越北牛肉粉專門店

营业中

休息中

💖 越北牛肉粉專門店 (紅磡)✨紅磡寶其利街73號東禧閣地下B號舖〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️話說生完BB之後我都會好想食越南嘢，因為好想再食到嗰啲酸味味嘅醬汁，但係通常都係食通粉先可以加，食飯就唔可以😵。搵咗好耐邊度有自己執嘅餐廳，最後俾我搵到呢一間！酸醬汁就擺喺枱面鍾意就加嚟食😆-燒豬頸肉飯🐖 $72燒豬頸肉飯絕對是我唧最愛❤️，豬頸肉外皮香脆，肉質鮮嫩多汁，飯邊仲加入咗啲蘿蔔絲，另外再加埋枱上嘅酸汁，增添左唔少，成個飯食落好清新，味道好豐富🫶🏻。-越北三寶湯河粉🍲 $79三寶分別有炸雞翼、炸豬扒同埋扎肉，河粉嘅湯濃郁🤤。炸雞翼同埋炸豬扒香脆可口，扎肉就好有越南風味🤭-馬拉盞灼通菜🥬$22平時馬拉盞通菜都係用炒嘅，第一次食灼嘅味道都幾特別，比平時嘅馬拉盞冇咁濃味，適合唔鍾意食太濃嘅朋友仔👍🏻-凍滴漏咖啡☕️ +$12估唔到有得叫滴漏咖啡，咖啡香濃且唔苦👍🏻-水晶芒果沙冰🥭 +$8沙冰口感好滑順，芒果味道濃郁，清爽可口😝想繼續睇我分享唔同嘅嘢就𝓯𝓸𝓵𝓵𝓸𝔀 𝓶𝓮 @gladysmamalife如果大家有其他餐廳推介可以𝒟𝒾𝓇𝑒𝒸𝓉 𝓂𝑒𝓈𝓈𝒶𝑔𝑒📩

今日喺黃埔放工搵野食見到有間食越南粉嘅餐廳叫越北牛肉粉專門店啱哂最近鐘意食越南粉嘅我就入去試吓啦✨越北招牌手切牛柳湯粉🍜🐮每日限量供應👍🏻上菜時見到仲係鮮紅色嘅生牛肉🥩好快就俾啲熱辣辣嘅湯淥熟🔥湯粉要河粉，而且仲好大碗面頭有好多䓤🧅🥬湯粉會伴隨一小碟辣椒🌶️生牛柳份量好多👍🏻全部都係好嫩冇肥膏嘅牛肉畢竟牛柳都係牛比較稀有嘅部位🤟🏻食落好香牛肉味湯底鮮甜，飲落唔會鹹食完碗麵都唔會口渴😋✨越式酸辣鳳爪🦴🌶️鳳爪有八隻仲有好多沙律菜伴碟而且份量都幾多沙律菜好掛汁成碟菜酸酸辣辣咁好開胃👍🏻鳳爪冇骨，食落爽脆唔霉✨凍檸檬茶走甜🍋☕️🧊（+3）真係有走到淡淡紅茶配以檸檬酸味最喜愛呢個配搭杯茶好大杯，飲完都一肚水👍🏻餐廳環境整潔企理枱面同埋櫈都好乾淨通風亦好充足💨💨食碗熱辣辣嘅生牛柳湯河都冇流過一滴汗侍應態度親切有禮🥳對客人要求亦有求必應

差唔多有一年冇去幫襯新裝修轉咗菜單，環境好咗 乾淨咗服務態度依然親切！越南打邊爐真係第一次有酸湯揀都幾好味😋而且經濟又實惠兩個人加個餐簡簡單單又一餐今次試飲埋越式薑茶 唔錯！

我今日放假，約同好友去黃埔行街，順道去位於紅磡寶其利街73號東禧閣地下8號舖的越北牛肉粉專門店食下午茶餐，環境舒適，坐得舒服。我點左個 越北四寶配米飯 $72，小食係 魚露灼通菜 $22，餐飲係 椰汁紅豆冰 $8（跟餐）；好友點左個 越北火車頭湯檬粉 $68，小食係 峴港炸蝦餅（細） $28，餐飲係 熱越南老薑蜜（跟餐）。越北四寶配米飯係我至愛的越式菜餚，有齊雞翼、扎肉、蛋餅和豬扒，而且炸得香口，皮脆肉嫩，好好味道；火車頭湯檬粉有生牛肉、牛肉丸和牛展，湯底微辣好惹味；炸蝦餅香口好味；通菜青綠鮮甜；越南老薑蜜好潤喉，椰汁紅豆冰好食。

餐廳位置紅磡旺區之中，環境旺中帶靜，餐廳主打越式湯河，依家晚市有自選套餐，包埋飲品仲有得加配地道小食。蕃茄蟹肉扎肉蝦丸湯河粉湯底係牛肉湯作底，以蕃茄味作主調，配料有蟹肉、扎肉和蝦丸等，湯河有蟹肉比較稀有，一個價錢三種肉類享受，蟹肉有鮮味，扎肉和蝦丸口感容易咬開得黎同時有咬口。西貢咖哩牛腩配米飯越式咖哩做法，口味偏少辣，椰香味特別濃郁，適合重口味人士，牛腩份量算多，肥瘦適中，牛腩特別入味，煮得都幾腍下，咖哩汁確實拌飯一流。越北炸春卷春卷旁放置了生菜和香葉。可以以生菜包春卷方法食用，再加上魚露調味。又可以分開食用，春卷炸過更香口，餡料好多，有香菇、肉碎及豬肉等。清沅蒸粉包看似簡單，但內裏既味道和口感都十分豐富，外層有晶瑩透徹既粉皮，食落有淡淡既米香味，口感煙韌有彈性，內有豐富既肉粒和各種雜菜碎。熱咸吉水 / 熱老薹蜜

6點前落單都可以叫到佢地既下午茶，而且選擇非常之多，飯 撈檬 湯面 小食，樣樣都有齊哂，最緊要下午茶既價錢，但係正餐既份量!!!而且跟指定特色熱飲唔洗加錢，真係好抵，我地今次叫左下午茶傳統撈檬 河內烤豬肉撈檬❤ 豬肉肥瘦相間，入口微脆唔油膩，醬汁小酸微辣，檬粉煙UN彈牙，配菜既青瓜絲紅蘿蔔絲，撈埋一齊食，口感同味道都好豐富。越北四寶配米飯❤ 有香脆可口既香茅豬扒 惹味香茅雞翼 爽口既扎肉 同 厚實既蛋餅，佢地既蛋餅有粉絲 木耳絲等食材，食起黎口感好特別。當中我地最愛緊係香茅豬扒，大大塊，啖啖肉，一D都唔油膩。蕃茄蟹肉扎肉蝦丸湯檬😄 配料有彈牙蝦丸 爽口扎肉小量蟹肉同豬肉，蕃茄蓉湯底味濃，檬粉都好掛汁，如果份量再多D就更好喇!飲品方面我地叫左 薑味濃厚既越南老姜蜜❤ 正常發揮既檸檬水❤ 同醒胃越南鹹桔水❤

今日到紅磡開會，好耐冇食越北，咁encore啦。餐廳環境唔錯，晚市提供套餐，平平地已經有主食同埋飲品。熱越南老姜蜜，姜味溫和唔會好辛辣，成杯嘢唔會好甜。越南椰汁冰咖啡，咖啡豆係偏酸果款，落咗大量椰奶搭配，入口椰汁味好重又唔會強曬咖啡香味，balance得幾好。椰青水慢煮扣肉配米飯，配菜好豐富，有煎雞蛋，酸蘿蔔絲同沙律菜。扣肉大大件有4件，悶煮到軟爛，鮮甜鹹香唔肥膩，皮仲有少少Q彈TIM，搭配飯一流。會安雞絲紮肉湯粉，搭配埋青檸同辣椒。牛肉湯湯底濃郁，回味甘甜，河粉嗦曬湯底鮮味，食到停唔落口。越式烤豬頸肉（半份），豬頸肉烤得好香口，食落彈牙有韌性，伴有少少焦香味。蝦頭膏通菜，落咗大量蝦頭膏同通菜大火爆炒，通菜炒到啱啱斷生，脆口清甜又鮮味十足。

今次黎到黃埔食晚飯，揀咗食越南餐廳，晚餐時段好多人爆場，但好快就有位，餐廳侍應都多，service幾好，裝修整潔，有卡位越北生牛肉湯粉生牛肉軟熟，湯底夠滾亦都好重牛味，河粉份量都好多，飽曬順化香茅豬扒香茅豬扒炸得鬆軟，啲肉仲係白色嘅，醃得起好好，另外有配越南蛋餅，蛋餅入面夾雜咗好多越南香料，幾得意炸蝦餅 & 豬頸肉炸蝦餅裏面好似魚腐咁鬆軟，外脆內軟好好味豬頸肉煮得好惹味，半肥瘦好有口感越南老薑蜜兩杯都係越南老薑蜜一凍一熱，熱嘅飲落好暖胃，凍嘅飲落去喉嚨好快就感覺到好重薑味， 兩種感覺截然不同，兩杯都好重薑味好好飲

今日用外賣平台越南河粉 越北牛肉粉因為有折扣同免運費。。2碗牛肉粉加2杯野凍飲大約HKD170。。。。半個鍾到，都準時到達。未倒湯時的牛肉都真係生生地。望落好似係唔錯。。。。有個盒仔跟配料青檸，辣椒粒。。。。。當我想整青檸時。。。。。發現我同老公舊青檸都係干到一滴汁都冇👎👎當堂灰左。。個湯底又淡。野飲又冇跟紙飲管。。最大罪係青檸咁樣都比個客。。。。。。完全係‘’零‘’回頭率。。。。。。

朋友想吃越南嘢，行呀行呀去咗呢間店。大部份人都係第一次去這品牌店。門面好似新裝修咁，入到去地方乾淨企理。一行7人將幾張2人枱合併坐，簡單D叫自選套餐，咖哩牛南飯，香茅牛肉撈檬，香茅豬扒飯，椰青水慢煮扣肉飯等等，有加小食如炸蝦餅，酸辣無骨風爪等。餐飲凍O茶，凍及熱老薑蜜，凍吉水等。整體來說，個飯少咗D（唔知可唔可以免費加飯，無問過），牛腩都算腍，咖喱都唔錯，D檬粉朋友就話普普通通，素菜份量多，檬粉就比較少，無骨鳳爪D汁就比較辣，總結各人都話食物不過不失。

紅磡黃埔一帶實屬餐館商家必爭之地，競爭激烈。這家連鎖越式餐廳, 整體質素不錯，香港來説，性價比算OK了。味道很好吃，適合港人口味。 店員的服務尚可，餐廳經理並身兼收銀的男士，態度非常好，要特別讚一句，環境乾淨舒適，冷氣充足，已經去過兩次了，是朋友帶我去的，下次都會再去。第1次吃了番茄蟹肉湯檬粉，用料充足。第2次試了越式四寶飯和生牛肉河，還有新菜式: 紮肉法式麵包，味道正常，但那個法包的質素有待改善，很鬆散，餡料正常。可惜兩次都忘了拍照，因為這餐廳很適合朋友聊天，掛住聊天，都忘了拍照😂。

越北牛肉粉是香港其中一家越南菜連鎖餐廳，各類牛肉湯粉、撈檬和炸物配飯等等😄今天來光顧紅磡分店，在中途更有越南食客進場就說越南語，可惜店員皆是本地人搭不上嘴，令人忍俊不禁🤯餐牌基本上都囊括了所有越南招牌菜式📜倒如火車頭河粉、蕃茄蟹肉湯檬、烤豬肉撈檬和越南咖啡腩飯等，午餐配飲品，再有優惠價加小食😉今次點了越北火車頭河粉🍜有生牛肉、牛𦟌同牛肉丸，湯底的味道沒有錦麗般有牛的香氣，但不會太有味精感，尚算清淡，牛𦟌的肉質厚實🥓像已滷過的特有味道，生牛肉仍帶點粉嫩加點了半份的越式烤豬頸肉，真算肥瘦適中🍖入口有點嚼勁頗惹味，飲品是暖身養胃的越南老薑蜜，總結是一個方便的午餐好選擇😋

隱藏於鬧市中的一間越式餐廳。早前一直裝修中。4月頭經過見開番入去睇睇有咩變化。整體風格變了木質系cafe feel。梳化望落無換到但都有打理過。乾淨整潔。餐牌亦有所不同，是日叫了兩個飯餐。- 越式咖啡豬軟骨飯：豬軟骨炆得夠淋，但咖啡味不濃- 法式牛柳粒红飯：牛柳粒是煎的，紅飯是茄汁炒飯- 越南滴漏咖啡：煉奶底，賣相取勝，凍飲冰底會另上不用排隊，店內氣氛平靜，適合聊天Vietnamese fusion dishVietnamese coffee pork cartilage rice: pork cartilage is deep-fried enough, but the coffee smell is not strong as you may imagine French beef fillet red rice: beef fillet is fried, and red rice is fried rice with eggplant sauceVietnamese dripping coffee: condensed milk base, good for taking ph

環境紅磡美食雲集的地方，越北都算是其中一位，首先地理位置非常好，地鐵站一出就到街鋪好搵，如果揸車就可以泊門口睇車，不過今次我就冇堂食，到時叫外賣返屋企食香茅豬扒撈檬粉 首先份量非常多，一個人食綽綽有餘，香茅豬扒都熱得非常入味，檬粉口感十足，配埋酸汁非常惹味開胃海南雞飯雞件同份量份量十足，雞新鮮皮薄肉質彈牙，油飯都有啖啖雞香，有三種醬料會跟埋個飯，紅色是酸辣醬，綠色是薑蓉，黑色是老抽三樣都是靈魂醬汁，配埋雞飯好好食

最鍾意食越南嘢嘅我，次次去越北都會食佢嘅香茅豬扒湯檬粉🤗👍🏻豬扒食落口充滿香茅嘅味道，仲有配埋湯檬粉簡直係絕配😊👍🏻😊😊好好味！上菜速度好快，真係啱晒我