辣嗎?美食

营业中

休息中

以前係灣仔返工個時已經好鍾意係呢到買小食原因係不單止鍾意佢地個麻辣汁而且價錢係該地段黎講好抵食以前三寶$15 三年後今日三寶$16都只不過係貴左$1今日照舊叫左個麻辣三寶 (燒賣、魷魚、牛栢葉)配麻辣汁如果本身好鍾意食辣既人叫呢個就啱燒賣煙韌一d都唔粉牛栢葉無鹼水味呢兩樣吸曬d辣汁好過癮相反以前都鍾意食既水魷係比較下顯得遜色而且以前都會比魷魚鬚今日唔知係咪太晏所以無比，有d失望。下次會試下其他麻辣野鍾意食辣既朋友值得一試！

未到食飯時間又口痕，呢個時候最好食魚蛋燒賣，頂住肚先又唔會太飽。燒賣魚蛋燒賣彈牙，魚蛋都唔會煮到太腍，加少豉油已經好夠。麻辣小食 唔記得全名，不過有鵪鶉蛋、腐竹、海帶等等，腐竹吸哂個湯汁夠哂味，不過略嫌湯底唔夠麻。

唔知由幾時開始市面上越來越多食落好似橡膠咁嘅燒賣。細細個時食嘅又軟又彈牙嘅魚肉燒賣，而家已經好難搵到，作為燒賣控嘅我，偶然搵到呢一間小食店，食到以前細個時嘅味道。嚟到嘅時候見到有好多人圍住買混醬腸粉，相信佢嘅腸粉應該好好食，但由於我哋一陣要去手食晚餐所以都唔夠膽食咁飽，最後叫左一份燒賣（$10/8粒）。熱辣辣嘅燒賣咬落軟熟彈牙，唔係食落一口粉個種，而且仲有少少魚味，配埋佢嘅甜豉油好好食！我覺得佢嘅燒賣同通達嘅好似，食落都係好好味，係以前細個街邊食到個種咁嘅。好希望呢種傳統嘅街頭美食唔好失傳落去。

食到底先見到有小強雖然碗酸辣粉味道係唔錯，而且價錢好平。但係食到底先見到隻小強都幾有心理陰影拎返落去檔住要求搵隻小強俾佢睇，不過搵搵下有另外一位職員出黎話退錢或者煮過一碗。

近排FatBrown 愛上左食格仔餅，奈何因為肺炎的關係，唔可以隨便係街邊度食街頭小食忍左咁耐今日見到有格仔餅賣，終於都破戒買返件嚟食難得星期六灣仔區冇學生冇打工仔一族，條街少咁啲人，企係街邊食都冇咁怕怕<格仔餅$13>香脆格仔餅同平時食開嘅真係有啲唔同，即叫即整熱辣辣，超級好食，格仔餅個被仲要係脆卜卜，裏面夾着超級多嘅煉奶同埋花生醬，真係好好味<燒賣$7>食完真係唔係好夠喉，再叫多咗份燒賣過下癮，七蚊五粒，有魚肉味，都算係咁

腸粉8蚊/4條！！燒賣10蚊/10粒 ！！估唔到喺灣仔竟然有啲咁平既小食店😂仲有套餐價，四條腸粉加燒賣total 13蚊😱😱😱。排隊等咗幾個人之後，終於有得食，叫了多甜醬麻醬，結果變了好似湯底一樣🤣🤣毫不吝嗇。燒賣正常幾好食，腸粉都幾滑，麻醬好香又唔稀，估唔到呢個價錢都做到呢個咁好嘅質素😋。

腸粉＋燒賣🤩$13咁啱行過，見到唔少人企響度食😎我當然要試一試啦☺️腸粉真係幾好食🤤混醬混得唔錯👍燒賣就普普通通😂剩腸粉都係$8/4條😉竟然可以咁平😍真係好抵食😛辣嗎?美食 (灣仔)灣仔灣仔道177-179號保和大廈地下C舖

最近在摩理臣山泳池學游水，每次經過都看見很多人在排隊。在租金高企下，呢類小店已經賣少見少了。所以決定今天上課前買些小食醫下肚。 看到店名，應該出名辣汁吧，試一個15蚊 3寶加沙嗲汁，有幾款小食揀，唔使成日食燒賣魚旦。最後揀左牛栢葉，牛丸同蘿蔔，因為D汁係淋上去，所以唔算入味，沙嗲不太辣，但幾香，不過食完有D口渴。 再叫多碟混醬腸粉，8蚊有4條，以現在物價指數咁高，算是抵食。腸粉幾滑，加上大量醬料，十分滿足。

食晚飯前有點餓，所以想喺街頭搵啲小食。行過見到呢間辣嗎？美食，有一堆人企喺度食野，於是行過去望下。辣嗎？美食有好多選擇，例如脆皮雞蛋仔，混醬腸粉，香脆夾餅，麻辣雲吞，魚蛋燒賣等等。我就叫左混醬腸粉加燒賣$13，超抵！腸粉係好滑的，而且每種醬都香濃美味，加上少少辣醬，超好味！而燒賣嘅口感幾好，有咬口彈牙唔會成口粉咁。可以選擇拎走或者企喺度食嘅，由於新鮮食實係最好味，所以我地買完就企旁邊食，見到大部分人都係食腸粉加燒賣或者魚蛋，可見係必食呢！

麻辣最正！！！！Only ordered Siu Mai this time, but usually will order fish ball and Cheung Fun too. The best fast food ever, I have came here for more than 10 times. The spice is super tasty and mouth watering. Highly recommended!!

收工過咗嚟食呢間小食店，排咗大約七至八個人。叫得多嘢食嘅話佢會比隻碟你裝住食，之後還返隻碟，都幾有特色㗎。•🍢魚蛋 燒賣（$10/10粒）$10有10粒真係超抵呀，我揀咗燒賣魚蛋每樣5粒。佢有得揀麻辣/沙嗲/咖哩，今次試咗麻辣，佢個麻辣醬汁勁似口水雞既醬好正呀！佢嘅燒賣好好食，係魚肉燒賣，好煙韌嗰隻，同金華美食有得揮！而魚蛋係偏白色嘅，都幾彈牙！呢間性價比超高，可以狂encore！最抵讚嘅係店員勁有禮貌，真心好少小食店會咁好！👍🏻👍🏻————————————（5⭐️滿分，💫為半分）整體環境：⭐️⭐️💫食物外觀：⭐️⭐️⭐️💫味道：⭐️⭐️⭐️⭐️性價比：⭐️⭐️⭐️⭐️💫回頭指數：⭐️⭐️⭐️⭐️————————————#fatfatman灣仔#fatfatman小食————————————📍辣嗎?美食 (灣仔)灣仔灣仔道177-179號保和大廈地下C舖#hkfood #hkfoodie #foodie #hongkongfoodie #instafood #hkig #hkigfood #hkeat #eat #f4f #hongkongfood #hkfoodblog #yummy #hkiger #food #hk

行過見到呢間轉角鋪頭，見到$8/4條腸粉，$10/10粒燒賣，喺灣仔黎講都算平，個人又肚餓，所以就試下。買既時候先知原來有得叫餐$13有腸粉+燒賣，咁就叫左$13餐，拎到碟野，好多豉油，麻醬，甜醬，好誇張！燒賣幾好食，腸粉都算滑，不過可能多人買所以唔夠熱，如果熱d就好好食👍🏻食緊既時候，見到有幾個人都有叫雲吞，所以食完腸粉再叫左個雲吞，個雲吞好熱辣辣，個皮都算滑既，但係我鐘意食軟既雲吞，味道唔差，但唔太合我口味，可以一試既

呢間舖喺我屋企附近所以得閒都會去買啲小食同酸辣粉過下辣癮。一向食開佢個$15任選三款小食，每次都揀哂三份魷魚，之前佢同其他小食點一樣，一係落辣汁一係落豉油，但最近有埋麻辣汁揀，真係一試難忘。嗜辣嘅我食過好多麻辣汁都覺得一般，冇諗過呢間小店竟然較到個麻辣汁咁有水準，又麻又辣之餘仲好香，極之過癮！不過佢個酸辣粉就時好時壞，之前試過幾次都好滿意，但今次粉條好”林”，仲一夾就斷，有點失望，希望下次會有改善啦

這年來每個禮拜六都要到附近上堂，放break時少不免要吃點小食提提神、醫醫肚。 這一條在灣仔道旁的窄巷開了許多家小吃店，吃過附近幾家的燒賣，最後還是回頭到面向大街的這家。這裡有抵食的腸粉套餐，可以配以燒賣魚蛋/牛肉球/豆漿，我最喜歡的還是腸粉燒賣餐($15)。腸粉滑溜，麻醬甜醬不稀釋，充滿醬汁和芝麻的腸粉很好吃。最讚的還是燒賣，不像是其他地方很多時很粉的質素，燒賣皮薄，魚肉餡煙韌，比得上紅磡林記小吃。夏天新推出了涼拌系列，是日沒有粉皮，所以點了紅薯粉。紅薯粉頗為煙韌不糊口，不過即點即煮後沒有冷卻，只有室溫，不算涼拌。可是配的日式芝麻醬較稀，吃不出甚麼味道，可能配麻辣或麻醬會更好。

通常叫沙嗲蘿白加魚蛋/“物演”，個汁好惹味，服務態度又好。其實我當初會come across 呢間舖係因為鍾意食腸粉皇。有機會都會試埋佢個腸粉。其實我等咗openrice 開個entry 俾呢間舖好耐㗎喇，成日見咁多人幫趁，冇理由得我一個上openrice揾佢架!