郭仔記粥麵專家

营业中

休息中

小妹一向都好鍾意食車仔麵，大埔食車仔麵嘅地方唔多，其中郭仔記已經喺大埔屹立多年，喺大埔街市附近，非常就腳。呢到除咗有車仔麵食之外，亦都有其他嘢食，例如炒公仔麵，炒飯，或者燒賣，碗仔翅，腸粉等等。車仔麵兩個餸起，每款價錢由$8至$13不等。湯底可以選擇清湯，牛腩汁，秘製辣汁，咖喱汁，或者沙嗲汁。每枱都設有辣菜脯，味道辣辣地，放落車仔麵到惹味又開胃。今日點左個兩餸麵，雞翼同牛筋腩，加沙嗲汁。牛筋煮得非常軟淋入味，雞翼帶有陣陣滷水嘅香味。好鍾意食呢度嘅沙嗲汁，甜甜地，唔會太辣，好香好好食。另外，朋友今日初一要食齋，點左白蘿蔔同埋豆卜，叫咗自家製辣醬。白蘿蔔好淋好入味，而且又滑又冇渣，而豆卜吸湯底一流。自家製辣醬比較偏辣，麻麻辣辣嘅味道。紅薯粉質感軟綿綿，唔會太煙韌，最怕食到一啲煙韌到好難咬開呢度嘅湯底同野食味道都唔錯，食物唔會多味精，食完都唔會口渴。

今日同朋友去了大埔區，聽講大埔區有好多平民餐廳，質素高之餘，價錢合理，而朋友就介紹左呢一間車仔麵，相當唔錯。其中一碗車仔麵的材料有白蘿蔔、豬紅、紫菜、牛筋，加腩汁白蘿蔔做得好好味，炆得夠”淋”, 吸收了腩汁的精華。紫菜分量亦非常多，含豐富嘅碘質，對身體好好另外牛筋質素亦高，牛筋比牛腩的卡路里低很多，係健康之選。另一碗車仔麵的材料有白蘿蔔、生菜、貢丸、紫菜因為冇加腩汁，所以湯底係清湯，但非常香濃鮮甜，忍唔住飲咗幾啖。同樣地，材料份量都算多，一碗只係大約$50 ，就可以食得飽飽。最後，我哋叫咗兩杯飲品，熱檸水同埋凍檸茶，不錯

🍴雙拼粥品 32 蚊佢呢款粥都算大碗 係湯水偏多 粥米大粒 d嗰一類 所以食落幾有口感 我幾欣賞佢粥上枱唔係超熱 應該係一碗暖左既粥再加滾粥 甘樣食落方便 d 👍🏻粥帶有少少葱花同瑤柱 十分夠味 魚片 厚身而且落足料 🐟食嗰時小心有 d幼骨 而皮蛋都用左醃得夠香既皮蛋 加埋少少濃度適中既豬肉碎粒 🐷 加 d胡椒粉 或者食得辣既朋友加 d辣菜莆(真係幾辣下😂) 夠哂入味🌶🍴腸粉 點粥 加7 蚊 有4 條 加左芝麻 麻醬 甜醬既腸粉 腸粉口感比較煙靭 個米糕味幾香 唔錯😍🍴燒賣🔥9 蚊 燒賣應該係魚肉燒賣黎 口感黏稠帶 d彈牙 唔錯🍴辣魚蛋🐟9 蚊辣魚蛋個咖喱味係辣多過甜少少 細細粒夠彈牙👍🏻🍴自選車仔麵 🍜湯底左秘製辣汁 個辣汁 3 分甜 7 分辣 仲有 d 辣椒碎 辣度都幾勁 幾惹味🌶河粉 10 蚊 盡吸湯汁 夠爽口蘿蔔 8 蚊 有4,5 舊 落足料 整得夠哂軟林入味 豬皮9 蚊🐷好夠爽彈 吸唔哂汁 正！ 雞中翼10 蚊🐤 個豉油汁好正 甜甜地夠入味 雞皮爽滑 雞肉都算幾嫩 唔錯牛孖筋13 蚊 🐮夠哂彈牙 入味 👍🏻

在閒時日的中午時段，亦都不覺得特別少人，餐廳裏邊有很多圓桌，大部份都坐了人。看看車仔麵的餐紙，其實都不太便宜，但是畢竟現是大埔居民，好醜都要試一試吧，勉為其難，畫了三個餸。🤷🏾‍♀️友人已經點了豬肺，因此我就點豬腸、酸齋、以及腩肉。心想好不好點紅薯粉，但畢竟他是車仔麵店，不如試一試米線更好，米線來到，發現份量相當少，而且不會保留彈性，因此質素相當普通。豬肺亦都不是太多，但還算爽口；豬大腸可能都只有三四件，味道不算太香，亦都不覺爽口；酸齋看起來與車仔麵不太配搭，可能普通生根，或原味齋的在比較好。竟然，作為一間車仔麵店，它的腸粉、燒賣，抑或車仔麵的配料或是麵條，都不太吸引，反而我點了一杯凍檸茶，方是最佳的食品/飲品。湯底味道都不覺得特別濃郁，即是加了少許咖哩汁，亦都普通，反而加少許桌上的辣椒油，味道更加提升。凍檸茶，發覺茶味相當濃郁，外型呈深啡色，茶味濃郁，檸檬都有三四片，比起大埔最好喝的凍檸茶—華立茶餐廳，其實質素也不相伯仲。兩個人吃兩碗三餸車仔麵，只加一杯凍飲，竟然都要90多元，以在餐廳的質素，都比不上，車仔麵店來說，亦都比較普通，可是不知道它為何好像遠近馳名一般。

<郭仔記粥店>星期六過到黎大埔呢頭，聽講呢間郭仔記粥店幾出名，咁啱腸胃麻麻，唔想食面/飯，於是過黎試下。呢間粥店其實車仔面應該都係主打黎，距離地鐵站行大約8-10分鐘，唔太遠。黎到大約兩點左右，好多人，夥計都幾忙。我首先就叫左碗皮蛋廋肉粥，粥底幾滑，好足料同幾甜🥳我食過咁多間粥店，講真好食既唔多，呢間咁出名係有佢既原因😋😋之後叫左杯豆漿，偏甜飲一小杯都無咩問題，再加埋燒賣同腸粉，腸粉配埋甜醬一定無得輸😍😍最重要係價錢真係好抵：ppppp如果下次我再過黎，我會叫埋佢既辣魚蛋，同埋試下其他粥🤨🤨🤨如果住得近我應該日日都會去食😚😚😚

車仔麵一向都係我嘅至愛， 因為食物種類多，而且可以自由配搭，成為我最鍾意食嘅食物之一。呢間車仔麵店喺大埔已經好多年，質素相當有保證。點餐紙上面有不同種類嘅食物，連湯底醬汁都有好幾款可以選擇。除咗車仔麵，呢度仲有炒飯等等嘅食物可以揀。調味架上有自家製嘅菜脯，加落麵度食一流。車仔麵我揀咗甜酸齋同魚肉，配搭粗麵最鍾意食車仔麵嘅粗麵，唔會有鹼水味，食落爽口彈牙。甜酸齋嘅味道非常開胃，魚肉新鮮唔會有腥味，兩款餸都唔錯。另外揀咗淨餸，有牛肺、牛腩同豬皮。牛肺同豬皮都非常爽口，牛腩香味濃，呢幾款餸都唔錯。食咗咁多肉，另外加咗一碟油菜。除咗車仔麵，呢度仲有腸粉可以選擇，腸粉非常滑，加上麻醬嘅香味。就算唔食車仔麵，叫個腸粉，再加啲魚蛋燒賣已經非常豐富又好味。

今晚媽咪想偷下懶，唔想煮飯同唔想留響屋企食飯，所以一齊出街食，但又唔想又係食飯，響搵麵食之時，家姐話不如去郭仔記食，第一次黎到郭仔記食晚餐，感覺呢到好似傳統車仔麵鋪，不過又幾乾淨。通常粉麵店都係得油菜，但呢到竟然有炒韮菜，梗係要揀黎試外，佢仲可以揀腩汁/蠔油，當然我揀左腩汁啦，食落幾香，唔錯👍🏻👍🏻另外，主餐就叫左豆卜，生菜，牛腩粗麵，呢到既選擇有好多餸揀，最開心係有得揀辣汁，當然要試下啦，唔知係咪自家製，食落幾特別，鐘意食辣ge人不仿考慮一下。另外佢d豆卜好大粒👍🏻👍🏻吸哂d 湯底邪惡得黎又好味😂食完辣野又想食番其他野平衡番d辣味，所以再叫埋其他小食，腸粉燒賣魚蛋，簡單又好味。

郭仔記啲腸粉好滑身，又有米香味，最重要係大把醬一啲都唔孤寒😁😁😁甜醬花生醬都好香好滑佢啲魚蛋係冇得輸👍🏼係陳皮魚蛋，香港已經買少見少，之後係旺角見過陳x魚蛋就係陳皮魚蛋👍🏼👍🏼不過都執左了🤧🤧

以前讀書時代，成日會黎大埔墟四方公園附近食lunch，偶爾都會黎郭仔記。事隔n年，好多當年嘅餐廳都已經無咗，而郭仔記係少數仍然繼續經營至今。今日同朋友經過，決定重拾一下當年嘅回憶同味道。店舖環境都無太大變化，繼續走大眾化平民風，當年門口嘅車仔都仍然喺度。我要咗碗三餸車仔麵，酸齋豬紅牛孖根米粉（沙嗲汁）。沙嗲汁都幾香濃，米粉爽口彈牙。另外枱面有辣菜脯，我都加咗少少落碗麵，辣辣地惹味又爽口。酸齋係我每次食車仔麵必點嘅餸，因為好鍾意佢甜甜酸酸嘅味道。豬紅都ok，天氣咁凍要補下血。牛筋好腍身好滑，正！咁多年仍然保持水準，難怪咁多街坊捧場。

郭仔記係大埔舊墟可以話係無人不曉，座落於四里之中，非常易搵。同朋友黎到附近忍唔住要走去幫襯佢地既車仔麵，全因食材地道，價錢合理，味道不俗。我個碗車仔麵揀左白蘿蔔、紫菜、牛筋同豬紅再加腩汁。呢度既白蘿蔔非常出色，除左清甜多汁之外，最重要係無渣，唔似出面其他車仔麵檔咁無味又多渣。紫菜含豐富碘質，有益健康又好食，食車仔麵連埋紫菜呢個配搭真係無敵。至於牛筋同豬紅方面質素亦唔錯，值得一試。朋友鍾意清淡少少，碗車仔麵叫左白蘿蔔、生菜、貢丸同紫菜配清湯湯底。值得一讚係佢清湯香濃鮮甜，熬得幾好。而且生菜份量都好多，都不失為健康之選。

今早冇食早餐，做完gym 後想食車仔面，就去左郭仔記，叫左個3送車仔面加一杯凍奶茶，多謝$49次次去食都會一定要食佢既辣菜甫！辣得特別過隱叫左幼面，豬紅，雞尖，大腸加辣汁

為食花太郎 <多元化既郭仔記>呢間郭仔記粥麵專家 喺大埔大榮里入面 嗰度出名多野食 而呢間都幾多人幫襯 裝飾唔算好舊式 但應該都開左好多年 食物好多選擇 . 車仔麵 粥品 魚蛋燒賣 公仔麵等等 👍🏻不過 佢叫得粥麵 我就點左車仔麵同粥品😃🍴雙拼粥品 32 蚊佢呢款粥都算大碗 係湯水偏多 粥米大粒 d嗰一類 所以食落幾有口感 我幾欣賞佢粥上枱唔係超熱 應該係一碗暖左既粥再加滾粥 甘樣食落方便 d 👍🏻粥帶有少少葱花同瑤柱 十分夠味 魚片 厚身而且落足料 🐟食嗰時小心有 d幼骨 而皮蛋都用左醃得夠香既皮蛋 加埋少少濃度適中既豬肉碎粒 🐷 加 d胡椒粉 或者食得辣既朋友加 d辣菜莆(真係幾辣下😂) 夠哂入味🌶🍴腸粉 點粥 加7 蚊 有4 條 加左芝麻 麻醬 甜醬既腸粉 腸粉口感比較煙靭 個米糕味幾香 唔錯😍🍴燒賣🔥9 蚊 燒賣應該係魚肉燒賣黎 口感黏稠帶 d彈牙 唔錯🍴辣魚蛋🐟9 蚊辣魚蛋個咖喱味係辣多過甜少少 細細粒夠彈牙👍🏻🍴自選車仔麵 🍜湯底左秘製辣汁 個辣汁 3 分甜 7 分辣 仲有 d 辣椒碎 辣度都幾勁 幾惹味🌶河粉 10 蚊 盡吸湯汁 夠爽口蘿蔔 8

今日又早左番工 公司shuttle bus有排先到 梗係去嘆下早餐既好時機👍 小妹早餐晤算食得多 平時mc Donald都差啲ko晤到 所以茶餐廳通常都晤係我考慮之列我其實好鐘意食香港既街頭小食 今日就去呢間試下腸粉 貪佢有得坐呢到除左門口車仔檔既魚旦，燒賣，腸粉等等仲有車仔麵，粥同炒公仔麵等等 都算幾多選擇我一早已經揀好左要腸粉$11有4條 比我食開既snack express貴一蚊 但呢到有位坐 扺俾呢到腸粉比較厚 做得晤夠嫩滑 醬汁方面 甜醬係正常貨 無奇怪味 反而個人喜好鐘意落辣椒汁 呢到自家制幾香夠辣 幾滴夠味👍有機會想試下車仔麵 同埋呢到冷氣and風扇開好大 驚吹風就算啦😂

除咗去食西餐日本餐廳之外，其實我好多時都喜歡去一啲地道嘅小店。包括車仔麵店丶來都大埔呢間郭仔記，你行到入去你會見到好濃厚嘅街坊感覺，呢一份係一份好獨特嘅親切感。見到啲魚蛋燒賣彷彿好似去返求學時期，再見到呢一張傳統嘅車仔麵點菜紙，令人更加懷緬，只是好簡單咁點咗個車仔麵嚟食，再同朋友再嗌多一份燒賣腸粉好好咁樣傾咗一兩個鐘頭計 。每一口嘅味道除咗餸菜的味道就係親切嘅味道。呢度嘅車仔麵味道香濃，啱晒我呢啲鍾意味道鮮明嘅人👍雖然魚蛋燒賣係啲好簡單嘅嘢，但係連埋呢度嘅良好服務態度親有親切笑容嘅姐姐拿過嚟，我覺得所有嘢都加分加分再加分。如果你想搵一個地方簡簡單單咁去食嘅都可以入去品嚐。

今日太熱經過大埔墟，頂唔順，要入一間餐廳涼一涼，但又冇咩理由唔叫野食。我叫左個普通既下午茶餐。3個餸一個車仔面，仲有豆漿送，算唔錯！豆漿超冰涼，車仔面算份量多。餸算款式多。