越華會 (已結業)

端午節, 同埋d親戚, 表兄妹, 屋企人第一次去依間食野..首先我見到佢介紹話有150座位, 其實間野得好細, 150座位係未計埋擺係出面果幾張枱呢??其實計埋都唔會夠...14人迫係一張8人枱度食飯, 問侍應拎個轉盤, 佢話唔好意思用晒..o..個個想夾遠d既餸都要起身夾..同埋大家迫得好緊要..好唔舒服, 佢地侍應做野好急..行過時成日撞到我地背脊,仲張盤裏面既唔知咩汁/水澄左係我地坐緊路口既親戚背脊度...一句唔好意思就走左..無拎個布黎比人抹....野食又唔好味..唔會再幫襯

呢到十分旺場，一坐低要即刻叫餸，七個人要咗八樣嘢:沙薑雞 :　有雞味，沙薑汁夠香，如果唔係叫已經叫得太多餸真係想encore薑葱桶蠔：加拿大桶蠔夠大隻夠甜美，ｄ蠔先微微炸一下，所以外面有ｄ脆，裡面仍然嫩滑椒鹽炸豆腐　：非常出色，豆腐外面香脆，椒鹽又夠惹味，但裡面可以保持到軟、嫩同滑，豆腐又有豆香，一定要試蒸海班 :　魚夠新鮮，唯一要挑剔係比較熟咗少少，但都算幾好蒸開邊蝦：蝦夠鮮甜彈牙，正魚香茄子煲：有驚喜，一般茄子煲都係油淋淋，但呢到嘅茄子煲冇話太多油；而且個煲加入咗一ｄ咸魚肉，同茄子嘅味道幾合襯咕嚕肉：酸甜剛好，炒得好食腐乳通菜　：　夠鑊氣夠香呢到招呼幾好，地方算企理，食品水準好得，價錢唔算貴（以食海鮮計），值得再嚟，不過揾位就要早，如果唔係就冇枱。

尋日係星期六, 心諗都會多人去食, 所以一早就訂定7:30pm枱, 但都話要7:45pm先有, 咁都算啦! 準時7:45pm去到, 都係要等,問D侍應幾時有位,　就只係識話快啦, 之後又唔理你, 等到８點幾, 終於都有枱啦,由於好肚餓既關係, 一坐低就即刻叫餸啦,　一路傾一路等, 點知等極D野食都唔嚟, 追多幾次之後, 仲要話無得追, 因為廚房好忙,　但嗰陣佢廚房不停咁出緊海鮮, 就算遲過我地, 只要係叫海鮮都即刻有得食, 好明顯係貴價菜就緊張, 其他叫小菜既唔駛理咁, 最終我地要等咗成個半鐘, 仲要追到好唔開心既情況下先有得食, 勁過份! 如果係咁唔至在, 不如搞會員制啦, 咁咪唔駛招呼叫小菜既客人lor !

未食過都一肚氣~很飽, 值得寫番個“食評”表揚一番…最近見某收費電視台介紹，有衝動想試一試，於是訂好枱，一家人仲早左十分鐘到添，我上前問坐係收銀位置既女員工，佢答一下張就到。怎知遲遲都仲未有枱，我就問番呢位女員工下一張四位, 要等幾耐?佢仍然答：下一張就係!　我再問: 即係幾時？當時我已經好懷疑，訂左都無？佢話：出門口等叫名啦! 隨後仲講：我頭先叫緊既都係大枱, 唔係你, 妹妹! 唉！咁我洗咩訂枱呢。係以上既對話當中，呢位女子都未有一句包含“請”、“唔該”或者“唔好意思”既字眼。最重要係，我地等左將近半個鐘。未食已經係咁, 就算食物幾好都假。我仲想對自己好D，所以食都無食就走左，去左附近一間茶餐廳…發現呢間食肆門口原來貼左張“open rice 2007年十大好評開飯食店”既poster。唔………

越華會平時成早餐好抵，$20一個出前一丁麵餐，可以擇兩樣餸（連雞扒、叉燒都有得揀），仲有一大杯嘢飲，食物同飲品既質素都叫好ＯＫ。我同我同事喺同區暫時都未搵到有其他地方有更抵食嘅早餐。自己如果一大班同事食晏，喺筲箕灣唔去酒樓，其中一個選擇就係去越華會。佢有2人餐, 四人餐同埋6人餐。叫2人餐加4人餐喺抵個6人餐的。因為每個set都送一碟油菜，咁2人餐加4人餐就會有兩碟，而叫一個6人餐就只係有1碟。另外食物方面，質素就比較不穩定，但晏晝比較安全的菜式有：蜜餞蒜香骨、芝士班塊、南乳齋煲、蝦醬蒸豬頸肉。不過人多時，侍應們會較為混亂，啲飯呀、油菜同埋湯就成日都會有甩漏，但服務態度就尚可接受。如果人多一齊食去餐飯，都叫做一個算係唔錯既選擇。

一早訂定位，準備下山後吃過痛快，一行11人，一共點了12款13碟小菜，擺滿了一張大枱 ，既開心又滿足。人多關係，點了兩碟酥炸生蠔，外層甘香酥脆，內裡的生蠔肥美；不過有E小姐說第二碟水準略遜。當然有我至愛的生炒骨，食落口感有點似翻炸，而醬汁的味道似京都骨，沒有甜酸四溢的香氣。椒鹽豆腐及椒鹽九肚魚兩款炸物做得出色，豆腐香口，但沒有豆味，似玉子豆腐的質感；九肚魚炸得透切，不會稔稔的。粟米班塊食得多，今次試試芝士班塊。雖然芝士汁較為杰身，但味道不太濃烈、班塊炸得尚可。黃金蝦-個人應為蛋王份量未夠均勻，蝦身未能沾滿鹹蛋碎，未夠色香味俱全。蔥油雞及鮑片鵝掌是最失敗的。蔥油雞真是名副其實，整隻雞舖滿蔥油，但雞肉淡淡的，不太有蔥油味，而且伙記說賣點是走地雞，所以要$180一隻，但在坐各人應為名過於實。鮑片鵝掌-鮑片是薄薄的，有人應為是鮑魚菇，鵝掌白白的，似白烚沒味，吃過的朋友也給"喊"面。還有蝦乾蒜蓉蒸勝瓜、蛋白涼瓜、豆菜及芥蘭，加了幾枝啤酒，一共承為$1200，除11人，每人$110，真是幾抵食的。

dec 27, 07,3人來晚餐,叫咗 1) 豉椒炒蟶子-蟶子size無我想像中咁大-但惹味同小辣(純粹個人程度低) 2) 芝士斑塊-上次食咗傳統嘅粟米汁因其1屋企人唔食奶味重嘅嘢- 個芝士汁真喺好芝士,似龍蝦芝士伊麵個汁-今次d斑塊好似薄咗"add" "add",但都喺炸到外挺3) 上湯什菜煲-清清哋,唔油又夠味,好健康-菜嘅款式有菜心,娃娃,粉絲,白菜,西蘭花,椰菜花4) 番薯湯水(送)-唔太甜,但略嫌唔夠薑啫

原本去太湖食點知去到俾人訂哂位...即刻轉戰筲箕灣聽baba講呢間野幾出名見門口有位於是坐低開飯>銀芽蝦干炒韮王 唔錯的一碟菜 好大碟 蝦干夠大隻味道好好!!!>炒蜆 汁太多 而且蜆偏少 唔抵食....>豉汁蒸倉魚 又係勁好味 蒸得好香條魚新鮮而且蒸得o岩o岩好 滑嘟嘟~正!!!不過咁凍天時坐o係條街到食又真係幾凍下d送都好快凍哂....希望下次可以坐入面....

晏畫食過都幾好，夜晚食。叫以下幾樣避風塘炒蟹($250) –唔錯不過D蟹靚D仲好金中蝦($118) –蝦好新鮮，多D旦黃更正鮑片鵝掌($88) - 鮑片幾多，鵝掌好咸芝士班塊- 芝士好濃蒜香骨–好脆豉油雞($180) - 豉油好重洒味清炒西蘭花，什菜煲–OK干燒伊麵–乾身彈牙完全唔油，全晚最正價錢唔算貴，不過碟頭唔夠權發大，味道都係權發好D.

nov 25,07晚,家族飯局,6人來dinner,今次輪到我做老細,叫咗 :1) 上湯什菌浸白菜仔-都好大兜吓,夾極都仲有菜,好抵食2) 粟米班塊-本來佢個拿手菜色喺芝士班塊,但哥哥唔食奶類製品,所以叫番最傳統嘅獻汁-個班塊炸得好挺身,入口好熱,個粉唔厚,仲有小脆3) 沙薑雞(半隻)-唔洗蘸沙薑醬都好有沙薑味,好惹味,先夾咗個肶,當然嫩滑啦,其他部位,例如雞胸都唔"鞋",姐夫話有雞味-所以食剩都有打包回家-不過半隻就要$90,就貴咗小小4) 枝竹羊腩煲-因9.00pm之前食,所以唔喺爐上,另有碟唐生菜分開上,後來將佢淥埋落個煲到,估唔到咁大碟,早知可叫少碟菜啦-羊肉喺嫩,但炆個火喉唔夠,出唔到羊腩煲個腍feel-配料有枝竹,筍,馬蹄同大舊薑-咁多味,只有這碟未到水準5) 豉椒炒花甲-在門口已見到d花甲頗大隻吓-另1種煮法喺上湯浸-要小辣-惹味中有鮮味,全部開口,食唔到有死咗嘅6) 蒜香骨-好熱,擺咗1陣先食,但仍好燙嘴,小心-個骨炸得好挺,好脆,無腍到-好夠火喉7) 海鮮湯-好足料,有蟹,中蝦,蟶子,番茄,菇,豆腐,薑片-個湯底有鮮味,略為鹹咗小小,食番d料,唔似同個湯1齊煲,因d肉

I used to went there few times a year due to its conveniency for me. Normally visit there for lunches or teas, seldom for dinners. In the past experiences, its overall standard was OK that match its class. A kind of homemade dishes/HK style restaurant which never expect it provides beyond expectation's delicious food and hotel standard's service if only the servers didn't serving the way too awful.Last visit for having my tea there, it was not very fulled just around 70% occupied. I waved the fi

年中都會有好幾次幫襯依間野, 都冇話覺得有咩特別好同唔好, 一般小菜/茶餐廳, 只係就腳同價錢都ok咁. 都唔會expect佢有五星級既服務, 只要唔係惡劣,都可以接受.點知上次再去食下午茶時, 當時唔係好full, 約七成滿. 第一次叫個侍應, 冇反應(唔知真係睇唔到定咋睇唔到), ok! 第二次叫個略哨牙及帶鄉音(並非歧視,只係形容佢既特徵)既女侍應, 叫佢過黎落order時已經好似好唔願意咁, 我叫左火腿通粉同凍飲, 點知佢好大聲咁問"咩通粉ar?" 直頭係好大聲呼渴果種, 態度惡劣到我仲以為我係佢仇人咁! 幫襯佢仲要受佢氣, 都唔知有冇狡錯!!!如冇必要都唔會再幫襯. 如果真係再去, 果個哨牙女侍應D態度仲係咁惡劣, 一定會兇番佢同投訴. 唔會好似上次咁'good'聲吞左佢!

呢間舖想試好耐，次次都好多人，要坐到出街，老婆唔肯街，冇計。星期日中午行過，好彩有位，食個星洲米同生炒骨飯。兩樣都好有水準，可能比權發仲好食.見到有好多都係炒小菜，不過咁早未必有海鮮食.

老細請食飯,我地楝左越華會。因為近老細間屋,食完去佢屋企打番八圈。Ｄ小菜好有水準：油鹽水浸蜆﹣蜆好多,無沙,加埋粉絲湯好好味咸旦黃煎蝦﹣第一次食,蝦好大只,勁好味??生蠔煲﹣蠔好新鮮大只,好野味炸豆付(0吾記得個名) ﹣外脆外軟,又係好味召Ｃ付乳炒生菜﹣係好普通的菜,佢又炒得好鬼好味以我的經驗,一間鋪頭如果整得好,就所有菜都整得好好味,0吾會有參差,呢間野好掂！！！

今日返學前去左食早餐睇完張水牌見到個扒餐都幾抵食22蚊有禁多野食凍飲都係加2總共用左24蚊