輕鬆小站 (已結業)

想平平地食個dinner 呢間一定要試！晚上同朋友睇咗一陣counter同朋友叫咗鹵水拼盤同鹵水豬手飯一齊食！鹵水拼盤有鹹酸菜,鹵水豆腐三片,鹵水豬手一件,鹵水蛋一開二鹵水雞中翼兩隻,仲有幾條菜心！鹹酸菜的口感咸脆可口真係引人食慾送飯一流,滷水蛋都滷得非常入味！雞翼鹵得剛剛好,唔會太淋！果幾條菜心不過不失但如果換幾條九菜仲更好...滷豬手更滷得軟滑入味，幾乎入口即溶，讚！兩個人嘅晚餐就係$110 真係低如果走去潮州店食靜係個拼盤都唔只

APM美食廣場都算多野食！呢間嘅擔擔麵試過幾次都咁好食！在此分享多次經驗！今日廣場見無乜人。其實香港由疫情開始再加上限聚令,港人不敢外出...很多商場都門可羅雀！縱使此商場堆出無數憂僡！！！這美食廣場也難逃此呃運！就在這裡叫了個豬扒擔擔麵套餐！等不到十分鐘已經有得食。先說這塊排骨是帶點骨位。外層炸得頗香酥。內裡則鬆軟,味道可以,份量都夠！擔擔麵亦帶來了驚喜，就算不太辣。單是麻香、花生、肉碎也已經很美味。再嚐嚐這個麵、麵條夠彈...唯一缺點係d麵份量太少⋯⋯兩三啖就連湯都飲清乾！呢輪天氣凍冰冰。整碗熱辣辣嘅擔擔麵，暖下個身。吃完這個麵真的辣得出色且暖透身~提外話擔擔麵原是中國四川的小吃！最初是由小販挑着擔子沿街叫賣的一種麵食，擔擔麵由此得名。

官塘Apm商場開咗個Food court ，叫做cookedDeli，之前去過食嘢覺得 幾多好嘢食。而且環境不錯，通常下午茶時間來呢度有間輕鬆小站經常光顧！担担麵比較出色！其次最喜歡這裡的豬手!今天下午瞓醒就嚟呢度食個下午茶！整個滷水豬手麵同麻辣青瓜！豬手燜得極其入味且夠腍身，三塊豬手大大件份量十足， 骨膠原豐富淋到無牙都食得！可惜麵質沒有彈牙感！勝在有幾件白蘿蔔夠爽口！彌補番麵唔夠彈牙的决點！麻辣青瓜很爽口,但得個咸字...完全沒有麻同辣既感覺,完全唔惦！飲品免費揀咗蘋果綠茶,飲唔出蘋果味！只可叫做一杯少甜嘅凍糖水....

依家出街真係食乜都貴今日去到觀塘APM，晏晝肚餓想搵嘢食唔知食咩好，一個人又唔想食咁貴，諗諗下就去咗food court度睇吓有咩食本身以為food court啲嘢食平啲，而家發現原來food court嘅嘢食都已經唔再平一個餐為返可能都要差唔多成舊水，終於比我搵到間平啲嘅台灣野，一碗湯麵連嘢飲都係$60左右<雞翼湯麵$60>滷水雞翼有四隻，叫咗幾入味，唔錯面係台灣嘅QQ面，食下都彈牙嘅香港地食嘢真係幾貴下，如果喺台灣食可能$10港紙就食到了

今日放工到觀塘apm揾飯食，喺Cooked Deli兜兜轉轉，終於揀咗《輕鬆小站》，叫咗個香酥炸豬扒担担麵（小辣），配冰凍綠茶，盛惠HK$62。揾位坐低等咗一陣，就有餐攞，都ok喇。大大碗担担麵份量唔少，微麻微辣，都幾惹味可口；麵身唔算太腍，若果可以煮得Q彈啲，咁就更理想。香酥豬扒炸得外脆內軟，配担担麵食，味道不俗。歎完個咁惹味嘅晚餐，再來杯冰凍綠茶，可謂醒神醒胃。apm呢個food court唔算好多食物種類選擇，不過環境乾淨企理，座位又寬敞舒適，而且在这裡吃一餐，比起場內其他食肆相宜，無怪这裡經常坐得滿滿。

是晚放工行下APM , 想食得便宜少少 , 所以上FOOD COURT巡下.....都有好幾間食店既餐啱心水 , 最終揀左個台式蔥油豬扒飯 , 連埋餐湯$55 , 磼飯有2隻油雞翼加半隻蛋....好味 , 但我略嫌豬扒稍硬 , 不過有醬汁調味就口感上軟左 , 餐湯係白蘿蔔既湯 , 碗內有2舊白蘿蔔 , 味道一般啦 , 至於搵位 , 可能因為已經近9點 , 所以都搵到位 , 服務員姐姐執枱速度幾快 , 同好有禮貌 !

連逐個多星期的OT 加通頂, 真的沒有時間和力氣在家做飯。難得有一晚較早放工, 便和身邊那位到商場閒逛順手補給一點東西。買完東西也只想吃個快飯, 回家抖抖更好, 於是在APM FOOD COURT 開餐。"唔嗅米氣"的我們揀了兩個台灣麵食, 最喜愛就是有SET 的配搭, 有主食有飲品, 減少選擇的煩惱。點餐不久後就有得食啦~身邊那位點了一客鹽酥雞擔擔麵, 拿回來時傳來炸物的陣陣香氣, 份外吸引。鹽酥雞是即炸的, 炸得金黃香脆。切件的雞塊去了骨就吃得更方便, 肉質仍保持嫩滑。而難得的是這個鹽酥雞味道適中, 不會撒上過量的調味粉(台式雞扒最常就是有大量調味份), 無論配麵或飯也好吃的。這個擔擔麵帶花生香較多, 麻辣味不太重。幼麵條掛滿了厚厚的醬汁, 蔥香另整碗麵的味道更上一層樓。我點的滷水什併湯麵也不錯, 有着多款餸菜我。 除了有豆腐乾, 滷蛋雞翼外, 還有五香牛肉和紅腸, 不但賣相漂亮, 最適合心多多的我。湯頭有點像紅燒牛肉麵那種湯底味, 肉骨香配上花椒八角等, 雖然惹味搶口, 但不會太肥太俗。用上較闊身的台灣闊麵, 較有質感和Q 彈, 也不會煮得太淋, 是我喜愛的口感。這兒的五香牛肉意

係觀塘區工作，其他好多野食選擇，但都唔算好平，月光族時候，都係要揀下啲抵食又好味嘅野，就跟同事介紹黎左APM food court入面呢間小店試下啦！1. 香酥炸豬扒担担麵 (＄62）加入左花生同沙嗲醬，除左好香之外，食落嘅担担麵特別惹味同香口😋而香酥炸豬扒大塊又厚肉，炸漿唔會太厚，略嫌肉汁較少🙈彤樂評分：8/102. 滷水雞翼湯麵（＄60）滷水雞翼通常都冇得輸，滷水的確幾入味，雞翼又大嚿多肉，呢款麵可以揀台式闊麵同幼麵，同行朋友就揀左闊麵，食落好有質感彤樂評分：7/10

上星期跟他出席完活動，便到APM行街兼食午飯。於是便到多選擇的CookedDeli看看。 行了一圈，決定選擇台式小店【輕鬆小站】。店內有多款台式飯麵、小食、兩餸飯套餐等供應，而大多套餐配餐湯或汽水，價錢介乎HKD55-65，都算合理。   購買後會收到一個通知器，當它響震時，便可到食店領取食物。 【自選兩餸飯系列】咕嚕雞球 + 糖醋魚塊 + 凍綠茶 (HKD65)以快餐來說，這個套餐賣相相當不錯，而且兩餸一湯一飯一飲品，十分豐富。「糖醋魚塊」以微酸菠蘿襯托外脆內滑的魚塊，再配上甜酸醬汁，份外開胃。 「咕嚕雞球」同樣酸甜，不過就換來細嫩雞球。附送的熱辣辣中湯，材料十足，味道有家的感覺。【飯類系列】滷水什拼飯 (HKD65)他喜歡食滷水食物，所以選了這滷水什拼飯。賣相同樣豐富，內含豆腐乾、紅腸、雞翼、五香牛肉及滷蛋，味道亦不錯，尤其牛肉十分入味有咬口。

話說將軍澳美食廣場裝修，每次到星星戲院看戲後，餐廳的選擇減少了。而這晚來到APM，看到這似曾相識的名字，熟悉的照片，還有那熟悉的餐牌，真是將軍COOK DELI同一家餐館，所以我倆選定這家台式美食。櫥窗展示多款美食模型，選擇困難症又發作了！朋友建議點自選二餸飯套餐，二人可共享四款小菜。付款後，慢慢等通知取食物。　　　　原來這個美食廣場，不同餐廳的食物，都集中在同一位置取餐。　這個做法，跟一般美食廣場的一店一廚方式有別。二份套餐到手了！餐前先享用餐湯，喚醒腸胃，要預備消化晚餐了！　　糖醋魚塊　炸皮內的魚肉肉質纖維明顯，並非肉質超霉，腍到似茄子的廉價鯰魚柳。跟酸甜中帶鹹的紅色糖醋醬，很和諧。　　　　咕嚕雞球　又是炸物，炸雞肉。跟糖醋魚塊一樣的炸皮，一樣的酸甜之中又帶鹹的紅色醬汁。雞肉非鹽酥雞做法，没有底味，較淡口，但跟酸甜鹹醬汁很夾。　　　蘿蔔牛筋腩　蘿蔔腍，而牛筋腩，不見有筋，反而似牛腩。個人更喜歡牛筋。　　　醬滷冰梅豬手　　朋友喜歡食豬手，把二件豬手都消滅了。自己就喜歡把醬滷汁撈飯。　　餐後來一杯檸檬茶，真爽！　最後才發現，四款小菜，二款是啡色系列，二款是紅色系列。在美食廣場，菜系五花

下午有約，去APM 快閃食個飯先 經過2樓food court，估唔到星期日 12 點既 food court 咁易搵位~ 就係呢度食啦~揀左呢間輕鬆小站，食台灣野的~ 櫃入面既食物樣樣都好吸引 有飯又有麵~仲有套餐同小食添~點左餐，就可以拎呢舊野返埋位等攞野食~當日唔太多人，好快有得食~2個人，叫左2個麵餐台式蔥油豬扒拌麵  套餐跟飲品  HKD 55 最鐘意好多青瓜，青瓜夠新鮮爽口，拌麵一齊食好清新~豬扒碎上，雖然比較乾身，但香茅味好香~ 蔥油同港式有D唔同，無港式咁重味。反而食到蔥既香味~麵係類似油麵個種，幾爽身唔糊~跟拌麵有個清湯，有一大舊蘿蔔~ 清湯比想像中淡口，唔會太咸滷水什拼湯麵套餐跟飲品 HKD 65有豆腐乾，紅腸，雞翼，五香牛肉，滷蛋 湯底幾好味，濃得黎唔嗆喉。 雞翼同蛋就滷得唔算好耐，未太入味。反而幾鐘意個幾條酸菜，用黎調味一流麵係我鐘意既闊麵，有彈性，夠彈牙，又唔會太硬~ 跟餐送的汽水同綠茶~ 綠茶係加左甜味個種之前係呢個 food court 食過2-3次，但次次都失望 基本上已經好少再黎食 今次呢間新開的餐廳，以Food court 質素黎講真

係附近做完野即約朋友仔黎呢個food court 睇下有咩岩食，見到有台灣菜即沖喇!!!!menu 既選擇都好多，所以心大心細既你真係可以慢慢睇，慢慢選擇~價錢黎講一D都唔貴，雖然我地係最旺既時間去食，但都唔係等左好耐，最緊要收銀個姐姐真係好好服務，見我地諗左好耐都唔知食咩都俾D suggest我地。我自己最中意呢隻雞，酸酸甜甜，最緊要係佢地一早幫你去哂骨，所以食既時間都好方便。味道同價錢絕對成正比，想快靚正，呢到都係一個唔錯既選擇呀~

很少於商場內的food court進膳，主要原因並非食物的質素，而是座位難求。因為人多的時候不易找到相鄰的位置，坐下之後更難慢慢進食與朋友傾偈，因為總會有人在等位，壓大不少。這次只有自己一人，便嘗試來排戰一下。情況比想像中好，不需很久便找到一個單丁位了。這次選了一間台式小店來試試，吃的是滷水什拼湯粗白麵，勝在食物夠多，可以試到不同的美食。其中最喜歡的食雞翼，軟軟的肉質，配上甜甜的滷水味，就是為人最愛的滷水雞翼的味道。粗白麵也是高質的，麵質爽得來有嚼勁，也美味。而白蘿蔔及紅蘿蔔也十分軟，很易入口，更重要當然是非常入味，可口。整體就是很好吃的台式滷水湯麵，很美好的一餐！

剛巧家中無人煮飯，就到公司附近food court食晚飯，揀左呢間，好多人款式好多定價經濟份量亦多朋友揀自選兩餸飯，醬滷冰梅豬手加蘿蔔牛筋腩HKD65仲有是日餐湯同蘋果緑茶豬手好入味[牛腩唔會韌蘿蔔好腍[湯好鮮甜[而我就揀左台式紅燒牛肉拼麻辣雞絲HKD65份量好多[味道好香[我揀左幼麵，麵質好彈牙[麻辣雞絲好好味好夠麻，但唔會太辣[台式牛肉軟腍入味，想不到如此價錢質素亦不差！下一次午餐晚餐也可以選擇黎食，夠經濟又好味！

Relax Station used to be at the TKO food court which closed down recently.Now they are at apm on the 2nd floor.The menu is roughly the same.The layout is slightly better than TKO in the sense that there is a central kitchen where all the food is served but in TKO each joint is separated and they have their own kitchen. Decided to order the dandan noodles and the pork chop.The pork chop came with chicken wings and egg.The pork chop was well marinated as it was fully flavoured all the way through.