越南老街

营业中

休息中

筲箕灣向來多地道又價錢實惠的小店 跟家人週末上午經過這間新開的越南菜餐廳😄店鋪面積不算大座位不多 裝潢簡約很舒適讓人感覺放鬆👍🏻早餐價錢好親民 雖然款式不算多 但質素有驚喜 下次要晚市來試試其他越式料理🥢✨汁燒牛肉沙律配法式蒜蓉包 $48Roasted Beef with Garlic Bread汁燒牛肉鮮嫩又多汁帶少許甜味🥓加入切片烚蛋及沙律菜整體味道清新🥖蒜蓉包切得厚身外脆內軟 味道非常豐富好飽肚值得一試😍✨香煎煙鴨胸通粉配炒蛋蒜蓉包 $45Smoked Duck Breast with Macaroni + Scrambled Eggs & Garlic Bread通粉一大碗好有份量加入粟米粒同脆紫菜🍜配上厚厚的煙鴨胸煎得好香 炒蛋炒得夠嫩🥖法式蒜蓉包上面的蒜蓉磨得幼細好香濃亦烤得夠香脆✨新鮮椰青椰青重手有好多水🥥味道清新鮮甜好解膩 椰青肉口感爽脆有嚼頭✨椰子咖啡椰子咖啡是越南其中的一種特色咖啡當然要試☕️咖啡味濃郁混合着芬芳而淡淡的椰子香氣🥥口感順滑帶微甜📍越南老街 (筲箕灣)筲箕灣南安街93號鯉景大廈地下A號舖

今日難得放假 瞓到自然醒, 起身都成10:30am. 肚餓落街食野先 . 諗起附近有間新開餐廳去試下, 呢個時間有D尷尬, 11:00am. 入去睇下先. 見到佢準備收早餐MENU, 上午餐MENU, 多口就問下仲有無早餐. 店員又幾好人, 話如果想食早餐就做埋俾我. 咁我快睇快叫啦. 見到D早餐都好似幾唔錯. 我就叫左個早餐, 慢煮雞胸沙律配法式蒜蓉包 ($42)   -勁大份, 有D擔心食唔曬, 賣相一流, 勁多雞胸, 應該一隻蛋切片, 個蒜蓉包先係精髓, 焗得香脆牛油蒜蓉超重. 抵食又食好. 另媽子食左一早食左早餐, 咁佢就叫左佢最鍾意嘅豬頸肉黎試下.  炭燒豬頸肉配扎肉撈檬($68) 賣相都靚仔 , 主角炭燒豬頸肉香脆KEEP 到肉汁有D炭燒味唔錯 , 扎肉都厚身,煎過嚟好香口。個檬粉落酸甜嘅醬汁好開胃惹味, 夏天食啱曬. 仲有叫左龍眼茶同薄荷茶. 兩杯都好好飲. 店員話佢越南入口的. 唔錯唔錯. 今次一次過試到早餐午餐都唔錯. 一定會番食. 佢個早餐呢個價錢呢個份量同區都搵唔到. 下次再試其他野食. . 越南老街：筲箕灣南安街93號鯉景大廈地下A號舖

之前經過南安街發現開了間新的越南餐廳~“越南老街”，今晚決定試下，黃昏6:30時段已經有很高入座率。🍗蒜蓉牛油香茅雞中翼~雞翼好大隻，表面脆漿不會太厚，一啖咬落外脆內軟，香茅與牛油香味配上勁多炸蒜，非常juicy。🌯汁燒牛肉米紙卷~米紙卷包著燒牛肉、甘筍絲，紫生菜及芝麻菜非常豐富，配上渃蘸汁一齊吃，煙韌酸甜。🚆🥣火車頭河粉~材料包羅萬有：生牛肉、熟牛肉、牛筋、牛丸、牛柏葉；先試一口湯底，湯香清甜而不膩，牛肉嫩滑、牛丸彈牙、牛筋入味軟腍、牛柏葉爽口，更可以自由選擇要河粉/檬粉/金邊粉。🍲生牛肉河粉~這碗生牛肉河一點也不比火車頭河遜色，河粉面舖滿生牛肉，洋蔥和芽菜。生牛肉稍微滲在熱湯上，馬上變成半生熟牛肉，口感嫩滑。店家亦細心附上青檸及辣椒，加少少在河粉內即時提昇味道及層次。🍸凍越式咖啡~傳統滴漏咖啡，滴漏慢慢將咖啡精華萃取，滴漏完再倒入附上的冰底，加上咖啡及煉奶伴勻，口味正宗又醒神。☕柚子咖啡~柚子與咖啡配搭新穎，柚子的清新味道與咖啡完全沒有違和感，滿滿柚子蓉甜味更帶出咖啡的另一層次。越南老街筲箕灣南安街93號鯉景大廈地下A號舖

越南老街📍：筲箕灣南安街93號鯉景大廈地下A號舖🚗：筲箕灣地鐵A2出口 步行6分鐘📞：+852 6774-7708💲：~HKD170/head for dinnerFood quality✔️：碳燒豬頸肉配扎肉撈檬👌🏼：越南西貢啤酒、生牛肉湯粉、牛油果香芒大蝦米紙卷❌：新鮮椰青總結：🤔筲箕灣嘅越式小店 餐牌選項唔多 做街坊生意所以性價比都幾合理 食物抵食雖然冇咩驚喜 附近朋友路過嚟食都幾止口癮😎🤔生牛肉湯粉可以揀河粉 檬粉同金邊粉 試咗河粉 份量簡直係驚人咁多😂最尾係食唔哂 生牛肉嘅份量都好多 但肉質就正常 大塊嘅 如果多啲香料味更出啲就更有越南風味🤔牛油果香芒大蝦米紙卷其實幾好食 兩大卷份量都好多 大大啖一口咬落去成口都係料 不過要118蚊 我就覺得比起其他 呢個略貴咗🤔越南西貢啤酒🍻就價錢合理 但說實話同其他啤酒好似冇咩大分別 試一次都夠😋碳燒豬頸肉配扎肉撈檬好抵食 大大舊燒豬頸肉同扎肉都係$68 仲要又厚身又多 肉質就硬同埋唔嫩 不過成大枝撈檬汁畀你任落唔嬲 惹味🤪😨嗰椰青開得太細 完全唔夠力開口食入邊啲果肉 另外汁份量有點太少 $48嚟講唔抵🥲

筲箕灣新開咗間小店，越南菜式一直都係啲comfort food，首先見到佢場邊裝飾有唔少嘅啤酒同酒樽，都有個大電視，難得呢度可以輕鬆咁啤一啤，所以今晚過嚟試試佢🥳未睇餐牌之前首先就嗌過越南啤先🍺🍺🤭炭燒豬加扎肉撈檬($68)首先已經俾佢嘅豬扒嘅賣相吸引咗🤭炭燒豬扒外面燒到好脆，入邊嘅肉好厚身同埋十分之入味，有少少香茅味添，扎肉都係煎過嚟嘅，所以食落去好香口。配上檬粉同埋酸甜嘅醬汁非常之開胃😋生牛肉河($78)牛骨湯底嘅生牛肉河相信都係大家嘅至愛。生牛肉都好足料，肉質好幼嫩同重牛味，加上上面嘅配菜同埋辣椒，河粉都好彈牙💯素菜紙米卷($68)越南菜式當然要嗌一個紙米卷啦。塊皮好薄都好煙韌有口感，包住蘿蔔絲菜basil同檬粉，點上啲酸甜醬真係好好味小店係用嘅材料全部都好新鮮，整體嚟講喺度食飯性價比好高。呢間裝修好有心意同埋見到入邊坐得都好舒服，呢一區又有多個平靚正嘅選擇啦👍🏻👍🏻

❤️生牛肉河粉好大碗。生牛肉和河粉的份量也很多。河粉滑溜爽口。青檸和辣椒🌶️另上。倒埋落河粉度一齊食，酸酸辣辣十分開胃。❤️越式豬肝醬多士有d紅蘿蔔🥕絲同蔬菜🥬加上豬肝醬。豬肝醬幾好味😋～唔會有內臟嘅臭味。多士香脆～呢個小食不錯吃👍🏻。❤️越式燒牛肉配薯條越式燒牛肉用左d 越式醬汁醃製，十分惹味～😋薯條夠熱，加左d辣粉好滋味，令我不禁食完一條又一條🙈。我飲❤️桂花烏龍茶(熱)用透明玻璃杯裝住茶包，好靚～落左桂花入口好香。朋友飲❤️檸檬茶(熱)。

少有一間咁有誠意嘅餐廳！選用食材新鮮好味！雖然新開短短幾個月，因為門口招牌寫住越南餐廳，所以行過好多次都冇特別停下腳步幫襯😅咁啱係一次星期日天陰陰唔想去太遠，所以同老公決定試吓新嘢，點知一試就愛上了他！結果介紹身邊朋友同老公連續幫襯咗四日🥰！

嚟開筲箕灣上堂，午餐時間經過越南老街越南菜，見到價錢好抵食，即管試試。餐廳雖小，但坐得都幾舒服，食物水準不錯，午市套餐相對抵食雞絲扎肉湯粉 $65扎肉雞絲湯河湯底清甜，份量足夠，湯粉不過不失炭燒豬頸肉扎肉檬粉 $65炭燒豬頸肉燒得剛剛好，好香脆，肉質幼嫩 配上扎肉、檬粉 好味道熱玫瑰咖啡 香醇的玫瑰咖啡，陣陣的玫瑰香，口感幼滑凍朱古力咖啡朱古力同咖啡比例恰當 口感同樣幼滑整體來說，環境不錯，職員有善，價錢抵食，午餐之選

#20240307 📝📍 越南老街筲箕灣南安街93號鯉景大廈地下A號舖➖➖➖➖➖➖➖➖➖➖➖➖➖➖➖➖➖#碳燒豬扒配扎肉撈檬 $68💭 第一眼望落就見塊豬扒好大塊，成個碗面九成位都係佢🐽加埋啲扎肉同配料根本見唔到啲檬粉咁滯😬啲花生同炸蒜令個粉香口左好多🥜豬扒有蜜汁味，鬆化得尼仲好淋，好似啲半肥瘦叉燒咁好好味😋.#原隻椰青海鮮焗飯 $138💭 面頭係椰漿同海鮮，有蝦🦐青口同魷魚🦑入面係炒飯，原個椰青咁樣上都幾打卡able📸椰青入面啲肉可以刮落尼食，原先覺得個炒飯味道比想像中淡，但反而同啲椰青肉幾夾，太重口味就會食唔道啲椰味🥥.#新鮮椰青 $48#薄荷朱古力咖啡 #熱 $38💭 尼到啲東南亞餐廳點可以唔叫返個椰青飲下，非常清甜，啲肉都好滑好嫩😜越南另外出名既野飲就係咖啡，呢度難得有好多唔同款既咖啡，試左薄荷朱古力幾好飲，咖啡味唔會好濃烈，撈勻尼飲薄荷味比較出，係另類提神🇻🇳.

生牛河必須加辣椒🌶️，好惹味，牛肉片都幾多，肉質軟嫩，油脂較少，牛骨湯底幾好飲，天氣凍飲吓熱湯好舒服😌～份量都幾足，一個人食都幾飽炒蜆 甜辣口味，先辣後甜，不過辣度都好溫和，個汁都比較濃郁，好適合撈飯😂啲蜆都唔腥，都不錯～沙嗲雞肉串燒雞肉嫩滑，上枱要即食，靈魂沙嗲醬汁，增添風味，咸甜咸甜幾惹味～店內環境都幾舒服，小店風格，好乾淨，裝修都幾有小心思，住附近都可以試一試🥰～#foodiblum東南亞

今日見到附近有間新開嘅越南菜就黎試下🇻🇳 裝修都幾有越南風格嘅情調🏝️ 今日黎試個比較平凡嘅晚餐🌙感覺味道不錯CP值高住附近嘅可以試吓❤️⭐️ 炭燒豬頸肉配扎肉撈檬 🍜豬頸肉燒得香帶輕微嘅甜味🥓 油分比例岩岩好👍🏻整體感覺係平凡但清爽嘅美味☘️⭐️ 生牛肉河粉 🥩牛肉充滿牛味好有道地嘅感覺🐮 湯底清甜唔會太油同太鹹 😛⭐️ 椰青 🥥飲一口椰青好清甜💚好有熱帶度假感⛱️⭐️ 桂花烏龍茶 🌼清新嘅烏龍茶帶上絲絲桂花香🍵 解膩一流

位於筲箕灣新開嘅一間越南小店，有多款越南特色料理，而且價錢親民💰去到咁啱仲係早餐時段，於是就試吓佢嘅早餐💁🏻‍♀️🍴越式牛丸扎肉通粉($46)湯底幾清幾暖胃，通粉嘅份量多，軟硬適中有咬口👍🏻牛丸口感紮實，扎肉厚切，爽口鹹香😋🍴慢煮雞胸沙律配法式蒜蓉包($42)雞胸以慢煮方式烹調，肉質軟熟👄蒜蓉包焗得香脆，鋪滿濃郁嘅牛油蒜蓉👅配埋雞蛋片同生菜🥬口感更豐富，食落幾清爽😆🍴椰子咖啡(跟餐加$19)咖啡香滑濃郁，帶淡淡嘅椰子味🥥幾有特色👐🏻

點咗豬頸肉扎肉撈檬，豬頸肉好香扎肉夠厚，另加$18小食 泰式鳳爪沙律，呢碟真心恐怖，鳳爪滑潺潺一啲爽脆嘅感覺都冇，而且仲有非常濃烈嘅雪味，餐廳好明顯冇處理過，撈啲泰式汁落去就算，食咗一嚿之後成碟都唔敢食，同餐廳反映只係點點頭，錢照收一句唔好意思都冇🫤另外餐廳好焗，一坐低覺得好熱問下邊部冷氣有開想調位，店員話冷氣我哋冇開喎 出面有風🙄作為一間食肆有食客喺室內用膳，係咪應該最少開返一部冷氣等人唔好食到一身汗呢🫣

上星期一家三口去筲箕灣試咗間新嘅越南食店,好有驚喜~當晚店長先推介咗幾款招牌菜:-越南老街小食拼盤 – 好耐未試過拼盤嘅串燒係咁飽滿,仲食得出係即整,讚 👍🏻 (我個女仲幾乎食晒兩串雞肉串燒)-蒜蓉包 – 新鮮熱辣,香氣十足,又係俾我個女搶住食😋-辣椒膏炒花甲 – 呢個花甲用左辣椒膏嚟炒,炒得好香,花甲好入味,個汁用嚟點蒜蓉包,一流👍🏻👍🏻-咖哩黃金炒大頭蝦 –上枱時見到咁大隻,以為佢俾咗龍蝦我~睇真d,店長話係大頭蝦,呢隻大頭蝦唔講得笑,咖哩汁比平時食到嘅越南咖哩更多層次,點蒜蓉包又係一絕~👍🏻👍🏻由於前面幾款都好好味,所以我哋再叫多兩款小食試真D😆😆😆-碳燒泰式豬頸肉– 燒得啱啱好,夠juicy,唔會又乾又燶😋          -蒜蓉牛油香茅雞中翼 – 層皮炸得好靚,牛油味又夠香😋呀女叫左杯朱古力奶昔,水吧哥哥話用咗3個雪糕球打出嚟,咁足料,唔怪得之我個女會飲晒🙀🙈值得一提嘅係職員嘅服務態度同質素,好細心咁留意客人嘅需要,就算客人只係食碗越南湯粉,都好親切咁招呼,簡直係食越南餐嘅價錢,享受西餐廳嘅招呼!好耐未試過有間餐廳食完之後想快D下次再去,下次一定會試埋越南粉🥰🥰期待~

這次是一場味蕾的享受。首先，焗飯以清甜的原隻椰青為基底，融合了新鮮海鮮的鮮美，每一口都散發著椰香的誘人氣息。飯粒粒分明，口感香軟。而香軟炭燒厚切香茅豬扒則是亮點之一。豬肉質地鮮嫩多汁，炭燒的香氣和香茅的香味完美融合，帶給味蕾一種獨特的滿足感。最後，串燒加上秘製醬汁作為點綴，增添了一抹微辣的風味，使整個食的過程更加豐富多樣。以其獨特的組合和口味，滿足了我的味蕾。本次菜式：- 碳燒豬頸肉配扎肉撈檬 - 原隻椰青海鮮焗飯- 碳燒厚切香茅豬扒- 蒜蓉牛油香茅雞中翼- 越南老街小食拼盆(春卷、雞串、 牛串、素米紙卷、柚子沙律)- 酸辣無骨鳳爪- 越式生牛肉湯河粉 + 香茅雞中翼- 蠔(愛爾蘭)另外，加上這店是集合酒吧食店於一體，是與朋友歡聚的一個好地方。