農場盆菜之家 (已結業)

喺IG見到個28蚊雞煲🤑 但其實都應該有咗好耐於是就即日book咗嚟試下當然實際係唔止28蚊啦 我哋閒日去就收（28+10醬料費）x1.1 = 42蚊💰佢間餐廳都真係幾隔涉下 喺黃大仙站都要行兩三個字先入到去🏃🏿‍♂️🏃🏿‍♂️🏃🏿‍♂️去到都有四 五張枱嘅人食緊 但又未多人到爆👨‍👨‍👦‍👦👨‍👨‍👦‍👦👨‍👨‍👦‍👦我哋兩個人都有得坐卡位👫坐低冇耐就上咗雞煲 入面都唔少嘢 真係足料有肉嘅 唔係話雞頭雞頸🐔但個汁就真係比較遜色 冇出面雞煲嘅麻辣味 只得普通辣味🥘🤦🏿‍♂️另外佢啲雞肉份量雖然足 但質素又被比下去 食落好「鞋」唔太好食 完全冇得同出面比（當然價錢都係）🤷🏿‍♀️🐤但值得一讚係佢真係畀你任添雞肉 而且係即刻添畀你 冇揸漏攤🐣🐣講下環境其實都唔差嘅 坐落都舒服，企理 普通茶記水準啦💆🏿‍♂️服務嚟講都十分不錯 姐姐有禮貌 叫添雞就即刻添到畀你 兩個人都畀到個卡位💁🏿‍♀️值得一提係佢嘢飲要收錢 亦唔准外帶嘢飲 (水都冇）🥛雖然個雞煲唔算辣 但都會頸渴嘅 呢個時候就要再課金買嘢飲啦🍻🍻整體而言如果唔太計較食物質素 平平地想食多啲嘢 聚下腳嘅話都真係不錯嘅選擇尤其是如果幾個男人冇乜錢 對嘢食

同男朋友係ig見到有28蚊雞煲 打過去問過價真係有 要收加一同10蚊醬油錢雖然係咁 都算係抵既7:30去到唔算多人 卡位原本要3個人以上先坐得 不過老闆娘話準時交枱既話可以比我地照坐 雞煲5分鐘就上得 一睇就知係一早煲熟哂 啲雞係煮到變哂色 好老 話係麻辣但係完全唔辣 要靠沾醬先有味個雞煲唔係汁底係湯底 所以係唔入味最搞笑係送既個碟蘿蔔同菜 切到拳頭咁大舊 煲左成粒鐘都完全唔淋唔入味值得贊既係我地總共添左2轉雞啲雞都係有肉既 唔會比埋啲雞頭雞頸總結係 如果呢煲野原價百幾既話 我絕對唔會幫襯

小心D菜和其他收費，非常唔清楚D食物質素十分唔掂，D態度完全無羊肉和雞唔好食，串燒烤到雞牛豬一樣味，羊串完全不能放入口， 我十個人座位窄到不能接受 啲食物食完又唔嚟執碟 三催四請先來

開頭係門口諗住入去試下我地揀左盆菜加火鍋 咁就七十五分鐘點知野食無樣正常一係好大浸雪味一係就有’宿’味連貢丸依一種咁普通嘅邊爐料都好難食員工服務態度奇差叫左四五次都唔應 明明個場得三四枱係門口寫左 八十八蚊位埋單嘅時候先話有 五六日 加二十蚊嘅收費再外加醬油費 十蚊 野飲再另計最後埋單百五蚊位好食嘅話都無所謂 問題係真係好__難食啊！！！！！！！！！！！！！！！！！！！！！！！！！！！！！！以後請我都唔食

係ig同雜誌睇到呢間店，睇落又幾吸引，所以約左朋友去吃，去到環境已經有點失望。但諗住，可能野食好好吃呢！於是就中伏了。炸物只有幾款，但居然有野唔熟。。。。仲要d醬，真係見到都反胃。之後個雞煲，我以為我對雞煲呢2個字理解錯誤，冇味都算啦，仲要加水入去，重點，加水唔係為左打邊爐，係單純地加水。。。。我第一次吃d甘垃圾的野。野飲另外加錢，我寧願加錢飲飽佢，都唔想吃佢的食物，我平時唔打食評，第一次遇甘劣質的食物，到底呢間店點生存，雜誌到底收左幾多錢啊！

呢間唯一值得稱讚嘅，就只有老闆嘅禮貌，同雞槌夠大件（但淡淡無味）但當日我光顧嘅時候係大概9:00pm，我同我啲朋友叫人落單嗌野，冇人有任何即時反應，什至有位男店員，我地叫得好大聲，都表現出刻意不給予反應的樣子。（就算你做廚房都比啲反應啦）另外，我地叫左串燒 ，居然會有未燒熟嘅豬肉，牛肉我都勉強可以和牛刺身咁食。而且當日提供嘅醬油只3款咁多，比在網上所得資料不同⋯黑松露薯條無黑松露唔緊要，但連比啲調味粉都小之有小！薯餅又硬又乾，紫薯餅只是較佳⋯

天氣又開始凍，突然好想食羊腩煲可以暖身，朋友介紹羊腩煲放題，就同fd黎試下原來除左羊腩煲，仲有串燒放題，或者可以羊腩煲加串燒。因為平時出去食羊腩煲都要2百幾，所以我地就決定試羊腩煲加串燒既放題串燒就得豬牛羊雞，仲有3款薯餅，雞脾同薯條，另外羊腩煲就可以任食羊。不過計返都係百幾蚊一個人，其實都好抵。食物都幾好食，我本身好鍾意食羊，佢個羊腩煲幾岩我口味仲有薯條好食過m記好多，粗身薯條黎，不過我掛住食唔記得影相我地無叫野飲，最後埋單都係304，計返150一個人，勁抵。

呢幾年都幫襯過好多次大閘蟹放題, 蟹既質素都OK, 每次都食到12隻以上, 我食中間Size, 4両幾, 埋單一人三百幾, 除返開蟹既成本, 唔洗自己煮,仲有其他野食, 都幾抵,最緊要係唔洗煩最近見佢有個$58羊腩煲放題, 好似幾抵, 媽咪又鍾意食羊, 所以就帶佢試下一坐低1分鐘到就上左個煲, 真係要俾個like佢, 因為行左成日好肚餓味道都唔錯係咸左少少, 店員姐姐好好人幫我地倒左少少汁加返啲水,羊腩好林,我覺得好正, 媽咪就唔鍾意太林,個個人口味唔同,煲底有菜同蘿蔔, 唔洗淨食肉咁Dry, 不過就無得追加, 只能追加羊羊就加左3次, 散叫左一份生菜 $25 再加個烏冬 好似$8 (咁上下,唔係好記得清楚) 開頭仲以為羊腩煲咁平其他野會好貴, 啲火鍋配料都算街坊價,飲品就另計, 價錢都好合理, 汽水$8-$9咁上下啦, 埋單$206(全單) 性價比高 會再去幫襯!

係IG睇到廣告宣傳就同班朋友早一日訂位訂左8點 一行9位 決定食98蚊@1位 串燒加雞煲75分鐘放題 需要加一服務費 而星期六日假日再加20蚊 醬料再加10蚊 亦唔包任何飲品 黎到個場都算空 環境好迫服務員亦冇咩禮貌 入座之後冇講如何落單我地招手先俾串燒紙 仲要數量有限 冇得再攞 每張更有限每人只可叫3串 滿心歡喜以為係食各種燒烤原來並唔係宣傳單張上有海鮮 蔬菜等 只有雞 牛 羊 豬 同三種薯餅 薯條 雞槌 牛 羊 豬都非常乾 分唔清係邊種 雞肉就好林 照燒雞汁 唯一係入到口 有幾串係得一小口雞煲份量睇落好多 其實煲底墊左蘿蔔同菜雞肉都係煲到溶溶爛爛 雞件都斬到好碎 好吉口 要小心食飲品叫左4大枝青島 兩樽竹蔗茅根 擺明係溝左水 非常清 連醬料都係溝水 沙嗲醬 茄汁都係加左水 好稀另外隔離枱自帶左汽水黎飲 同我地同時入場見到一入黎已經擺左係枱面 無員工提醒過話唔好係現場飲 反而係到佢地食到一大半 突然同隔離枱話自攜飲品 「每枝50蚊！出面寫得好清楚！」見到食客都係一臉茫然 雖然的確係有標示 但若果當初有溫馨提示過 相信唔會令食客難堪 餐廳聲譽都一定有所影響 無須做到咁絕 始終影響到自己

老友鐘意食羊見到呢間又開得夜就試下啦，寫就58位羊，88位羊加蟹粉糥米飯，我地揀88位，假期＋20，醤＋10仲要加一，計埋吾算平，嚟到就試下囉，地方一般，佢地用嚟擺野攪串燒既位多個客坐，你會睇住佢地系度拮啲生串燒，個羊煲偏鹹，又話啲野先嚟一客之後無限潻加，啲野吾會自動自覺嚟仲要嗺先嚟，又等得耐，仲夠膽收人地加一，侍應就無乜，拮串燒做自己野就有，份菜都無嚟，個糯米飯吾好講蟹粉，連味都無，無晒mood,只系加左一次羊，最㷫既系18蚊支青島買三送一，原來系大陸青島嚟，又吾凍仲用膠杯，两個埋單320吾值，呢間野仲推出埋啲乜大閘蟹，串燒，盤菜，條款多多左加右加全部都系垃圾，吾會有下次😡😡😡

真係太太太太過分了，琴晚去左食一間ig介紹既一間雞煲叫農場，$98一位加一都五係好貴，都係108姐諗住平平地去試下，點知啲野食已經五係好食又鹹，服務態度又差😡😡埋單個陣先知要收星期五六日附加費每位$20，附加都都五係問題，仲要收醬油費每位$20，邊度用醬油要甘貴啊，同埋仲要無比醬油我地囉，再收服務費，真係識呃人錢，我地甘就比人呃左$80,佩服佩服👍🏻我覺得你地如果要收人客甘多費用既就應該入場前同客人講清楚價錢，包啲乜啊，五包啲乜囉，乜都五講，你地講左要收甘多收費啊睇下仲會五會甘多人黎食啊，同埋仲要扮晒多人，要booking，我去個陣得個幾台，五好甘呃人啦，串燒又少野選擇，得豬牛羊雞串4款選擇，話任食，可以食啲乜？人地都有雞翼雞軟骨個啲啊，你地就得4樣串燒，仲可以話係串燒加雞煲任食既？我食過甘多間雞煲你地尼間係全港最差又收得多費用既一間雞煲😤😤😡😡建議大家唔好嚟呢間食啦，真係伏黎🤦🏼‍♀️早知上OpenRice 睇左評語先去食😩

早2日 家人介紹下send左張盤菜外賣紙俾我打算今日嗌2個盤菜系屋企做節～由於家中有老人不便 所以只可以在家中用膳家中亦有少有老 十幾二十人 叫了兩個盤菜～落單時 亦註明送貨時間2點至6點～到6點 我家人打去問為何還未送到～店員聲有有一個5字頭電話打去改了送貨時間7點（從未有人改時間）但家人覺得7點也可接受就不以為然～到7點50分我問一次 店員話因爲搞錯單 去錯黃大仙 會送一包花膠素翅作補償8點半會到 到了8點40分我再一次查詢 叫店員俾司機電話我 司機無聽電話 到9點 司機才打俾我 聲稱系街車 現在系黃大仙出發 那時候家中大大小小 都餓到不能言語 唯有叫司機盡快 到送到貨 說好的花膠素翅沒有 我打去追問一下～店員已經沒有再回覆打開看一下盤菜 冬菇仍然有冰的 魚蛋發脹～ 都算有個自稱經理話單上未看到有花膠素翅 我就將整件事來龍去脈說一次 亦責怪今天做節 家中有老有嫩 對於老人家小朋友 9點幾10點先有得食飯 真的太過份（因為盤菜到了還要時間弄熱才可以吃）他只是說下次補回 亦有道歉說真的 還有沒有下次都難說更莫說要補回什麼劣評到不行～完！

啲order落到臨尾會食咗你單。同佢講會扮聽唔到，寫番張新既又會照收但唔出，根本唔似放題，啲串燒完全0燒烤味。追單佢就同你跟一跟，啲客得間鋪既1/4都要等成半粒鐘先到，仲要話俾埋你地啦，心諗懶係好施捨咁，好心唔想俾人狂人食就咪寫放題啦，叫完又唔出野。完全食唔飽，完全未試過放題會唔飽。計計埋埋都唔系話好平，又食得一陣，個幾鐘總共黎左5次串燒，每次仲要每人限叫3串。本身諗住主要去食串燒最後食得15串，好心就唔好攞串燒仲招牌啦。

又話58蚊串燒放題，入座講到好似加羊腩煲只係加10蚊，仲要講到一定要配一煲咁款，咁以為好抵食啦，仲話飲品任飲，埋單兩個人 近300蚊埋單1. $58變左$98，所以真10蚊羊腩煲 $108 (兩個人 $216)2. 所謂野飲任飲 $9/罐3. 醬油費$ 10串燒+ $10羊腩煲 (原來要逐樣計既) = $ 204. 服務費 $46 216+9+20+46=$291 食左少少串燒 同一大煲羊腩，真係好差，感覺好被騙好不爽，NO NEXT TIME 👎 👎 👎

同朋友搵左間任食串燒嘅餐廳，一開始睇食評都驚驚地，雖然地方唔係好容易搵，但食物質素都無網上面講得咁差，而且大家都食得嘅開心，可以改進嘅地方就係選擇太少，但呢個價錢其實都可以接受。不過可能因為有火鍋而且抽風設備都有了年紀，場內d沙發都有點滑滑的感覺。