道頓堀御好燒專門店 (朗豪坊) (已結業)

今晚係我正日生日，一家四口去食燒烤，因為細仔好鍾意自己煮野食，感覺都唔錯，但老公就話覺得麻麻地，可能唔係太鍾意食章魚燒嘅食物關係，但我覺得賣相不錯，大仔重自己整芝士炒飯，整得好開心，但佢都話係雙手炒完飯都好攰🤣整體來說，感覺不錯，味道就唔算好好食，蝦🦐就唔新鮮，梅梅地...但今日正日生日重有點期待餐廳會有少少心思送上祝福，最後見到個雪糕都係雲呢拿雪糕一球，連朱古力醬寫少少字都冇...確實有點失落感！美中不足....餐廳可以加以改善一下依一點，客人會感覺窩心好多！

聖誕日lunch time來食，價錢同平日一樣。整體感覺係...最難忘嘅是所有食物都係自己整，有得玩有得食咁。特別推介一男一女來吃，可以不其然有多啲互動，又可以睇到對方細唔細心。先點了一杯柚子酒梳打，冇藥水味，都幾好飲，但飲唔倒有酒。第一道菜，好多芝士！自己抄自己撈整個圈形再加入醬汁成品！自己整貌相一般但好好食！熱騰騰的芝士好正第二道菜，御好燒...先將所有食材撈埋一齊A面燒5分鐘B面再燒五分鐘之後A面再燒5分鐘，加上調味料就完成啦，不過完全食唔出綠茶味。一開始會比舊粉團你，見到個樣就覺得滯哈哈難得自己整都可以整得咁靚。但厚燒pancake入邊好實，好滯，如果有得+1球雪糕會更好~餐廳好好，會準備工具、計時器、鏟等等比客人。所以整體來說係幾值得試的，同埋食材預先撈好晒，其實我覺得客人點整都一定好食。

21314！好耐以前就好嚮往好似D日本師傅，拎住個鐵剷左鏟右鏟，今次我終於都成為大阪燒達人了依間野開左一段時候喇，佢地有好多款 ，視乎唔同御好燒類型同材料，價錢都唔同 ($78~128)。我地叫左兩份御好燒，再加多份小食同野飲。店員會教你燒熱個爐，比材料同timer你，之後就自己落場整。(朋友笑稱依度店員非常好撈😂)每份材料都好企理地用碗裝住，撈幾撈、倒上鐵板、等一陣就食得，非常方便！我依份 道頓堀雜錦($98) 有齊豬肉、海鮮、雞蛋同Tenkasu，份量其實唔會好大，一人份黎。道頓堀雜錦（其實亦即係大阪燒）製作方法係將材料再倒落去煎，中途要反面，然後再淋大阪燒醬同蛋黃醬。就係正常地好食既味，好食過連鎖間「秀吉」 四成左右啦。因為keep住係鐵板上煎，包保可以熱辣辣咁食，醬料又可以自己調配。話說香港有好多人唔識分「大阪燒」同「廣島燒」，雖然兩者好似差唔多味，但廣島燒既製作方法係比較複雜。首先後者係要加埋「廣島炒麵」整；其次係麵糊同料要分開炒，再層層疊高成餅型。而唔係好似前者一開始就攬勻曬pat糊。叫左平日較少見既 明太子年糕文字燒($78)，估唔到比起大阪燒我更鐘意佢！食文字燒就係食一

一直都想食今次終於拉到人陪我食叫左個二人餐 都包幾多野食$398特飲+ $10有御好燒 廣島燒沙律 小食* 2燒牛油帶子同 牛肋肉 好食！ 唔un同兩杯飲品廣島燒比較易整 低level d但又好食過御好燒 （炒麵） 睇住step （youtube) 之後就整啦廣島燒好易反～ 幾有成功感御好燒整到唔係好靚其實兩款一樣味 有小小咸添建議叫一款就夠～ 唔洗試哂兩個 叫廣島燒 好d特飲好飲！ 燒酙好好味橙汁要自己整 整完再加落杯酒度幾搞笑不過總結： 試完一次唔洗試第2次第一次有新鮮感 玩下就夠 太咸 同埋隻隻都一樣味

這間鐵板燒想食好耐，每次經過都好多人排隊等位，今次收工去，比較夜，所以唔洗等就有位🤣事關之前食鐵板燒都係有人燒埋，但今次呢間係可以自己親手燒，仲可以自製我最愛的大阪燒，所以特別有興趣，結果當然冇令我失望啦，又好玩又好食。點了幾個牛，有和牛，牛肋肉，牛花腩，全都很好食不過用餐時間只有90分鐘，而且人地又就快收工，食得有d急，下次一定要早少少再來

向來都幾鍾意食大阪燒/廣島燒，聽聞呢間有得自己親手製作，終於約咗朋友去試店員提我哋最低消費(加一後)每人$100，睇返餐牌上嘅定價其實唔難湊數。落完單望一望枱上嘅教學咭，開始懷疑我哋跟唔跟到啲步驟...睇唔明圖片可以掃一掃QR code睇教學短片，我哋已經驗證咗，最好將啲步驟由頭睇一次先開始整，否則邊睇邊做係會跟唔切嘅道頓崛蒜香炒飯$68 - 餐牌上飯嘅選擇寥寥可數，當日想食飯就揀咗佢。見到堆食材嗰時有啲不知所措，因為教學咭係冇提及過炒飯嘅。最後我哋用僅有嘅知識將所有野煮熟再撈埋，大概係: 先落牛油起鑊，然後落蒜頭、再落飯同其他配料，一路keep住炒；豬肉片分開煎，見少少痴底就攞旁邊枝油逐少逐少加落去食材熟得七七八八就將所有野撈埋...總之唔好燶+熟曬就唔會難食得去邊，因為秘訣已經喺預先配好嘅食材同醬料度薄切豬肉片嘅肉、脂肪同豬皮比例啱啱好，煎過嘅豬肉片逼出油脂，落喺飯上面，加埋本身起鑊嘅牛油，令炒飯充滿油香，燒汁、蒜蓉同胡椒發揮佢哋原有嘅香味，估唔到咁簡單嘅配搭都做到呢種味道雜錦廣島燒$118 – 跟住教學就會做到(至少望落)似樣嘅製成品配搭嘅豬肉比剛剛炒飯嗰啲瘦。海鮮主要有蝦、八爪

有得自己整大阪燒係一個幾唔錯既gimmick, 首先呢到食材唔算好靚,但價錢都屬於平價.至在有得自己整來玩.佢既所有野食都係自己整既,而我地叫左4-5樣野食,都食得幾飽下架. 大阪燒我地揀左泡菜豬肉,係好味既!不過肉少.另外有各種野食,唯一真係覺得好差既係個炒飯,因為炒到一舊舊(飯濕)所以唔推薦食佢個飯.如果expect食好野就唔好來呢到啦~不過如果想玩下拍下拖就真係唔錯既選擇!牛肋肉係最好味既，都建議大家可以叫下唔同既燒肉，會無咁dry

Happy Friday就係應該食好D!再加上『每 4 人享用午市套餐 1 人免費』所以就試下朗豪坊呢間啦~我們一行6個人嗌左1個御好燒、1個文字燒、1 個炒牛舌、1個炒牛肋條, 共4個餐; 驚唔夠食就再加小食, 包括:1個炒魷魚泡菜、1個凱撒沙律、2個炒雜菜一個set有前菜沙律有茶, 我覺得個沙律幾好食,沙律醬唔多(好怕好酸的沙律醬,好肥)最快黎到既係炒魷魚泡菜+凱撒沙律+2碟炒雜菜不愧係泡菜,如果連埋魷魚炒的話,魷魚都好辣...就咁煎唔炒泡菜都好食,爽口~有同事曾經食過御好燒,所以整得好靚~不過就算未食過,望住提供的教學紙都易整的~但文字燒就真係搞佢唔惦啦...因為整左御好燒先,所以我地覺得文字燒都應該又係撈晒佢倒落去爐就搞惦...點知一倒就成攤水...要搵侍應求救...原本麵糊要分3次倒...所以一定要睇教學..文字燒整得實在唔靚仔...就冇影到我們6個人食~最後埋單都係500幾,都唔駛$100/1,我覺得好抵!而且過程中可以打打鬧鬧咁幾開心~

之前生日嘅時候同朋友黎食晚餐慶祝 我地星期六大約六點去到 唔使等位就有得入去我哋三個人叫咗個二人餐 有兩個大阪燒 一個沙律 幾件五花腩 兩個甜品就咁望落去好似唔係好多 但係一路整一路食其實都幾飽環境方面裝修都幾靚 略嫌佢個抽風系統唔係幾好 食完成身油煙味不過平均每人百幾蚊 約埋朋友一齊玩下幾扺玩

其實佢新開果時就好想食嫁啦😐但果時真係人龍太長啦 完全係餓死都未食到飯既感覺 所以三番兩次都放棄左佢 終於等到佢地越開越多店 冇咁多人流啦😼可以試下玩下啦道頓掘豪華御好燒 108HKD有卡片教學😂但其實你無論整得幾樣衰 只要淋上足夠多既醬汁 就會獲得拯救 外觀就會得到了昇華 然而味道都係一樣道理😼不過動手既過程其實好過癮 係你要等timing翻弄佢煩左小小🤓岩哂一班朋友來玩住食咖哩豚肉烏冬 88HKD呢個冇技術可言既野 亂咁炒都係可以食到既😬就略嫌佢醬汁唔夠多 但係可能因為我地落炒左油 用左豚肉煎出來既油去炒 烏冬好香既豚肉味 不過其實都係遜色既🤭因爲咖哩味唔夠重芝士薯仔麻糬 38HKD呢個真係超驚喜(但都超貴!) 佢外樣係糯米糍既口感 用牛油煎過既香口😳 裡面既芝士似係北海道奶一樣 勁濃郁 又糯又流超出色 但清醒後發現佢一粒19蚊 好吃係應份既🤦🏼‍♀️食完之後好想淘個鐵板返屋企自己買材料整 覺得可以整出一樣味😹只要我醬買得好 落得夠多 就一定正

如果又想玩，即係自己親手整，又想有得當正餐咁食，我諗我今次介紹嘅餐廳應該會好啱你地佢係係位置朗豪坊高層嘅道頓堀御好燒啦。可能我係係晚上去食，加上舖面坐位都唔算多，我同朋友一行4人去等位都要等大約1個鐘，但好彩我地本身係可以係附近行陣街，都唔算好難過。🤣話得叫自己整，店舖都有晒說明比大家，但我估如果真係搞唔掂，店員都應該會岀手幫你嘅。雖然我就整得無照咁靚，但起碼都見得下人，又唔會食壞肚，算係咁啦。依類餐廳就建議一家大細一齊黎食，小朋友又覺得有趣，大人又覺得新鮮好玩。

前排黎過一次 但係因為太多人 食唔到😥可能個次我地5個人要排比較耐 等左半個鐘都冇郁過既情況下 我地果斷放棄..過左幾日我同朋友兩個人黎食 終於食到！叫完大板燒之後職員會上材料 之後啲步驟都係靠自己整 但因為張枱有步驟卡同埋計時⌛️所以要fail都有啲難道😂但外貌整得靚唔靚就根據自己既能力啦個人認為呢餐可以玩又可以食黎講 呢個價錢都唔算貴 性價比OK👍🏻最可惜既係 未必次次咁有心機同埋時間排隊 但如果有機會都想試多次

等左好似2年 出左名要晨早拎飛既人龍店今次終於食到御好燒喇！因為每次都拎完籌等到last order都未叫到你個籌！本來就唔係食呢間既 點知行街行到果間就last order左 去左呢間last call最後衝入去食！海鮮5品御好燒$98尾工關係冇咩staff serve個鐵板原來唔係好熱 等了又等都未熟 甜品叫左個軟芝士厚燒班戟 $58🧀🥞好好食😋唔係好明顯既芝士味 但新鮮熱辣出爐好似食緊即整好既雞蛋仔咁😍食得又玩得！最緊要你餓得😂

之前已經食過一次，頗Fail，今次再挑戰！7點度去到，連飛都無得禁，d人亂咁企晒響度，等咗陣，先有店員開番著部嘢，等咗3個字度，有得入，可以食個半鐘，未計加一，最低消費每人一百！加拿大豬腩肉御好燒: 整完岀黎，食落其實同食小丸子好似，都係類似材料，類似醬汁，但自己一手一腳整果個過程係好玩嘅！今次整得幾成功😎！肉炒麵：呢個好簡單易整，配埋d醬，幾好味！以日式炒麵黎講，呢個價錢少貴，但又係勝在有得玩吓個整嘢食過程！總括黎講，娛樂性大過食用性，大家應該都係enjoy 個過程多過真係食，可以一試！

今日同朋友去朗豪坊行街行到攰，又到晚上時間，就準備去食晚飯。同行朋友中有一位係蛋黃哥的頭號fans。於是我哋就為咗去左佢，去左間有蛋黃哥主題嘅餐聽。晚上時間，好多人排隊，拎左飛仔都等左成30分鐘先入得去。真係等到好肚餓！我地叫左幾樣野，有大板燒，抄麵，抄飯甘。所有野都可以自己親手做，自己整完就自己食翻。放心，menu上有教學的，好簡單！依個就係我地既成品，登，登，登！但其實一啲技巧都冇，依個只係將個貼紙貼上左就完左。黎依到都只係為左打卡，因為份量細之外，價錢又貴，又等得耐，所以試完就算。