辣蟹莊 (已搬遷) 新店位置

是日與家人到辣蟹莊三人點了: 蝦餃皮有點厚，蝦肉爽口，但沒有鮮味，可能特價$16.8以前也吃過另外辣蟹莊的蝦餃，好好吃仲成日推介比朋友燒賣傳統的豬肉燒賣，用上八成以上的瘦肉，味道普通不過鳳爪排骨飯用舊式的蒸籠，再放入瓦碗蒸有點懷舊味道，排骨肉味鮮味都有，有2隻鳳爪，米飯蒸得乾身，好吃的。 綿花雞上抬上來大大件，雞肉、魚肚，用南瓜片放底，吃得飽肚。糯米飯蒸到深patpat 況且成個碗蒸放在枱面太熱難囉上手尚有幾款小點亦是普遍離不開基本味道三人坐張細圓枱！之後仲要有一個阿叔搭枱囉住份頭條日報，我有我地傾計佢有佢睇報紙在這類街坊式酒樓用餐，已放棄了甚麼好招呼，食物談不上好吃，價錢說不上便宜也不貴得去邊，想吃蝦餃還是到有保證的酒樓出品較好。

We went to dinner with a party of 5 and ordered a selection of seafood and regular dinner dishes. Some customers sitting next to us ordered steamed seafood, which I always wanted to try. Didn’t know that they serve it at this restaurant, heard the staff that the steam seafood will need to pre-order in advance.The seafood we ordered tasted fresh especially the crab we ordered. Really like those fried garlic that is cover on top and under the crab. Very tasty! The atmosphere was quite noisy but

中式酒樓一向是屋企兩老慶生日首選一家人可以坐得舒服，餸菜就算無驚喜亦保證對胃口。爸爸說官塘辣蟹莊環境寬敞晚上通常都很「旺場」，一家大細六人早兩日訂位脆皮雞賣相麻麻，但是肉夠嫩滑翠炒龍躉球嘅肉質非常鮮甜彈牙。陳皮雲耳蒸龍躉頭腩嘅肉質相當鮮甜，魚皮好煙靭軟滑補充骨膠原一流。上湯龍蝦伊麵要兩隻龍蝦所以份量頗多，賣相相當吸引。龍蝦肉質爽口彈牙，我食最多。伊麵上枱時夠熱，見到有熱氣可能食哂龍蝦及其他菜式！已經放得很久了俏凍所以大部分的伊麵無食而且大家食其他菜都很飽服務還可以，經常換碟斟茶值得讃預計媽媽生日會再來

我地一組人係觀塘開完會，試下呢間飲茶先。唔貴喎，地方算大。我地有5個人，可以送一籠小點，有燒賣，有茶果，有榚點，幾好喎（因為太肚餓，完全忘記影相呢件事(_ _).｡o○）呢個炒河好味（忘記係乜河(￣▽￣)），小小辣，好夠鑊氣。我地叫下叫下都叫左幾多嘢，蛋糕仔可以不叫。呢個都好味！（又忘記係乜，總之係餐牌上精選推介）好似雞絲粉皮，但佢隻皮qq啲，撈左小小麻醬，我地5個都話好味。最後都係要食個叉燒包，竹炭嘅部分唔係好食得出。不過熱，都ok。我地第一輪食左一個鐘有3個都未上，cut咗單埋單，但照上兩個，我地太飽，唔想要，但佢地話因為我地追左單而整（明明一個鐘前落，15分鐘前追，好似講到我地錯咁。。）食完返屋企有啲口渴，可能有啲咸？！

d海鮮好新鮮呀，同埋d點心好食又好得意、好有創意，有红萝卜造型的咸水角，不仅卖相好Q，食出来与传统点心唔同、值得一试哦！與傳統點心的用料大有不同、吃出來個味道又出奇特別、好味。炒辣蟹味道好足，又唔會特別辣。真心好食

一行5人為我慶祝生日，去食蒸海鮮每位$198套餐包：1: 每人半隻龍蝦 ： 超新鮮、d肉好彈牙、個鉗啖啖肉 （不過就冇乜膏）2: 每人2隻蝦 ： 雖說不太大隻、但都幾鮮甜3: 每人2隻鲍魚，大隻，上枱時仍然郁的。d肉好彈牙。4: 有三款不同的貝類，都數不到有幾多了。大部分都大隻、肉鮮甜5: 每人2粒豬肉丸 ： 都幾juicy 6: 一堆牛肉粒 ： 可能控制時間不好，比較un7: 一堆瓜： 完全冇味,我地冇食哂8: 每人2件馬拉糕： 鬆軟 、甜9: 每人2件唔知咩餃：一般以上係套餐包的，個排骨粥底要另加收費。我們要了細的（$60） （另有大的，$100）。餐牌上仲有其他海鮮加$ 選擇，不過我地覺得個餐都夠食，所以冇加。雖然話個餐$198，不過要加一、茶錢、小食（2碟花生 共$30）。食野又少不免飮吓汽水咁，所以計計吓都差不多$250 （咁坊間都有d成$3xx 一位，任飲、有限度任食果d....... 任君選擇）而服務，d阿姐大部分有禮貎的。除咗頭一次有阿姐幫我地放排骨粥、龍蝦⋯⋯⋯之後就自己動手。咁有好有唔好，我試過去另一間蒸氣煱食店，剛巧果晚冇乜客，所以阿姐服務周到，成晚貼身服待，但就

每一個月我哋條Team都會一齊出去食飯，通常都會係我哋老細請嘅!今次我哋選擇咗觀塘嘅辣㙰莊！因為之前有同事喺舊舖食過呢一間係新鋪！同事話係舊鋪嘅時候啲食物好好味架!當我地行入店內嘅時候都覺得幾好因為都好光猛!但我哋行到我哋嘅枱嘅時候!發現張枱好唔平衡!原來係張麻雀枱加快反枱面所以全晚食飯嘅時候張枱完全唔平衡😡！但係食物上枱之後試過啲食物就真係好有問題啦！D 食物大部份只有鹹味同埋無味!仲要價錢一啲都唔平!所以我地決定冇下次!

要 激讚下 辣蟹莊 嘅下午茶啦佢哋嘅下午茶係由1點45分開始。而佢嘅點心超級嘅平 ,由$5.8開始就有 交易 😉😉而且佢有好多係打孖上 嘅特價點心添🤗🤗🤗 詳情你可以睇 以下，去片。。。下午茶菜單棉花雞蝦餃皇👍👍👍叉燒腸粉 個腸粉去全部用葱，用好少嘅芫茜呀。 又或又好味 推介呢個芝麻卷係即叫即整 整出嚟仲熱辣辣㗎其實佢下午茶 平之餘，佢午飯嘅時間都唔貴㗎 一隻bb鴿都係23.8 真係好抵喎

如果唔想限時限刻交枱，抵食夾大件又好味又坐得ok 舒服，呢間辣蟹莊可考慮。因星期日好多工廠餐廳沒有營業，便去左呢間，員工笑容可嘉服務！我2人只叫左花尾龍疐兩味，啖啖大片魚片，D魚皮有厚厚的魚膠，配以翠肉瓜，份量絕不欺埸！另一味蒸龍疐，多雲耳在碟底，加上紅棗蒸的龍躉又香甜又.....👍👍同那些名牌茶餐廳，簡直茅得舒！下次要試吓梁店長的推介:海鮮蟹窩！仲要係$300 有找！

呢間酒樓喺呢個區來講都算係出名，特別午市嘅時候都見到有好多附近嘅打工仔都會來食，其中一個原因就係酒樓呢條推出左$19.9就有一隻乳鴿嘅午市優惠，仲要叫幾多隻都得，你話抵唔抵先！基本上大約中午12點開始，人流就開始多，一點錢基本上成間酒樓都已經坐門晒人。佢每隻乳鴿嘅大細其實都唔細，整得非常之香口，呢個咁嘅價錢真係非常之抵食，難怪眼見每台啲客人基本上都有叫呢個優惠👍🏿👍🏿黎食午飯當然有食其他野，其中一樣係呢個鮑汁鳳爪，呢個整得都幾入味，用瑞士汁整，不過就有少少油膩，但係整體來講係好食嘅。上面呢個炒麵同埋呢鍋蟹粥其實係一個套餐來，價值＄168 ,佢呢個炒麵炒得唔錯，因為炒得好乾身，唔會太油之外，佢既調味亦都唔會太咸👍🏿呢間酒樓都有名你叫，其實主要係食蟹嘅，所以佢整蟹方面都做得唔錯，包括呢個蟹粥，可能因為小編比較係早少少嘅午市時段就落左order，所以個粥都比較熱同埋新鮮，蟹亦都好鮮甜多肉👍🏿以上咁多樣嘢小編同兩位有人，合共三日食咗＄303埋單，性價比來講係高嘅。

蒸汽鍋+粥底，近年愈見流行，甚至有睇落好勁嘅九層塔，務求吸引你嘅眼球，但其實我一次都未試過。今晚家族聚會，長輩揀左lee 間辣蟹莊，雖然個名係賣辣蟹，但佢嘅蒸汽鍋真係不得了，講句驚為天人都唔過份，好食一定係，讚到咁勁係因為性價比其高。位位$188，人頭份量，半隻大龍蝦，兩隻鮑魚，兩隻游水蝦，大量三款唔同嘅貝類，仲有豬肉丸同牛肉粒，蘿蔔/冬瓜/南瓜，珍珍雞/馬拉糕，最後仲有個菜餃。作為專業海鮮食家，海鮮基本上得一個要求，就係鮮，只要佢死得及時，就唔會難食，今次全部都好好，夠晒鮮甜，飽魚入爐時仲識郁，如果食開清淡就已經好滿足，我lee d 重口味就點都要辣椒豉油調調味。肉類只係不過不失，但作為幫煲粥加多d 味嘅配調亦可。其他點心蔬果都唔錯，最驚喜可能係隻餃，就算覺得飽都想食晒兩隻。最後個粥吸收日月精神，自然味道豐富，不妨加兩滴豉油，可能會更見驚喜。$188 咁飽咁多野食，真係好抵，今晚閒日少人，店員全程服務，落材料，好滿意。但唔知係咪因為我地食得慢，搞到10點幾，返到屋企打lee 篇時先發現佢漏左個甜品無上！！！扣分！！！！大家如果去食，記住唔好俾佢漏單。P.S. 如果大家願意坐露台，仲可

老豆生日，我地今年決定唔食放題，改食蒸海鮮，辣蟹莊係媽媽星期日飲茶時候發現，佢話呢間酒家都幾抵食，晚市有蒸海鮮，見佢$188/1人，真係都幾抵，所以就試下呢個餐都幾多嘢食，當然，我地4個人，只食呢個餐應該唔夠，所以我地亦都另外點其他食物，睇佢蒸海鮮個menu，其他食物都唔係太貴，可以接受價錢呢間酒家都有個醬汁自助站，有辣椒、蒜蓉、蔥、XO醬、豉油，竟然重有蠔油，我真係未試過有蠔油美國龍蝦 - 第一時間上枱，所以就整咗佢先，每人有半隻，都幾多肉，又多膏，都幾爽口彈牙，不過就無乜龍蝦味豬肉丸 - 呢個豬肉丸蒸就唔係太好食，可能用嚟打邊爐會好啲，因為有啲似蒸豬肉餅手打鮮蝦丸 - 呢個係我地另外order，唔錯，絕對好味過豬肉丸農家三寶 - 有南瓜、冬瓜、白蘿蔔，雖然南瓜唔係好夠粉、唔係好夠甜，但係白蘿蔔勁甜，冬瓜都好好味白蜆、珍珠貝、花甲 - 一直以嚟，我同老豆都好鍾意食貝類食物，因為貪佢夠鮮甜，今次呢個餐重有齊幾款貝類，真係開心爆，白蜆無沙，花甲鮮甜，珍珠貝肥厚大蓮鮑魚、海生蝦 - 其實鮮鮑魚同生曬鮑魚唔同，食落口，一定係乾鮑好食啲，新鮮鮑魚主要係食佢鮮味，不過一定要蒸得啱啱好，如果唔係，

之前同事食過話啲粥好好味，今日farewell同事就去左食，我真係好期待，但估唔到。。。點心普普通通，魷魚鬚同九肚魚好味，外脆內軟無油"益"味，我主要想講粥。叫左2個粥，一個蟹粥，一個魚粥，都係$148，夠3-4人食。蟹粥:有鮑片，蝦，蟹。鮑片無味偏韌，蝦完全唔新鮮，蟹唔方便食，無爆開個鉗又無工具，完全食唔到入面啲肉。重點係個粥底，無蟹味都算，啲粥係用隔夜飯煲成粥，仲要一舊舊飯痴住，我真係好嬲，點解等左1.5hr嘅粥係咁，真係好難食。魚粥:一個字，腥。啲粥又係用隔夜飯煲。俾$148，食啲咁嘅粥真係嬲。唔知係年尾多人去食定點，上菜勁慢，點心基本係5分鐘先上一個，仲要一個一個咁上，13個點心用左1.5hr先上完。粥本身以為係生滾即煲所以耐都接受，點知係咁嘅粥永無下次。

第一次上來試海鮮蒸氣鍋，訂左枱唔洗等，間野雖然在工業大廈但都幾滿座。叫左2個＄188＋2個$228 Set。$228 Set有少少唔同，多左蟶子王同小籠包。海鮮－有鮑魚仔，蝦，龍蝦，扇貝，白沙貝，珍珠貝，蟶子王。海蝦仲跳跳紮，龍蝦算大隻，鮑魚仔都幾鮮甜。丸類就好一般，味道麻麻－ 有豬肉丸，蝦丸，墨魚丸。其實蒸熟既點心都唔錯，最正係個南瓜排骨粥，超鮮甜，食完個人好暖好舒服～之後仲有木瓜糖水，冬天食夠滋潤。整體不錯，可以改善係個鍋唔夠熱，侍應又沒有一開始幫我地調較溫度，所以每樣食物都比預定時間蒸得更耐。

Spicy Crab in this new location is truly terrible and should be avoided.  They are understaffed, the remaining servers are not attentive but most importantly of all the food is not even 20% as good as the old restaurant was.  A massive disappoint, the food is tasteless and the seafood is not fresh.Worst of all they served raw chicken and allowed a table to smoke indoors at the table. This restaurant is at high risk of giving patrons food poisoning and contravening tobacco control laws. Avoid.