 海鮮全部都係細細粒馬拉盞通菜炒得老得滯 即使用上馬拉盞 啲菜淡而無味 亦比較偏油酸辣無骨鳳爪味道適中偏酸薄荷青檸梳打全餐飯最好味嘅一款，因為想整得難飲都幾難熱桔子水微微鹹香桔子味Staff非常有禮貌同埋好好service 如果野食可以更有越式風味就更好

每逢週末又係要去行山嘅好日子啦！今日行完山就去咗食越南菜，呢間係沙田嘅牛肉粉專門店週末好多人，基本都八九成滿座，六點前入座仲係下午茶時段。今次叫左越北綜合牛肉湯河（$60）、越式烤豬頸肉撈檬（$58）、峴港炸蝦餅（$30）。綜合牛肉湯河有生牛肉牛腩片同牛肉丸，生牛肉片上上枱時候已經接近全熟，好彩牛腩片夠淋同細細粒既牛肉丸好濃好juicy，綜合黎講算唔錯。烤豬頸肉檬粉既肉大概有六大塊，上面淋左蔥油、乾蒜同花生，豬頸肉外面焦香，落埋酸汁一齊撈埋食好開胃！最有驚喜係最愛炸蝦餅，炸到好香脆，入面又彈牙，強烈推薦！飲品就叫咗個椰汁冰，同平時泰國嘅椰汁加冰有啲唔同，呢度嘅算係椰奶沙冰，成杯smoothie行完山飲好正！

✨越北綜合牛肉湯粉綜合有三款牛肉各三件包括生牛肉 牛腩片 牛肉丸生牛肉 大大塊 肉質幾嫩滑 牛腩片 肉質唔算好腍 有淡淡牛味牛肉丸 細細粒 有牛味 有肉汁 口感彈牙 好有驚喜白蘿蔔 清甜 但唔係好夠腍粉有三款選擇 今次揀左河粉河粉 煮得啱啱好 幼身 口感幾滑溜湯 清甜 味道適中另外有啲配料芽菜 洋蔥 蔥✨會安雞絲扎肉撈檬雞絲 份量唔少 肉質偏乾扎肉 厚薄適中 口感帶爽撈檬 檬粉口感爽彈汁放喺枱面任你落 汁味道酸酸地 好醒胃另外有啲配料芽菜 紅蘿蔔絲 青瓜絲 生菜等等✨河內炸春卷外層炸得香脆 餡料有紅蘿蔔絲 木耳絲 肉碎等口感爽爽脆脆 幾清新✨清沅蒸粉包外層粉皮 好薄 口感滑溜 餡料有啲肉碎 紅蘿蔔粒上面有啲炸蒜好香口✨越式烤豬頸肉豬頸肉 有啲厚度 入味燒得香口 邊位有啲焦脆 ✨椰汁三色冰椰汁好香濃 少少偏甜 料夠多✨水晶芒果沙冰芒果沙冰 甜中帶酸 配埋脆脆水晶珠 幾清新食物唔錯 份量足環境服務唔錯 價錢合理全日免收加一服務費 真係幾抵食

今日中午去咗沙田越北叫咗一碗生牛肉牛肉丸湯河粉、鳳爪、加錢叫咗杯椰汁三色冰，但係只可以叫做椰汁冰而且淡而無味，完全見唔到啲三色，問位女職員佢竟然答啲冰墊起咗啲三色所以睇唔到，咁都答得出？碗粉好一般，鳳爪幾好味。

一客飯/粉+飲品，可另追加小食街頭香茅豬扒撈檬，$52，豬扒份量大，香茅味重，雖然是炸，但不會太油膩，撈檬的湯汁很惹味，配爽口的檬粉，味道很好峴港蝦頭膏酸辣海鮮湯檬，$65，海鮮有青口、墨魚、峴和蝦，喜歡海鮮的朋友一定會鐘意👍🏼湯不會太辣，適合香港人的口味越北生牛肉湯粉，$50，牛肉質素高，有牛肉味，河粉爽口，湯底有濃濃的肉味，果然是店舖推介的選項👍🏼追加了蝦餅，$30，蝦味濃郁，香脆可口，好吃👍🏼👍🏼如果份量再多一點更好飲品選了桔仔水和奶茶，桔仔水很足料，有陣陣的桔仔味，不算太甜，奶茶的茶味很香，沒有酸味基本上吃了下午茶就可以不吃晚飯了

住喺沙田 附近下午茶餐都試過咁滯不過喺好運中心附近嘅越北越南菜真係算性價比頗高因為下午茶份量頗大海防蕃茄蟹檬 $66份量大大碗 蕃茄湯底香濃當中包含蟹、蝦丸、扎肉仲有蕃茄懞粉算好多 頗為足料 非常飽肚街頭香茅豬扒配米飯 $52唔好以為只有越南野港式香茅豬扒都有 豬扒厚身得黎 切成一條條方便食完 而且吾韌 香口又好餸飯 另外加配了小食越式烤豬頸肉 $28本身以為下午茶加配小食份量會好少但原來份量都頗多豬頸肉香口又入味 而且唔乾身 一口接一口😋馬拉盞炒通菜 $23份量都頗多不過如果炒得更濃味會更惹味套餐已餐飲轉加特飲只需加$8 如果想轉新鮮大椰青 則加$26就可以絕對係味蕾享受😎

平時好少食越南嘢，因為覺得好清淡無味。 但而家疫情嘅關係，為咗身體健康就選擇食清啲啦。一入到鋪，店員超好服務，即時帶客入位。仲會比一張獨立包裝的抹手濕紙巾同裝口罩的紙袋比你。之後，仲好主動積極幫你落單。6pm 前衝刺食下午茶當晚餐，就一於試晒佢地出名的越南粉、小食同埋飲品啦。生牛肉湯河粉 $50 （下午茶價）一來就有四片生牛肉在河粉上，牛肉片半生熟的狀態令人著迷。 口感軟中帶腍，容易入口，唔會太多肥膏。適合健康又想補下血同鐵質的人士選擇。湯底好清甜超有牛骨味。再加上芽菜、蔥粒、蔥絲、洋蔥絲及香葉的香味。 洋蔥非常新鮮，帶有一股嗆辣味。再加上伴碗附上的青檸汁同紅青辣椒粒，令整碗湯底的味道更牛味更鮮。 整碗湯最後帶著酸酸甜甜的味道，頓時胃口全開。雪白色的河粉晶瑩通透爽滑。廚師煮得剛剛夠火喉，唔會煮得過腍亦唔會過生。店採用嘅唔係一般中式粉麵店的中國製造河粉、而係使用越南的傳統幼身河粉。河內炸春卷（2件）（跟餐加$18）先來小食炸春卷，外皮香脆而薄、口感外脆內軟。 入面有紅蘿蔔絲、木耳絲、米粉及豬肉碎。 一入口先有好濃既豬肉味，再來係好重嘅紅蘿蔔草青味。 唔鍾意油膩既朋友可以用隨碟的生菜包住春

下午茶牛丸湯濛粉加杯熱咸桔水都喺$48🤑, 想豐富啲就加多$30就有個炸蝦餅😻🥢牛丸湯濛粉👍😋細細粒cutie牛丸有7粒, 超彈牙爽口, 彈牙程度似牛筋丸咁好食, 有肉汁及牛肉香味, 濛粉幼滑, 多蔥及有一條羅勒香草配上濛粉非常惹味, 湯底清香唔咸, 不過, 跟粉配上的白蘿蔔就有啲硬🥢炸蝦餅👍炸乾蔥及蔥油舖在蝦餅上, 非常香口, 新鮮炸起, 蝦餅彈牙有蝦味🥢熱咸桔水👍咸桔味香, 冬天一杯暖透心魚堅總評性價比 4👍(以5👍為滿分)

又到食飯時間又要諗食咩喇揀左呢間越南呀由於大家都幾肚餓所以仲叫左幾個小食SHARE呀點左~雞絲湯粉忘記左上次叫過話雞肉好鞋今次食又再記得喇湯底其實OK又會分湯呀不過下次真係唔好叫雞絲~豬扒湯粉豬扒肉質還好呀醃左既個味道又唔會好咸呀粉既份量又係好多~酸辣鳳爪雖然望落個顏色好橙色深色過平時好多但味道幾好辣得黎唔會食唔到呀~牛油雞翼可能外賣啦黎到個皮有少少淋左但整體味道合格既好入味下~蒸粉包好耐無食呢個呀黎懷念一下不過不失呀最鍾意頂頂既蔥油連埋淡淡既粉皮一齊食夾呀