遙

营业中

休息中

今日收早去左土瓜灣睇傢私，行到見7:00就開始搵野食，路經依間日本野都幾抵食，本來打算食少少野就算，都估吾到佢又幾好質素。不嬲去食日本菜我情有獨鍾海膽，而一份好的海膽，細看每一瓣海膽，應該是看到顆粒分明的紋理。這盤馬糞海膽，色澤尚算金黃色，吃下去有帶鹹鮮味及甘甜味在口腔久久不散。-燒河豚乾🐡 烘干了的魚乾，魚香味重，配上啤酒小酌一杯就最適合不過😉-雞軟骨餃子🥟我以為聽到雞軟骨餃子這個名字就覺得很奇怪，但自從我朋友之前叫我試吃一次之後，我就深深愛上了😍食落咯咯聲好特別，比起傳統嘅餃子再多一重口感。煎得幾香口，外脆內又脆。-芥辣八爪魚🐙本來期望有脆口的芥末在內，可惜只有芥辣配八爪魚🐙但幾爽口同彈牙-

香芒蟹籽沙律 ＄52呢個沙律分量充足，最正係芒果真係好甜另外沙律醬又唔會落得好多，有時真係好怕沙律醬過量，影響哂成個沙律。青瓜絲同蟹柳絲粗度岩岩好，當做前菜小朋友都鍾意食牛油果軟殻蟹卷 ＄82一開始睇到呢個價錢都覺得有D貴，又唔知有幾多件。但一上枱原來有6件仲要好足夠，牛油果份量都幾多而且牛油果熟既程度岩岩好，唔會太生或者過熟，軟殻蟹炸完又唔會有一陣油味，味道唔錯（壽司）海膽＄48／三文魚 $22／ 甜蝦＄24 壽司用料好新鮮仲要切得都幾大片，好似件三文魚好似2合為1咁，都幾抵食甜蝦同海膽都真係新鮮，食落物有所值（串燒）鰻魚 ＄56／ 牛舌 ＄56／ 明太子雞翼 ＄34串燒即叫即燒，以上價錢係小妹叫了2人份量，價錢黎講又唔算貴。鰻魚食落好厚又夠Juicy。最正係個鰻魚皮，好有膠質好似D骨膠原走哂出黎咁。牛舌有2嚿比較韌但牛肉味重同埋好厚切，若果調味料落重少少會更好味明太子雞翼應該岩哂小朋友食，啖啖肉又有微量既微量既辣，幾過癮牛肉拉麵 ＄78牛肉拉麵既牛肉唔係坊間既肥牛，呢到既牛肉就好似食越南生牛肉湯河，一樣咁滑一樣咁有牛肉味，滷蛋又滷得幾入味，配料又夠多，拉麵評分唔錯總括，小妹覺得呢類

今晚，和老公去咗"遙", 我經openrice 訂座，試試土瓜灣嘅日本菜。Sorry ! 唔記得影相。我們叫咗一客三文魚刺身，肥美厚切。明太子雞翼，味道好味 ! 👍但略為細隻咗小小，如果大隻返，就值回票價!!牛油果軟殼蟹卷(一客6件), 新鲜美味! 軟殼蟹剛炸好，上枱還是超熱。另外，再加一碗叉燒拉麵，份量可以大碗一點就好啦😅!兩公婆share食，就完結今晚晚餐了。整體二佰幾元埋單，尚算合理。都會去 encore! 😉🤭

同朋友係土瓜灣行行下迷路了😂機緣巧合下黎咗呢間日式小店醫肚！餐廳佈置好有日式情調，古色古香，座位寬敞闊落坐得舒服！燒河豚干外皮燒至金黃色的，入口脆口，味道甜甜的，好適合做餐前小食~凍蕃茄擺款係原隻番茄上，相當精緻😍凍蕃茄配搭日式麻醬，食落清新開胃！ 番茄仲甜甜的唔會酸~炸芝士年糕香脆的外皮一咬開 係熱騰騰又流心嘅芝士， 口感"芝"味豐富 ，一人一粒真係唔係好夠喉🙈明太子雞翼雞翼去骨後釀入明太子，雞翼外型脹卜卜， 可見裏面明太子之多！雞皮燒到脆卜卜，一口咬落去，就係滿滿嘅明太子，多汁香口滑嫩。牛油果軟殼蟹卷份量足！牛油果夠哂熟，食落好清新！而且軟殼蟹炸得啱啱好，仲夠哂香口又唔油膩👍🏻火炙三文魚腩壽司魚腩表面燒至微微焦香，油脂滲晒入黎！食落超香口， 一啖食落去， 餘香久久不散🥰 鵝肝帶子炒飯開頭以為只係會得鵝肝碎， 但一上菜見到大大塊嘅鵝肝 放喺飯嘅面頭😍帶子嘅份量都好多， 每啖都伴隨爽滑彈牙嘅口感👍🏻

好難得今日同朋友仔收工約到時間去食飯😎係佢公司附近隨便揀左間日本野試下見佢地二人餐都好吸引下價錢又唔貴好扺食啊蟹籽沙律🥗 好鍾意食佢而個醬加埋d蟹柳同蟹籽，夾得黎又岩岩好刺身 三款我都好鍾意食三文魚係厚切架 好鮮甜肥美 蝦都好正 食完真係想再嗌多幾件啊魷魚筒🦑店家好豪氣， 真係原條上枱大大份 而且keep 到水準 真係要俾個ike 蒜片牛柳粒必食啊牛柳好淋身~~加埋d蒜片好香口勁match ！！明天子雞翼， 而個set 餐無包既！ 地另外嗌架啖啖肉有微微辣而芝士薯波好食到朋友仔一個人搶哂啦嘻嘻嘻！海鮮炒飯 都好足料下有大大粒蝦，帶子完全係大滿足 yummy 仲有加錢轉左紅棗茶同柚子茶！不得不提店員態度好好 有禮貌又nice

今日突然好口痕想食壽司，所以就同男朋友去咗屋企附近呢間裝修幾有日本風格既日本餐廳😅土瓜灣始終唔係咩旺區， 加上係星期一 ，去到都唔使等位😀我哋叫咗一個海膽炒飯，牛油果軟殼蟹反卷，炙燒三文魚壽司，炙燒帶子壽司，芥辣八爪魚壽司，比目魚西京燒，燒茄子，燒牛舌同埋燒豚肉露筍卷， 壽司係一客兩件，個店員落單好快好準確😯😯👏👏比目魚西京燒店員一放低就聞到好香，食落去勁滑，一份都有兩大塊，抵食👍😁炙燒帶子壽司嘅帶子都幾大舊， 唔會好似生帶子太淋，又唔會好似熟帶子太韌咬唔斷，剛剛好， 口感幾特別😂牛油果軟殼蟹飯卷嘅軟殼蟹係啱啱炸起，好脆！ 牛油果係已經熟嘅牛油果，好香，兩者配搭埋一齊冇咁膩， 呢樣基本上係我食壽司必點！😋燒茄子係搭配咗少少木魚碎，原來都幾夾😮燒豚肉露筍係豚肉薄薄一片包住裏面大約有三四嚿既露荀，幾清新😎而個炒飯粒粒分明，海膽幾香口，仲有啲帶子粒有趙口，味道剛好，唔錯👏會繼續支持呢種用心經營既小店😁😁

今日同朋友慶祝生日，佢最中意食日本野，所以搵到呢間喺土瓜灣嘅居酒居屋。原來呢間居酒屋之前喺佐敦搬左過黎，難怪新開都咁多人~Book左星期五嘅7點，入到黎已經坐滿人，人氣幾高~店內極具日式風味，氣氛好溫馨。餐牌選擇好多，花多眼亂呀～樣樣都好吸引，一次過就點多好多野食! 帶子壽司好大粒好飽滿，咬落非常鮮甜。壽司飯同醋嘅比例啱啱好~海膽壽司份量多，每粒都好甜，好新鮮，一啲腥味都冇。黑松露花之戀上嘅黑松露有濃縮香味，估唔同壽司咁夾~特別推介串燒，我地叫左燒牛舌，鰻魚，煙肉蠔卷。牛舌厚厚一片，燒得好香。咬落爽口彈牙，牛味好香!煙肉蠔燒超級好食! 煙肉唔太咸，蠔肉好大隻，咬落好juicy, 呢個配搭喺極品! 三文魚鰭煎得熟度啱啱好，魚鰭肥美，加少少檸檬汁一齊食好正~如果大家中意食卷物嘅話，推介呢個牛油果軟殼蟹卷! 廚師手工非常好，一片片牛油果精心鋪喺面，軟殼蟹炸得夠脆。通常卷物都好大舊飯因為難整，但佢嘅飯量喺啱啱好，食落真係好足料! 燒海豚干喺一個好香口好啱送酒小食。明太子雞翼脹卜卜，皮炸我好脆，入面有滿滿明太子，咬落啖啖肉。遙真係一間好出色嘅居屋酒，每道菜都做得好細緻，令我全部都好想推介比大家~

到土瓜灣探朋友路經此店被吸引住，店外設計有點像日本居酒屋入到感覺又有d唔同，雖然鋪仔細細，但感覺好寬敞，同朋友慢慢坐也很舒適自在睇左一輪餐牌，我哋決定唔諗太多，order‘精選二人定食套餐‘ 最先到的是特上刺身拼盤，每款各有兩片，分別是三文魚，油甘魚，北寄貝同甜蝦，刺身非常鮮甜，尤其係三文魚，很有魚味，甜蝦亦比一般的大，油甘魚鮮，北寄貝爽，總括，刺身超新鮮食完刺身，前菜-牛油果大蝦沙律剛好到，牛油果同大蝦都沾滿了沙律醬，我估沙律醬應該加左小量牛油果提味， 大蝦爽甜，牛油果香而不膩，而且下面的沙律菜加左柚子醋，整道菜配合得天衣無縫，而且令人更想食，更醒胃之後上的小食-吉列廣島蠔，熱辣辣，脆卜卜，最正係未點汁已經超好食，做到外脆內軟，蠔仍然好juicy，之後我哋試埋點汁食，層次更昇華，個醬似濃濃的，但實則是甜甜酸酸的，所以能去掉了油膩感這道香草燒羊架亦大讚，廚師煮到剛好熟，外層有點脆身，內𥚃是粉紅色的最正係廚師上菜前已切成小粒，一啖一粒整個套餐最後鮮菌野菜烏冬，初時我哋以為一碗自己分，想不到竟然有一人一碗菜比烏冬更多，愛吃菜的人一定很喜歡友人係鰻魚控，亦係飯痴，固此後加了一個鰻魚炒飯，上

專程收工去土瓜灣，平日忙到上氣唔接下氣，緊係捉緊時間搵朋友chill一chill啦🍻呢間餐廳係朋友寵物店附近，咁夜附近都冇邊幾間餐廳選擇，日式居酒屋就正正合我地意啦餐廳用左好多貓貓嘅野去裝飾，每個角落都有貓貓出現。店主應該同我一樣係愛貓之人cute係我忙住影相嘅同時朋友已經係咁追我叫野食，佢話餓到肚仔都扁哂喎話明要chill緊係要食豪d啦，又點少得啤酒呢原隻龍蝦天婦羅🍤配黑松露芝士醬 $328 - 龍蝦做天婦羅好少見，平時食龍蝦都只係食到蝦身嘅肉，其他位置多數都唔識食嘅。今次店員冇講大話，係全隻起肉起膏去做天婦羅，完全冇浪費到任何一個位。松露芝士醬係熱上嘅，多數會好快「鯨」，所以上菜又餓底嘅我地即刻狂風掃落葉極速清哂燒牛舌 $58 - 牛舌厚度唔算太厚，但勝在又軟又冧。平時唔厚嘅牛舌好易變柴皮，呢個冇咁嘅情況。但如果燒得香口少少就更好喇鵝肝帶子炒飯 - 見到即時心心眼睛鵝肝好大塊啊，油份好足好肥美。帶子係小元貝，份量一d都唔孤寒。飯亦炒得乾身，味道偏清，正正因為咁先唔會搶左鵝肝嘅香味。 燒油甘魚頭＋鮫 - 又一居酒屋最愛，油甘魚遠遠比起三文魚香口肥美，用黎配啤酒一流。埋單人頭約$260

今晚同老媽子食飯，佢喺何文田放工，我就約佢去左土瓜灣食。行行下見到有呢間日本野，之前都唔太覺，可能係最近開。呢間「遙」喺落山道口， 對面已經整好個地鐵站口，遲啲開埋地鐵🚇應該更旺。入到去餐廳🍴唔算好大，但好四正，枱與枱之間都幾闊落。由於我地6點零已到，所以嗰陣未係好多人。食食下餐廳就好滿了，同埋都見到一路有網上外賣平台既人黎攞貨🤣睇咗Menu，睇埋食評以為佢主打串燒，其實都仲有好多款式食物😚👍🏼老媽子諗都唔諗就先叫左個三文魚刺身，我都唔輸蝕，揀咗個推介既大拖羅🤪另外再揀多兩款串燒🍢🍡、一客軟殼蟹🦀卷物、同埋一客野菜烏冬🍜。兩個人些牙剛剛好😋先黎左三文魚同大拖羅刺身、三文魚筋肉比較剛好，拖羅真係好甘香😍😍👍🏼而且油脂比例真係好夠，雖然唔平，但貴得有道理🤤同埋佢厚切所以一啖入口真心大滿足！👏🏼老媽子鍾意牛舌👅、所以叫左呢個串燒，一串有兩大大塊燒到好香但仲好多汁，牛香但又唔太騷，加兩滴檸檬🍋汁好提味！另外叫左店員介紹既黑豚露筍卷都好好食筍夠脆而黑豚夠香，卷起來燒好夾😋牛油果軟殻蟹卷 - 牛油果🥑夠香、新鮮卷起個紫菜仲好脆、唯一有點不足係蟹🦀份量少左啲啲，不過一客6件又好大份，算佢啦😂見冇叫菜

今晚係同男朋友相識三週年紀念既日子, 仲記得第一次約會既地點就係去遙食晚飯，男朋友提議不如再去一次緬懷過去。雖然佐敦既'遙' 已經搬左去做土瓜灣既'遙' ，但係人情味，風味，食物既味都依舊無變，依舊出色。雖然遙搬左去土瓜灣，遠處看起來餐廳好似唔係太起眼，但係甚有日本隱世小店既風味。喺日本，搵高評價既餐廳享用晚餐，甚至只係一碗拉麵，往往都要攀山涉水去慕名一試。但只要覓得美食，都係值得。遙亦如是，有實力，瑟縮一角都有人欣賞。鎢絲燈膽既影照下，特別令人有舒適溫暖既感覺，餐廳既佈置都好別致，非常有日本居酒屋既感覺。由於係週年紀念，今晚食左一餐好豐富既晚飯。首先一定要強烈推介香草燒羊扒，羊扒燒得啱啱好，陣陣香濃羊羶味噗鼻，羊扒肉質鮮嫩柔軟，最貼心既係廚師切好一舊舊黎燒，令全塊羊扒都燒得好均勻，非常滋味，加埋提供既芥末籽醬食令味道更上一層樓。跟住推介係牛油果軟殼蟹卷，作為牛油果控既我一向非常喜歡牛油果配撘軟殼蟹做既壽司，因為健康又香口好味，餐廳亦做得好出色，牛油果好生鮮，軟硬適中，軟殼蟹都係即炸，加埋少少蟹籽食到停唔到口。至於壽司叫左4款, 分別係三文魚腩，帶子，油甘魚同活赤貝，無論三文魚腩，帶子

今晚去左土瓜灣搵個舊朋友聚舊，佢話呢頭有間日本野好正，話要帶我去試下，今晚又有口福喇～去到坐底，梗係開支SAKE摸下杯底，叫D刺身食下先啦。老闆娘推介我地開支白雪，叫左個壽司拼盤，三文魚腩，牡丹蝦同赤貝刺身。刺身真係好新鮮，一啖刺身一啖SAKE真係好CHILL～SAKE微甜同濃香米味配刺身真係一流。老闆娘好好人仲俾左支TRUFFLE粉我地配壽司食，真係令到個味再鮮左好多。講到佐酒小食點小得我最愛既雞泡魚乾。牡丹蝦頭唔好浪費，整個面鼓湯飲下暖下個胃再到下半場。下半場就係食爐端燒，牛舌好厚大蔥都好夠味。必點既一定係鵝肝多士！燒出黎唔會好油好滯，係燒得好有水準。最後食埋麻薯做甜品，呢餐真係好滿足。

等完大女練波肚餓到爆，揸車出咗土瓜灣，去到美善同道見到有錶位泊車，跟住就搵嘢食，行行吓發現有間日本嘢，諗都唔諗第一時間就入去，坐低打開餐牌好多嘢都想食，今晚叫咗馬糞海膽、三文魚腩刺身、油甘魚腩刺身、帶子刺身、燒河豚乾、炸雞軟骨、比目魚西京燒、蒜茸牛油帶子皇、鵝肝帶子炒飯、燒牛舌。個馬糞海膽好鮮味，賣相又一流，三文魚腩夠晒肥美，夠晒油又新鮮，油甘魚腩係我嘅至愛，厚厚嘅刺身，新鮮得嚟又甜美，帶子就一片片夾住檸檬片，夾雜咗檸檬汁味又幾特別，燒河豚乾大女話超好味，乾身得嚟又唔會太硬，炸雞軟骨就夠爽口，唔會太多粉，直得一試，比目魚西京燒夠晒大條，燒出嚟有種甜味，肉質又夠滑，蒜茸牛油帶子皇火候啱啱好，啱啱熟又唔會過籠，因為最驚煮過籠會好韌，鵝肝帶子炒飯足料，鵝肝煎得好香，又有好多帶子粒，咁足料嘅炒飯真係好少見，燒牛舌好有肉汁，咬落煙韌得嚟唔太硬，好好味。店內裝修走日本風，座位坐得舒適，老闆娘好友善，同我哋傾偈好有親切感，會聽吓客人意見。3個大人1個小朋友食九百幾蚊非常抵食，食物又有質素，價錢又唔貴，必定翻食。店外裝修店內裝修馬糞海膽燒河豚乾炸雞軟骨油甘魚腩刺身、三文魚腩刺身、帶子刺身蒜茸牛油帶子皇

成日都係土瓜灣打波， 呢區嘅食店我都留低咗唔少腳毛， 今日泊咗架車喺靠背壟道， 穿出呢去紅蘋果街市嘅時候， 發現咗呢間掛滿紅燈籠嘅小店， 完埸就约埋波友係度作賽後檢討。鋪頭門外貼滿好多明星相店內有卡位同大枱任君選擇， 座位寬敞先黎一板海膽， 欣賞佢材料新鮮， 而且擺碟賣相一流， 見到廚師用心燒河豚乾， 熱辣辣，烤到剛剛好， 一班人佐酒吹水， 爭下爭下，好快ko一碟。三文魚腩、油甘魚腩、帶子刺身， 比我想像中大件厚身， 全部都好新鮮， 好肥美， 好滿足。比目魚西京燒， 又係非常之大條， 成隻手板咁長， 肉質嫩滑， 而且個燒汁甜甜地， 好好味。大大粒嘅帶子王, 用咗蒜蓉牛油炒, 果然好大粒，食落暖笠笠， 冇煮到overcooked， 而且食落去質感真係啱啱好，高手果然係高手。第一次食雞軟骨餃子， 外面煎到脆卜卜， 入面就係啲軟骨，口感好特別。小朋友最爱嘅手卷，d料多到瀉。鵝肝帶子炒飯， 真係估唔到佢塊鵝肝原塊上，仲要多帶子， 食到咁豪先$108,抵抵抵。同老闆娘傾計 ，先知佢開咗五個月， 佢都會同客人傾計 ，問下客人食物質素係點， 證明佢哋顧客至上。經過四人一致裁定， 呢間餐廳下次一定要再

土瓜灣原來真係好多美食！約朋友拎返啲嘢順便係附近食日本嘢，估唔到有驚喜😛下次想去埋佐敦試，一定會encore！🔎火焰珍寶牛柳串 $102原來佢並唔係得個名，真係有專人嚟點火。之後仲會幫你逐粒拆開，服務好好。個牛柳超好味，一D都唔韌，仲好惹味。同埋佢嘅紅椒、青椒、黃椒都一樣燒得咁入味！🔎三文魚腩 $88平日我唔太鍾意食腩，但朋友話想試，我食一件都無妨。但最後食咗4件！原因好厚身好肥美，勁鮮，同埋我覺得都幾抵食呢個價錢。絕對會返嚟encore。🔎三文魚燒飯團 $35掛住影相仲諗佢可能凍哂，點知食個時仲暖嫁。三文魚份量都唔少，每啖都食到。飯粒好似唔係珍珠米，可能用珍珠米更好。🔎燒明太子雞翼 $34其實我本身勁唔鍾意食明太子，係日本見到嘅時候覺得好腥。但今次發現原來整落雞翼口感唔錯，有驚喜。🔎蒜蓉牛油帶子皇 $92蒜蓉牛油加帶子好似永遠都係完美嘅組合。唔算話太大驚喜，可能到我食個時都凍咗。蒜蓉+牛油真係好香，如果心郁郁想食，都可以叫。🔎鹽燒鯖魚 $60鯖魚外皮燒得幾脆口，但係肉質唔算好嫩滑，整體都唔差，同朋友成條都食哂。🍽8/10🔎 遙土瓜灣落