越華會 (已結業)

成年都無人寫過呢間既食評...身為街坊既我.為你打打氣是日爸爸澳門嬴錢回來, 一於食餐勁既~~一家三口(細佬返工) 去越華會, 理由: 野食好食D( Compare to 明星 , 有海鮮, 近, 價錢公道)是次只係影左一張相..我地三個人食左:=====豉椒炒硯呢個餸係酒家係好難唔好食既, 所以所在焦點就放左係酒家有無抽水啦..即係有無好多有shell無肉既硯, 越華會呢碟都好好, 無咩呢個情況出現.同埋都幾大碟. 讚!=====斑球兩味斑球佢聲稱係"海斑",但爸爸話唔係,係人養既唔係野生..因為食得出既 ( 佢先係真正隱世食家).. 不過整體都唔錯, 又係分量大大既, 價錢同東涌一樣, 但我覺得呢度大份D,同埋好味D (迷之聲: 唔使自己俾錢咩都好食) 雖然係人養既,但魚都夠滑,佢兩味既烹調手法又係好穩陣,所以都食得好開心======八錦豆腐煲呢個有點失準, 我個人雖然唔多喜歡附近間"囍館",但不能否認"囍館"確實做得好D...呢度呢個煲太多芡汁啦..D菜呀冬菇都唔係太討好...個煲又唔係話好熱..=====霸王雞正!!因為好鐘意食雞~~ 我覺得呢個係最好食...因為之前食過蔥油

星期一晚去左筲箕灣越華會食飯同父母三個人去可能星期一同埋我地早到ge關係(六點半)所以冇咩人啦叫左四個菜，比想像中大碟所以食唔晒打包左D返屋企豉椒炒蜆，好味道，夠辣亦都冇沙係個獻杰左D中式牛柳，牛肉好淋好夠味，不過都係同一個問題，獻汁太杰椒絲腐乳通菜，炒得夠嫩，亦夠味，送飯一流仲有一個係紅燒豆腐煲，好大煲，又多料清淡菜色一流照舊都係唔會有相架

8 Feb 8:00p.m.Piggy Girl 與5個朋友的東區飯局前言：我地幾個人都成日係東區出沒，原來大家都會同家人泥呢間餐館，今次我地就約埋一齊泥。點選餐單&食物評價：炒蜆：味道ok，但係份量比較少蝦多士：唔好，我覺得好大陣油抑味蛋白涼瓜：都ok，可以送下飯椒鹽鮮尤：好咸沙薑雞(半隻)：都ok，但係冇沙薑點既，但係隻雞係有沙薑味2支藍妹環境質素：服務質素：賬單價錢：HKD490 (每人平均消費HKD82)輪候時間：10分鐘 (訂咗位，不過都要等一陣)抵食指數： (因為份量比較少)推介指數：整體評價：番兜機率：*所有評分以五為最高分

在openrice看到這裏有很多食評，附近又可以泊車，所以和家人到這裏試試。知道這裏要訂枱的，但因為我們六時多就到了，所以勉強都有一張四人枱，勉強是因為比較近洗手間。太太負責點菜，選了鹽焗雞、蟹粉扒豆苗、雜菌炒鱔片和一個西洋菜魚湯。先來的是湯，用一個盅盛著，十分認真，有大量西洋菜，家人們全把它吃掉，湯給人很清新的感覺，入口也很清甜。鹽焗雞很滑，胸肉也很不錯。豆苗好像有點普通，吃不到蟹粉的美味。炒鱔片不錯，配合野菌、青椒、紅椒，油的分量不多，不算肥膩。期間實在太多人，枱與枱之間的空隙不多，這是美中不足的地方，不過這都是香港的風味。

(又一個謎之TITLE……ORZ)是日老爸生日，我同阿妹決定去這店，請老爸吃飯~~~椒絲腐付通菜炒得幾好，唔太油~又夠火喉~豉椒炒蜆OK啦，但汁好似甜了一點……黃金炸豆腐老媽說豆腐沒有豆香不好吃……但我個人覺得不錯，外脆內軟~~~又不似外面的炸豆腐一樣太乾~沙薑雞 (一隻)好滑，又有雞味~薑葱桶蠔蠔好大隻，又多，又滑~~薑葱煮得好好吃~~海鮮湯 (雖然唔記得叫乜名……)一個足料的湯~~~有蝦、蟹、帶子、豆腐、蕃茄~~~~湯是魚湯，很甜~~~因為老爸看見別人點的炒飯和炒麵看上來不錯，(當時已經飽了~)於是點了外賣帶回家作為宵夜~~~豉油皇炒麵不太油，麵身色澤又夠均勻，甜甜的加上芝麻，很好吃，果然是必點之菜之一~揚州炒飯味道OK，夠乾身，有鑊氣！由於多人，早訂位早到店是最最好的。因為一到某段時間就會非常的多人。食物都不錯(雖然未算是最好)，價錢都合理，一家人都幾滿意~離開食店，才發現原來這店有好多藝人去的……

講左想食好耐，上禮拜六終於第一次試左越華會。叫左豉淑炒蜆，馬拉盞通菜，粟光斑塊，豉油皇炒麵跟蒜蓉開邊蒸中蝦。豉淑炒蜆好惹味，蜆肉味道鮮甜肥美，冇沙色水又夠，可謂色香味俱全!馬拉盞通菜好大碟吓，一碟夠4個人食，味道亦幾對辦!粟光斑塊炸得唔錯，粉醬唔厚，脆脆o地，亦夠熱!豉油皇炒麵炒得乾身，豉油亦夠均勻，唔太油，味道幾好。蒜蓉開邊蒸中蝦好食!幾大隻幾新鮮，garlic 又夠，相都未影就食左幾隻就知好食啦! 最遺憾係食唔落避風塘炒蟹，下次一家要試!

第一次來呢間已經係十幾年前...之後都keep住來..有時都會去灣仔鵝間個間...只因好食..星期56日晚市例牌多人..所以一定要訂定位..今日訂左8個人浩浩蕩蕩來到..好快就有得入有d出名餸菜就必定叫..其他就睇時間心情啦..是夜精美小菜有黃金炸豆腐 85分 必叫之選沙拉骨 85分 好好味..醬堆係中間自己要幾多就幾多蔥油雞半隻 65分 冇沙薑既好味沙薑雞半隻 70分 雞都夠香同滑蒜蓉蝦乾蒸聖瓜 75分 有粉絲係底入晒味,蝦乾都好香蒜蓉開邊蒸中蝦 90分 蝦都ok大隻..好多蒜蓉好好味豉椒炒蟶子 90分 色香味俱全魚湯浸大蜆 70分 個湯都可以飲埋..但對我來講 辣豉油王炒麵 60分 普通的炒麵芝士焗斑塊 80分 芝士味夠濃, 魚都食唔到雪味..翡翠鮑汁螺片 65分 用左芥蘭 唔係咁鍾意人多環境自然迫..而且伙記同啤酒女郎會係附近出出入入 所以有d人未必會咁鍾意但伙計all熟手技工.. 換碟 上菜 加水都好快手... 俾番應有既服務而且都唔會黑面吹你落單 你問佢d餸菜資料都會答你總括來講 真係食埋真係好正,. 所以一定會keep住來11隻野都係8xx 到 每人一百蚊多d 真係抵爆

一向鐘意食炸豆腐既我, 去完越華會之後再揾唔到邊間比佢更好食, 今次久別再黎, 味道依然咁正!是日因為夜去, 所以唔太多人, 首欠冇需等位之前漏影佢個老火例湯, 好飲又唔口喝!特別推介佢既羊腩煲, 羊腩夠淋而且唔太"蘇",唯一要彈係個 toilet 比較細, 肥小小就唔多方便

夜晚響筲箕灣食飯,第一時間都會諗起越華會,事關先學生時代就已經經常幫襯!好食得黎價錢合理。一兩年冇去,今次再黎水準依然保持到。走地雞 - 望落好似蔥多過雞咁,但食落啱啱好~好滑!炸豆腐 - 外脆內軟,必食推介!腐乳通菜 - 味道剛剛好,夠火喉沙拉骨 - 唔錯,覺得加沙律醬太漏可以叫咕嚕肉炒蜆 - ok啦沙爹牛仔骨 - 肥左d,但味道都唔錯椒鹽鮮魷 - 夠火喉!

本身少去筲箕灣... 係好友介紹去的... 4 個一齊食晚飯...叫左： 芝士班塊, 沙拉骨, 蔥油走地雞, 腐乳通菜. 以前食開粟米班塊.. 芝士都係第 1 次...唔係唔好食.. 不過我都係鐘意跟粟米多啲~ 沙拉骨好好味喔... 啲肉望落去好似硬更地... 原來係好林的~ ^^果然係走地雞... 肥膏唔會太多... 對我黎講係好事 *w*通菜餸大大碗白飯好好味~~所以... 我又食得飽得滯了... @@

星期日，天氣時晴時雨，筆者外家趕在清明之前回祖家拜祭年前已仙遊嘅太夫人。响呢個難得嘅家族聚會，作為長子嘅岳父當然號召全家人於拜祭結束後一起食飯。一行十數人，有老有嫩，為免大費周章去配合各人口味，於是決定到水準十年如一日嘅越華會晚膳。大家鍾意食越華會，一來價錢實惠，而且水準十分穩定，雖無驚喜，但一定唔會撞板。太座家族點菜，每每由太座操刀，今次亦唔例外，一共叫了十一款菜式，包括燒乳鴒、脆皮豆腐、豉汁炒蟶子、椒絲腐乳炒通菜、油鹽水煮蜆、上湯浸白菜、羌蔥雞、豉汁蒸魚雲、羌蔥砵酒焗蠔、豉油王炒麵及岳父自創菜式 – 芝士焗伊麵。燒乳鴒 – size雖唔大，但燒得頗入味。外表燒得香脆，肉質亦能保持鬆軟可口，肉汁亦相當豐富；脆皮豆腐 – 脆皮炸得金黃，厚度均一，且唔會太厚，味道甘香之中帶適中嘅鹹味，內裡嘅豆腐滑得吹彈欲破，蘸上少許酸辣汁，頗為醒胃；豉汁炒蟶子 – 茨汁底唔太辣，少許甜甜酸酸的，令人食慾大振，可惜蟶子炒得略嫌太老，肉質少少韌及鞋口；椒絲腐乳炒通菜 /上湯浸白菜 – 大路家常小炒，火路穩當，味道對辦；油鹽水煮蜆 – 蜆肉新鮮，味道鮮甜肥美，湯中加了適量嘅胡椒，喝一口暖胃亦佳；羌蔥雞 – 羌

好耐無黎呢間食飯啦, 今次同老人家食, 諗起呢間大碟又好食, 一於呢間啦油鹽水浸蜆, 唔係太辣, 蜆都幾新鮮, 但有D有沙沙恙雞腳. 好林, 口岩晒老人家食 ENCORE多碟咸旦蝦, 同出面食果D唔同, 好乾身, 都可以啦蜜餞蒜香骨, 排骨唔肥, 酸酸地都幾好味脆皮炸雞 OK海鮮什菜, 估唔到都幾多海鮮噃我既至愛-椒鹽豆付, 皮脆內滑, 好食到唔捨得停豉汁蒸魚雲, OK揚州炒飯, 都算乾身, 好味炒面, 有皂水味, 下次可以唔叫

尋日(27-12-08Sat),唔知咩事,一家人同我男友走o黎呢o度食晚飯.我o地叫o左:1. 金牌椒鹽炸豆腐唔油,外脆內滑,好味.2. 椒絲腐乳唐生菜大嫂話鹹,我又唔覺啊.3. 半隻走地雞雞上面舖滿蔥花,真係冇誇張o度.雞肉幾溝,好味.蔥花送飯重正.4. 蒜香骨好脆口,都唔錯.5. 酒浸蜆微辣,蜆新鮮.6. 豉椒炒蟶子都係微辣,新鮮7. 清蒸青斑又係蒸得o岩o岩好,又滑又正.8. 鴛鴦炒飯都係冇問題.9. 豉油皇炒麵 都係唔油,麵夠彈牙,唔錯.我o地重叫o左一碗白飯同兩支啤酒,埋單接近$800.00.

是曰Lunch兩個人叫西式A:黑椒牛扒雞扒反and中式D:瑤柱蛋炒反A餐:賣相一般但足料,牛扒雞扒各一,反可分兩碗半, 黑椒惹味, 敗筆是茨汁較杰D餐: 真係有好多瑤柱, 有鮮味, 炒得唔油, 有四碗反的分量, 好好味下次可三個人分兩個餐, coz 今日食到我地捧住個肚!!Price: $32/set, set include Rice+ hot drink/Soup , cold drink+$2

今日決定去<越華會>食中午飯. 其實自己無論早餐, 午餐都幾鐘意0黎呢間食, 因為暫時未有唔開心的經歷, 哈哈!!! 環境就普通啦, 服務都可以的!!! 1. 洋蔥公司飯($32) + 凍奶茶(+$2) ~ 公司飯0既意思係雜扒飯, 包括有豬扒, 牛扒, 雞翼及雞蛋, 真的好豐富, 加上分量屬個半人分量, 所以記住好肚餓先去食. 洋蔥汁, 雜扒及飯整體都不錯!!! 至於凍奶茶就大大杯, 夠滑, 夠茶味, 基本水準之上!!!整體評價： 勝在平穩, 送上笑樣!!!