越男仔Express

营业中

休息中

去開德福嗰邊買啲嘢去food court “Foodeli” 食個快飯見到呢度新開咗間越南嘢套餐有好多選擇我哋點咗：🥢 Combo Dinner套餐包括（A飯/麵 + B 沙律 + C小食 + D跟餐價加購小食及飲品）A . 我哋揀咗呢度嘅”皇牌”🐓 招牌精裝海南雞黃薑飯 $92黃油雞唔肥唔瘦，雞肉剛剛熟，好滑黃薑飯用絲苗米，好軟熟B. 沙律三選一手撕雞沙律好好味嘅手撕雞配上椰菜，作為餐前小食，越食越開胃C. 手撕雞檬紙卷（2件）滑滑嘅粉皮包住手撕雞檬，粉皮滑得嚟帶點煙靭，記得取檬汁（出餐處有豉油碟，可以自行倒檬汁），酸酸哋好開胃，夏天食一流👍🏻D. 跟餐加配小食及飲品點了 “自家煲” 秘製香茅薑蜜 $22 （凍飲+$3）味道好出，好足料🍜 鎮店四鳥椰汁酸湯檬粉 $85單點，一碗麵有齊四個餸包括脆雞皮、手撕雞、雞件及香脆雞雞皮炸得鬆脆、手撕雞惹味、雞件好嫩滑、香脆雞啖啖肉湯底椰汁酸湯，呢個組合幾好味味道好！上菜快👍🏻

就是自己一個人食晚餐都唔可以求其，最近就去左德福商場既【越男仔】、見餓餓地食左個deluxe dinner combo。三拼冬陰功湯金邊粉：三拼包括蝦餅、烤牛肉同豬頸肉。蝦餅經過煎炸，外層酥脆，內部鮮嫩、蝦肉彈牙鮮甜；烤牛肉肉質嫩滑多汁、腌料好特別；豬頸肉肉質嫩滑多汁、帶少少微甜，有嚼勁，層次同口感十足。冬陰功湯底唔會太辣、湯加入左檸檬葉、檸檬草等酸味比較濃、非常清新酸爽。香料味十足、散發出濃郁嘅香氣。金邊粉分量好多。手撕雞沙律：雞胸肉口感嫩滑、沙律用左生菜、紅蘿蔔、洋蔥等，增添清新嘅口感，而醬汁帶有酸同辣味，令口感更加刺激開胃。越式炸春卷：春卷新鮮炸起，酥脆好食。內餡有蔬菜、豬肉、米粉、冬菇等，調味料非常特別，香氣十足。新鮮椰青：非常解渴refreshing。

越男仔 夏天禁熱特別想食越南嘢🍴今次來到九龍灣德福商場美食中心分店一如既往～食物款式選擇多～性價比高🥢招牌蔥油三味跟有豬頸肉＋豬扒＋燒扎肉即叫即炸配上蔥油好香口好下飯跟餐黃薑飯味道香濃🍚飯粒分明🥢跟餐可自選小食🥗黑糖無骨鳳爪沙律🐓手撕雞檬紙卷兩款都夠哂清新開胃🥢皇牌3+2撈檬粉呢款撈檬粉岩哂我✅一次食到五款招牌手撕雞+豬頸肉絲＋脆豬肉+扎肉絲+烤牛肉口感豐富～加入大量青瓜、甘筍、沙律菜配埋撈檬酸甜醬汁～特別岩夏天食消暑又醒新飲品🥤越男仔鮮水果茶、凍龍眼花蜜茶📍九龍灣偉業街33號德福廣場2期5樓Foodeli S9號舖

好耐冇去德福廣場行吓，今晚一家人去搵食一於試吓新開嘅越男仔，特別鍾情於越南河粉，檬粉等窩蛋香茅烤牛肉黃薑飯餐廳推薦之一，賣相非常吸引～配料豐富，有青瓜絲紅蘿蔔絲香蔥等等，烤牛肉好滑好腍身，配上粒粒金黃色黃薑飯好惹味招牌精裝海南雞配黃薑飯個人非常鍾意海南雞，因為雞肉嫩滑和伴有鹹香味～一啖海南雞一啖黃薑飯，不知不覺已吃完一碟招牌去骨海南雞髀椰汁酸湯檬粉濃郁嘅湯底，酸酸甜甜😍小朋友好鍾意加上雞髀已去骨吃得好安心，雞肉嫩滑多汁一試難忘

同朋友去左德福個food court 食野，一行三人搵到位就揀下食咩好，貪呢度選擇多，仲有一間舖啱食。我地兩個揀左食越男仔，新開張試下嘛。另一個就揀左食韓國菜，佢去邊都係食韓野，哈哈，無驚喜。⭐招牌蔥油三味配黃薑飯朋友點左三味黃薑飯，有香茅豬扒、豬頸肉同札肉，滿滿一般賣相唔錯喎。朋友話肉食好夠香茅味幾正，飯香口但太多食唔晒，下次要少飯喎😆⭐招牌手撕雞札肉配椰汁酸湯檬粉自己就點左湯檬，一拎上手已聞到椰汁香，入口酸酸地好開胃。檬粉亦係一大碗滿晒的，滑滑的又有咬口👍⭐黑糖無骨鳳爪沙律+手撕雞檬紙卷 & 手撕雞沙律+手撕雞檬紙卷跟餐有兩樣小食，沙律就揀左一人一款口味，第二樣就大家都揀左手撕雞檬紙卷。沙律係椰菜沙律，落左酸汁魚露等調味，椰菜好爽口，醬汁亦惹味。檬紙卷包的亦係椰菜，同樣爽口，但多了檬紙煙韌的口感，雖然餡料一樣，但兩種唔同食法都幾新奇😋⭐凍檸水 & 凍檸茶跟餐加飲品有優惠價，叫左兩杯凍檸，冰冰涼涼幾好飲。一個餐係超級飽，好多菜好多手撕雞😆都無留意叫左一樣嘅口味，下次再試下其他先。

好耐都冇去過九龍灣德福廣場喇！今日放假、就一於嚟試下啦！😎😬二期五樓開咗個新嘅food court，環境又大又坐得舒服、仲有好多野食tim！😬由於我同朋友都鍾意越南菜，所以就揀咗「越男仔」！😬💃😎1. 招牌精裝海南雞配黃薑飯，雞夠嫩滑，而且仲好肥美！🙌黃薑飯又香、又乾身，加$20仲可以轉海南雞脾！😍2. 胡志明市紅蕃茄四寶湯檬粉，份量十足，有豬扒、豬頸肉、脆豬肉、扎肉！😎😬蕃茄湯又香又濃、豬扒夠淋、脆豬肉好有口感、好正呀！👍3. 越男仔鮮水果茶、好fresh！😍😻有青瓜、橙、檸檬、青檸、薄荷葉！🙌😃4. 自家煲秘製香茅薑蜜、香茅味十分香、薑味好辣、果然夠薑！🤣😎🙈好好飲呀！越男仔 @devietson ：九龍灣偉業街德福廣場二期五樓Foodeli S9號舖

德福food Court有新店進駐，非常受大家歡迎排晒長龍🤣 平日晚市主要有兩款套餐，combo dinner有主食+沙律+小食，亦可以用優惠價加配飲品或小食晚市套餐就經濟啲，淨係包主食，而家越男仔全線分店飲品加配都減$8沙嗲古法烤牛肉撈檬粉幾有特色，越南嘢好少用沙嗲汁，撈檬汁加沙嗲汁完全冇違和感，酸酸辣辣幾好食，烤羊肉都好嫩滑！牛豬蕃茄湯檬粉 $95 轉金邊粉加 $3超豐富有熟牛+烤牛＋豬頸肉+豬扒，蕃茄湯好杰身，濃郁地掛上每一條金邊粉，四款肉類各有特色，豬頸肉最正☺️Combo set跟手撕雞沙律+手撕雞檬紙卷，雞肉一絲絲都幾滑，用檬粉酸汁調咗味好開胃薄荷青檸梳打原價$42 ，跟餐本身$29 ，有優惠變$21，都唔算好平，但食重口味嘢有杯梳打幾清新，青檸夠酸，用咗一大塊新鮮薄荷葉幾香

復活節假最後一日費事周圍走，係德福個商場行下食個飯就算，點知Food Court 發現有新嘢！點都要一試，Combo dinner 自由選最平$95已經食到4樣嘢，不過為咗嚟緊返工叉足電，我決定要對自己好啲！Combo dinner 自由選有A（主食）+B（小食）+C(小食）+D（飲品），雖然好平已經食到，但最後都係叫咗見到標誌住「必試」菜式🤣A原隻軟殼蟹配黃薑飯$128 一般餐廳單點呢個餸都超過$200，佢呢度包埋小食算幾平㗎。有炸蒜同辣椒調味嘅軟殻蟹原隻上碟，啖啖肉，拌以淺滲著炒得淡淡薑黃香氣嘅飯同蘿蔔絲食，中和了炸蟹嘅油膩感～B 煙三文魚沙律（跟餐加$15 ）酸酸甜甜的椰菜x蘿蔔絲x青瓜絲沙律配煙三文魚好開胃C 手撕雞檬紙卷（跟餐唔洗另加錢）檬紙皮薄煙韌，包裹著粉與蘿蔔絲，紙卷上飾以微微以黑椒醃過的雞絲，一定要淋上甜酸汁食～D 椰青（套餐價$45）就算其他舖頭飲一向都係呢個價，好鮮甜，咁熱嘅天氣飲一啖已經好解渴———————————————PS 出餐好快，原本以為要等廿分鐘以上先有📍越男仔（九龍灣) 德福二期Food court 5樓#devietson #越男仔 #越南美食

之前都有去開佢哋舖頭食嘢特別鍾意招牌手撕雞椰汁酸湯粉，今日路過見到佢地新開就揀咗佢醫肚😬見餐牌有新款式噃～我就以大無畏精神試咗個扎肉冬陰功湯粉，湯底酸中帶點辣同香料味，一樣夠醒胃；加埋杯我至愛嘅自家煲香茅薑蜜，滿足😌掛住食都無影到相，搞都無圖無真相添～🤪