路邊小炒

营业中

休息中

和朋友去了屯門麒麟徑仁愛堂街的路邊小炒，相信住在屯門的朋友一定認識這裏新墟食小炒，這邊集中了很多小炒店，主要做街坊生意所以，所以價錢較為低食，而且招呼店員都是很有人情味。路邊小炒雖然沒有華麗裝潢，但坐得好舒服，枱櫈亦好闊落。我們點了雞煲小麻小辣，另外再點了一碟蜆蚧鯪魚球。雞煲上枱是熱辣辣，聽到咋咋聲， 揭開蓋後香濃的雞煲味道撲鼻，已經令人吞口水。雞煲非常好味，雞肉軟淋入味，而且有好多配料洋蔥，青椒等配菜，也非常好味。另外再叫了一碟蜆蚧鯪魚球，這鯪魚球非常出名，滿滿一碟，每一粒都非常飽滿彈牙，體積有乒乓波那麼大，配上蜆蚧非常香口惹味。 再配一罐汽水，真的很爽。總結：路邊小炒是一間做街坊生意的小炒店，價錢抵食，又夠鑊氣，而且店員有禮貌，有人情味有禮。

下午一直下雨，只能留在室內，真掃興，6點不到就回到屯門市中心了，決定去何福堂那邊吃大排檔。每次都去吃路邊小炒，這店很小，只5張枱，加上店外的也不過10張，6點當坐裏面有冷氣。二話不說先每人一罐汽水。小菜的首選路邊小炒王，然後黃金蝦，蜆蚧鯪魚球，再來豉汁蒸烏頭和西蘭花炒鮮魷。路邊小炒王必選是因為裏面有油條，腰果，魷魚絲等，加韮菜炒等別香。黃金蝦用料適中，蛋黃份量剛好，整隻蝦連殼咬碎吞掉。鯪魚球夠大粒，沾上蜆蚧吃口味一流。烏頭夠新鮮，豉汁份量剛好不會鹹。好滿足。

是咁的，今日入屯門探個朋友，由於佢係澳洲返黎，好耐無食過香港有鑊氣的小炒，我就即刻諗到不如食大排擋啦！咁就搵左呢間喇！鋪頭都幾近屯門市中心，算係就腳。而附近都有好多同類型的大排檔，出面有條路，大多的時候應該會坐左出黎，但今日比較大風，所以我地都揀左鋪頭入面！如果而大排擋黎講，呢個鋪面係好乾淨！至少地下唔會有紙巾或者濕曬。周圍都好多人食雞煲羊腩煲，但我地得3個人，所以都係叫小炒算。下次人多先食！欖菜肉碎四季豆係送飯的首選！好香！欖菜味唔會太咸，配上肉碎再加啖飯一齊食，飯都可以要多碗！椒鹽九肚魚都好食，魚好滑，而唔會太多粉，但略嫌可以辣少少就會更惹味！啫啫雞煲其實黎錯左，但侍應不斷咁講唔好意思，所以我地都照要，食物出左就唔好浪費！呢個都係香，蔥頭同蒜都係我杯茶，雞都好滑，有酒香！蒜蓉西蘭花係因為見到人地果碟靚所以我地都叫，係好食ge!又係好夠鑊氣！整體黎講呢間值得encore!

喺屯門住咗成五年， 以前行過嚟呢頭都係買洗潔精或者去洗衣舖乾洗， 今日的起心肝走嚟呢度睇下晚飯有咩食！平時都見到呢度好多餐廳，不過下午通常全部都落場冇開門 發覺呢度有半條街都係新x榮 ，我哋行嚟行去覺得路邊小炒呢間餐廳嘅員工最友善又落力， 而且仲有羊腩煲 於是行入去試下啦!唔夠7點已經坐到爆曬一坐低即刻叫個羊腩煲， 好快就上菜啦！真係好足料,味道又好食 而且冇頸渴 🚰 支竹好入味!!!羊腩好淋 有90分 豉椒炒鵝腸 個乳鴿係餐廳推介 ，真係好食喎！好juicy！Very good👍呢個黃金雙拼就有啲失色喇!第一次仲唔夠蛋黃味添

其實自己不嬲都係食開隔離新x榮但朋友介紹話呢間仲好味咁就試下啦😚😚我地叫左蒜蓉開邊蝦，魚香茄子煲，椒鹽豆腐。個人認為椒鹽豆腐一般，但蒜蓉開邊蝦超正，勁多蒜好好味！蝦下面仲有一堆粉絲索哂d蒜落汁😍不得了😍

個個野食都ok，羊腩好正，係枱少啲，服務態度好，乾淨企理，椒鹽粟米好特別，喺其他地方未食過，乳鴿好食，整體嚟講算係甘，我食野都比較講究，不過我會再去試埋其他菜式，

大部分菜式味道都👍🏻👍🏻👍🏻👍🏻特別係椒鹽九肚魚，粉落得少，肉質鮮，真係好正 。雞煲同羊腩煲都無得彈 落足料 老細同伙計都好好服務，雖然鋪頭細細 但坐得都舒服。