越式越好味 (已結業)

Went for late lunch on a weekend, typical Chinese Cha Chan Ting environment. First good point is good customisability of menu items, including no sugar option for lime soda and other special drinks. Can substitute menu items such as the spring rolls in the Vietnamese platter.Second good point is huge portions. Very filling and generous and set add-ons are reasonably priced. $49 for raw beef pho, $12 for steamed veg and $22 for grilled pork.Third point is the taste is quite good. Wasn’t expecting

今日星期日中午，經過見到好多人，就入去試吓。見到環境好迫，但見到咁多人，應該會好好味。叫咗一個「招牌越式豬扒飯」$46、一個蝦餅煎蛋飯$49、一個蝦醬炒通菜$59、香茅雞翼同埋兩個越式凍咖啡。個豬扒飯嚟到，個豬扒細細舊得四夠，炸到乾爭爭的，而飯就是一個白飯，沒有任何醬汁，連豉油汁都冇，而個蝦餅飯亦是一樣，個蝦餅係4塊仔3厘米×2厘米染咗黃色嘅蝦餅，入邊見到有啲蔥，完全冇蝦味，乾爭爭。我即刻問店員，個飯係咪完全冇汁？佢話係，我就話：咁樣你個飯真係好難食，啲餸亦都好乾，佢就俾咗一碟美極同埋一碟蔥油我地，我哋就只好撈飯食咗少少。而個蝦醬炒通菜就好似一個好正常嘅蒜蓉炒通菜，冇蝦醬味。到過雞翼，冇乜特別，係一般唔好食嘅冇醃過嘅雞翼，算了。而果兩杯越式咖啡，飲落唔香、偏苦，望望廚房方向，見到有一盒紅黑底的越南牌子即沖咖啡，即是不是蒸漏出來的，難飲！成餐$202，一句講晒：難食！

話說我住係深水埗, 今日經過有間越南菜, 睇落都正常, 咁諗住星期日去食個下午茶啦。係門口見到個下午茶餐牌，都揀好晒，先行入去。見到有吉位，不過係未執枱，見到有２—３張都係咁。但無一張係執好，咁都唔緊要，坐下等下ｌｏｒ。結果一等等左十五分鍾，都無人執。忙丫嗎，唔緊要，明既，樓面得兩個人，有成十張枱ｗｏ，係要D時間。等到有黎執枱，我地問可唔可以睇下午茶餐牌？佢話， 無架，星期日係無下午茶，我地ｏ晒咀，唔係掛，成間餐廳，連所有貼出黎既紙，都無寫過星期日係無下午茶供應ｗｏ。但你洗係門口貼正下午茶餐牌。如果你寫明星期日無供應，係我衰。但你未寫出黎，又貼個餐牌係度，就令人誤會有下午茶而入黎。因為之後好多枱客都問有無下午茶餐牌。好心唔好咁既誤導人。好啦，唔緊要，都坐低左成十五分鍾，照叫午餐啦，叫左個蝦餅煎蛋飯，朋友叫了豬扒撈檬豬扒撈檬等了５分鍾到，朋友話麻麻地，１０分俾４分咁上下跟住我個個飯，等左成廿分鍾。要追個侍應，先叫廚房整。另一個侍應又問我食咩，我心諗，你睇張單咪知，洗唔洗個個侍應都過黎問？再等多５分鍾，終於到了。質素就係張圖咁蝦餅得D油味，Ｄ豬扒係我朋友俾我的，朋友話好干，我食落就覺得hi

蕃茄蟹肉扎肉湯檬（56蚊）第二次食呢間，雖然都係外地人做店員（越南人！？），但食物卻一般。特別對蕃茄蟹肉扎肉湯檬非常失望，可能比較另一間同樣係深水埗，但好出名的越南食店，佢地的蕃茄扎肉湯檬的蟹餅非常入味，但呢間首先湯底差，得番茄蓉同肉碎，湯底似清湯，欠缺番茄味道，札肉有少許腥，反而黑色的肉捲味道唔錯，蟹肉係完全見唔到，冇任何鮮味，見到的海鮮係一隻開邊蝦。牛油果沙冰（25蚊）飲過其他店舖的牛油果沙冰，呢間偏甜，唔知係咪加左奶精/粉，似雪糕運呢拿味，由於被奶味遮蓋，食唔出牛油果味，非常可惜。性價比低，81蚊，蕃茄蟹肉扎肉湯檬同牛油果沙冰水準都好一般。 （50分）

正宗越南菜Openrice訂座，食滿$100送香葉豬肉捲係其他餐廳比較少見，應該都係正宗越南野叫了一個越南豬腩片撈檬和豬頸肉撈檬，都是$49全日都是同一個餐牌，不會夜晚特別貴豬腩片都算多，味道唔錯豬頸肉幾滑，撈檬正常本來餐牌寫飲品是叫咗飯麵可半價加配，可能新開張，現送熱奶茶／熱華田／熱檸水／熱檸茶原價$36的越南滴漏咖啡（本來都沒有半價）則可以$30加配這個越南滴漏咖啡十分正宗，係去越南當地飲過嘅味道，最底是煉奶，我地唔鐘意甜所以無攪拌，下次會問下可唔可以走奶聽店員溝通，應該是正宗越南人因為新開張，店裡暫時只收現金，店員說已在申請其他支付方式。Openrice確認訂座過程有小小問題，店員好緊張咁幫我解決

牛油果沙冰首選 🥰鮮茄蟹肉扎肉湯檬 👍🏻 蟹肉唔係好夠，反而見到有蝦。希望之後可以比多d 🦀 味道唔錯👍🏻 有塊紫蘇葉做配料，感覺好清新。 湯檬入面有個豬肉卷反而係驚喜，未食過，好好食。 有塊葉包住，有啲黑木耳碎，有啲脆口嘅唔知係豬耳定係軟骨嘅嘢。 好食到我再散嗌，其實$18 有4件，不過我食左一件先影相 🤣好想試埋越南咖啡不過好飽，下次先 😝 其實都叫左個軟殼蟹撈檬，不過無影相⋯ 果個不過不失，都算好食。 可以再泥過 👍🏻

早上到深水埗做嘢，路經元州街見到有間越南食店，膽粗粗入去試，一入去聽到幾位員工用越南話講，忽然有點信心。由放身體問題，不能食某類型食物，只點了幾個小食，豬頸肉，扎肉同蝦多士。老實賣相及味道不是什麼大餐廳的級數，但以價錢來說性價比算是高的。畢竟是小店，廚師親自上菜，細心介紹食物特色及她的心思，充分感受到誠意。不錯不錯⋯⋯用餐期間不少街坊來用餐，相信他們的主食也應該OK吧！下次會帶朋友來試下主食，期望會有驚喜。