越棧越式湯粉專門店 (已結業)

我星期日九點幾去, 所以唔使等位! 食咗5款餸:-蓮藕抄豬脛肉$48 (成碟都係蓮藕, 豬脛肉就得個小小!)-牛肉炆米HK$38 (最平的餸, 亦係最好味的一個餸)-鹹魚炒菜HK$38 (d鹹魚好硬, 個餸好多油, 好肥!)-煙肉菠菜焗蛋HK$48 (比佢個靚名呃咗! 個味好淡!)-海鮮炒飯HK$68 (呢個飯就對板啦, 好足料, 好味)整體一般啦, 似茶餐廳多個似越南菜館囉!

今午一個人到此開餐,要了越式炒檬粉+咖啡越式炒檬粉：有蝦仁，扎肉．芽菜味道OK,應加入魚露炒的咖啡:味道港式,一般埋單HK$28.-,抵食,比三大FOODCOURT平,有人招呼,唔使排來排去在此多謝MC姐好介紹!另外,這裡的套餐平均HK$50一位,有點吸引力

今晚又o黎呢度食；除越式食物之外，呢度都有港式炒粉麵、三文治等供應，其實類似一間檯面有紙巾同有人幫你添茶o既茶餐廳咁。最攪笑係原來夜晚都有$28午市特價套餐，任選多款河/檬粉、粉絲同飲品，名乎其實晚餐即係午餐。今次揀o左蜜燒豬頸肉凍檬同香茅雞翼凍檬，加$2叫o左杯凍柚子茶同凍金桔水。凍檬都唔細碗，豬頸肉有好多片，香茅雞翼有4隻，雖然味道一般，但真係幾抵食；凍柚子茶同凍金桔水就淡到水一樣。埋單每人都係$30(冇加一)，有人幫你添茶又座得都幾舒服，總算係茶餐廳以外o既平價選擇o丫！

呢度個舖位以前係潮江春o既一半(另一半係依家金上海)，所以都幾大間，午市都唔怕搵唔到位，座得好舒服。<br /><br />叫o既係午市特價套餐，$28連飲品，任選多款河/檬粉、粉絲，不設加一，抵食過foodcourt。試o左個蜜燒豬頸肉凍檬，都幾大碗，豬頸肉都有好多片；凍檬都算煙韌，唔錯，而豬頸肉就硬一D。不過以咁o既價錢，算吧啦~~<br /><br />跟餐叫o左杯凍檸茶，加$2。呢度其實都有D service，起碼座底每人會俾杯茶，一般醬油同魚露任添，都唔使加一。埋單真係每人放低$30就走人，爽o丫！