影片
营业时间
今日营业
11:30 - 21:00
星期一至五
11:30 - 21:00
星期六至日
12:00 - 19:00
以上资料只供参考，请与餐厅确认详情
網上加同事勁力推薦，話佢個米麻糬芋泥鮮奶好正，又好好食，今日終於一試，但無下次。首先一杯要成45蚊，我覺得性價比太低，又話唔係特別好味。我個人唔識所賞 。第二啲米麻薯用飲管勁難吸。除非你天賦異品，否則一個正常成年人係會吸到支飲管扁唒，都係飲唔到。千祈唔好點俾小朋友或老人家飲。最後啲米麻薯根本就係湯圓皮咁，得啲糯米粉味，無特別。但係飲完係會飽。
继续阅读
經開呢邊做嘢想買杯嘢飲，想要杯解渴嘅，諗咗一陣就要咗杯「巨峰提子乳酪」，其實$48一杯真係唔平，但味道同份量都好一般，如果係好好飲嘅，以質量取勝，呢個份量我都覺得值，但事實唔係，味道唔係難飲但真係好普通，同埋到底杯嘢係咪應該會有果肉？如果係，咁真係少得可憐，我只係咬到2舊好好好細舊嘅提子肉，我諗唔到點解要用$48去買佢。
继续阅读
本人孕婦，飲到一半突然飲到一塊塑料碎片，應該係d包裝碎片，店員應該可以辨認到係d乜嘢塑料包裝上面的。希望可以避免出現這樣的事情，孕婦食到真係對bb健康造成危害。
继续阅读
上環終於開咗間迷客夏了！！🤤之前都係飲開佢嘅芋頭鮮奶，今日熱熱地想試吓啲酸酸甜甜嘅飲品，但係又想飲奶🤣最後就叫咗杯法式草莓🍓鮮奶加珍珠。鮮奶好香滑😋再加埋士多啤梨果蓉，酸酸甜甜好開胃，另外加錢要左珍珠想有啲嘢咬下，珍珠好彈牙同粒粒分明，而且係冇加焦糖色素同防腐劑嘅白玉珍珠，感覺健康啲。
继续阅读
台灣有咁多手搖店，有台灣朋友幾年前已經同我講迷客夏係台灣數一數二有名，就算好多間分店但都長期排長龍。呢幾年香港嘅分店亦都越開越多，最近上環區都終於有分店😍不過唔同分店沖出黎嘅味道都未必一樣，要試下分店嘅手勢，一定係試佢嘅招牌TOP No.1～🥇\ 🍠大甲芋頭鮮奶🐮 /只能說迷客夏真係芋泥界嘅地表最強🤘🏻佢選用台灣大甲有名嘅檳榔心芋頭，由台灣直送，芋香味濃，比其他地方出產嘅芋頭更甜更軟綿，而且佢有別於一般嘅手搖店，唔係就咁用機blend開d芋頭，而佢係蒸好芋頭後，堅持手工壓泥✊🏻令到芋泥有不同層次，一啖係滑溜嘅芋泥，再一啖係有咬口嘅芋粒，營造出多重口感，再配上嚴選嘅牧場鮮奶🐄飲落去就會明白點解呢杯係佢嘅鎮店之寶！😋😋唯一缺點係價錢偏貴，而且唔係大杯，一啖接一啖好快就飲晒！🙈
继续阅读