辣蟹莊 (已結業)

觀塘一帶工廈，食肆臨立，朋友今次揀了辣蟹莊。辣蟹味道唔錯，辣度剛剛好，炒得夠乾身，好香，色香味俱全，而蟹亦很新鮮，值得一試。服務方面，係嚟之前已經睇過其他OpenRice 食評，所以無乜期望，反而咁樣令到我地覺得中規中矩，哈哈

1. 7點安排入座，9點才上第1道菜，勁 2. 唔夠人手，點會有服務態度，經理完全當你唔晌到，自我陶醉自己世界，嗌極都唔應由得客人場內嗌，處於佛系狀態 3. 上菜極亂，上菜後會再從你枱上攞走再給其他枱，前所未見 4. 上菜太慢，變成冷盤 5. 位置極佳，因為如果客人等不了2小時可以先到對面麥當勞叫24蚊餐食住等，唔嫌遠可以行去APM食都得 6. 本來想負評，一星給地理位置

中伏!!絕無下次!原本係想黎試辣蟹，無!ok.當你中秋節前夕唔做轉食蒸汽海鮮鍋，餐單有聖子但食物少左喎。梗係問喇有啲食材無貨我地理解但黎食物時又唔講，個丫姐要追問先講無貨，之後就走左去(下，無貨就算架喇?!)再追問第二個!哦黑衫。點睇都係經理喇。好不容易!聖子無就變元貝(我地理解同接受)但個丫姐!連除左海鮮之外嘅食物要蒸幾耐都可以唔知，5分鐘喇(勁求期!!)我地點菜時，加錢追加個南瓜粥，擺明食完啲嘢食先去食個粥。蒸汽鍋一般食法喇!結果開蓋!佢係湯!!唔係粥!!好喇，叫人黎搞下睇下有無收水變粥。個所謂男經理話:其實個粥係食完海鮮就要食。依家無得搞，一係重新煮過。下!咩料!你個丫姐無講過又無理過我地嗰所謂粥，依家甘講都得!!仲要一副我都無計最後，解決方法就係無計個粥錢……好彩啲食物仲可以接受，未差到食唔落服務差!無人理!管理差!經理廢!

同成班麻甩佬去食飯，首選任食同抵食諗住打邊爐，見到門口有蒸鍋，價錢$198，比邊爐多少少錢，但多左海鮮併盤食，就試下海鮮併盤（唔係任食，每樣一份），包括龍蝦半隻，鮑魚1隻，聖子，蜆同蝦等，每樣都新鮮（d蝦仲郁），賣相唔差，份量都足。龍蝦面有大量蒜頭，肉質爽甜，但鮑魚冇清內藏，有d異味其他邊爐配料就免費，如丸，餃，菜等，唔算特別。飲品方面加20蚊任飲汽水，但唔包啤酒，就另外點2支新力。臨走時，阿姐因隔離枱開錯啤酒，就新左支比我地環境就差d，一分錢一分貨，算係咁

bk左星期六夜晚8pm 4人去食蟹、小菜間野完全唔夠人手，上菜上得勁慢差唔多45分鐘以上先上一碟，你冇睇錯，係「一碟」，想食第二碟呀？等多至少45分鐘啦！本身以為係漏單，但原來唔係，唔單只我地呢枱係咁，係枱枱都係咁，怨！聲！載！道！周圍個個都催，個個都話要cut單，因為真係等勁耐。當你催既時候，d店員都冇嘜禮貌，問完求其答完就走左去，又答我地，話「個個都等緊」。個蟹係幾好食既，但未去到勁好食既程度，但係... 食餐飯都3個幾鐘，而大部分時間係到等，真係咩mood都冇哂。仲有，間野冷氣機滴水囉，滴落張枱到。唉，建議唔好去食，除非你唔介意等得極耐。

1. 7點安排入座，9點才上第1道菜，勁2. 唔夠人手，點會有服務態度，經理完全當你唔晌到，自我陶醉自己世界，嗌極都唔應由得客人場內九嗌，處於佛系狀態3. 上菜極亂，上菜後會再從你枱上攞走再給其他枱，前所未見，同一樣菜會重複再上，無限loop到你嗌停佢為止，要唔嚟既菜就嗌極都唔嚟4. 上菜太慢，變成冷盤5. 位置極佳，因為如果客人等不了2小時可以先到對面麥當勞叫24蚊餐食住等，唔嫌遠可以行去APM食都得6. 本來想負評，一星給地理位置

公司飲茶做節，之前食過一次隔離街個間，但執左，就來呢間飲茶呢度有$1/半隻雞，我地有11人可以叫一隻$1雞來喇，有2邊雞脾位，但同事食某d部份就覺得佢有d硬太耐無一齊飲茶，瘋狂叫嘢食，呢度只係其中一部份，叫到張枱都唔夠位放有d煎炸嘢，同事反映話唔夠熱金錢肚夠爽口麥提莎奶黃包，幾特別，中間個餡真係有黑色，甜甜地煎蘿蔔糕，真係有蘿蔔絲，唔係全部粉漿酥炸鯪魚球口感好怪，好粉甘飄香榴槤酥，同事話榴槤味唔夠重叫左2隻乳鴿，係因為係舊鋪食過幾好味但呢間既乳鴿比較細，好少肉同較乾食到最尾，有客人叫好驚，望望下發現地下有隻🐁，真係好恐怖，唔會再幫襯

2018年嘅中秋節又就快到喇,公司一如以往會安排全體同仁一齊飲茶當做慶祝一下,團個圓做個節。我哋人就唔係話好多,大約兩圍枱就夠坐喇。一坐低為食嘅同事們已經極速做到嘢,點心紙劃到滿滿皆壹,係咁易數吓都已經有差唔多十八款點心,仲未計佢哋好似仲另外叫咗碟炒飯再加兩隻BB乳鴿眼見酒樓午巿都未算十分爆滿,如果想walk in上嚟飲茶嘅話應該都唔洗等位等太耐,落完柯打之後上菜嘅速度都十分快,啱哂我哋呢班餓鬼投胎......快到係成張枱都唔夠位放食物咁滯呢度嘅點心大部分嘅質素都唔錯,尤其是啲炸物類做得幾出色,夠熱之餘又唔會太厚粉,我最鍾意嘅就係黃金豆腐同埋避風塘茄子。佢哋仲好似嗌咗隻炸子雞都幾好食,雞皮夠脆唔會太乾。仲有好多點心種類例如招牌蝦餃皇+鮮蝦燒賣皇+鮮竹牛肉球+沙嗲金錢肚+榨菜牛肉腸+翡翠鮮蝦腸+麥提莎奶皇包+原籠馬拉糕+四寶雞扎+香煎蘿蔔糕+金珠鹹水角+黑松露金絲蝦角+魚湯娃娃菜+魚湯西生菜+蜜餞雞翼+脆皮燒腩仔+酥炸鯪魚球。以上種種都算唔錯,只係個蘿蔔糕好似冇乜味咁,同埋希望酒樓方面會喺衛生清潔嘅問題上面加強一下啦,始終淨係保持味道一樣係唔夠㗎

同媽媽慶生，早一星期訂位講咗12人，仲落埋訂叫餐食，訂位訂8點，7:40去到攞位，已講定加到14人，竟然俾張8人枱仲同我講圓櫈坐到，究竟咩玩法，仲要知客自己爆响口，原先12人枱俾咗第二個客😡😡😡😡，叫佢搵經理嚟，永遠當聽唔到，個經理明明見到成枱人企係度，都可以當睇唔到兼有咁無事發生，呢啲咁嘅服務態度，個厨師幾好都無用！😡😡😡一定無下次。侍應又係叫極都唔應，人都未坐得低，竟然可以有餸講上得，仲要冷氣滴晒水，呢啲係咩生意之道！

先前同事SEND 左條團購打邊爐LINK黎望望～然後就有人見到個店名有蟹食就和議去呢度食飯~(佢係超級蟹FANS 黎!!!)我望望個團購其實唔算太抵, 同埋個團購係~無~蟹~食~ 既~SO如果要滿足蟹痂要求, 咁梗係黎食小菜啦~因為見有團購, 我都不敢怠慢, 一早去卜位先~到左食飯當日, 小菜坐入去, 位置好焗, 問店員開冷氣, WELL 佢話冷氣滴水, 唔開得~亦無OFFER 我地換台~只係係離遠3-4張台既距離話開個移動冷氣畀我地....重話好涼家...好啦.我唔同你嘈, 全場我都要自己開風扇仔.係諗緊叫咩食時, 我唔係好明個菜單點解.呢張, 咁想問清楚D 點嗌法. 因為5-7位寫住可選兩款..咁其實我一直唔明左邊同右邊既關係.咁我想問.係咪叫哂2款左邊就可以係右邊揀2款?咁即係300蚊有4個菜?然後...個店員..我頂佢..走左去唔解..嫌我蠢咁款WOR!!! 我真係黑人問號呀?!食客有唔明你唔解?! 趕客WOR?!?就係呢位哥哥仔~想問多句都唔得呀! 叫SET重可唔可以叫呢個COMBO 呢? 問唔到.唔畀問...你有耐性就黎啦~最後我地叫左呢個SET. 真心係好抵食既... $

朋友誤打誤撞買了蒸氣海鮮團購，訂完台先睇食評，10個食評9 個差 (大致上話d海鮮唔新鮮，服務差，環境污糟), 當刻心知不妙。坐低後發現侍應態度尚可，只係安排稍稍混亂。海鮮上台後，嘩，d鮑魚同蝦，大大隻仲識郁架，點會唔新鮮，決定寫食評平反。鮑魚/蝦/沙白：好甜好新鮮龍蝦/日本和牛：都幾好手打梅菜肉丸/菜苗餃/粉果：好食其他菜色正常團購$168+假日收費$20+茶介$20+加一$40, 每人$270 到，我覺有okay. 可一試。PS. 尋晚好似老闆座陣，唔知係咪咁，所以服務同食物都好正常⁉ 哈！

款式少 無服務黎左幾樣野食之後就停左 追幾次都無黎 最後等多過一個鐘 有人話幫你埋單 佢要埋數 同佢講先追到啲野食。。。差冷氣吹正啲位 點轉都係吹住 自己轉完位 啲野食都係吹住， 一路食後面啲呀姐又係到 refill 餐具 不過勁大聲 係掉 唔係放

咩都要加錢先有 引人中伏既用一個平個價吸引你入去 去到多多限制有價錢又燒嘢食有冇咩選擇千祈唔好去呢間餐廳今本就係好伏 入到去根本冇服務嘅正都要夾返錢我以後都唔會食依間野！！！

因為團購見到有$168 一位優惠所以就去咗辣蟹莊度食蒸氣火鍋。去呢度食嘢係要訂枱嘅，所以如果各位想要去邊度食記得要訂枱啦唔係嘅話就會冇位。 咁今次我哋兩個人食其實都好飽。因為團購就會送上海鮮拼盤，而且有啲食物係無限追加。海鮮拼盤，其實食物質素都還可以因為係呢個價錢好抵食。不過鮑魚湯麵見到佢哋冇去包魚嘅內臟就覺得有啲嘔心，因為拎埋佢一齊去蒸。另外唔知道啲海鮮有冇洗過，因為全部都係勁咸🤭。仲有不得不提就係每人都有龍蝦。聽落係咪好抵呢？但係我想話個龍蝦肉係好少，個殼就真係可以呃得下人！然後追加食物方面都唔算太差，不過我就俾佢呃左囉！佢團購話有先魷魚但係叫食物嘅紙就冇呢項。而且個加一， 並唔係簡單嘅加一。係醬油錢再加一。 哈！ 咁都俾佢屈到！每人要俾多$80

訂2張枱，去到得1張入單等了40分鐘才有得吃叫肥牛10次，才來1次叫25種食物，才來12種虾滑……很多食物也沒到，飲料也不多，經常要向服務員投诉，很勞氣，很谷氣。總括不會推薦朋友，很差，本地人很少來吃，不會再來。