通達食店

营业中

休息中

**進店叫食物前，一定要認真看看餐牌😅**確係明碼實價，醬汁另上加$2,麻醬加$5,辣菜甫加$2,轉其他某些麵類加$3-5,堂食最低消費$20,而食腸粉$18四條，即早餐時段，只進店食腸粉也不合資格🤣員工服務態度也有禮，但在價錢上，昔日的香港小店親民情懷，感覺已經蕩然無存-- 懷舊脆油渣麵 -- $42很久也沒有食油渣麵，雖然非常邪惡，毫無營養可言，但又無必過份約束自己，又唔喺暴飲暴食。偶爾也要品嚐懷舊美食，追回巳遺失的情懐🤭這間店的油渣比較輕身和透身，微脆，份量也不多，口感略為失色，亦沒有菜脯免費送上，但配上火腿絲，冬菇絲，大量葱粒，仍能尋會油渣麵的味道。

探味道嘅旅程又黎到啦！今次我行埋花園街，撞正一間人氣嘅食店。第一時間我揀咗煎魚餅嚟試，食落去魚味香濃，又唔會太乾，外皮微微嘅酥脆感，正到爆！一路嗌冷飲，一路食魚餅，嘩！美味非常。唔得唔提，呢度嘅辣魚蛋真係別樹一幟。每一粒都辣得黎又唔失魚蛋嘅原滋原味，彈牙得嚟翻啖喱辣，估唔到辣嘅世界入面仲可以咁有層次。最後，我叫咗油渣麵嚟打低，講真，油渣酥脆得黎又唔會賊油，同扎實嘅蔬菜條條喺麵裡交織，食落真係一流。每一啖都攞到我嘅心😍！餐廳雖然唔係乜高檔地方，但係每樣食物都做到夠味夠真材實料，真係令人回味無窮。如果你想睇少少地道香港美食，記得唔好錯過呢度喇！🍜🔥🌶️

魚蛋燒賣呀！😋🍤去了一家馳名小吃店，點了他們的招牌菜─魚蛋燒賣。小小的點心像極了以前的味道，讓我回味無窮！👌首先，魚蛋燒賣的外觀非常吸引人。一口大小的燒賣外皮金黃酥脆，彷彿在嘴裡炸裂出滿滿的幸福感。🔥✨咬下去後，魚蛋的鮮香在嘴裡散開，讓我感受到海鮮的鮮味。魚蛋本身軟嫩有嚼勁，口感豐富多汁，藏著魚肉，為整個燒賣增添了豐富的口感層次。🐟🥢重點是，魚蛋的汁也非常美味。每顆魚蛋都帶著濃郁的咖喱，足夠滋潤卻不過分。一口咬下去，滋味立即充滿了整個口腔，讓人垂涎三尺。🍲💦整體而言，這家小吃店的魚蛋燒賣 是一道讓人無法抗拒的美食。我毫不猶豫地推薦這個小吃店的魚蛋燒賣給所有愛好點心的朋友！👍👍👍

自從小紅書大力推介後，呢間小食及車仔麵就更旺。呢間絕對係快靚正既必選，地點係油麻地地鐵站一出，人流好旺。如果想食車仔麵可以去隔離鋪。之前已經食過招牌豬油渣麵，今次試吓其他小食。💜魚肉翅兩溝 $31 （⭐️⭐️⭐️/5）魚肉翅都幾大碗，但唔算好足料，雞絲比較少，冇傳統會落嘅冬菇絲，但味道都好地道，唔會好稀。佢嘅魚肉唔係平時嘅一條條，而係一舊舊立方體，食落就冇咩魚肉味，比較多粉，魚肉份量十足。整體味道ok，但未去到好好食。💜腸粉（4條） $18 （⭐️⭐️⭐️⭐️⭐️/5）腸粉蒸得剛好，所以會比較彈牙煙韌及好滑，夾埋豉油、麻醬和甜醬，味道一流。麻醬好香，唔係杰撻撻嗰種，份量都十足，整體來講💯🍴整體評價：✅上枱快靚正✅推介腸粉✅適合早餐、下午茶或者宵夜❌魚肉比較粉💰人均消費約$50

昨天首次幫襯諗住快食試咗魚肉翅$31同魚旦$12（6粒）加凍檸茶$9D食物不過不失但碗翅甜咗啲而魚旦也是甜味重過魚味埋單$52價錢唔算平但俾錢果下真心嬲係冇前傳嘅前提下同個收銀講俾八達通佢完全唔睬人佢自己開咗個支付寶佢叫我嘟果時我以為佢整好個八達通付款叫我嘟果吓佢勁rude 話「支付寶呀！」跟住再用普通話重覆同我再講「支付寶」（但我全程用純正廣東話同佢講嘢嘅）我話我頭先同你講俾八達通喎佢完全唔睬我最後我被迫用支付寶俾錢跟住後面俾錢個男人問佢八達通俾錢佢立即開八達通俾佢如此惡劣的服務態度無下次啦！

次次黎旺角一定會諗起通達，由我讀書開始就係度，最鍾意食佢嘅魚蛋，今次黎到花園街再食，因為得花園街有魚餅，油麻地個間無。今次叫左1:辣魚蛋兩串，$10蚊六粒辣魚蛋一如既往，辣得好入味，口感彈牙好食🤤鍾意辣就一定要叫2:煎魚餅$22煎魚餅有三塊，塊塊都好大塊，即叫即煎，入口彈牙，有魚嘅香味，唔係成口粉，點佢碟裡面嘅豉油，已經好入味，好好食，次次都要叫🥰3:油渣麵$42油渣麵都幾好吃，油渣炸得啱啱好，唔會好乾身，食落口又脆又香，非常邪惡😈，配埋大量菜脯、火腿絲、冬菇絲等，成碗油渣麵咸香十足，同埋份量都幾大，男仔食都夠飽😎消費價錢：2人84結論：去旺角會食餐廳名稱：通達食店餐廳地址：旺角花園街172號地下

以前中學成日去旺角油麻地補習通達既辣魚蛋真係由細食到大💓每次行過經過都會忍唔住買🤣🤣！今日做完yoga等gel甲有空檔就走去食個快dinner～🫧🫧🫧🫧🫧🫧🫧🫧🫧🫧🫧🫧🫧🫧🫧今次依舊叫左每次堂食必叫既豬扒麵 ⁽⁽ ◟(∗ ˊωˋ ∗)◞ ⁾⁾ 豬扒係原塊油炸無另外裹粉 偏薄身但算大塊由於係即叫即炸所以上碟時仍有餘溫🥹保留住肉汁而且醃味亦夠～值得一試再試而麵底唔係⼀般粗麵油麵幼麵麵質爽口彈牙好食🤍除左佢地既豬扒麵之外，另外仲哎左佢地最岀名既辣魚蛋🤍！($12/6粒)一如以往咁彈牙惹味咁多年都咁岀色～大推👍👍

今日收工遲左少少，所以趕住返學就唯有食車仔麵。呢間車仔麵都好耐歷史，我記得最初頭一次食已經係2012年，個時做野耐唔時都會經過呢頭，一定會食佢個魚旦同燒賣，都係好食之選。▪︎潮州魚旦＆鮮冬菇 配 油麵▪︎ $30車仔麵早幾年都有食過，味道一定都唔錯既。今次都係揀返咖哩湯，佢個咖哩湯濃而不膩，不過都算幾辣但好惹味，會令人想繼續食既開胃湯底，配埋油麵真係相當唔錯。潮州魚旦爽滑彈牙，都好耐無食過呢個質素既魚旦喇，本身睇剔餐紙寫鮮冬菇，心諗有幾鮮，點知一食落去真係食到鮮既味道，嫩滑入味好有菇味，講返油麵軟硬適中，好味好味。成碗清曬🤣下次要試佢沙爹湯！

喺呢頭掃開街掃埋呢間 平時都會食下魚蛋 喺呢度叫咗辣魚蛋同埋魚肉燒賣 魚肉燒賣食落都有魚肉味 偏腍身同濕身啲 辣魚蛋$12六粒為返兩蚊粒都幾貴 個汁都唔錯幾幾辣 不過魚蛋質地偏硬 一般

油麻地地鐵站一出就見到，好方便魚肉菜翅三溝唔夠渴， 料多就夠多，但個魚肉好粉，好似食緊年糕咁，有麻油落，但唔好預佢有咩味道變化招牌狗仔粉個菜脯好食，夠爽脆魚蛋燒賣腸粉咖哩魚蛋 同 燒賣 正常腸粉係好食，夠熱，夠柔軟

一直經過都未試過呢間小食店，直到朋友話呢間小食店係佢童年回憶一定要試下所以就「第一次」去食見到門口好多人等緊，原來啲人唔係等位，大部分人都係等緊外賣，一啲人就等緊拮魚蛋同埋舖頭姨姨包栥飯。食小店唔好預佢有張卡位或者環境好闊落，呢間小店有幾張圓枱同埋有一啲靠邊坐嘅位都適合幾個朋友食。好有食大排檔嘅感覺，香港地道風味我哋叫咗粢飯，腸粉燒賣魚蛋粢飯係即叫即整，所以拎上手熱辣辣好好食好足料另外腸粉燒賣魚蛋，要特別介紹魚蛋，因為魚蛋真係好好食，配合埋佢哋嗰個辣汁真係一流！為左個魚蛋我會再嚟！

係旺角行行下 突然想食燒賣 沿路又無邊間有/ 特別想食直至行到油麻地地鐵站🚉外 發現欸～～這家有耶 可以一試燒賣 $12/ 5粒這家吃起來的不是麵粉的口感 而是QQ的～有咬勁 但又不會過於彈性 再沾上豉油（當然嗜辣的我們 肯定有再加一圈辣油啦（不能少啦他們的辣油 微辣微辣 不會刺刺 衝出來的嗆而是淡淡的散發辣感～想不到 他們的掃街小食還不錯吃呢～～不知他們的腸粉味道又是如何呢（？）其實他們還有魚蛋的 而魚蛋的部分 都已經煮到非常入色滾魚蛋的湯🥣都已是啡紅色 亦有層油油在上面看起來已是煮了好久的湯底了 同時也表示這老店的魚蛋也早已煮的入味不知道那是不是我們過往吃過的辣魚蛋記憶及味道呢（而且一直沒機會試試他們粥 不知道又是不是傳統香港🇭🇰粥的味道呢

近期好少出開油麻地，但出左油麻地地鐵站，見到左手邊果間地道嘅小食店，都會好想去吃返一兩串魚旦燒買嚟食，不過今日有時間，天氣又熱，我就同朋友坐低喺餐廳入邊食野。我叫左碗魚肉翅兩溝，朋友就叫左個四餸車仔麵，仲有一支豆漿。魚肉碗仔翅係好地道嘅味道，算好食！車仔麵四個餸，加埋腩汁，朋友話大大碗夠曬食！豆漿又唔算太甜又有豆味，啱哂我地啲健康嘅人!😆

估唔到要嚟呢間食🥲因為好多好食嘅都執哂因為我真係好鍾意食辣魚蛋坊間大部分都係陳皮魚蛋好難食🥹$12/6粒真係好過份…魚蛋仲要實的的，麵粉感重，唔係彈牙軟綿綿嘅啦⋯⋯不過個辣汁帶甜算幾入味

路過一間成日都好多人食既魚蛋店,買左一碗辣魚蛋食,魚蛋彈牙又入味,而且好大粒同都幾多粒下,幾抵食,唔怪得平時咁多人幫襯,今日買完下次都會再買其他掃街小食食下,魚蛋有分辣同唔辣入面仲有其他麵食同小食俾客人選擇。