越棧越式湯粉專門店 (已結業)

第二次黎呢度野~第一次係下午茶(個炸魚ok)今次就係食晚餐一入到去,wa...個個都鐵板wor..原來9點後減價..唔怪得啦叫左個牛同什扒,問我個牛幾成熟我都奇ga啦...呢o的邊有幾成熟呀,要5成出黎咪又係熟晒~hhahha,一般梳打牛咁囉,ok gei個黑椒汁夠辣都唔錯,仲好鬼大份添個什仲驚..一塊豬一塊牛一條腸一塊火腿扒仲有隻雞全亦同薯條...都係$22.8,凍飲加7蚊冰加10蚊,埋單都係62蚊,加一都唔駛招呼又唔錯仲想點

嗰日有個朋友生日。我哋一行四個人约好先去行街然後再叫其他人一齊睇戲卡拉ok。我地先去太古城行街然後再走去吉之島，行到九點幾。戲又差唔多開始但係又鬼死咁餓。諗住去澳門茶廳食野啦又鬼咁多人。但係發現隔籬有間叫越棧越南餐廳，我一向都好仲意食越南生牛河同埋春卷。咁咪上去試吓囉。嘩一上到去原來都好鬼死旺。但係好在佢地間野好大所以好快有位啦，一坐底嘩左右隔籬又'喳喳'聲。望一望好多人都食鐵板餐喎，我心已經諗原來又係一間唔正宗嘅越南餐廳，好失望！因為我真係好仲意食越南野！問一問D伙記乜唔係食越南野咩？伙記講係有越南野食不過都有好坻食嘅鐵板餐, 雖然好旺，但係嗰伙記都好熱情咁介绍個扒餐比我。原來lee 到D扒餐都係$20蚊到。姑且試吓啦！我叫份美式什扒(份量又幾大喎) 仲叫咗羅送湯(都叫做幾香滑有肉味加$5蚊算係咁啦)又叫咗冬奶茶(lee 個都ok,但係就太多奶) 另外個朋友叫生牛肉粉(佢話個湯同牛肉真係幾好味，感覺到冇味精，但係就小D lor)，,紅豆三色冰(lee 個feel就差Ｄ啦好似港式冰咁，一D都唔越南，可能要就番香港人啦)另外嗰friend問個部長有乜介紹,佢話lee 到越式架喱蚧都好多人

其實我有時都會食早餐,嘆下午茶,晚飯都有,不過越來越少,只有想食越式豬扒凍檬的時候,才會光顧.早餐同下午茶尚可,不過要記得同d支客或帶位coupon,事關有一次我的蝦子餅一個人去tea,忘了coupon,本來15蚊0既下午茶餐即變成25蚊0既騙局.蝦子餅喊住話以後唔幫親,除有我陪同.佢d下午茶餐都ok嫁,如果揀湯粉/檬就好d同抵d啦!15蚊連熱飲,不過菠籮油就咪啦...以前d皮脆扑扑,前日去tea,居然用微波爐反叮,真係強差人意.

星期二晚同男友睇MI-3，未睇之前，去醫下五臟廟先：－越南春卷拼扎蹄－春卷有ｄ油，不過幾好味，扎蹄唔係咁好食；XO醬花姿片時蔬－西蘭花，魷魚片，好爽甜；蒜茸焗青口－味道一般；越南生牛河粉－個湯底好飲；越式雞絲湯河－普普通通；敬送精美點品：香芋西米露－好”杰”．ｄ菜好快就黎齊晒，幾有效率；斟茶都斟得好密；個西蘭花炒得唔熟，同職員講完，即說：幫妳換過碟，好！當然係再翻炒喇．．．

因是Weekemd周圍都好多人，最後去了比較少人的康山的"越棧"，點知‧‧‧那裹的衛生真係好唔掂，隻餐飲spoon有一片"上手留下的檸檬肉"，個時我已經覺得"那裡唁收加一，係咁架啦"。所以我只是自行用水洗淨便算。後來，我又發覺隻飯碗內又有"上手留下的紅豆沙"，心想"都唔知D碗筷有無洗"。之後，我又聽到鄰座的人投訴"熱檸樂唔熱"，個侍應一點也沒有歉意，只是叫人番"叮"杯野便算。正當我想盡快食完離開這"恐怖的地方"時，我看見正在在樓面水吧和收銀處的人正食緊"麥當奴"，我想若他們小休便應到"後面"進食，但他們卻在樓面大堂進食。真希望"持牌人"快些知道他的員工"上班時"的景象和衛生情況，如果唔係，”間舖頭執笠”都唔知發生什麼事！

姪女同班同學放暑假由澳洲返香港, 約o左o黎呢道食一餐, 我從來未o黎過就姑且一試.可惜, 無樣o岩食. 炒檬, 炒飯都無乜味, 牛肉炒河一樣兼且牛肉又鞋又韌. 沙嗲唔夠班, 味道只能呃到初哥. 馬拉盞炒菜油淋淋, 竟然可以無馬拉盞味. 蔗蝦o既蝦肉本來都合格, 但用o既蔗竟然有"縮"味, 點得o架. 軟殼蟹味道勉可但蛋太多蟹就太細碎, 部分炸得太乾硬. 唯一食得下係燒豬頸肉, 肉質味道都合格, 只略嫌唔夠鮮嫩.這是一間茶餐廳, 味道同水準亦只和普通茶餐廳(如新釗記等) 一樣, 供應越南菜我諗只係整色整水, 價錢就貴一蹶! 電視介紹過? 哈....

我跳舞前都會去越棧醫肚通常會叫香茅雞翼檬---如雞翼即炸即上就很好吃,放耐了便味道相差很遠柚子茶---很細杯,我朋友試過一次幾乎完全沒柚子只得水不過以午餐來說三十元算是平了

四人套餐另一個香芧雞球炒飯:拼盤：4粒蝦丸---不脆但夠彈牙；扎肉---外來貨，尚可以；春卷—淋；沙爹雞串---沙爹汁好味，但雞肉卻嫌”鞋”及”韌”越式炒麵：淨炒麵，但份量好多，炒得夠乾身而不寡南瓜銀雪魚：南瓜煮得不夠淋，而且有一陣咸魚味；細細件的銀雪魚被粉漿厚厚包着，全碟得幾件，都唔知係好彩定唔好彩豬頙肉炒時蔬：好油，碟底全是油，而且肉好韌香芧雞球飯，套餐以外的叫的：炒飯冇炒，雞球變雞絲，香芧變洋蔥汁，唉….甜品：香芋西米露，香芋味濃，幾好味其中一個侍應呆頭腦，說話九唔搭八總共240多元，雖然款式多，但太油膩而且太唔健康啦

行完太古城已經係晚上八點多我個friend話以往去越棧食過lunch好抵不如去試下佢地個晚餐入到去叫左個198蚊的二人套餐冇加一冇茶介實收198套餐包括兩個湯越式春卷拼脚扎(春卷幾脆但d脚扎就好唔掂,重差過超市買個d)干燒大蝦一隻(無錯係一隻開邊兩個人每人半邊真係幾好吃都好似唔係幾夠喉)西蘭花花枝片(好夠火喉上菜時重係熱但呢個好以同越南菜好似唔係好有關係)精美甜品(待應冇介紹唔知係什麼甜品我個friend食得出話係南瓜西米露)整體來說d野食都ok個真係唔值HK$198囉198蚊兩個人係樓下澳門茶餐廳食二三餐都得啦同埋真係食唔出呢D套餐都食唔出有什麼越南特色囉如果你地想食D有越南特色的食品真係唔好期望太高因為我個FRIEND話下晏好抵食個D LUNCH都係好似D茶餐廳貨式吧了

那夜跟家人一起吃飯。我們選擇了越棧。晚上七時半，不用等位，我們五人被安排到一張供八人坐的圓桌。我們叫了八款菜。值得一提的是：﹝*推介﹞1) *蒜蓉包：$18 有八片。新鮮不油膩。2) 雞絲湯檬：跟餐$28 連飲品，凍柚子茶只需加$2。湯算清，檬夠爽。3) 南瓜海鮮煲：海鮮以石斑、魷魚為主，汁是南瓜汁配葡汁的混合版，夠濃，不過比較咸。可惜盛菜的南瓜的生的，不能像冬瓜盅一樣把瓜肉吃掉。4) *越式雜菜煲：是粉絲加菜的組合，菜的種類十分多。十分清淡健康。5) 凍粟米糯米：加了椰汁，很清甜。不過糯米令人飽肚。另外，服務員態度值得一讚。

昨晚和老公首次光顧此店，環境闊落，很多卡位，不侷促，有幾部電視機，可一邊看劇集一邊進食。點選了以下食品：扎肉湯檬－扎肉被切成幼條，份量多，湯很夠味，好！蜜汁燒豬頸肉撈檬－豬頸肉及檬粉的份量很多，肉醃得尚算入味，但燒得不夠火喉，魚露又不夠味。炸蝦餅－內裡不止有蝦肉，還有馬蹄粒，增加口感，但同樣炸得不夠香口。炸春卷－附有生菜，乾淨而新鮮，咬下去卜卜脆；春卷內有粉絲、木耳、蝦肉茸，味道不錯。沙爹雞肉串燒－最差的一道菜！雞肉明顯只略燒，完全不香，更有些雪藏味；沙爹醬稀而泛味，根本不像沙爹醬！凍咖啡－OK！不像一般餐廳的帶酸味。總括而言，是一間可以一試，但別期望高的食肆。

客人在康山開新店, 工作至九時半才收工. 原本之前步去華蘭路, 去幾好評的函館元祖北海道拉麵,但無開門, 原因待查.結果去了很近工作地點的越棧.上個星期去了意蘆, 正所謂珠玉在前, 今次去到大致同樣叫了上個星期餸菜作比較. 可惜就是沒有牛油雞翼.先來咖喱牛腩煲, 四十多元一個煲其實份量不少, 可惜沒有跟飯或蒜蓉包. 要另叫.牛腩只是一般, 不夠腍, 亦不太入味, 上次去意蘆是跟紅蘿蔔, 今次就跟薯仔, 到底正宗越南是跟什麼?咖喱汁就近似回茶餐廳的咖喱, 可以用來送幾碗飯都得, 記得上回在意蘆就只香而不辣, 有點像牛尾湯. 到底正宗又是怎樣呢?另一個蒸粉包一共三件, 唔知係咪我唔小心, 一放落碗就好似周星馳套戲咁講"一日含包散", 一邊看醫道, 一邊加魚露, 匆忙搞掂就算數.雖然質素一般, 但勝在無加一, 還有幾位嬸嬸好好招呼, 應該加番D 分數, 座位亦見舒適.都比番個好評, 純係因為服務之故.

我與媽媽到這店舖享用晚膳，濱海......硬到好像未解凍魚露......酸得不是味兒扎肉卷......包時不大用力，故出來已有點"散"三色冰......超本地化, 一點越南感覺也沒有, 紅豆+綠豆+?, 仲要無乜落椰汁......香花菜欠奉, 不過不少下價越南餐廳都係咁.不過也有好的一方面:牛肉湯檬......d湯整得唔錯, 唔覺佢太味精, 仲要飲完d湯都唔覺口渴.串燒......佢雖然找了些肥肉來燒, 但燒出來很香, 又不致燒得太難, 醬味亦濃.同時他會在埋單時送一張coupon, 下次有一個指定餸免費. 但記得提提她們, 因她們有時不記得拿來.

今日赤口，冇去拜年之餘同屋企人走o左去康怡mcl睇戲，睇完戲，肚仔餓。於是一家人諗住去澳門茶餐廳食tea，點之要等位。於是走o左過去隔離間越棧試o下。剛巧又有下午茶套餐，於是叫o左個香茅牛肉同雞絲凍檬。再加個扎蹄賓海同埋春卷。埋單都係100 元。抵到爛。個凍檬同春卷都唔錯，有越南風味。賓海係第一次食，如果塊生菜大塊少少會更好。不過比起好多所謂越南，呢間野係好經濟抵食。而且服務也不錯。

行完太古城,o米近近地去呢度之前都嚟過食lunch,晚餐就第一次至鍾意呢度d 卡位,夠高夠闊,好好坐2 個人嗌左3 個餸+2個飯1 炸蝦餅$ 4x 油左d,不過熱辣辣好好食,有蝦味2 蜜椒蟮球$ 5x d 汁好食,蟮球大大碌,好脆3:} 越式豬頸肉濱海$ 5x (漏左影相) 原本諗住齋叫豬頸肉,見濱海呢個字好特別,就嗌呢個試試,原來係一碟豬頸肉同d 檬粉(???),加一碟生菜,比你包住一齋食,我都係今日先知咋 總括: 價錢可以啦,環境好呀.闊落,唔嘈,坐得舒服,食物熱辣辣