越興園越南菜館 (已結業)

年三十晚陪男友出旺角買嘢，就响"越興園"食咗個quick lunch。我與男友order咗兩個炒麪set，送汽水。男友要馬拉盞炒油麪，而我則要越式炒金邊粉。個馬拉盞炒油麪辣辣哋好嘢味，又夠wok氣，只可惜頗多油。男友要用嘢keep隻碟一邊高d用來隔油，有d恐怖。而我那碟金邊粉則失色，粉好濕唔夠乾，d粉白色兼冇wok氣，味道好淡。價錢一d都唔貴，埋單$52。不過嚟lee度食嘢就係一食完就要走，因為d位實在太迫，但d待應都幾勤快。

同友人食午餐，今次食三色牛肉奄列飯。三色係三種醬，除了咖哩，其餘的認不出係什麼，但三種都好香，好開胃，一個餐，嚐足三種味道。個蛋都係咁正，不過今次好似干了一點。食了少少友人的唔知什麼豬炒飯，嘩！非常多蛋香味，仲係少少濕咁，應該加了鹽，少少咸，比白飯加汁好千萬陪！可以的話真的想叫什麼都要炒飯～～今次的服務幾好，見友人跌了湯匙，立即拿個新的，他們都幾好禮貌～～

幾天前同友人前往這店食晚飯，原來六半前可以叫午市套餐的，非常抵玩！叫了炸雞煎蛋飯，上來時先知份量驚人，對男孩子也是一個挑戰。先試煎蛋，唔~~~~有汁的，一入口，便佈滿了口腔，蛋香充斥於舌頭和食道間，熱食非常可口。蛋包住蟹柳、札肉，替它的味道潻上多一種層次。再試炸雞，沒有特別，都是粉好多，肉有點硬和細。同友人一起分享蒜容包，真的好脆，熱辣辣食好香，如果蒜容多一點會更完美。不滿的是這店容許食客吞雲吐霧，令人感到有點不適。到最後，無人可以完全食盡碟上的食品，有點感到慚愧，下次會空肚入內，吃過一滴汁都不漏。

前晚ｏ黎返呢度食，之前已食過一次，上次食左咖哩牛腩煲同唔記得咩ｏ既撈檬，兩樣都幾好食，所以再ｏ黎！！～因為上次叫左兩樣ｏ野兩個人食，對我ｏ地來講太飽了，所以今次我ｏ地兩個人只叫了一個咖哩牛腩煲，個牛腩煲跟４片蒜蓉包（＄５８），再加個靚仔白飯，連加一埋單＄７０，都算ｏｋ啦！～個牛腩煲夠濃味，食得出有花椒八角，恰到好處，且份量夠我ｏ地二人用，個煲細細，但是載滿的，好多咖哩汁，所以叫個白飯ｏ黎送。牛腩同牛根份量都足，個人比較喜歡吃牛根，因為“林”d。最值得一讚係d蒜蓉包，好好味，不過單叫要＄１８，所以喜歡食咖哩的，叫咖哩煲可試晒兩樣。而飲品及小食就未試過，下次有機會試左再寫！～其實我覺得，他們不應收加一，因為１．地方比較窄，坐卡位會舒服d，不過，如果是飯市時候去，他們會預留兩張卡位的，如不是四人一起去的話，他們或會要求你坐中間的圓坐位；２．d侍應服務不好，黑口黑面兼無服務，總之覺得好似ｏ係間茶餐廳食要加一ｏ敢啦！！～　這要扣少少抵食分！！～

請看圖自行評價- 至少對我呢個食扒「無rare 不歡」、「大菌食細菌」既人o黎講，太熟。下午茶雖然多野食（又粉/檬又小食（蝦片）又甜品（椰汁紫米露）又汽水（茶啡加錢）），但未至於可以用「價廉物美」來形容...不過D 位比想像中好坐。

外面還是十分殘舊~ 但裡面新裝修過..好似都幾”企理”, 點左:- 香芧豬扒撈檬- 豬扒切左等如無切, 檬粉好一般- 越式炒什菜- 一般~!- 薄燒牛肉- 幾好味.. 份量大食食下發覺.. 有勁多”蚊滋”飛黎飛去, 而且仲”滴水”~唉~ 野食又一般, 環境又咁差…難怪7-8點呢d時間.. 都無乜人啦~!

和朋友叫了一個炸扎肉撈檬, 一個牛肉飯.炸扎肉一舊舊, 不是食開的一片片, 朋友說味道不好. 見隔鄰的香x豬排樣子不錯, 後悔莫及.牛肉飯d牛肉很滑很有味道, 雖然唔似其他地方食開的烤牛肉美味(似牛肉乾那種). 這裡的應該沒烤過, 但算ok 啦!杯越南咖啡就差了....正體來說, 埋單$50 算便宜. 但服務的亞姐口黑面黑, 負負氣氣.我係老闆, 晨早炒左佢...

今日係我呢個月第２次去食，　因為lunch d 套餐真係好抵食架!上次去, 叫左1個set, 牛肉炒河, 有野飲, 有甜品, 加$2仲有菜,以為份量少少地, 點知碟炒河好鬼大碟, 有吋幾2吋高, 我只係食左一半(我平時都唔係食好多野, 但果日都好肚餓), 甜品係紫米露, 好飽好飽, 都只係$30蚊咋!!! $30蚊咋!!今日唔敢叫果種套餐, 叫左撈檬, $24蚊連埋野飲, 有d就$22蚊, 睇下係邊種餸!廿幾蚊有飯, 有野飲, 仲要味道唔錯, 服務又好, 成日添茶, 所以都好多人食架!!

今日上堂前要食飯黎到六點幾見仲有下午茶記憶中味道不錯於是入去坐低叫左烤牛肉撈檬配凍檸茶點知上檯時發現同無叫一樣你落order時就乜都話無問題明明叫左走蔥多菜點知上檯時好多蔥但菜就少得可憐唉.........牛肉又比平時油又駛事叫佢換唯有自己不斷咁揀番出黎後黎有個男人黎叫豬扒湯檬點知上左豬扒撈檬又係同我一樣個waiter落單架究竟個waiter有冇用心去寫架??服務認真唔掂不過有樣好係佢呢度d凍檸茶係用青檸既味道幾特別都幾好飲可惜係要加5蚊

做了三十年香港人,在旺角上了五年學,但, 從來沒有試過這廿多年老店.其中一個原因可能是: 搞不懂.搞不懂, 正宗檬粉, 有湯還是無湯,隱隱約約覺得, 有湯, 是港式做法.一提這種"港式", 就有點怕, 一怕, 就猶豫,一猶豫, 就想, 下次吧.六點多經過, 瞄了瞄門前介紹,店內走出一位年輕男侍應, 道:"還有下午茶餐".下午茶餐? 也好, 試一試吧.好了, 坐下來, 環境略擠, 但服務不錯.侍應來問,猶豫了, 點什麼呢?他推介"來越南餐廳, 應該要試香茅豬扒",是嗎? 好吧, 就這個.這個餐包括: 香茅豬扒湯粉, 汽水, 小吃, 甜品.端上來, 是河粉. 河粉?搞不懂, 河粉, 是廣東特色,還是其他地方也流行, 還是"港式"...算了, 吃一口, 出乎意料, 河粉的口感不錯,好過不少魚蛋粉麵店.豬扒呢, 香茅味是有的, 濃一點更好,肉質鬆軟, 份量也不少, 好味.總有一天, 去越南搞懂這個問題.

行人道旁兩邊既落地玻璃，引入天然光，令鋪內光線格外亮麗，玻璃後既座位，係我最喜歡既位置，加上有賣相、好味道兼且抵食既餐點，係旺角區，只要係食越南菜，點都會諗起呢度。個人推介：烤牛肉撈檬(掂！)

今晚約左朋友仔食飯本來想去九龍城食泰國菜但見落雨濕濕打消左呢個念頭突然想食檬粉或者金邊粉決定去食越南菜黎到六點幾得一兩檯人叫左鹽烤牛肉撈金邊粉,越式海鮮雜菜煲,風味小食拼盤同一杯用左士多啤梨汁,香橙汁,啤梨汁同梳打混成既紅色飲品鹽烤牛肉撈金邊粉～牛肉好大片,但有d un,不過都有少少牛肉味,可以咁啦!金邊粉由於平時餐牌上無凍撈,所以係即刻淥俾我既,帶少少熱,但混合左d酸辣汁味道唔錯!不過美中不足係仍然有少少黐埋一舊!越式海鮮雜菜煲～呢個好足料,有新鮮蝦,魷魚,魚片,芥蘭,椰菜,粉絲,青口,菠蘿,青椒等等配料,d汁味道o岩o岩好,唔會太濃,起碼食完唔會話勁口渴. 粉絲份量好多,兩個人叫一碗金邊粉加埋呢個d粉絲夠晒飽肚!風味小食拼盤～有鳳爪,炸蝦餅,扎肉同濱海,鳳爪帶少少辣,又無乜骨,味道唔錯. 炸蝦餅炸得唔油,雖然無泰苑o個d咁彈牙,但都有蝦味,點左甜酸醬味道都唔錯! 扎肉都係街巿即食貨,但可能我好耐無食過呢樣野,又覺得唔錯喎!不過至好係份量有好多,一d都唔孤寒. 反而最差係濱海,佢係一片蝦片上放左檬粉,豬肉,蔥油,我習慣一層層咁食,但食到尾想食蝦片時,發現蝦片上面有好多油,而且仲腍晒,

今晚忽然好想食檬粉,咁咪同男朋友去呢度食.食左燒雞撈檬, 香豬扒飯同蒸粉卷.好大碟, 都幾好味, 可能耐冇食越南野啦~不過成日食唔係好掂, d 野都幾heavy既~~