逸東軒

营业中

休息中

今次黎到逸東軒飲茶🫖，環境好闊落，好適合飲茶傾偈🫶🏻，而點心亦都好食和精緻😋，知道佢最出名係明爐蜜汁叉燒，梗係要嗌返黎試下🙌🏻，入口超Juicy，好香蜜汁味，肥瘦適中，真係好好食，值得一試😚，另外比較特別和創新仲有帶子蒸燒賣和原隻鮑魚雞粒酥🤩，同樣Very good 👍🏻 其他仲叫左蝦餃，脆皮腸粉，酥皮叉燒包，馬拉糕，牛肉球等，都係不過不失，又未去到話真係必食，按返個人喜好選擇吧🤜🏻🤛🏻

酒店水準又親民少少嘅價錢食到，就約咗平日嚟飲茶，嚟到都唔少人 坐得都好舒服。每一份點心都好精緻，平日午市點心大概$38-58。帶子燒賣 蘿蔔絲酥餅等等都好食，叉燒需要散叫，埋單大概$7-800，間唔中食下都唔錯牆上嘅畫有藝術氣息，成個環境氣氛都幾好，亦都見有外國人嚟飲茶。茶味幾濃，食完飲下茶。唯一係侍應不斷收碟，同收晒碟仲問啲餸嚟齊未，食得快唔代表半個鐘就要清枱趕人走逸東軒 (佐敦)佐敦彌敦道380號香港逸東酒店B2樓

📍逸東軒位於逸東酒店入面一間著名米芝蓮中菜廳叉燒控表示衝住佢個叉燒而來🐷馳名燒味雙輝（蜜汁叉燒+脆皮燒腩仔）望到外表已經覺得唔錯，好有光澤仲排到整整齊齊，好有心思每舊叉燒同埋燒腩仔都切到差唔多size叉燒係半肥瘦，肥膏瘦肉分布好均勻，好有層次，唔會過分油膩每一舊都好入味，又好Juicy，燒到好有蜜汁味，但又唔會太甜，食到有燒香味肉質完全唔會好韌，夠軟夠淋燒腩仔都係好出色，外皮夠香脆，入面肉質夠香軟 真係食逸東軒必試！

又來到逸東軒飲茶（應該是第幾十次了）。逸東軒的叉燒做得出色，這次也是叫了叉燒系列的點心：芝麻叉燒酥和叉燒腸粉，另外還點了雲耳拍青瓜。落單時，特地跟侍應說叉燒酥要熱的；只因好幾次點同一道點心，叉燒酥都是早已焗好（可能是上一輪茶市的？），上枱時只是微暖而不夠熱，食味大打折扣。這次落單不久，叉燒酥比涼菜的雲耳拍青瓜還要早上枱，已經心感不妙。一摸之下，只有碟子是熱的，碟上的叉燒酥比碟本身更涼，只帶微溫。跟侍應反映後，侍應很有禮的替換了一份叉燒酥，可惜再次上枱的同樣是碟子熱、點心暖。另外較可惜的是，酥皮較厚的底部還沒有起酥，入口會黏成一團，應該是焗的火喉還不夠。其實好幾次點這個點心都有同樣的情況，不過還是會點它，只因當逸東的叉燒酥偶爾火喉足、熱騰騰上枱的時候，芝麻烘烤過的香氣、酥皮的油潤和酥脆、加上調味恰好的洋蔥叉燒餡真是令人感動的美味，所以每次都想碰碰運氣。不過除了這份遺憾，叉燒腸粉的質素絕佳，餐廳的環境和服務都優質，在逸東飲茶還是很棒的體驗，只是下次要三思會不會再給叉燒酥一個機會了。

4個女仔去食中菜～ 完全係喜出望外！呢到出名食叉燒就梗係好味，無諗過其他餸都一樣高質！完全係surprise us!!!蜜汁叉燒，肥瘦剛剛好，蜜汁不會過咸或過甜，燒得唔太燶，係好食嘅！一碟有成12塊，真係要人多先抵食～老火燉湯，飲完成個人好舒服 。荷葉飯，超香，足料，食唔哂到要打包拎走 。脆皮豆腐，薄薄一層脆皮，裡面又滑口 。除左叉燒，我就推介呢個桶蠔煲，真係不得了！隻隻金蠔都好大隻，出面脆脆，咬落入面入哂味，好鮮甜！另外仲叫左2碟餸，都唔錯，整體來講，值得再黎！環境係嘈啲，朋友聚餐，人多黎呢到會比較適合 。

母親正日前後因事離港，4大長老改期到一星期前提早慶祝。其中2老就揀佐逸東軒，另外2老就中伏收場。真係冇比較冇傷害，價錢差唔多但即見高下。🙄坐既位置係舒服既，一邊係枕化位，另一邊係中式位，但因為當天落大雨，拎佐比較多野出來。中式位唔係好夠位擺野，侍應沒主動提供籃，不過我要求佐之後都主動搵多個位來放野，果下都有小小覺得佢地做得唔係幾好。但擺完袋之後佢地既處理方法令到我真係覺得呢間係可以再encore的。因為果個位比較近係上菜位，佢地見我放完野就搵塊布蓋住個袋，仲同上菜既同事提醒叫佢地上菜時小心點。之後佢地每次都會望下我果個位先上菜比我地或者隔離檯。當然佢地都處理得好乾淨，塊布到走都係白雪雪的。到講返野食，我覺得係好食的，普普通通既野食都處理得幾好，可惜係佢冇晒蟶子，轉叫蟹肉粉絲煲，個煲聞落好香，d蟹啖啖肉。最特別我覺係個片皮雞，同片皮鴨食法一樣，只係換佐雞肉。冇咁油，對於成日食片皮鴨來講，轉下口味都唔錯。2老成餐絕對食得開心，佢地特別對個XO醬讚唔停口。甜品個蛋白杏仁茶幾好，我一向低糖飲食，佢真係冇咩落糖好岩我，反而個芒果布甸我試佐啖就覺好鬼甜，但食開平常diet 既人就話係好好食的。

媽咪生日落order要食片皮鴨，細佬話加咗人工不如食逸東軒啦，始終8舊幾水隻鴨平時唔會成日食，呢啲日子食就啱晒。佢哋嘅片皮鴨係招牌菜，晚市我通常會訂枱時順便訂定，只可成隻嗌，冇得嗌半隻，一個價錢已經包咗2食。侍應會幫你片一碟淨皮同一碟連皮鴨肉，嗰碟淨皮脆而不膩，好好味。😋😋 我哋揀咗配鴨崧炒飯，因為媽咪係「飯桶」，必須有飯到肚。前菜嗌咗蜜餞脆鱔同避風塘九肚魚，2樣都好香脆；其他菜式則嗌咗炒龍蝦球，蝦仁蛋白豆腐同炒菜，細佬另外嗌咗一窩燉湯，佢哋會分好一盅盅上，飲完唔口渴，應該冇咩味精。一分錢一分貨完全體現咗喺呢一餐上，收得貴都係值嘅。可惜個米芝蓮set冇片皮鴨，唯有下次再試啦！

上月《香港澳門米芝蓮指南2024》名單出爐，當中不乏五星級酒店高價位餐廳，想經濟一啲品嚐榮獲米芝蓮殊榮嘅餐廳，逸東軒確實係不二之選。逸東軒位於逸東酒店B2，由地面行兩層較狹窄嘅樓梯，感覺隱蔽。餐廳裝橫古色古香，枱與枱之間非常闊落，同一般中菜廳狹窄擁擠嘅佈局大相逕庭，環境舒適愜意，好適合同親戚朋友茶聚。點心款式同普通茶樓大同小異，不過逸東軒嘅點心食材比較新派，菜名都冇咁刻板。今次我哋兩個人一共點咗5碟點心同甜品。第一碟點心係香麻叉燒酥。呢碟看似普通，但我哋兩人一致認為係五碟之中最好食。叉燒酥外皮酥脆可口，叉燒肉質鮮嫩多汁，蜜汁醬香味四溢，口感有嚼勁，係必點之選。平時食燒賣都係食魚肉燒賣多，今次就點咗籠帶子蒸燒賣。原粒帶子配燒賣冇違和感，帶子望落好有光澤，食落新鮮又爽口。之後仲點咗春風得意腸粉，出面層腸粉皮包住中間塊春卷皮再包住蝦肉，有層次口感。腸粉仲可以配搭甜醬同芝麻醬，如果蝦肉餡多啲豐富啲會更好。淡綠色嘅斑蘭流沙包外皮好柔軟，雖然斑蘭味唔算太出眾，但個個包都做到流心奶黃效果，流沙內餡亦算口感順滑，整體不過不失。最後以香芒糯米卷作結。芒果好鮮甜，芒果糖糯米嘅比例係9:1，食完唔會覺得滯。

逸東軒果然米芝蓮一星餐廳，以酒店平日中菜廳黎講算係多人飲。地方闊落，招呼好，食物方面就中規中矩啦😆我地叫左個二人餐加幾個點心。二人餐內每款食物都自選我地揀左👍🏻是日老火湯：今日係木瓜螺頭湯，好飲又足料👌🏻叉燒 ：唔差，但無想像中咁好，因為聽講話出名，叉燒都淋但唔算好好食👍🏻脆皮乳豬鮮蟹肉炒桂花：好食，乳豬皮好脆，肉又嫩，蟹肉味就唔算好出但啲蛋炒得好香👍🏻高湯竹笙浸唐生菜：好食，啲菜好脆嫩又唔會好鹹👌🏻瑤柱崧子蛋白炒飯：正常👌🏻香芒糯米卷：正常點心方面👍🏻蘿蔔絲酥：個皮做得好，熱辣辣好新鮮👎🏻叉燒包：個包皮偏立口但夠甜，餡料味道平平，唔啱我口味👍🏻芋角：咁多樣嘢之中最好食😋因為唔多地方食到，佢外皮同個餡都好好，芋頭好香👌🏻蝦餃：偏細粒，但蝦新鮮，個皮都ok總括來說質素都ok，但唔大驚喜，食物唔算好貴，環境好，坐得舒服，不過唔鐘意暗嘅人就唔啱，因為佢係地庫無風景睇，樓底亦唔高，勝在闊落唔迫。

上星期Happy Friday即刻去逸東軒食番個lunch🥸雖然平日但都幾多人～不過環境同service都幾舒服💆🏽‍♀️Overall係中上，唔會話好驚艷～lunch食就似係高級啲既茶樓咁而價錢其實又唔算好貴，一大班人去都幾岩～🍖𝙍𝙚𝙘𝙤𝙢𝙢𝙚𝙣𝙙𝙖𝙩𝙞𝙤𝙣𝙨蜜汁叉燒拼脆皮燒腩仔 $380啲叉燒真係幾嫩，啲肉肥瘦適中燒腩仔個皮係真．脆．皮🥰唔似出面個啲放左成日已經冧曬烤鴨二食｜生菜鴨崧 $780坦白講片皮個part就一般，因為啲肉有啲太多啲皮唔係好夠🥹但係加左個個鴨崧二食就真係好好食，好惹味，包住生菜食又少啲油膩感佢個麻辣撈雞絲（$58)都好食！辣度岩岩好，啲雞絲超．級．嫩！

第一次到訪因為朋友想試香港的點心，環境舒適空間闊落，地點是不錯的。點心方面大部份屬於中上但沒有特別出色的。服務員和點心姨姨大致上有禮客氣，唯獨一個戴眼鏡的部長態度傲慢，語氣不耐煩。因為網上訂座的時候見到點心有優惠，但是到訪後見到餐牌價錢不一，所以才詢問價錢是否根據餐牌，雖然該員工亦有解釋公眾假期除外，但感覺他極其不耐煩。他當下的回應是「你見到餐牌梗係跟餐牌啦」直到後來餐廳差不多要午休的時段，該戴眼鏡的員工再次前來詢問我們是否用餐完畢，因為他們要執拾東西等等，我已第一時間點頭及表示已經用餐完畢，但他仍喋喋不休和表現得十分不耐煩給予我和友人的感覺是他在發脾氣。直至到我實在忍無可忍回應你執得㗎啦，該員工方正常地表示謝意及收拾。雖然食物尚可，但是這等令人費解的服務態度實在不必再次光顧。

自從依幾個月先開始寫OpenRice食評之後，睇返原來先知自己食咁多好西，復活節假期第一日留港消費，選擇這間食肆，真係物超所值價錢是有佢道理嘅。啱啱有個屋企人坐輪椅但係都好方便，搭lift再落B2完全冇需要行樓梯…內裏空間感大，有細中大枱，舒服燈光少暗有格調，裝修靚裝古色古香，正👍⋯⋯今日星期六booked 10:30am 都爆場了。點心choice 咗十幾樣，冇乜邊個係唔好食，但可能個人喜好啦叉燒是有一點肥，有屋企人話好食而我覺得就肥了點.特別推介點心蛋散，燒鱔，燒賣，腐皮卷，同埋點心餐牌第三頁之各款甜品….五個人食咗先$1800左右，值得、好食、會再次幫襯….

Slice-skin Chicken                                          The Slice-skin Chicken at R-Yat Tung Heen is a true delight for the senses. Tender chicken slices are meticulously marinated and skillfully cooked to perfection, resulting in a dish that is bursting with flavor. Mala Cake                                         This fiery dish features a delectable combination of tender beef slices, vibrant vegetables, and aromatic spices, all enveloped in a rich and spicy mala sauce.  Crispy Quicksand

好一陣子沒來了，在逸東軒飲茶相對安靜而悠閒。坐好，開一壺熱騰騰香噴噴的菊普，呷一口茶，暖胃舒心。今次和朋友二人飲茶，還是點了逸東的幾樣招牌：例牌叉燒，香麻叉燒酥，蝦餃，芫荽蔥花帶子粒腸粉，再加一碟清清口的雲耳拍青瓜。這次的叉燒不但上枱時熱騰騰的，整條的部位也非常難得地靚。通常叫原條叉燒，一頭會是半肥瘦的「三粒肉」，另一頭則會相對偏瘦而乾柴（雖然逸東的叉燒就算是偏瘦的部位也不錯，但叉燒就是要夠肥美才甘香）；這次難得全條叉燒都是半肥瘦，肥美、鬆化而脂香四溢，外層的叉燒醬已烤得焦糖化，真是好吃到不得了。逸東的點心不時會有新款式，作為「膽」的燒賣、蝦餃等則不變；香麻叉燒酥也是「膽」之一，不過會換上稍微不同的名稱或配料，曾叫為「黃橋燒餅」、「叉燒燒餅」、「菠蘿叉燒酥」等，不過其實都是類似以叉燒餡為主軸的酥皮點心。這次落單時，特地拜託侍應「燒餅要熱些的」，事源之前試過幾次，在上枱時燒餅都只是微暖，可能是上一輪茶市已焗好，其香味和食味都大打折扣。這次燒餅上枱時，漲卜卜熱騰騰的，一咬開外皮，餡料滾燙冒煙。叉燒醬調味濃而不鹹，洋蔥的甜軟、外皮的酥香、芝麻的脆而香口，加上丁點兒辣豆瓣醬，真是惹味滿分。不過

係香港想食一間出名嘅中菜，逸東軒真係唔錯嘅推介👍🏻今年又再次拎米芝連一星，所以質素係有保證☺️因為同屋企人慶祝生日，所以就試呢間一直想試嘅餐廳🥰食完係覺得呢度嘅質素係值呢個價錢👍🏻下次可以試埋Lunch嘅點心😋.味道：🌕🌕🌕🌕🌕人均消費：$800.花膠鮮杏汁燉白肺湯 $188/位估唔到聞就好香，但飲落杏汁唔係好重☺️花膠煮到好淋同入晒味🤩白肺洗得好乾淨同埋好淋，入口非常潤喉，好啱呢啲季節飲👍🏻花菇黃耳竹笙菜膽湯 $178/位個湯好清甜但啲菇味好濃郁，係感受到用時間煲出嘅精華😍呢款全素湯真係估唔到都幾出味，冇任何肉做調味但飲落都好鮮甜☺️金沙脆豆腐 $118豆腐外脆內軟，超級好食🤩食落好酥脆而且豆味好香濃🥰咁簡單嘅食材都有驚喜，值得叫😍燒味雙拼 - 叉燒拼燒腩仔 $398逸東軒最出名莫過於係叉燒，每枱係必點👍🏻叉燒係肥瘦適中，食落叉燒醬唔會好濃值好夠味，而且係啖啖肉得嚟唔會濟🤩係香港真係算數一數二嘅叉燒🤤燒腩仔其實都好好食，肥瘦比較啱啱好同埋外皮好脆🥰芝士蟹肉焗釀蟹蓋 $198/位呢款中西fusion都唔錯，超多蟹肉😋而且唔會有好多蘑菇洋蔥果啲，係以蟹肉為重點👍🏻配埋芝士同蟹醋一齊食係唔錯😍脆