越北牛肉粉專門店

营业中

休息中

大媽服務態度很差 給別人桌水 就是不給我 一般都是要泡一下餐具再使用 你不給我水那我只能用紙巾擦餐具咯 然後上菜也不報菜名 雖然我知道我點了什麼 然後在別桌就在那裡報菜名 我不懂 我惹你了嗎蘑菇頭大姐 我吃飯惹你了嗎迎賓點餐的小哥很帥 服務態度很好 本人比較社恐所以跟陌生人說話比較唯唯諾諾 可能那個大媽看我這樣好欺負吧 我也就懶得說了 擦餐具的時候看著我 那我也看著你咯 看我幹什麼？搞得我沒胃口 本來覺得挺好吃的 發現這個大媽搞針對我就覺得好難吃 真挺無語的 只有這個大媽無緣無故針對人 其他人都很好

素肉撈檬一向喜歡越北炸雞翼和香茅豬扒，不過搬屋後很少經過。之前聽說有素食選擇，今天外賣試試。素雞絲扎肉撈檬 $70 現在的植物肉大都進步了很多，無論口感和味道都非常像真。當然還是會有少許豆味，不過我又不是要吃肉，這個豆味亦是可接受範圍。材料非常豐富，份量亦大。有紅白蘿蔔絲生菜絲，大量素雞絲扎肉，外賣醬汁份量剛剛好。很久很久沒有吃撈檬了，大滿足！by the way…. 其實我以為是湯檬，收到一看才知自己點了撈檬😂另點了生菜 $35app 裡一定要在味道上三選一：馬拉盞/魚露/大頭蝦膏。我點了魚露….. 我知錯了，咸到吃不下，真的吃不下。熱咸桔水$18好味喎，少少咸，生菜比它咸20倍！！又要戴頭盔，沒有問撈檬汁是否素。

午餐想來一個quick lunch，見餐牌有不少選擇，又無需排隊，所以就選擇了這間「越北牛肉粉專門店」。雖然店面不大，但因為被安排坐卡位，所以可以自成一角，坐得舒服。午餐有不少粉麵和飯類選擇，套餐包飲品，價錢在這區算合理。雖然這間餐廳是專賣牛肉粉，但因為喜歡吃酸甜清新的檬粉，所以選擇了香茅豬扒凍檬。香茅味不算重，但勝在豬扒很大份，煎得香口，調味亦足，配搭生菜絲、酸汁一起吃，十分開胃。跟餐的奶茶有驚喜，奶味和茶味都十足，而且大大杯。整個餐都是性會比之選。

位於紅磡居民區嘅連鎖越南餐廳，食物嘅水準算不錯，而且weekday學生有折扣優惠所以都幾抵食。香茅豬趴嘅味道惹味，香茅味足夠之餘醬香味都做到相輔相成唔會搶左風頭。河粉湯底清甜可口。

紅磡越北與同區附近餐廳對比環境不算差，可以話係比較舒適。今日我來到食下午茶，食物方面我點左豬頸肉撈檬，香茅豬扒飯同無骨鳳爪。豬頸肉撈檬不過不失，只是感覺豬頸肉有點OVERCOOK，沒有太多的感覺。香茅豬扒就值得一讚，肉很淋，不是用肉鬆粉令到肉質很梅那種，是鬆軟的口感，味道亦很入味。無骨雞腳：酸辣適中，怕酸的不會覺得太酸吃不到，怕辣的亦不會覺得太辣，味道啱啱好 👍，而且口感亦很爽脆，值得一試。食物的份量沒有因為是茶餐而減少，而且還有飲品，如果想飲特別一點的加8蚊就可以，侍應姐姐也有禮貌👍

今次想食下飯所以食左海南雞飯點知中伏🥲雞有幾舊有血油飯無油飯味而黑色個汁都完全無味🥲平時係會食到甜甜地今次好失望因為多數黎都係食pho😂所以下次都係食pho算啦

越北下午茶真係幾正，邊到都有，哈哈！又同街坊搶入下午茶啦，哈哈！起身第一餐！香茅青桔仔雞翼 $25幾有無骨鳳爪既風味，大同小異。雞翼涼拌都係第一次，幾新奇。帶酸，夏天食一定好好，爽肉！蝦頭膏通菜 $23仲有愚魯或者馬拉盞揀，平時外邊少見蝦頭膏，就trytry。香蝦味道，唔會太濃，幾特別！越北綜合牛肉湯粉 $60生牛肉、牛腩片、牛肉丸慢熬牛骨湯底香但唔算油。生牛肉份量幾多！牛腩片好軟好食有軟左少少根汁，講多汁就係牛肉丸。雖然細粒少少，但佢有牛肉爆汁加哂分！洋蔥同荳菜都掛少少湯配菜！峴港蝦餅春卷撈檬 $58炸蝦餅真材實料真彈牙，無麵粉感覺。炸春卷仲有少少花生添口感。撈檬真係夏天必食，捉緊夏天尾巴，哈哈！鮮椰青 +$26好新鮮！好抵！椰青肉一摑就得！好清甜，估唔到呀！要叫！值得，今期貨好，嘻嘻！蜂蜜玫瑰柚子茶 +$8今次飲依個係張粒玫瑰整碎，香好多！可能不同分店做法唔同！但碎左出味好多！下午茶真係好抵，平少少既價錢叫到好食既野！

無骨海南雞配油飯$78宜家通常都揀無骨海南雞，因為可以啖啖肉，雞肉都算幾滑，件數唔少，個冬瓜湯幾好飲，只是個油飯麻麻的有油香味。越北綜合牛肉湯河粉$85這個是最期待的湯粉，有幾款牛食品👉🏼牛丸、生牛肉、牛腩片，但一入口有點失望，生牛肉個牛味唔濃，牛腩片有un 位，牛丸細粒得嚟又唔係彈牙個種，個湯和河粉無乜特別🥲軟殼蟹米紙卷$75一盒有4大件，好足料，味道和口感算唔錯😸街頭香茅豬扒米飯$75這個是無諗過咁好食😋豬扒帶肥，外脆內軟，個夠雖然好濃，但配白飯食一流，這個會回購👍🏻荔枝沙冰$24未飲過這款水果沙冰，好清新，好好味🤭推薦💪🏼水晶芒果沙冰$28之前經常都會飲芒草沙冰，呢杯在沙冰內加了芒個肉，多咗重口感，味道唔錯！但如果兩杯比較喜歡荔枝沙冰多啲，一嚟少見，二嚟真係好飲😬

越北生牛肉牛腩片湯粉 （$90）湯頭清甜 食完唔口渴。牛腩片簿得嚟油脂豐腴，牛味香濃🐮 河粉大份及配菜足，芽菜洋蔥蘿蔔金不換樣樣齊👌晚市套餐連小食及飲品，非常抵食！海防蕃茄蟹檬 (＄76）一碗有齊蟹件，蝦丸，扎肉！蕃茄湯甜、帶蝦香，開胃到飲晒見碗底😂 特別鍾意彈牙爽滑嘅蝦丸🦐扎肉三大片、半邊蟹件，夠晒飽。越北炸春卷（2件 - 跟餐）外皮簿而脆、餡料爆滿、味道好😙有驚喜！烤豬頸肉青木瓜沙律($68)豬頸肉外脆內嫩，淡淡豬味，配上酸辣的青木瓜及椰菜絲，清新而不膩🫶🏻好食又大碟加埋跟餐嘅清檸梳打，簡單美滿嘅一頓越南晚餐🇻🇳

呢間係間連鎖越南餐廳，都有好多分店，呢間好近我屋企，所以都成日幫襯，最鍾意佢夠晒光猛，夜晚去食，成條街最奪目就係佢！好欣賞呢度啲侍應姐姐，個個都好有禮貌，同埋上菜嘅時候都好小心，絕對唔會掉低啲嘢俾你就算。呢度一入到嚟，佢會提供消毒紙巾同埋口罩套俾你，疫情都咁耐，好少餐廳仲做到咁足。每次必點都係軟殼蟹米紙卷，呢度啲軟殼蟹特別酥脆，真係必點！配菜又夠！平時多數要生牛肉河，今次就試綜合牛肉湯河粉同埋順化湯檬粉。兩個湯底都好，尤其順化湯檬粉，有少少辣，但都好易入口。另外鍾意d河粉唔會煮到太軟身，好易斷。以呢個價錢呢個質素，覺得絕對抵食

越北(紅磡店)的員工好@nice，店長好好招呼每次都來吃都有進步。青0梳打可由客戶決定是否要甜味。鄰近3個港鐵站，仲要係地舖，所以就到好多客。這店不像其他河粉店一般播廣東話歌，是播越南語歌曲。誠意推介此分店比朋友。這店衞生水準甚高，裝修得宜。佢冇其他食店咁多油，廚師極有水準。全港十二間分店，最掂的分店就在這。接受電子付款。假日食客們可於此處吃午餐後，去水上樂園參觀，都只需九個字(連搭港鐵連行)。_

河內香茅炸雞扒撈檬 $60好大碗，見到檬粉同雞扒堆到滿曬，而且佢d雞扒處理得好好，肉質有彈性得黎皮脆，令人忍唔住一舊食完再食多舊。另外朋友叫左晚餐A+B+C越北生牛肉牛腩片湯粉 $90試左啖佢個湯，湯底好好味，清得黎甜甜地，而且份量好多，見到有唔少牛肉牛腩👍越北炸春卷2件爽脆！份量好足，肉眼都見到包左好多料，而且食落好鬆脆，外脆內足料❤️薄荷青檸梳打甜甜地幾好飲，又夠氣，天氣熱行到個人熱辣辣飲岩岩好！👍

紅磡做完野已經兩點，肚仔餓要搵地方醫肚。 天畤暑熱，要搵間有足夠冷氣，同埋要有湯嘅濕口野食下開下胃。見到呢間大大間「越北牛肉粉」餐廳，睇落不錯一於試下。兩點不太多人，安排入座卡位，剛好有Tea Set， 包飲品 ，仲可以加錢追加一款小食。至愛《越北生牛湯粉》（$50）。佢嘅湯底夠熱，味夠濃。除了生牛有五大片，配菜都好足，有洋蔥絲、蔥絲、芽菜、金不換、蘿蔔等。成碗河粉嘅味道就夠曬層次豐富。重點係加埋青檸汁同子天椒，咁就無得輸。然後加埋杯鹹檸水仲正。《蒸粉包》（$22/2件）跟餐追加小食。粉包面放有炸蒜片同蔥花，即叫即蒸上枱熱辣辣。粉包皮夠滑，餡料有肉碎、木耳絲、甘筍絲、蝦米，沾埋酸汁食，開胃好味。整體餐廳環境舒服，有越式裝飾。大量卡座。食物品質不錯，喜歡越式牛肉河粉，呢間係不錯嘅選擇。

沿寶其利街行，見到有間越南餐廳，入去食碗湯粉先。食咗：▪️順化湯檬 $68 - 有牛腩片、扎蹄、扎肉、牛丸▪️越北生牛肉湯粉 $56▪️加小食：峴港炸蝦餅 $30🥤午餐跟熱飲，可選奶茶/檸水/檸茶/鹹柑桔/西洋菜蜜見到唔少人都食緊海南雞飯$62，睇嚟味道好似唔錯。

越北既下午茶真係抵食又好味！每人$100都唔洗，就可以食到主食、小食同飲到特飲！😋😋1.綜合牛肉湯金邊粉 $60有牛腩、牛肉、牛肉，幾有牛味！😋湯底清甜，金邊粉幾滑！唔錯！2.雞絲扎肉撈檬 $50撈檬好開胃！扎肉都幾彈牙。3.炸蝦餅 +$30炸蝦餅口感幾彈，又幾香蝦味！4.蒸粉包 +$23皮幾滑，入面係肉碎，幾juicy！5.越南椰汁冰咖啡 +$8椰汁中和左咖啡既味之後幾好飲，好順喉！6.椰青 +$26非常消暑解渴！😋😋