迷湯肉骨茶專門店

营业中

休息中

31號最後的一個lunch, 做得咁辛苦，要對自己好少少，食個好開心既lunch!呢間一直都覺得好好食既laksa, 又係個句，係香港真係好難食到一碗好食既laksa同pho, 應該咁講，唔難食既，多的是，但好好食既真係少...未係鰂魚涌返工既時候，聽聞完就專登去搵食，由佢個時只開午市同唔記得星期幾唔開到家下lunch只要想食就可以落去買黎食... 不過無啦，帶飯多... 同埋佢個到係坐得唔太舒服既，所以我只係間唔中咁幫襯佢，不過一講起laksa,佢依然係我極力推薦既一間!好啦，2019已過，都係個句，希望大家新一年新氣象，新希望!BTW, 我諗緊試唔試佢新出既XO醬，有冇人試左，可以寫出黎參考下?

呢間舖頭係位於一條巷仔入面，我諗如果唔係係附近翻工嘅話應該都唔會有機會去食😳店入面只有8個位，lunch hour會坐滿，仲會keep住有人嚟嗌外賣拎走添😛呢到嘅menu好單一，只有三款選擇，肉骨茶、叻沙同怡保雞飯~我就揀咗叻沙，麵底係油麵同米粉兩溝🤓配料包括有螄蚶、虎蝦、豆卜、鷄蛋同魚片😋碗麵一嚟到見到佢咁紅本身以為會好辣，點知都唔會🙈而且仲會有陣陣嘅椰香味😍值得一讚嘅係蝦同螄蚶👍🏼兩樣都夠新鮮~螄蚶完全無腥味，而虎蝦就夠爽口，仲已經係剝咗殻添😆

我覺得呢間餐廳係我暫時香港食肉骨茶最好味嘅地方。原因係食得出用新鮮豬肉，唔係雪豬肉，唔駛解凍又唔駛醃，肉味好好仲要有肉骨茶個種藥味。而肉骨茶都真係好好味，係超足料嘅馬來西亞藥材風格肉骨茶。其實我兩年前食完佢肉骨茶已經好滿足，當時我忍不住讚老闆食物好好味，希望繼續努力。今日同佢講番轉眼就2年無見，佢頭髮白左，我肥左，傾下呢兩年附近餐廳d情況，又傾下外賣app，又傾下佢嘅經營經歷。好開心佢仲堅持初衷，每日都親自去揀新鮮豬肉，唔搞擴充經營，專心每日只做4小時精品食物。不過有樣野我都食唔出，原來佢嘅肉骨茶係無落鹽同味精，純豬肉味加好多種藥材烹調而成，所以味道先咁獨特。總之我好欣賞佢嘅食物，雖然係賣70蚊，但真材實料，好值得推薦。對我黎講，做任何事情，只要用心去做，點都唔會太差。最好笑係，呢間小店只有約10個位，淨係做星期一二三五的12：00至4：00，星期四5：00至9：00。真係好霸氣，希望可以繼續霸氣地煮好食物下去啦。

最近每星期都要去食一次既叻沙覺得自己上左癮咁每次黎都食「叻沙」。配料有螄蚶，虎蝦，叻沙葉，豆卜，雞蛋，芽菜，魚片。湯底有別於其他叻沙店舖，唔係黎黎去去都係得個椰汁味，迷湯帶微辣又香濃，似帶少許椰味既蝦湯底叻沙！蝦同螄蚶仲好新鮮添同埋一定要揀兩溝麵底，即係油麵加米粉！好鬼夾架！迷湯既肉骨茶都好多人食架，成日都話下次試，但係黎親反射動作都係揀叻沙先！似乎一星期要黎兩次先試到肉骨茶 雖然間舖真係細，得9個位不過一定會再去

暫時“迷湯”既laksa依然係榜首(係香港黎講)，之但係咁... 外賣始終唔夠係個到迫住咁食好食XD 唔好睇佢好似好紅咁，佢唔辣亦blance到個香味，佢特別在有幾粒螄蚶! 可能因為咁，佢個味特別尐，好味尐XD佢比起以前已經叫做多左坐位同枱，不過大家都知鰂魚涌家下又多左棟，食店就無點多，所以... 更加逼!!! 已經無咩可能再可以坐係個到食... 我成日都話香港咩都有得食，但laksa同pho就無一間好食過澳洲既...

之前已經買過一次外賣返公司，今次買外賣去開party!個肉骨茶好清香，濃度適中，今次叫左肉骨茶湯+大骨、排骨，肉質好軟冧冧，肥瘦比較平均，正🤤下次過開Quarry Bay實會再食👍🏻👍🏻

一進店內就聞到陣陣香味就已經十分期待進食是否如此 就要往下看喇❗此店空間小小 🏠最多。能容下8人主售。3款套餐只開。星期1至5 午市 + 星期4 有晚市小店經營 乃是一份親切感如此有性格的店 我豈能不嘗🍽：招牌肉骨茶套餐💰：$70-.嘗肉骨茶的次數不多 只覺是一種帶藥膳的湯套餐有：肉骨茶，軟骨，片裝油炸鬼，飯肉骨茶香色濃 卻味淡 不解 略為失望🙍油炸骨 軟軟的 個人只愛脆脆的還好軟骨肉質鬆軟 一咬即化 為此餐挽回顏面

見間店好評如潮，校长都嚟，咪包間場约朋友試吓。肉骨茶冇味精，好嘢! 海南雞去骨夠滑。喇吵味道調校得剛剛好，不太甜。檸檬意米水清新解渴。6-8 人去剛剛好。唯一係要去麥記廁所

原來鰂魚涌有很多賣肉骨茶的小店，這天來到 迷湯，主打是肉骨茶；喇沙及怡保雞飯。小店座位及空間不多，大概只可8個客人同昤進食。我點選招牌肉骨茶套餐，可選排骨或軟骨；另附有肉骨茶、豆卜、油條及白飯。是我最近吃得太濃味嗎？ 迷湯的肉骨茶好像不夠入味；肉骨茶亦比想像中淡，沒太藥膳感覺。唉～是我太肚餓還是份量太少呢？吃完整份肉骨茶還好像進食前一樣，仍然很餓啊…但一人吃兩份餐又有點過份…算了算了，去對面店買珍珠奶茶吧～

鰂魚涌有唔少食肉骨茶既食肆，又或者打住海鮮喇沙旗號作招徠嘅餐廳，每間都各有特式，早前同同事試過隔離既娘惹小館子，喇沙味道唔錯。今次再同同事試下呢間迷湯，睇下佢既肉骨茶同喇沙質素又如何。迷湯店子小小，只賣肉骨茶、喇沙、海南雞飯，款式唔多，專心做好一件事。海鮮喇沙有新鮮嘅咖哩葉，入口偏重咖哩香，椰汁份量唔算太多，味道都幾辣，重口味人士會啱。湯身較稀，不過濃郁，惟飲多兩啖湯會口渴，略嫌少少咸。不過大蝦質素唔錯，入口彈牙，而且搣咗殼，相對方便。螄蚶亦都已拆肉，食落鮮甜，如果生啲就更好。麵係用米粉同油麵兩摻，份量足夠。同事就叫咗肉骨茶，藥材味濃，排骨煮得好淋，不過略嫌多少少肥肉， 但係藥材湯嘅味道非常好飲，加埋豆卜好索味，幾好。

大概兩年前食過一次迷湯既肉骨茶，當時真係有驚為天人既感覺，覺得話係香港最好食既肉骨茶亦不足為過🙈今日lunch就買左外賣返公司食，一路行其實已經聞到肉骨茶濃郁既藥膳味👍🏿 肉骨茶其實有好多款，有啲較清、有啲就藥膳味較重，而迷湯就係後者🙆🏿‍♀本身個人係鍾意藥膳味既，但估唔到今次係濃到我都有啲頂唔順，濃到帶有甘苦味，雖然依然係好味既，但始終略嫌過濃🙊只於肉骨大大舊，肉味軟滑，雖然係半肥瘦，但咬落去都唔會覺得肥膩👍🏿

朋友食過呢度嘅喇沙同肉骨茶向我強烈推介，佢知道我鍾意飲肉骨茶，而老公就鍾意食喇沙，咁就真喺要嚟試一試吧！不過每次想起要食嘅時間都爆場，有次仲摸門釘收咗鋪添！據講每日只會開幾個鐘，估計店舖面積只能容立十個人左右，想食而有位就難上加難難得今日同老公放假，就早啲出發，鋪頭位置隔涉唔起眼，去到發現有位，太好啦！店鋪細小加上牌照問題，只能立食或外賣，我就唔介意立食，反而覺得立食都有另一番風味但對於唔喜歡立食同怕迫硤嘅食客，有可能會感到環境焗促！黃金海鮮叻沙材料相當有睇頭有雞蛋，虎蝦、帶子、豆卜、芽菜、魚片、蟹子……等等，叻沙湯底充滿椰香兼帶點辣味，米粉索哂叻沙湯底嘅味道，好味啊！招牌肉骨茶陣陣香濃而充滿藥材嘅味道，未食只喺嗅陣味已相當吸引，排骨帶點肥肉，更有口感，打破我一直抗拒食肥肉嘅觀念，而且排骨好腍身，豐富嘅肉骨茶香味充斥著口腔裡怡保雞飯雞肉嫩滑，油飯香軟呢間<迷湯>果然令人好著迷

最近本人係鰂魚涌返工，同自己定立咗個目標。就係 - 要食晒鰂魚涌既好！西！所以就成日周圍試新野。本人好喜歡食叻沙。咁今日就食叻沙啦。迷湯鋪仔細細，講真，張枱認真唔好坐。可能唔想客人坐得太舒服唔捨得走掛。｛叻沙｝$65 一上枱 真係幾香 色水好吸引。試一啖湯，唔係好creamy好厚身果種湯底，味道岩岩好，加上d紅油令到個湯鮮味更濃。個米粉唔差，唔會一夾就爛晒。d配料分量都好足，岩岩好食晒成碗面。而且想讚佢d料好新鮮，隻蝦爽口，有膏，好食。仲有兩粒螄蚶，一d都唔腥，好鮮甜～同埋個豆卜都好食，之前食過有d鋪頭件豆卜好大陣油yik味，呢到粒豆卜好食～總結，$65本人覺得物有所值，會再返來食！

叻沙: 好食, 湯底香濃! 有新鮮蝦味道由於早過放飯時間, 等了一陣就好快食物來啦......服務有禮貌客氣! 令人舒服的感覺見到隔離有食肉骨茶, 好像很美味! 下次來一定要試肉骨茶先.....

Read about this place online - “Best Singaporean eateries”! Took a little effort locating the alleyway where this place was located. Bar stool seating for only 8 diners. Walked in at 2:30pm in the afternoon. Was nicely greeted by owner chef. Small limited menu. Indicated the three main items on offer: laksa, bak kut teh and hainanese chicken rice. Ordered the bak kut teh and laksa to try. Both very authentic (I’m from Singapore). My only comment for the laksa: more clams, fish ball slices and ma