迦南鍋 (已結業)

搬來汀九已3年多，以為去深井只是食燒鵝，點知原來也有新鮮海鮮蒸氣煱食。多虧仔仔窩心，免我又要買又要洗，在網上找到迦南鍋，好讓我們回味以前常在中山食的特式蒸氣火鍋海鮮餐，訂好位後他就車我們一家六口去試試。要一提的是一定要早訂位，因為座位不多。我們當天訂了的是6人豪華餐，即每人加多半隻澳洲龍蝦。坐下不久巳端上預備好的海鮮一大盤，很震撼，有蟹，花蟹，鮑魚，蝦，貴妃蚌，帶子，花蛤，蜆，青口，蠔，魚，雞，金菇，南瓜，及3隻超大隻的澳洲龍蝦。吃的次序由我們自己決定，我也不一一介紹了，只覺得每一款的海鮮都很新鮮，味道亦很鮮美。吃完海鮮後，眾人巳覺得很飽了，但還有位吃一小碗的海鮮粥，感覺非常完美。難得吃到一餐美味的海鮮，真要多謝仔仔及迦南鍋，各人都覺得值得再食，期待。

位於深井嘅迦南鍋已經唔係第一次食，印象中食過三、四次，點解咁偏僻都會入嚟，因為真係好抵食。基本上坐低就係揀幾多人食用，要唔要加錢食埋龍蝦，其他海鮮都係老細自己話事，睇下嗰日咩新鮮就有乜，好似今日咁，有龍蝦、蟶子、蝦、蟹、鮑魚、蜆、花甲、雞件、菇和菜，除返開每人應該二百幾三百左右，啲鮑魚同蜆嗰啲上枱時都仲郁緊。曾經有次去食，因為當日係包括魚片，但朋友唔食魚，老細立即換多咗幾隻鮑魚定唔知蝦俾我哋，好好人。最後可以食埋底下嘅粥，仲附上油炸鬼、蔥同菜莆俾人自己加，基本上每次食哂啲海鮮同雞都飽咗九成，個粥食得一碗仔就食唔落，記得打包！#鐵飯碗 #鐵食評 #FoodieHK #HkRestaurant #hkfoodie #hkfoodblogger #foodreview #香港美食 #迦南鍋 #深井美食 #深井餐廳 #深井 #蒸氣火鍋 #蒸海鮮 #SteamdSeafood #ShamTseng #ShamTsengRestaurant @canaan_house

生日慶祝(自帶奶茶蛋糕)，見老闆好有heart，待客非常有禮，食材好新鮮，個粥底水米份量剛好配合油炸鬼炸菜.....就算食飽都忍唔住要食一碗。就地方唔太大平日去剛剛好坐滿，如星期日假期唔訂位就應該無位了。

話說朋友介紹話去深井食海鮮我最鍾意食海鮮緊係贊成啦不過真係唔知原來有間禁正海鮮蒸鍋仲要係💛個度其實就乜都唔洗揀只要揀豪華餐定唔豪華就得海鮮就按人頭收費我地海鮮迷緊係食豪華啦因為其實價錢貴少少但就有龍蝦，鮑魚呢d貴價食材其他貝殼類個d就睇當日有乜靚佢配比你去得食就唔爭少少啦緊係豪華餐仲包埋飲品我地就加錢要左梳打話禁快店員就捧左個海鮮拼盤出黎有鮑魚，龍蝦，蝦，蟹，魚，貝殼類: 蜆，元貝，蚌，仲有南瓜，菜，另外仲有雞後上佢係上層蒸海鮮，下層就粥底我地睇到嘩嘩聲食開海鮮我地一睇就知好新鮮鮑魚仲識郁架我地食所有貝殼類都無沙，勁鮮甜龍蝦肉厚絕對唔係細細隻個d又係勁好味好食到喊鮑魚又彈牙元貝好甜蝦又係好正魚就相對普通，正正常常，但都新鮮既可能已經食到好後我又相對對魚無禁大興趣總之食完海鮮其實都勁飽了點知之後仲有雞其實本身都已經唔太想食點知蒸完個雞出奇地好食勁飽都忍唔住食左幾舊到最後我地唔記得左所有海鮮精華滴晒落去既粥呀。。。。叫店員起返個蒸架佢仲會比埋菜甫，葱呀，油炸鬼比你一試食不得了，所有海鮮既甜味係晒粥度但真係太飽了店員定疑似老闆好好問我地洗唔洗打包緊係好啦超好人全程服務態度都好好好細心有禮提我

龍蝦超大隻，淨食龍蝦已飽。當日無魚片，轉了成條魚！雖然自己整會更加又平又靚，但龍蝦咁大隻都已經差唔多回本，慳返自己處理龍蝦的麻煩。佢哋所有材料已處理清潔好，份量又足，始終慳水慳力，朋友聚餐就咁樣方便好多。其他比較配角的食物，如蝦、蜆、扁貝、鮑魚，質素Ok, 不過鮑魚通常都不會洗得好乾淨，要自己再清洗一下會好啲。海鮮非常鮮甜，最後的粥吸收所有精華，配埋油炸鬼，個油炸鬼乾身不油，仍脆身，不得不讚。會再encore!

六人豪華海鮮粥底火鍋，所有食材新鮮足料，實在令人驚喜。老細見我哋有嘢慶祝仲送我們一份北寄貝比我哋，除咗海鮮甜之外，連個老細都咁甜，真係冇得頂！已經訂定位再去食過。

無咩人留意嘅小店，但原來都幾高水準，性價比都幾高！ 因為疫情關係，老闆話做埋外賣，不過要提早訂，到預約時間先去鋪頭自取。餐廳好有心，唔洗按金都可以借埋個鍋比你返屋企，食完第二日先還！ 三人套餐 ($850)包括左三人份量嘅海鮮，全部都係當日精選，由老闆當日去採購。我地叫左豪華餐，套餐包括左龍蝦、鮑魚仔同埋元貝。之外仲會有是日精選，魚、蝦、蟹、大蜆、沙白等等！全部都好新鮮好大隻，老闆知你生日仲會有生猛海鮮送添😍食完海鮮，d汁滴哂落去d粥度，好好味！ .............................. 迦南鍋 地址📍: 深井深井村68號地舖 總評分: 8/10 .............................. 味道😋: ⭐️⭐️⭐️⭐️ 抵食💰: ⭐️⭐️⭐️⭐️

呢次係我第二次寫迦南鍋既食評，點解要寫第二次，原因係因為迦南鍋真係一間好值得去食既一間好食店。小弟第一次去食係兩年前，兩年後既今日再去，水準無變，依然係極高的食物質素，窩心既服務態度。👍🏻因為知道要訂枱，所以三日前打去訂枱，好彩仲有位。今日一去到，已經照跟上次一樣叫左豪華海鮮盤，入面依然有一隻龍蝦，一隻蟹，兩隻鮑魚，兩隻大大隻既帶子，6-7隻蜆，2-3大蜆等等，其實每次一拎呢盤海鮮放上枱面，總係會令我「嘩」一聲叫左出黎。所有海鮮經過蒸焗之後，放入口食落既果種鮮味真係好正，好食到不得了，我相信老闆用上新鮮既食材先會出到「鮮」呢個效果。而老闆依然好窩心，送左兩條大蟶子同蠔比我地🥰因為豪華海鮮盤除咗海鮮之外仲有雞件，所以兩個人既份量一定好夠食。最後就到左我最期待既粥底，所有既海鮮精華入哂個粥底，真係好味到震😂。真心推薦比大家，迦南鍋掂呀！👍🏻

初的海灘，只有寥寥可數的幾個弄潮兒，岸上的小朋友在努力地堆沙，一片休閒的空間。這裏是深井沙灘，燒烤爐仍是蓋得牢牢實實的，於是一行人便來到青山公路旁的深井村逛逛，原來很熱鬧呢！有朋友提議吃海鮮，我們最後來到「迦南鍋」，地方不錯，就點了個海鮮蒸鍋和幾款邊爐菜。但是，重點還是個海鮮鍋，有意想不到的驚喜：花蟹，大蝦，鮑魚，帶子，生蠔......。由於是蒸鍋的關係，海鮮的鮮味不會流失在湯底中，所以保持原汁原味。雖然平均每人要二百多元，但總算是物有所值。吃罷晚餐，見時候還早，我們便趁這華燈初上的時候再到沙灘一遊，一面看著遛狗的人們，一面享受初夏的涼風，多寫意！

有隱世蒸海鮮鍋地點比較隱蔽就在深井村村屋的內街地舖.人均不用$300的粥底海鮮鍋好足料好抵食排名不分先後👇🏻👇🏻龍蝦x3鮑魚x6花蟹/肉蟹 x3蠔 x6元貝 x6游水蝦 xN魚 x1大蜆/沙白/花甲 xN雞件 x1碟蔬菜/南瓜 xN粥底 x1.老闆一捧海鮮盤上來分量多得驚人鮑魚/蝦/蟹還會跳跳下老闆趁我們高興更大贈送送了一隻手臂長的大瀨尿蝦.清蒸方法一試就試得出海鮮的新鮮程度每一樣海鮮都極度鮮甜應有膏的爆膏冇膏的就爆肉連倉魚同雞件都特別好味用來蒸海鮮的粥底吸收了海鮮精華好滿足好滿足的一餐.多謝老闆曾經騰出空間作連儂牆之用好人一世平安💛.豪華海鮮粥底鍋 $1560六人用連飲品記得book枱先好去

尋晚女朋友同我慶生，叫左個海鮮二人餐～首先個海鮮拼盤兩個人已經夠飽，仲要新鮮加大隻，特別推介d 扇貝 同 生蠔～而個人建議食左隻龍蝦先，因為我同女朋友食到後面已經飽到上心口，唔可以好好品嚐個鮮味！！跟住老闆仲送左隻瀨屎蝦比我地慶生(記住即刻食)之後臨打烊，又有少少海鮮分埋比我地。真係好人一生平安～食完海鮮d精華落晒去個粥底，真係好鮮甜~ 但老闆邊食得落呀！？ 打包算啦～至於服務就梗係體貼啦！！會自動加水，又會提你海鮮要蒸幾耐～最重要大家同聲同氣麻！！香港人加油，大家用盡力懲罰佢啦～ 我地用盡力都係唔過$700 落樓咋～

約左幾個朋友食飯，次次都打邊爐無乜新意。今次試下食蒸氣火鍋。朋友介紹深井既迦南鍋好抵食，於是去試下。平時覺得深井好遠咁，原來搭車都好方便同好多選擇。餐廳係深井村入面，近路邊唔難搵。呢度暫時唔接受walk-in，因為佢地既海鮮都係即日預備，保證新鮮。種類方面有蠔，扇貝，蝦，蟹，蜆，是日鮮魚，鮑魚同龍蝦，非常豐富，如果需要其他海鮮可以訂位時預早講定。我地叫左個6人餐，包埋飲品都唔駛2000蚊，非常抵食！值得推薦俾朋友去試下👍🏼👍🏼

約左幾個朋友食飯，次次都打邊爐無乜新意。今次試下食蒸氣火鍋。朋友介紹深井既迦南鍋好抵食，於是去試下。平時覺得深井好遠咁，原來搭車都好方便同好多選擇。餐廳係深井村入面，近路邊唔難搵。呢度暫時唔接受walk-in，因為佢地既海鮮都係即日預備，保證新鮮。種類方面有蠔，扇貝，蝦，蟹，蜆，是日鮮魚，鮑魚同龍蝦，非常豐富，如果需要其他海鮮可以訂位時預早講定。我地叫左個6人餐，包埋飲品都唔駛2000蚊，非常抵食！值得推薦俾朋友去試下👍🏼👍🏼

老遠走到深井食海鮮, 第一次去深井唔係食燒鵝而係食海鮮! 係抵食既, 不過個粥底就有點強差人意! 4人用豪華海鮮粥底蒸鍋套餐 $1060 包4杯飲品, 我哋叫左3杯梳打, 1支啤酒! 睇番相先見到原來不設加一, 咁唔知點解最後埋單係 $1111呢? 套餐每人有半隻龍蝦 及 蟹! 仲有鮑魚仔, 蠔, 元貝, 大蜆, 沙白, 花甲, 珍珠貝, 雞件, 南瓜粒 & 菜, 同埋一條鎗魚!海鮮大部份都係新鮮既, 只係蝦同鮑魚有點霉! 蛽類最新鮮因為超勁咸, 好明顯係海水咸! 雞件最好食, 夠滑嫩! 蠔最好食, 肥美肉厚! 龍蝦肉爽, 花蟹有點收水, 蜆洗得好乾淨無砂! 到食白粥時, 老闆會比一碗好似牛脷酥既油炸鬼, 同埋小小花生, 蔥, 菜脯粒! 粥底有點強差人意, 完全無味道, 睇嚟 d 海鮮精華完全無落到鍋白粥度呢! 

來這裡已經第3.4次了來這裡一定要卜枱昨天吃的時後更是大滿座！每次來吃都是選鮑魚龍蝦餐大大隻鮑魚，超新鮮龍蝦仲有魚，蟹，蜆，元貝！今次仲訂左長腳蟹，7人飽到唔捨得走老闆都會好細心準備盒俾你打包一滴都唔好晒好彩既仲會有時老闆大贈送