逸東軒

营业中

休息中

近排喜歡食中菜，比較吓邊度嘅叉燒好味。呢度有米芝蓮一星推介，今晚就嚟試吓係咪咁好食先😼餐廳環境闊落，坐得舒服。🔸燒味雙輝 - 蜜汁叉燒、脆皮燒腩仔 $398為咗叉燒而嚟嘅貓奴流晒口水🤤 沾滿蜜汁嘅叉燒肥瘦適中，咬落有肉嘅油香，肉質腍身。如果多返啲燶邊位就更perfect喇😋燒腩仔有驚喜，一層肉一層肥。表層非常香脆，黃芥辣係好溫和嘅調味，出色👍🏻🔸砂鍋薑蔥爆乳香銀鱈魚 $298粒上嘅銀鱈魚外脆內軟，爆起咗嘅豆瓣醬好香，沾上用薄薄嘅炸衣包住鱈魚，既香脆嫩滑又惹味😋🔸蜂巢茘茸鴨 $298驚喜之選😽 蜂巢芋茸炸得唔油膩同油淋淋，蜂巢咬落好鬆化加上軟綿綿嘅芋茸同炸至脆口嘅鴨肉，好出色👍🏻🔸花膠鮮杏汁燉白肺 $188吖咗兩個燉湯，兩款都好足料好濃，白肺湯杏汁味好出。🔸花菇黃耳竹笙燉菜膽 $178呢款湯相反較為清淡，剛好一濃一淡中和返。店員服務係有禮貌嘅，不過細節欠奉。好多時店員突然從後好近咁遞上menu問需唔需要甜品因為就嚟last order，又會突然從後出現遞上收據催埋單趕收工。(響其他酒店唔會咁。。。😐) 餐枱咁大，點解偏偏要響客人後面出現呢？大可從上菜位等客人見到店員先，呢個做法真係不解。

屋企人慶祝生日唔知去邊度食飯好 我會揀逸東酒店既逸東軒食 仲係米之蓮一星既餐廳明爐蜜汁叉燒 $298 叉燒肥瘦適中 😙餓底食叉燒要「半肥瘦多汁燶邊」 ✨佢呢個做到半肥瘦多汁 差左燶邊 有埋就perfect 池☺️七味鹽燒羊鞍 $298 略嫌呢個調味太重 蓋過了本身羊的香氣肉質非常鬆軟 好好食 🤤 脆皮片皮雞 （二食） $698 本時食片皮鴨就食得多 片皮雞真係未見過今次第一次食 佢同平時嘅片皮鴨一樣有京蔥同青瓜同埋海鮮醬 如果佢可以特調返個醬比呢個菜會再加分 同平時片皮鴨個醬一樣真係好似食緊片皮鴨咁 雖然個肉由鴨變左雞 但個醬一樣 就變左好似食片皮鴨咁 🤣雞崧炒飯 屋企既男人一定要食飯 呢個炒飯粒粒分明 仲食得出鑊氣☺️砂鍋薑蔥焗生蠔 $308 生蠔都幾大隻 有薑蔥既香氣 上枱時候打開個蓋出曬煙咁好吸引🤩

新年期間，好友相聚，選了米芝蓮食府逸東軒。逸東軒為米芝蓮食府，其出名的叉燒及片皮雞，當然是此餐飯聚的重點菜式，除此兩款菜式外，我們還點了蟹肉扒水耕生菜及琵琶豆腐蝦。🍽叉燒合乎水準。🍽片皮雞一雞兩食，除片皮雞外，還有雞肉炒飯或炒麵，我們選了炒飯，片皮雞都皮脆肉滑，炒飯都粒粒分明。🍽蟹肉扒水耕生菜正常發揮，但價錢要二百多三百元。🍽琵琶豆腐蝦不過不失。總括來說，因有米芝蓮加持，所有菜式都頗貴，一般菜式如蒜蓉清炒菜都二百多元。

媽咪生日話想食中菜，openrice見到呢間評分唔錯就book左位。壞境唔錯👍🏻，茶長期有火熱住所以keep住熱👍🏻食物價格唔平噶，片皮鴨連生菜包都要860幾額外再加一。以為佢米之蓮餐廳食物質素應該對得住佢個價啦🥲結果真係⋯唔可以話難食，只能說無驚喜，我係其他酒樓比一半價格可以食到同質素ge野🥲份量都係比想像中少，媽咪平時唔多事業都話份量好少只能說，5星級價格，普通酒樓質素🙁試過一次就好了，無必要再試🙏🏻

米芝蓮星級食府—逸東軒，自2017年起榮獲米芝蓮一星榮譽，由盛名大廚譚棟主理，主打烹調出地道手工粵菜🥢 餐廳裝潢雅致，務求重現出1920年代上海酒館氣氛，加上精美別緻餐具，提升左整體用餐享受🫖 主打脆皮烤鴨，一隻鴨兩種食法，上碟擺盤精美，但味道方面略嫌肉質未夠嫩滑香口；而另一種做法，將剩餘肉剁碎再配上生菜包，外層清新配上內層油脂豐富既鴨肉，口感相當唔錯。下次再試人氣明爐叉燒、片皮雞，希望更為出色～

成日都想去逸東軒飲茶終於今日年初五同朋友一齊來午市飲茶加團拜今日仍然有午市點心優惠叫左幾籠點心小龍包好好食D湯汁夠多呢個脆皮腸粉好有趣菜苗餃 超驚喜個餡好足料 又有湯水味限時90分鐘不過午市都夠嘅Overall service 都係好環境又舒服埋單我哋4個人$788都算幾ok~不過真係最好book定枱因為佢本身都唔多枱

裝修雅致裝潢，手工粵菜主理，環境似足年代上海懷舊餐廳個日入去率先食片皮鴨再食埋蟹羹，嗰日服務員不斷以都在我們附近周旋為我們服務，態度都10分良好片皮鴨叫咗兩食半隻，大大隻啖啖肉，咁味道都相當鮮味而且油份剛剛好，皮鴨皮脆，剩下的鴨肉就用作炒米粉用途，個鴨肉米粉鴨肉混和米粉之後再配合其他蔬菜配料都很不錯五星評分：🌟🌟🌟🌟片皮鴨值得一嘗燒腩仔同叉燒拼盤都值得叫燒腩仔肥瘦剛好而且表皮超脆獲頒米芝蓮一星殊榮的粵菜食府

逸東軒真係一個好地方去帶長輩去飲茶嘆一嘆。枱同枱中間好闊落，一啲都冇平時酒樓嘅嘈吵，啱晒好高級咁樣去嘆茶，傾偈。裏面嘅點心非常之精緻美味，特別係個叉燒，有時好快就賣晒要預訂，真係鬆軟可口，蜜糖味濃豬肉鬆軟鹹甜適中。This is indeed a wonderful place to take the elderly to enjoy dim sum in peace. The tables are well-spaced apart, offering a serene atmosphere that's devoid of the usual noise found in other bustling restaurants, making it a sophisticated spot for tea and conversation. The dim sum served here is exceptionally refined and delicious, especially the char siu, which sometimes sells out so fast

🐻一間非常出名既中菜，係酒店入面嘅中菜，價錢唔算太貴，間唔中去都負擔得起，仲要係米之蓮一星⭐️🐻裝修簡約，運用深色木材設計，結合傳統又不失年輕嘅裝橫，同朋友係到摸住茶杯，嘆番幾件，實在係假日一大賞心樂事❤️🐻佢地嘅點心味道好就唔多講，睇得出佢地係傳統同創新嘅結合，保留傳統得黎又結合左新嘅食材，完全冇遺和感😌

貴為米芝蓮一星 嘅逸東軒裝潢雅致，係很受歡迎的星級粵菜餐廳 。我地就試左幾個點心 包括鮑魚雞粒酥、珊瑚蛋白原隻蝦球、豐稠海鮮芋角、芫荽帶子腸粉 、香芒糯米卷。每款#味道 都好好價錢公道，會繼續支持。

早前父親大人生日 就跟他於逸東軒 試左佢哋個米芝蓮 星級盛宴 ，頭盤 有3款，包括蜜汁叉燒 、話梅車厘茄、酥香元貝。每款都做得很好，話梅車厘茄#酸酸甜甜 ，十分開胃。珊瑚琵琶虎蝦球 - 豆腐魚肉包裹着一整隻虎蝦毛家肉伴十頭湯鮑 - 毛家肉就係東坡肉是逸東軒的招牌 之一，肥肉腍而不膩，十頭#鮑魚 亦腍滑可口。金華腿絲蒸斑球 - 斑球肉很厚但師傅控制的火喉很好，魚肉保持到好滑蟹肉糯米脆皮乳豬 - 有少量的蟹肉藏在係糯米團內，上面有塊香脆乳豬皮

想去逸東軒呢間米芝蓮餐廳晚餐好耐，之前只試過點心，老友成日話晚餐也不錯，讚不絕口，但因為每次都係太遲，一直book 唔到位。今次好開心終於可以嚟試一試。果然係好食！雖然只是點了很少。 馳名燒味雙輝燒腩叉水準是中上的。可能因為個人不太鍾情燒味，所以感覺沒有甚麼特別。生拆蟹粉小籠包，一人一籠，好好食！砂鍋柚皮花菇鵝掌：好食到不得了！味道好之餘，所有材料的軟硬度適中，膠質感也很重。脆皮逸東烤鴨：感覺好一般。烤鴨還是選擇一些專門店好了。保健老火湯，今天可以飲到蜜瓜煲排骨之類的湯，有d 似爵士湯，好甜好好味！金絲木瓜酥，：蘿蔔絲酥餅的朋友，不過是用木瓜代替左蘿蔔。有驚喜喎！好食！馬粒糕：可能因為飽飽地，所以呢個馬拉糕覺得無咩特別。

推介指數 Recommendation Level : 🔥🔥🔥🔥這間米芝蓮一星餐廳，坐落於佐敦一間酒店內，他的點心非常受食客歡迎，週末午市往往要提早兩個月預約才可以有座位，他們提供的點心款式多元化，而且味道極佳，難怪會有這麼多的捧場客。This Michelin-starred restaurant, located within a hotel in Jordan, is renowned for its dim sum, and securing a table for weekend lunch often requires a reservation two months in advance. The diverse selection of dim sum offerings, coupled with their exceptional taste, explains the restaurant's popularity among diners.蘿蔔絲酥餅 ($68)Baked Radish Pastry這個酥餅的皮非常鬆脆，而且不會有非常油膩的感覺，內裏的蘿蔔絲非常

真心，係我食過最好食的叉燒叉燒甜而不膩，肥瘦均衡👍味道真係唔錯，雖然食得出有落到蜜糖但唔會蓋過本身肉味👍👍而且份量好大份，啲肉又厚，2個人食完已經半飽😋😋

成班姊妹好耐無出過嚟聚一聚棄女都要啦！有姊妹提議去逸東軒食中餐🥢我一次都未去過😆 仲要係一星米芝蓮好期待「脆皮逸東烤鴨（二食）」果然無令我失望未片皮前個樣都幾靚仔，食落口一啲都唔油膩！用春餅包住呢塊鴨皮配埋青瓜、青蔥、海鮮醬一齊食簡直係人間美食啲鴨肉我地就order左個「火鴨絲炆米」個燘米一啲都唔乾身，鴨唔鞋，加啲辣椒油超級好味！ 可惜我哋total 11人 唔可以添多碗，唯有望住張相當食多碗啦！👇🏻👇🏻招牌菜「明爐蜜汁叉燒」又係一絕！佢啲燶邊係我最欣賞嘅地方！脆脆地入口唔苦，而且入面啲肉多汁唔鞋軟淋淋好易咬👇🏻👇🏻「七味鹽燒羊鞍」我地叫左兩碟！因為得10塊 咁咪有一個無得食？？唔得咁樣喎！ 好啦，我唯有忍口同隔離位果個開心share啦！好食到骨都想吞埋落肚👇🏻👇🏻「大澳蝦膏唐山菜膽」蝦膏我本人好少食，因為好怕佢好鹹！點知食落一啲都唔覺得鹹👇🏻👇🏻「鳳梨咕嚕肉」出色！ 肉多過菠蘿我地差啲唔夠分👇🏻👇🏻「溫公粗齋煲」呢個唔知係咪因為個汁太杰，成煲野都好鹹！唯一挑剔嘅一味餸！其他因為掛住傾計唔記得影相總括嚟講成餐飯我哋都好滿意，下次有機會可以再嚟！