辣嗎?美食

营业中

休息中

見過燒賣關注組提過舖頭在轉角位 外表不顯眼隔離仲有另一間小食店買左一串燒賣試一試燒賣口感偏淋有咖喱/沙嗲/麻辣汁揀當然揀佢招牌辣汁辣中帶麻係特別～但未至於十分出色屬行過醫肚之選

真正灣仔街頭小食，$1x=腸粉牛肉球，腸粉燒賣/魚蛋再平啲😋！混醬腸粉香滑，大大碟，最緊要叫多醬😛！每條腸粉長短一樣👍🏾👍🏾，夠粗，口感豐富，輝買花生醬，甜醬，豉油，辣椒醬，仲有芝麻，仲有仲有無限滿足嘅口感🤤🤤🤤，呢個價錢冇嘢好講🔥。牛肉球正常發揮，勝在夠大粒，飽肚！唔算太多粉，都有啲牛肉味，可以加埋喼汁，絕配！在場唔少打工仔即場食，圍埋喺舖頭附近，係掃街嘅景象🤩，百分百香港地！

.如果返工早餐想食得豐富d既話，我就會想去辣嗎？買腸粉燒賣 ，$16就飽到我有時晏晝都飽飽地，唔駛食好多。今日返工天氣又開始轉涼，好想食得多啲等個人暖d.所以第一時間就去買辣嗎9點多，一去到，前面有5、6個人排緊都旺場，好彩出單速度尚算快今日只叫左腸粉，因為食埋燒賣真心好飽8蚊4條我會要晒所有醬同芝麻但走辣混醬都混得幾腸粉撈埋汁好滑好好食所以咁樣一食又起碼300卡🥹但食得是福..#唯有食是最治癒的.

好x難食呀20蚊 有燒賣魚蛋腸粉 看似大碟 真係好難食得哂不好吃呢 哭哭我之前上年食過呢間啲野食正正常常架都係食燒賣 唔知係轉佐手定點定今日啲野食整得唔好 我就唔清楚啦今日食完感受係啲燒賣無咩魚肉味 唔知食佐咩咁朋友果個 啲魚蛋比沙嗲醬come 哂啲味 我果個 睇圖啦 啲魚蛋係唔好食既真係搞唔掂 得個腸粉正正常常個朋友加辣汁 啲醬汁甜醬芝麻醬無哂味我就無加辣 食得出甜醬 但加埋魚蛋燒賣就搞唔掂啦20蚊 留比大家食啦建議食其他 。。。伏已中食完反哂胃 慘了

啱啱放工經過啊，見到冇乜人，咁就行去買遠近馳名嘅雞蛋仔，見到$20蚊9件煎釀三寶，就順手買埋啦唔叫猶自可，一叫足足等咗15分鐘，期間舖頭職員同我講係新鮮炸，所以耐少少，咁我當然係滿心期待啦卒之拎咗過嚟，第一代好細袋，我已經再三問佢係咪真係九件？佢話係。經過5分鐘嘅路程我終於返咗屋企，一打開，一定唔係新鮮，明顯係翻炸仲縮晒水等咗咁耐，雞蛋仔淋晒，我都係轉讓三寶，全部都係食緊油，冇諗住咁樣呃人都得不吐不快！

舖頭好細 但小食有好多選擇 雞蛋仔🧇格仔餅 燒賣魚蛋 炸燒賣 煎釀三寶 醉雞翼 炸雞翼 酸辣粉 涼皮 涼麵 雲吞⋯ 真係好多野食 同埋價錢好平 10零20蚊有交易 係灣仔好少見 不過質素就麻麻地 酸辣粉啲薯粉一夾就斷 唔係煙韌個啲 不過味道係ok 既 另外煎釀三寶炸到黑媽媽 但應該唔係炸過龍 而係啲油⋯另外啲魚蛋咬落以為食緊豆腐 水水地 唔覺得有魚既成份⋯ 醉雞翼大大隻 好入味 不過啲肉硬身左啲 不過$12/3隻尼講算係咁食左幾款小食 燒賣係最好食既 咬落煙煙韌韌 煎既同炸既都好食

好開心終於有機會嚟到灣仔嘅「辣嗎？」，成日喺面書見到人哋介紹，話灣仔必食，咁岩經過，梗係唔可以錯過啦！佢哋嘅價錢真係好平，性價比非常高，腸粉全餐， $20 ，已經有四條腸粉，五粒燒賣，五粒魚蛋，咩都有啲，早餐或者下午茶都非常適合👍🏼👍🏼 買咗一大碗，返到公司打開，見到都開心😆😆燒賣最正，口感軟糯，而且食到魚肉質咁，下次要另外買多兩串先！ 魚蛋都唔錯，雖然唔係陳皮魚蛋，但係咖喱汁好香，仲有少少類似洋蔥/蒜頭碎，好惹味！ 至於腸粉，中規中矩啦，熱辣辣，點都好食嘅😎😎 下次要記得叫佢多麻將同埋芝麻，相信會更加好食😋😋

細撈營多撈麵。佢間小食舖麵唔會煮得過淋，硬度岩岩好。落埋專用醬汁同炸蒜，非常惹味，真係會食上癮。搭多條生菜，好似健康啲冇咁油膩。一碗只賣八蚊，岩哂學生哥放學買黎醫肚。

📍辣嗎美食 - #YFF灣仔-燒賣愛好者再次跟 @hksiumaiconcerngroup 搵食👍🏼就睇下今次呢間正唔正先😋-🔸麻辣燒賣 ($10/ 8pcs)燒賣既texture係似超市買到既家之美鯊魚燒賣既口感 偏向煙韌彈牙 而今日食既燒賣 唔會話有蒸得好耐 過腍一pat一pat既情況出現 可能間小食店既燒賣都flow得快😗店鋪係有3隻醬汁可以揀 分別係麻辣、沙嗲、咖喱 我地今次就試左麻辣 麻辣味入面除左有辣油之外 亦都有胡椒粉 咬落麻辣味都出 再有少少既麻麻既口感 唔係剩係死辣🤤再加埋甜豉油點綴 幾正既-其實我地之前都上過沙嗲味 但個味道就麻麻地 沙嗲味亦都唔濃 所以都係叫番麻辣味就ok‼️

太遲發現呢間小食店嘅酸辣粉！💕本來呢間已經好出名，好多人會買街頭小食，魚蛋燒賣腸粉。估佢唔到竟然有酸辣粉食！好正宗嘅味道，好夠酸，辣得起勁。有得揀大中小bb辣！薯粉係圓身粗粗地，好煙韌又滑個隻！直程係傷X酸辣粉個種😜中意酸辣粉唔可以錯過呀！👍🏻提外話，女店主煮得好食啲🤪

之前喺腸粉/燒賣關注組，見到有人介紹依間位於灣仔某角落頭嘅小店，所以bookmark定。終於有機會幫襯了～～佢有個腸粉套餐，係四條腸粉， +5粒燒賣，或者5粒魚蛋。由於我係諗住當午餐嚟食，所以就咁嗌一個套餐可能唔夠😁😁就加咗多一份嘅餸。 一大盒，有四條腸粉，五粒燒賣同五粒魚蛋，都只係20蚊咋！仲要唔係揸流攤，有落足醬料，同埋芝麻😋😁燒賣比較乾，但係味道唔錯，口感係煙銀嘅。至於魚蛋，我本身以為係細粒啲嘅陳皮魚蛋，不過唔係，但都OK嘅。喺灣仔地帶，咁嘅價錢，實在非常難得，要多多支持💪🏼

好味又抵食嘅麻辣汁燒賣🤤（$10/8粒 ）話說之前成日睇燒賣關注組， 搞到我成日都想食魚肉燒賣👅 某日就去咗附近嘅呢間灣仔小食店。唔知其他嘢食點，呢度嘅燒賣必嗌秘製辣汁，佢唔係傳統嘅辣椒油，而係加咗大量花椒製作嘅辣汁，重口味得好惹味！燒賣食落質地無林記咁有魚味但都算上中，而且$10/8粒好抵呀。話說因為好食過好多次，次次都係嗌秘製辣汁，但有一次辣到飛起，好似係平時嘅double咁，成碗得個辣字，好可惜。

👍🏻麻辣魚蓉燒賣 $10/8粒燒賣煙韌彈牙，少少魚味，超推薦配秘製麻辣汁😛！一大pat麻辣醬，混左辣椒籽、花椒粉、小茴香粉等等花椒味香濃，重麻又夠辣，勁惹味🤤！麻辣到個咀都腫左🤣好有川菜個種麻香味道，真係好出色😋👍🏻$10有8粒好抵食，性價比高🤪味道：9/10性價比：10/10-📍#辣嗎美食灣仔道177-179號保和大廈地下C舖#hkfoodie #foodiehk #hkfood #foodhk #hkeat #香港美食 #香港美食指南 #香港美食日記 #香港美食地圖 #香港美食推介 #平食 #窮遊 #打卡 #香港打卡 #情侶好去處 #拍拖好去處 #週末好去處 #灣仔 #灣仔美食 #灣仔好去處 #灣仔小食 #港式小食 #燒賣 #魚肉燒賣 #香港燒賣關注組 

最近在去買肉鬆小貝的時候，發現店主的一盤腸粉，饞死我了，看著太太太誘人了😍，我問了一下果然是隔壁常年有很多人的一家店買來的！立刻叫了一份腸粉拼燒麥，其實本來可以打包到附近小公園⛲️去吃，但是為了拍照📷好看，我選擇在路邊解決❗️❗️這個混醬給的真是太不手軟，燒麥新鮮🔥，腸粉Q滑，醬料甜甜的有一點辣！他家除了這個還有酸辣粉，雞蛋仔，格仔餅。

以前覺得佢啲酸辣粉麵底都幾好食，而且要喺香港搵酸辣粉/紅薯粉嚟食本身就好困難。所以之前就算味道唔算話完美（7分左右）我都成日幫襯。但最近兩三個月開始，突然有一次啲酸辣粉買完一揭開，啲麵依家冇曬以前嘅嫩滑同柔韌，而且煮到斷曬爛曬。以為係失手，再食過兩次居然都係咁。估計佢應該係幾個月前開始換咗個麵底，新嘅嗰款好唔掂，已經冇曬食紅薯粉嘅感覺喇⋯⋯雖然$23一碗酸辣粉都唔算好貴，但麵底嘅質素依家真係差咗好多冇曬食酸辣粉應有嘅軟韌口感。唯一還不錯嘅就係個湯底。我通常叫開小辣（仲有中/大辣or BB辣），辣度都不容睇小，而且辣得嚟酸度都冇忽略到，所以啲湯係吸引到我飲曬嘅～