Route 83 (逸峯商場)

营业中

休息中

之前同男朋友嚟過，覺得好好味。今次我再同朋友一齊嚟食多次！之前黎嘅時候都仲要排隊，但今次好好彩，竟然唔使就可以入到去。因為我哋兩個都唔係好肚餓嘅關係，所以我哋只係叫咗個83精選拼盤同香煎鮮三文魚柳配檸檬牛油汁配薯蓉 share一齊食！侍應見我哋係share食，唔使我哋出聲已經即刻拎咗兩隻碟比我地。👍🏻👍🏻佢個83精選拼盤 非常吸引，而且種類多，分別有三文魚多士，雞翼，豬仔髀，沙律，炸洋蔥圈，薯條🍟😋😋。尤其是豬仔髀，非常嫩滑同Juice ，一啲都唔鞋口！之後就係佢個三文魚多士，好大舊三文魚配埋青瓜同法包, 感覺好Fresh ! 喺個拼盤入邊做咗一個中和的作用。香煎鮮三文魚柳配檸檬牛油汁配薯蓉，呢個又係非常美味，佢個三文魚皮煎得非常脆，三文魚熟嘅程度係啱啱好，所以特別Juice！食埋佢個薯蓉真係有好香好香嘅牛油味。呢個配搭真係十分之讚！😋我同個friend都覺得可以約多幾個friend嚟就可以食多幾樣唔同嘅嘢！🤣🤣

呢間成日係逸峯內人氣排隊鋪黎，建議大家若果多過2位以上，就用the club 拎定位啦，店內位置有限，2個人就比較易排到，流動快啲！👯‍♀️👯👯‍♂️熔岩芝士醬漢堡$98，性價比高，配搭嘅漢堡煎得香口，又唔會好油，厚身有肉汁啖啖肉，配上半熔芝士醬，好濃芝士香味，啱晒重口味人士同食肉獸！😋🥩🍔而朋友軟殼蟹蝦頭醬忌廉意粉，軟殻蟹炸得脆身，🦀意粉都幾索汁，個蝦頭醬本身以為係濃蝦醬味又唔係喎，若隱若現咁，比想像中清啖口味，配白汁係幾夾，以呢個價位，收貨有餘啦！😎而餐飲加錢叫咗杯latte，呢杯唔記得影相，不過好香滑，鍾意咖啡嘅，可以一試，有水準，唔係hea你嘅咖啡嚟☕️

路過見到個menu都有我想食ge野, 我同老表入到去見環境清新座位又寬敞, 進餐區在玻璃幕牆下視線開揚, 感到醒神。我嗌左個面包糠焗豬鞍扒, 有豬味、又夠厚、份量又十足, 煎得剛剛鎖得住肉汁, 沒有過火,🤤 醬汁同豬鞍扒又好夾, 食落唔油膩👍 配有我堅鍾意ge原個薯仔連皮焗幾脆, 又大個又熱辣辣, 仲有沙律做配菜, 5會覺得漏, 豬鞍扒同醬汁連埋焗薯一齊食, 口感一流, 層次感很豐富。叫咗成份燒豬仔骨+炸到金黃香脆薯條, 成份肉骨好大舊, 兩個人share食啱啱好, D肉好軟淋一咬就鬆開, 肉同骨之間都有醬汁滲入好好味。😋呢兩樣都係我最鍾意食嘅菜都幾好食, 下次要叫多d老友尼可以試多D款式添 。

😊🤪第一次約未來奶奶去街，🌺就揀咗喺佢屋企附近嘅呢間西餐廳，貪佢近近地又交通方便，位置就腳。😊而且都幾有情調嘅。環境好舒服，燈光嘅光線適宜，有少少氣氛但係又唔會太暗。🤔我就叫左熔岩芝士醬漢堡 $98，😊超級juicy的漢堡扒加埋熱溶芝士令人欲罷不能，還有炸得香脆既薯條，一個唔覺意就唔小心食哂成個了。未來奶奶叫左香脆包糠焗豬鞍$158，賣相非常吸睛，都好大份，食落好濃味又飽肚，豬鞍好野味，熟到剛好，食落有豬味而且夠淋身。🙂🥟我地每人一杯士多啤梨沙冰同凍檸水，傾左一陣。🌸餐廳都服服務得好好🤣，我覺得個未來奶奶對我印象都唔錯，應該可以約第二次：）😂

次次入粉嶺都一定會去嘅餐廳之一，所以今次都唔會例外 😌😌今次叫咗香煎吞拿魚扒配薯蓉，呢一個係我每一次嚟都會叫嘅菜式，食咗一兩次佢嘅水準都係冇下降，個魚同薯蓉味道都係咁好味，擺盤都係咁精緻。之前食好多餐廳都覺得佢哋嘅水準耐左就會下跌，但佢完全冇！真係好值得比讚👍🏻👍🏻我另外再叫咗一個之前冇食過嘅巴馬火腿火箭菜薄餅。第一次試呢個都有surprise，佢個Pizza底做得好脆，芝士味好濃， 最難得嘅係芝同Parma ham 的味道好夾，唔會好膩。。總括嚟講呢一間係數一數二喺粉嶺好食嘅餐廳。唔單止野好食，環境舒適，而且待應的服務都好好。呢樣好加分！

呢間西餐廳, 環境恬靜, 啱哂我同朋友, 想好舒適咁去享用個brunch🍽️, 坐低見個菜牌有我既至愛--燒豬仔骨, 配有炸薯條, 即刻落單, 食落超鍾意佢啲鬆軟肉質仲好入味, 朋友都同樣鍾意, 份量之大, 要分開兩份各自各食哂自己嗰份, 好味到骨都“算”埋！又叫左個熔岩芝士醬漢堡 $98, 肉味濃厚, 芝士醬汁好濃郁好好味, 薯條又即時新鮮炸出尼黃金色的好香又脆！食得兼賣相又睇得, 咁既質素咁既價錢實在超值👍總括，呢度服務員既態度好好👍而且坐得好舒服，啱晒同朋友黎打卡，聚會 👯‍♂️一定要過黎試下🥰

聯和墟隱世高質西餐廳。Route 83🌟平日行過聯和墟商場,見到呢間新開嘅西餐廳,有lunch set 就走入去試下😋🌟lunch set由$58至$88蚊不等, 包餐湯或沙律同一杯熱飲☕🍖紐西蘭頂級ps 草飼肉眼牛扒配黑椒汁， 薯條 ($88)🍖😋lunch呢個價錢已經食到牛扒,cp值極高😋牛扒叫咗五成熟,有肉汁,有牛味 😋雖然牛扒唔太厚，不過火候控制得啱啱好， 高質素之選👍👍👍🥬 烤雞胸凱撒沙律 ($58)🥬😋 雞胸切成條狀，唔乾柴😋 沙律菜新鮮爽口😋Parmesan Cheese 份量多👍👍🌟 套餐包埋熱飲，叫左熱奶茶，茶味唔 苦澀，奶味香滑，比得上一般舊式香港茶餐廳質素👍👍👍🌟 餐廳樓底較高，空間感足夠， 有卡位 ，坐得舒服， 可以好寫意咁享受一個高質素既午餐😍

之前聽朋友介紹粉嶺有間好好味嘅西餐廳，但因為太遠， 所以一直都冇入去試。難得今日入去，就梗係去試吓。可能因為係平日入去，所以餐廳唔算好多人。 我同朋友揀咗面向玻璃的卡位坐底，估唔到環境咁舒適。而且待應好好禮貌，未食野就已經對呢間餐廳留左咗好印象☺️☺️☺️因為唔係好肚餓嘅關係，所以我哋淨係叫咗兩樣嘢食。美式燒豬仔骨配炸薯條，豬仔骨燒得非常惹味，肉質嫩滑juicy, 非常好味，食到完全停唔到口。仲有佢香煎吞拿魚扒配薯蓉又係有驚喜，魚扒有半生熟的質感，再配佢個醬又係好食到停唔到口。我最最最估唔到就係佢個薯蓉都整得咁好食，好香牛油味，而且好滑身，真係有入口即溶的感覺。呢間真係堅推介比朋友！

route 83粉嶺分店，最方便係100蚊有一小時泊車優惠鍾意揸車搵嘢食嘅朋友啱曬，商場仲有電車叉電位（不過係shell要比錢），餐廳平時都唔使等位，座位寬敞，今次食咗個，烤雞胸凱撒沙律， 因為牙痛嘅關係，所以前菜都係再揀沙律，加我鍾意飲嘅港式奶茶，奶茶都ok啲茶唔澀。因為地理位置關係，我都成日喺度食 。之前食過熱狗都幾得意，超長好大份。午餐A紐西蘭頂級肉眼牛扒都好味可以配薯菜，性價比超高都係88蚊炸，仲有餐湯同嘢飲。

因為約咗幾個friend去粉嶺食飯，所以特登上網research咗先，見網上嘅食評同相片都好唔錯所以就特登嚟呢度試下！😆😆你到門口就知道冇揀錯地方，個落地玻璃嘅門面非常靚，而且枱面同地方都非常乾淨，所以第一印象分已經好高！你都已經俾佢個83精選拼盤吸引咗，佢個拼盤有好多選擇，包括左三文魚多士，雞翼，豬仔髀，沙律，炸洋蔥圈，薯條！我覺得佢個豬仔髀尤其出色，因為肉質真係好滑，同好Juicy。另外我覺得好好味嘅仲有洋蔥圈，佢個炸粉好好薄，唔會覺得食到成口都係粉，而且個洋蔥味好重！呢個我忍唔住不停咁食🥰🥰🥰之後再上嘅就係美式燒豬仔骨配炸薯條，呢個佢燒得好香口，連埋佢個燒烤汁真係好好味🤤🤤🤤同埋不得不讚佢個豬仔骨超級易切，唔使我好大力就可以切開。👍🏻👍🏻👍🏻最後就係軟軟殼蟹蝦頭醬忌廉意粉 ，真係第一次聽蝦頭醬忌廉汁，食落口就有surprise，因為佢個汁有好重嘅蝦味，而佢嘅香味同忌廉汁配搭係啱啱好一啲都唔會覺得唔夾！真係唔入粉嶺唔知原來有一間咁嘅隱世美食，我下次再入嚟粉嶺嘅時候一定會再encore！

向大家推薦食香脆包糠焗豬鞍，呢款最正呢就係配搭個焗薯，呢味菜係大埔食開，次次都食。食咗咁多次，個豬鞍都焗得唔老身，表皮層面包糠咬落脆脆地，而個plus size焗薯，芝士溶化晒係個面頭度😋😋😋好食呀！🦀而個意粉好入味，原隻軟殼蟹咁上，炸得好酥脆，入面仲有啲蟹膏蟹肉，加埋忌廉白汁都幾夾。咁啱頭先餐湯都係忌廉湯，哈哈，忌廉大餐！而飲品方面都keep 住水準，今次杯焦糖朱古力都好濃焦糖香，我就好飲得甜的，如果你都係螞蟻人，一定要叫呢杯！🤤🤤🤤見到隔離枱叫藍莓沙冰，佢食得好似好滋味，又有多一個藉口再黎開餐啦！😜

商場鋪黎講，都坐得幾舒服，樓底高，枱與枱嘅空間可接受，未去到好迫，香港地餐廳都算係咁。上次黎都未有正式餐牌仲試業中，而家有啦，希望佢長做長有啦！兩個人，叫咗個豬仔骨配薯條，同個軟殼蟹意粉。個意粉不過不失，原隻軟殼蟹咁上，用嚟打卡一流！豬仔骨$188成隻碟咁長，切下切下都可以分到十碌八碌，調味幾啱我口味，用蜜汁同bbq燒汁咁去烤焗，仲有薯條跟埋配手工啤酒夾到振啊！btw個drink list幾多選擇，唔好錯過！獅子山啤，東方之珠出面無乜見，個口味幾特別！🍺🍻🍺🍻🍺🍻🍺🍻

之前試過一次嘅西餐廳，上次食我覺得非常好食，所以難得女朋友今日過嚟搵我，我就帶佢試吓呢一間餐廳。一入到餐廳女朋友已經話mood 好好，而且坐得非常之舒服😌因為我非常肚餓關係所以即刻嗌咗餐廳呀招牌菜熔岩芝士醬漢堡，之前見到夜非常想食，但因為食咗其他嘢所以就冇試到，今次終於有機會叫佢，呢個芝士醬漢堡真係超級好味，芝士醬多到係會流晒出嚟，而且味道非常之濃郁。薯條嘅份量十分多，真係可以食到飽。而比較細食嘅女朋友就叫香煎吞拿魚扒配薯蓉，吞拿魚配埋佢特製嘅醬汁，將魚嘅鮮味帶左岀黎，薯蓉有好香嘅牛油味，兩樣嘢配搭埋一齊真係好出色。後記，佢啲嘢食一直都保持係好好嘅水準，女朋友話下次再入嚟粉嶺嘅時候都要再食。

之前黎食午餐，今次黎食晚餐。晚餐餐牌都幾豐富，不同嘅肉類同意粉為主，我同老公一人都叫咗一個set，分別係芝士焗龍蝦意粉，同豬仔骨配薯條。我個芝士焗龍蝦意粉份量十足，嗰半隻開邊龍蝦成隻手掌咁大✋🏽要分俾老公先食得晒，用大量芝士去焗，焗到超香，係一個好聰明嘅煮法，無人拒絕到芝士🤤🤤🤤🧀而意粉又用番龍蝦汁加啲番茄去收下汁，平衡番芝士嘅油膩，唔錯😊老公個豬仔骨仲大份，用咗燒烤醬去烤甜甜地啖啖肉，肉又唔會韌，薯條又熱辣辣炸起👍🏻👍🏻👍🏻好彩個晚餐叫咗跟沙律，有啲菜食下先無咁罪惡感，不過都好滿足，好滿意成為我一家嘅飯堂啊，落街食多啲，我就可以繼續做無飯煮婦🤭🤭☺️

舊同學聚會揀咗呢間位於逸峯商場既德國菜，裝修氣氛好有feel🍺 適合朋友飲返杯/聚會。🤣🤣🤣🤣我地可以吹水吹好耐，一齊聚下舊。😆😁我叫左軟殼蟹蝦頭醬忌廉意粉 $98。價錢都算實惠，因為本身軟殼蟹既食物都唔便宜， 同埋意粉都好大份，🔥夠曬飽，配個忌廉醬汁好入味。我個舊同學叫左香煎吞拿魚扒配薯蓉 $128，吞拿魚扒肉質豐富，內裏鬆軟多汁，配菜有新鮮沙津菜，加埋薯蓉配真係好味，😍魚嘅魚油香味到而家依然非常之難忘！🤔😮性價比好高嘅一間餐廳😍😍去開北區嘅朋友一定要去試下。