迷日食堂

营业中

休息中

今晚做任務之前 同咗隻豬去咗食日本小食～原來呢度係日本人開咖～間舖頭好PinkPink～叫完嘢食 烹調需十分鐘～所以喺附近行住街先～肚餓到拎完就走 無檢查一下..外賣翻到去先發覺..職員俾少咗黃豆粉蕨餅 同埋水晶紅豆兩份甜品..啲朋友之前嚟過 聽講好好食架.. 今次無口福啦..直落都有嘢要做 最後無再翻去同職員講 嗚嗚..溫馨提示 記得臨走之前 睇清楚啲嘢食齊未啊喂.. 和牛薯彈 ($16 / 1件) 炸得好香脆 食落好多汁 和牛分量多點會更好蝦蝦薯彈 ($18 / 1件)食落比較彈牙 而且有好多蝦粒喺入面但薯餅嘅味道覆蓋咗蝦味 減咗少少分串燒丸子 ($20 / 2串)醬油味香濃 而丸子嘅口感好彈牙醬油味 配上丸子既質感真係好夾鹹中帶甜幾過癮 整體相對唔錯啊芝士波波 ($20 / 4粒)外脆內軟 食落好香滑呢仲有 熱辣辣嘅流心芝士添芝士薯仔年糕 ($20 / 1件)年糕炸得好香脆 內裡有滿滿嘅芝士濃濃嘅奶香 咬落仲有拉絲嘅效果添秘製雞肉彈 ($20 / 90克)一份有四粒嘅雞肉 好彈牙同鮮嫩 味道較濃而食落口感 有點似花枝丸 份量多啲會更好

  大家係咪好掛住 🇯🇵呢?尤其最近聖誕🎄和新年🎎，孖媽更加掛住「」，因為以往多數係日本過聖誕和新年~為咗一解思鄉情，我決定尋找本港#日本小食 ，外帶返屋企俾兩隻🐒🐒試吓日本街頭小食。其中我最掛住日本嘅 😍😍， 天寒地凍🥶 食完即刻變返 🥰🥰。我係葵芳廣場搵到 迷日食堂 😍😍，試齊三大炸物:爆汁肉彈、和牛薯彈和蝦蝦薯彈。全部嘅都炸得 😋😋。❤️爆汁肉彈:我揀咗連埋 ，個包暖暖又鬆軟，配上爆汁肉彈真係一流!肉彈本身鮮嫩多汁，在外再加上沙律醬和燒汁，非常美味😋😋!❤️和牛薯彈:和牛配上甜甜的薯蓉，絶對是最佳組合💕❤️蝦蝦薯彈:香濃嘅蝦味，出奇地跟甜甜的薯蓉相配，有驚喜🤩🤩!店內還售賣其他小食，如芝士波波 、飯糰、 和 黃豆粉蕨餅等。大家掛住日本小食，就去睇吓啦~🌟迷日食堂🌟葵芳葵富路7號葵涌廣場Top世界3069號3樓T7號舖

📍迷日食堂 (葵芳)  🥺唔經唔覺咁都被迫留左係香港成年啦 唔知大家最掛住去邊個國家旅行呢 我就最掛住日本啦 🇯🇵 今次想同大家介紹既就係迷日食堂 佢哋主打全部採用日本原材料及日本製造既地道小食 絕對有正宗日本味道 岩哂大家止下口癮 😆𝐼𝓉𝑒𝓂𝓈 𝑜𝓇𝒹𝑒𝓇𝑒𝒹:💛 蝦蝦薯彈漢堡 ($26)不得不提佢地既炸物係即叫即炸既 雖然等候時間會長左 但係野食送到上手十分熱辣脆口!! 🦐 蝦同埋薯仔好夾 食落去外面好香脆 入面就好軟綿綿 而且仲會食到少少蝦肉!! 🍔 而漢堡包會烘到有少少脆 食落仲好飽肚tim!!💛 串燒丸子 ($24)串燒丸子可以選擇熱食or凍食 而家天氣咁凍我就選擇左熱食 🍡 丸子食落去口感就好似糯米糍咁 煙煙韌韌 上面既醬汁係日本醬油黎 就好似食緊咸既糯米糍咁 好得意!! 💞𝒜𝒹𝒹𝓇𝑒𝓈𝓈:📍葵芳葵富路7號葵涌廣場Top世界3069號3樓T7號舖Shop T7, 3/F, Kwai Chung Plaza, 7 Kwai Foo Road, Kwai Fong

迷日食堂❤️今次回購的是日式小店迷日食堂，全部採用日本原材料及日本製造的地道小食，炸物仲要係即叫即炸嫁，所以要order之後要預番時間等候喔！💁‍♀️蝦蝦薯彈漢堡套餐($26)👍"即叫即製 拎上手仲熱辣辣嫁""薯餅唔係普通馬鈴薯味道 入面仲有蝦 炸粉唔會好多 外脆內軟口感豐富"💁‍♀️串燒丸子($20)👍"可以㨂熱食/凍食 熱食似湯丸 凍食會似糯米糍""今次我㨂左熱食 有兩串 口感好煙韌 加埋個醬油甜甜地幾好食"

迷日食堂（小食店）去到葵涌廣場望下格仔店，順便買下小食返屋企。依間粉紅店，好顯眼。我點左好幾樣：1） 和牛薯彈2）蝦蝦薯彈3）W芝士乜...卜4）秘制雞肉彈樣樣都好好咪，和牛薯彈就同薯仔好配合，炸完脆卜卜，仲好juice。我最仲意食蝦，，估唔到都好好味，即煮即炸！芝士系到好快比小朋友食晒，分得小小食，但芝士波好脆。雞肉彈就夠熱嫩滑。如果外賣拎返屋企，就一定要氣炸返佢，否則就真係諗晒，唔好味！原來佢地有便當🍱，無飯食都無問題。

我放工成日特登去葵涌廣場行吓，嗰度除咗多嘢買之外仲有好多小食店，加上而家六點後餐廳🍴禁堂食，咁唯有喺度買埋外賣返屋企食啦🙁⋯⋯位於葵涌廣場3樓有條食街嘅，果度勁多小食店，有一間我成日都會去買嘢食「迷日食堂」，同埋呢度啲食材重要係日本🇯🇵直送漢堡套餐$46蝦蝦薯蛋漢堡 蝦🦐餅好香脆，夾埋半熟蛋好正，加埋薯餅，幾重口感，唔錯幾正秘製🐔雞肉彈 （2件）呢個🐔雞肉入口勁嫩滑，外皮香脆，搞到我勁想再食爆汁肉彈$28名副其實一咬即爆汁，正

食咗當去咗旅行呀！疫情咁嚴重，連堂食都冇埋，已經得番好少選擇🥲 不過葵廣一向都多外賣小店，算係方便買外賣番屋企食嘅我呀！見到呢間寫住日本直送真係停低睇睇有咩食咁厲害。價錢都好平，同朋友叫咗唔同款嘅野食嚟試試。又出乎意料地好食喎！最鍾意係個爆汁肉彈薯餅，裡面嘅牛肉係好多而且有肉汁！而和牛薯彈就少肉啲，但係和牛，所以肉油脂食得出係平均啲同唔同啲。另外嘅芝士波波都好正，有拉絲效果！呢個飯團都唔錯嘅，主要係for飽肚！最後係黃豆粉蕨餅，唔算好煙韌，係較為爽口嘅質感。野飲係必點，好有日本風味🥺 Coffee jelly 係真jelly！要搖勻一點先飲，非常有口感！

葵廣搵食第二站 迷日食堂如店名，店舖主打日式食物，並以炸物為多；位置唔喺商場主大街，反而係要行入少少，但係都無損人氣，當時已經有幾位客人點左餐等緊野食；叫左蝦蝦薯彈試，起初聽名以為係d細細粒嘅蝦小食，細望圖片原來係蝦薯餅🙈覺得小店嘅食物名稱都有用心改👍🏻而包裝都好用心，配上店舖logo,好可愛，加上有跟返日本平時嘅包裝，中間有虛線可以搣開，方便食用👍🏻蝦蝦薯彈炸得金黃香脆，而內裏薯蓉軟綿，而且都食到一粒粒細細嘅蝦肉，口感唔錯

去葵涌廣場行街又點少得掃街呢個環節呢！見到呢間主打日本地道小食嘅小店，就即刻勾起我嘅思鄉之情！所有食物都係全部採用日本原材料，絕對真材實料。疫情期間唔能夠返鄉下，唯有食咗當去咗，以解思鄉之苦！全部嘢食都即叫即整，熱辣辣，加$10仲可以換購飲品，真係好抵呀！爆汁肉彈 ($28)炸到金黃色，外脆內軟有肉汁，口感細緻綿密，味道香濃唔油膩。秒製雞肉彈 ($22)雞粒大大粒，外皮香脆，雞肉嫩滑彈牙，juicy香口。

今日去了葵芳葵涌廣場！葵涌廣場三樓有好多小食店，有分不同的區域！我今日去了top 世界，內面的店有好多！好似迷宮！😵😵轉轉买又迷路！有甜品～小食～飲品...今日我選了"迷日食堂"我們點了和牛薯彈漢堡套餐有炸薯餅漢堡，三粒炸雞粒味道不錯薯餅脆脆！包彈牙！蝦蝦薯彈漢堡味道不錯！有一點點蝦粒粒！爆汁肉彈漢堡一咬爆汁！好多肉汁！炸雞粒粒！好香脆！雞肉彈牙爽口！甜品紅豆波波！內面的紅豆好香甜！外面的皮質感就一般～

今日去葵涌廣場買隱形眼鏡因為那間店舖特別平順便去哪裏3樓的小食街走一轉，諗住去掃街。途經這間位於top世界的日本小食店，令我想起去日本旅行的感覺但基於疫情原因去不了日本唯有在這裏感受一下日本風，我們叫了芝士年糕，溫泉蜂蜜檸檬汁及natchan蘋果汁及蜂蜜丸子。聽老闆說溫泉蜂蜜汁及其蘋果汁是日本進口的，果然味道很有日本果汁的風味。芝士年糕入口即溶令我感覺到原來平嘢都有日本和牛般入口即溶的感覺，蜂蜜小丸子也很出眾。本身想是他們的漢堡包套餐但因為吃了午飯真的很飽，所以決定下次再試。

今日去葵涌行街,因為好耐冇去行過,而且疫情底下應該人少啲,少d感染機會.結果行到去top 世界。見到這間買日式小食的小食店因此試了一下，我們叫了爆汁肉蛋，紅豆水晶波波，及檸檬無糖汽水，爆汁肉蛋的味道很特別。牛肉味很香，加上洋蔥會令你有很清新的感覺。紅酒水晶波波是用澱粉質做的入面的紅豆味也很重加上澱粉質很容易飽肚但是感覺也很正宗。服務員態度很好很親切滿面笑容，下次去葵涌廣場一定會再去這間小食店，因為有一種懷舊日式及港式感覺。

女友買了一堆小食回來吃做下午茶， 說要支持一下小店，有爆汁肉彈、 秘製雞肉彈及串燒丸子。秘製雞肉彈外層香脆，而且有香料加入令脆皮更惹味，入口嫩滑啖啖肉。至於串燒丸子外表有點像湯丸，口感有點似日本白玉，應該是糯米粉團那種煙韌的口感吧。烤丸子表層有點香脆，加上以黑糖及麥芽糖混合的醬汁，入口味道更像在吃黑糖珍珠。煙韌得來又有點香軟。至於爆汁肉彈，可能外賣長時間未吃令肉汁被外層麵包糠吸掉的關係，沒有預期爆汁的效果。口感跟漢堡扒相近，肉味確實濃的，值得一試。

每次來到葵廣3樓Top世界附近掃街，在花多眼亂中總是會發現到新野，門口直望已看見粉紅色吸晴店面，以日本直送食材專賣和風炸物小食，即叫即炸熱辣辣，強勁的金黃色吸引力。皇牌招牌推介：爆汁肉彈$28外脆內軟，咬入去能爆出和牛肉汁，店主用上和牛肉混入洋蔥即炸製品。香脆惹味又飽肚之選👍黃豆粉蕨餅(10粒)$20這款日式蕨餅比較少見，還原訪日的回憶味道，煙韌甜點，黄豆粉輕輕沾上餅上，一粒一粒不知不覺中已清哂😋秘製雞肉彈$20 (店主推廣-$2)雞腿肉作材料炸成香酥大雞粒，保存肉汁嫩滑內層，外皮香脆，皮薄餡靚，Juicy的日式炸雞小食。串燒丸子(2串)$24醬油小丸子，日式和菓子外層輕輕被燒過，咬口煙韌甜甜地中又有少少鹹味，熱食柔軟凍食彈牙。👅美味: ⭐️⭐️⭐️⭐️/5💫回頭: ⭐️⭐️⭐️⭐️/5💡性價: ⭐️⭐️⭐️⭐️/5💆‍♂️服務: ⭐️⭐️⭐️⭐️⭐️/5

老友放假到葵涌廣場shopping ，佢必買愛吃的日式小食。套餐 A 1和牛薯彈漢堡$34+秘製雞肉彈 2件 。和牛肉碎，加洋蔥🧅很香口，外脆內多肉汁，很好食👍👍秘製雞肉彈都很鬆脆多汁。套餐 A2蝦蝦薯彈漢堡$40+秘製雞肉彈 2件 ，漢堡外層炸得脆脆，蝦肉粒、洋蔥、日本蕃薯蓉🍠很甜，味道好夾，淋上沙律醬，真不錯。套餐A3爆汁肉彈漢堡$46+秘製雞肉彈 2件 ，食落口滿口充滿肉汁，真豐富又滿足。芝士薯仔🥔年糕$25，芝士香軟又滑，外脆內軟。老友買滿$40有小包裝零食送，真抵。地址：葵芳葵富路7號葵涌廣場Top世界3069號3樓T7號舖