越棧越式湯粉專門店 (已結業)

首先，我諗住weekend lunch time 食餐好，掙扎好耐去呢間定樓下間澳x茶餐廳呢！最後本住試下心態上o左去…一試就「lai」o野！事關以前經常幫襯「越棧」、logo 有個越南女子踏單車o個間呢！(今次先發覺係兩間完全唔同o既舖頭！)去越南餐廳係唔係一定要食越南併盤同生熟牛肉湯河先？係你就出事！先講生熟牛肉湯河，牛肉勁「鞋」加無味味精湯，幾正宗你get 到啦！好啦！諗住越南併盤可以加分啦…坦白講扎肉同蝦丸唔錯，可惜我第一口咬o既係沙爹…酸o既！叫位女經理o黎試下(都幾好，佢肯試同肯換…弊在佢試完放番落我地個碟度，叫我地食其他o野唔好食沙爹！你話我地下次重幫唔幫襯？

餐廳特色 是在康怡吉之島對面那天跟朋友A逛太古城及吉之島 累了便找個地方吃些東西康怡廣場那間越棧 我們幾年前在那裡吃過美味的越南菜加上地方就腳 所以朋友A和我便去了越棧一上餐廳 只見小猫幾隻已心知不妙了侍應有8位 但是她們不是在看電視 就是在談天根本不想來給你落單這次 2 位 點了 鐡板牛扒 鐡板什扒明明是點了 1 x 牛扒 ; 1 x 什扒侍應卻端來 2 份牛扒 << 因為負責落單那位姐姐, 一邊寫單 , 一邊看電視最後在友人再三要求下, 他們終於肯換回一份什扒 鐡板牛扒 , 明明點了7成熟 , 一切便知有 20成熟 .... 根本切不開 整份牛扒都是油膩膩的, 加上扒邊有焦 , 一看便知是放在炸煱快速煮熟的 鐡板什扒 , 有 1x 好薄的牛扒 + 1x 朱扒 + 1x 雞翼 + 1 x 腸仔 薄牛扒不好吃 , 朱扒反而 ok . 雞翼可能炸過再炸 , 所以好乾 , 乾 到咬唔開食物 >> 難吃 很難想像到這間是幾年前吃過的越棧 有可能易了手了...東主根本無heart 經濟這食店不如

家住西灣河多年,但發現該區很少越南餐館.我與太太做完gym後, 醒起有一間越南餐館, 我哋又未去過, 我又好想食, 於是順利成章就去食。到餐館內看到Menu, 竟然與酒樓一樣有肉絲炒麵等的食品,再一看是東湖集團, 就知道是掛羊頭賣狗肉的食店。不過好食的都不太理會是否不倫不類。我們的目的是食越南食物, 所以我太太點了一碗香茅牛肉撈檬(餐點包一杯飲品), 我點了一碟沙嗲牛肉炒檬粉(餐點包一杯飲品)。香茅牛肉撈檬用的牛肉竟然是茶記沙嗲牛肉, 沙嗲牛肉炒檬粉夾雜大量的韮黃(恕我孤陋寡聞,我未曾見過越南食品有用韮黃作食材),而檬粉更有一股梘水味。食物難食之餘, 價錢又不是便宜, 香茅牛肉撈檬(餐點包一杯飲品)收$30, 沙嗲牛肉炒檬粉(餐點包一杯飲品)收$40, 茶記的質素(最cheap個種), 酒樓的價錢。此外, 該店的管理更可以用不知所謂去形容, 我們隔亂的枱一直沒有人坐, 可能侍應寫錯枱號, 傳菜員看到該枱沒人坐時,竟用她響亮的叫聲叫: 有無人要生牛肉湯河; 枱號151有無人要生牛肉湯河。如果看到枱上無人坐時,可否問一下附近的侍應, 是否寫錯枱號,而不是大叫, 你估你現在做茶記或大排檔嗎。

2009年05月29日，15:00趁小黃金週，到泰航假期取套票。取票後到這似曾相識的食店。要了份生牛肉河和齋啡齋啡：賣相似加了奶的咖啡，為的是豆靚油足，泡末奇厚；味醇、回甘持久。生牛肉河：薄切牛肉嫩滑、芽菜清甜、指天椒辛辣、青檸汁提升食味。題外話：我曾在太古城工作超過十年，但今天竟有莫名的陌生感覺。

同朋友黎食下午茶,一上到去,覺得好搞笑,因為同我去開的越棧好唔同,格局好似茶餐廳,連食物都係,除左越式野,竟然有茶餐廳野,如通粉,三文治,多士等。$26一個檬粉餐,都算抵,點左雞翼撈檬,雞翼大大隻又多肉,個皮都幾多同唔肥,算係唔錯!檬粉一般,可以啦!魚露係自己加,加好都多都得,不過佢呢度d魚露好似同出面有少少唔同,無咁酸,ok但唔係我好喜歡果種...食物雖然ok,但服務有待改善,個阿姐好似唔知自己做緊乜咁,落order都好似唔係好識,指明係果樣佢都唔識落,擾攘左好耐,就黎俾佢激死!

係附近要揾野食, 經過門口.. 見到門口張poster話D扒咁平, 有D驚, 而且要2樓先係餐堂, 又見唔到個格局。行後少少透過玻璃窗"目及" 下多唔多人食先敢上去。上到去, 見到餐堂好寬闊, 原來地方好大... 見到差唔到60%人都食扒。另外都有不少人(~30%)食越南粉, 亦有5%人叫餸食飯, 5%食完飲緊野, 唔知佢地食乜。牛扒, 雜扒 - $29.8魚柳, 雞扒, 豬扒, 燒雞- $26.8(六, 日, 假期貴$10) - 野飲加$5-$7大家樂/大快活都收$4X啦。呢度真係算好平, 有D茶餐廳都做到呢個價錢, 但冇咁的環境! 坐得舒服, 勁多卡位, 2人都俾張4人卡位。友人點了雜扒, 有雞翼, 火腿, 薄牛扒, 豬扒, 腸仔。驚喜係塊火腿唔薄喎, 都厚厚地的架!另外的牛扒餐, 好大塊, 成塊鐵扒咁大, 都幾"淋"。不過唔好期望可以食到medium rare 啦梗係! 2X蚊貨色! * 扒餐都有少少椰菜和粗波浪薯條, 幾條紅蘿蔔喺底。* 黑椒汁好夠味, 見到好多人都另外再叫多碗汁。* 都有好多呀姐做工, 叫人攞野都唔難, 不過梗係唔會有超級好service。 - 會再食!

好耐無黎過食野，記得之前(起碼一年前)黎過，野食普通叫做過得去。今次去到睇餐牌，一份越式粉/撈檬加熱飲只不過$30蚊，都叫經濟實惠，點知上到去，格局同之前黎果陣完全唔同，一般港式茶記款，唔講唔知係越南餐廳，一睇餐牌，寫住乜乜海鮮酒家集團，就知咩事，唔怪得個個waiter都係酒樓部長既feel。更加唔似越南餐廳既原因係，餐牌入面越南野食唔算多，但鐵板扒餐則隨處可見，更有南乳雞，小炒王供應，如果想食正宗越南菜，未免失望而回。叫了一個豬頸肉撈檬及生牛河，飲品一般茶記水準，生牛河份量頗足，無論牛肉同河粉均能滿足一般食量之人，可惜牛肉太厚且鞋而無肉味，湯底太清令河粉更覺淡口。至於撈檬，酸甜汁既味道唔夠，落多多都係唔夠開胃，豬頸肉普通。餐廳環境衛生一般，檯底好似有小昆蟲咬咁，即使係卡位，我地都無坐得好耐，至於附送既茶水，只有茶色而無茶味，味道怪怪的，都係用來洗野算啦...如果不求味道，不計環境，都ok既，但$30蚊，附近地區應有更好選擇

上星期同同事食飯..佢地話呢間好味..咪一試..點知..訂位..仲最過唔訂囉.. D野上到黎都唔算熱.. 招呼唔掂..D人都唔知BUSY乜?叫左N次+水都可以扮聽唔到!勁..衛生都唔系好掂...幫親一次好拉!!唔好搞我第二次..

今晚同friend睇戲.套戲成2粒幾鐘.入場前醫左肚先.朋友介紹黎呢間.入到去以為係貴野.睇下餐牌,原來有$29.8什扒.再睇下個場,原來都有好多人食緊.應該冇問題.叫完之後等左15-20分鐘.黎到發覺都幾大份.一隻雞全翼,一塊豬扒,一塊牛扒,一塊火腿同一條腸仔.鐵板上,熱辣辣.味道都算唔錯.不過時間緊迫,所以冇乜試真d味.下次要認真試清楚.不過30蚊有找,份量又夠,冇搵笨.呢道都加左分.友人加左5蚊羅宋湯,勁細碗,下次情愿加7蚊要杯凍飲好過.

兩年前經常黎呢度食 lunch, 當時選擇多又唔貴, 而且味道仲唔錯不過依家價錢貴左, 味道已經變得普通今日可能因為落雨, 無咩人, 安排坐卡位, 靜靜地傾下計order 左蕃茄肉片飯, 以前食過開胃, 好味當上碟果陣睇一睇個賣相, 無以前咁好料少左好多, 得好少蕃茄個汁無以前咁好味, 肉片唔夠嫩總括黎講只屬一般貨色, 但取價 $36+$2 飲杯凍奶茶,

嘩!真係超級差!1.4:50pm入到去,個女經理同我地講話冇下午茶!明明就係未夠5點正!個女經理仲好唔好態度咁話:「而家已經5點鐘,冇下午茶喇!」我地就同佢講話都未夠5點佢仲話:「唔係睇你個鐘,都唔係睇我個鐘,係睇公司個鐘」佢所謂果個公司既鐘就係電腦果個鐘!2.1個伙計就帶我地入去最入果張台,另1個伙計又叫我地番出去,究竟而家想點先?佢地1d默契都冇!究竟佢地係點溝通架??3.後來我地冇出番去,仍然都係坐係入面,都唔知係因為冇人做野丫,針對我地丫,定還是係咩關係我地叫極都冇人同我地落order,如果唔係有2個男經理係隔離台開緊會,我諗我地餓死左都冇人知!佢d咁既工作態度點得架!就算入到去仲有下午茶,淨係搵人落order都過晒時啦,食得黎都變左晚餐喇!4.到我地走果陣,個女經理仲要眼超超,口upup咁掘住我地!我地食完都背脊骨落啦!!雖然佢d野食又唔係話好差,都ok平,但係我覺得大家冇乜必要為左慳果少少而令自己食得咁唔開心囉!唔單止係唔開心,仲要係激氣!!我勸大家都係避之則吉啦!

每次我都會食香茅雞翼河..因為佢比成2隻雞全翼家..抵..我最中意食雞全翼...上次見人地食蒜容包好似好抵食咁..$18咁多塊..所以叫左..抵就抵但有點靱..原本星期6都有下午餐的.好,千萬不同叫柑枯水..男朋友叫左.勁唔抵.原本係比一粒柑仔再加水.仲要加$2,勁唔抵.我諗住唔係這些的.

昨晚同老闆一起上完堂就搭叮叮去太古城...事因約左人交收貨...時間仲早我地就去搵地方食晚餐先老闆係澳門茶餐廳同越棧2選1之下, 選左後者..2條友一心都係食檬粉..點知上到去見到扒餐都係$20個真係忍不住咁平, 最後每人叫左一個扒來食.我就叫左個牛扒餐($22.9)再加$10叫左杯柑桔7up; 老闆叫左個雞扒餐($19.8)加$5要左杯熱檸茶...此處既亞姐都幾攪笑..原先我係叫青檸梳打點知亞姐極力話唔好又無味又唔甜唔少客人都話唔好跟住佢就話叫我飲柑桔7up啦..我就聽佢講原來係咸柑桔岩我口味...真係多謝佢既溫馨提示...d扒餐都唔錯啦..2十幾元真係唔好有太大要求啦...

前幾天, 去了太古分店~ 是男友recommend, 他說除了越式食物還有其它, 我抱著懷疑心態入去(因覺它不是正統越式restaurant~)去食的時候是lunch time, 要等...等了5-10分鍾就有位(都叫快). 好多上班族去食, 完全係Full House. 我倆坐在"L" 形的位, 腳位有d迫. 男仔腳長可能辛苦d. 叫了: 越南生牛河粉－好正! 不錯! 不錯! 有香茅味, 河粉夠滑, 湯底都不錯~ 莆式焗豬扒飯- 莆汁不錯~ 如多些少更好! 他們不是用豬扒而是用豬肉片(更好, 方便些!)有效率! 覺幾抵食!~ 人地大家樂都差不多, 有時仲more expensive. *2個餐都加了杯凍飲.我一定會去再食, try try others, maybe 牛仈~ ^^

這茶餐廳是我在太古城一帶的首選，原因好簡單，坐得舒服，又經濟抵食，食物都算ok。今日同屋企人去太古城，決定又再幫趁佢。一點半竟然冇物人，好容易就找到卡位。叫咗:1) 咖喱牛腩湯河粉+熱檸茶($28): 爹D話碗湯河粉好味道，牛腩少了些但淋。杯檸茶就冇物味，可能唔夠檸檬。2) 咖喱雞湯檬粉+熱咖啡($28): 碗湯檬粉都一樣好味道，D咖喱雞好多，大碗到食唔晒。杯熱咖啡都ok。3) 香茅雞翼凍撈檬+凍金桔水($30): 碗凍撈檬都好好味，好大碗。兩隻香茅雞全翼都外脆肉仍有肉汁，唔錯。杯凍金桔水就麻麻，因為太多糖水。埋單$86，又冇加一。總括來說是經濟抵食而又有D水準嘅茶餐廳。