郭仔記粥麵專家

营业中

休息中

車仔麵黎講銅鑼灣有新記聽朋友講大埔就有呢間郭仔記做代表😋去到鋪頭門口都見到好多人喺度食緊野好彩仲有一張四人枱可以俾我哋三個坐喺度食碗車仔麵坐低之後店員都好有心思咁樣問我地有冇喺度食過野問洗唔洗推介啲咩代表作俾我哋我哋就話冇食過所以佢就推薦左啲燜嘅嘢食俾我哋食例如係牛腩同牛孖根 都話喺呢度必食嘅我哋三個每人都嗌咗三碗車仔麵再加一杯豆漿車仔麵嘅份量非常之大其實我一個人都食唔晒咁多人餸入邊我最鍾意呢度嘅魚蛋 蘿蔔 雞翼尖 牛腩 豬軟骨魚蛋係出邊好少見嘅陳皮魚蛋 陳皮魚蛋比起一般嘅魚蛋更加煙韌有口感蘿蔔呢就非常之甜 一啲渣都冇仲唔會有gip嘅味道雞翼尖比其他嘅鋪頭做得出色 整得個味啱啱好牛腩同豬軟骨都係佢有推薦俾我哋嘅嘢食 真係俾十個like😛😛因為全部都好入味同埋好夠淋仲有d辣酸菜係隔離可以加入去食！另外每一個車仔麵都可以揀一款醬汁 我就揀咗沙爹汁亦都係店員推薦俾我哋嘅 佢話呢度嘅沙爹汁都係佢哋自己整架啱啱睇到呢度嘅份量好大其實除咗係個面會好大之外佢哋嘅餸都非常之多！係度食飯都係$40左右仲要咁大碗 食到飽一飽先走啊🤙🏼

之前食過車仔面覺得真係一般般，所以之後嚟親都係食燒賣腸粉魚蛋嗰啲算。果然，佢嘅燒賣係保持水凖嘅😋，起碼叫做有咬口先，唔同一般出面連鎖經營嗰啲。就算唔落豉油都ok 吖。

心血來潮想食碗仔翅，買個外賣同店員講要多醋，跟手過隔離俾錢，收錢阿姐粗聲粗氣，講左一次又聽唔到，再講多次佢仲火過我，找錢個兩蚊大大力禁落我手掌度，到去拎返碗翅，個店員都打包緊，我問聲係咪多醋架（因為我睇到碗野好似無落到囉）點知佢話多醋下話，打返開個碗蓋，起勢咁落，返到去食碗野酸到乸喉，呢間野以前領教過佢杯牛柏葉香芋珍珠，而家裝修完啲人態度差到離哂譜。以上意見純粹發表個人感受

夜左收工，肚餓到死，近近地買碗車仔麵返屋企食!叫左4餸配油麵，分別係魚角、蘿蔔、牛腩、豬頸肉蘿蔔： 有渣同好硬魚角：一般街邊水準，唔好期望會有魚味，食緊粉漿咁牛腩：好差！夾有牛筋一舊但我係完全咬唔開，好似𡁻緊牙膠咁！牛腩得個色，無牛味！質感硬堀堀，完全唔覺咬緊肉豬頸肉：最正常的一個餸，一般般講完啲餸到個麵，個油麵都ok，唔會淥到糊咁！算係咁湯底，好油！食完好頸渴，應該都幾重味精味總括黎講，唔會再幫襯！十幾蚊一個餸，俾啲咁嘅質素我，呢碗野$45，真係貴！成個感覺好差，一路食一路諗起周星馳彈莫文慧碗車仔麵的片段

放工冇乜胃口，是但搵左間車仔麵食每次都會嗌冬茹，牛筋，牛肚。冬菇夠厚身大隻；牛筋夠林；牛肚份量夠多。因冇乜胃口既關係，係冇得揀既情況下，嗌左$9/4條既腸粉。如果腸粉條數可以因應自己既食量而決定既就好！起碼唔使浪費先啦

穿一次在這裏吃東西，皮蛋肉碎粥的味道不錯，粥底也OK　！最主要是想讚賞一下這位員工，他做事很認真。除了主動幫我們追單之外，還有他自己計多了錢，也記得回頭主動改番，我們根本沒有發覺。食店裏面很多人，但他也沒有很暴躁的表現，這是絕對值得一讚！下次一定會再來試試它的車仔麵，生菜魚肉魚翅等…

夜晚十點幾接近十一點，仲未食晚飯，呢個時間，有咩食咩吧！行過「郭仔記」見到魚肉燒賣、魚蛋、膠粉，魚肉翅，不作他選，快快食D野填飽個肚。(上圖) 「魚肉翅」: 夠熱，肉絲都算幼細，魚肉無腥味，粉絲、冬菇絲材料亦足。加了醋去吊味，羹湯口感豐厚而不膠口，比圖像中好，表現中上。(上圖): 「燒埋、咖喱魚旦，腸粉」：要辣酒，要醬。膠粉比較「淋」身，無咩口感; 魚肉燒賣平平無奇; 咖喱魚旦屬細細粒，咖啡汁幾惹味。甜醬、麻醬，咖喱汁添合一起，味道仍能配合，不突兀。服務方面，呢次係外賣，靚姐侍應勤快有禮，都唔錯。

郭仔記嗎？大埔中的一間車仔麵店。有時想不到吃甚麼時，回想起中學時最常吃的，就是車仔麵。當時20元有一個麵，3個餸，其實已經很滿足。這一天想不到吃甚麼，為何不去吃一次？郭仔記在大埔也算有少名氣，平時Lunch也很多人，不知為何這天竟然可以一個人獨霸一張4人枱！呵呵！進去後，立即圈下自己想要的，由於胃口不太好，所以也只點了清清的食物。 這個店可以任加菜甫(其實我唔肯定是不是菜甫>"<)，叫一個車仔麵可以狂加，對喜歡食辣的我還不錯。 由於麵餐不送飲品，所以要另外點，雖然比原價平，但感覺加8元好似都有點貴=.=.... 麵來了，我喜歡吃豬紅，這店的豬紅也算滑，有口感的，可以一嘗。蘿蔔就不太OK，偏硬，我認為不算可以。令我有驚喜的是卥水雞蛋哦~~很入味，很好食！卥水做得好好，會令人想一吃再吃。正！或許在一間小店，這個都算OK，不過飲品價錢把性價比都拉下了=.=....要是飲品再平少許就更好了！

久仰大名而慕名而來！好久之前路過試左辣魚蛋非常有質數，其後係朋友口中得知車仔麵都有一手，今晚專程微服出巡一探虛實。首次探訪完全唔知食咩，求其點幾個試試。好多人，唯有坐中間長枱啦，感覺有點似油麻地通達噃。原來除左車仔麵仲有大量菜色，彷似茶餐廳 menu，芝士撈丁、西式快餐雞牛豬扒、港式即食麵、餐腿蛋、炒粉麵、等等，都幾雜喎。豬紅牛腩魚蛋鴛鴦配咖哩汁，都係我一貫作風河粉撈幼麵，鴛鴦考功夫！一定要先煮麵後煮河，否則河粉溶到碎濕濕或幼麵硬到索索聲！依碗滿意，粉滑麵彈，good！咖哩汁太少喇，唔該多汁，thank you。全雞蛋幼麵，味道雖淡，但掛上特辣香濃咖哩汁非常刺激美味，額頭冒出少少汗水。車仔麵牛腩依舊大路碎上，麻麻地。豬紅味鮮帶滑，燴得味濃，好食。魚蛋高質結實，嚥嚥韌韌，滿意。白魚蛋肥牛雞中翼鴛鴦配咖哩汁，白魚蛋好爽口，味濃但偏咸。肥牛太熟喎，鞋韌而且牛味淡。雞中翼浸太耐肉霉又乾爭爭。粉麵捲上大量沙嗲汁衝入口，香甜味美，麵爽彈、河棉滑，無得彈。

大埔唯一可以話出名既車仔麵可以話係郭仔記。一入到去心即刻浮現一句說話：餐廳越up dou，野食就越好食？ 我叫左個肥牛，牛柏葉，鹵水豆腐油麵，再加罐可樂，簡直係一生一大享受。 肥牛，我覺得太瘦，而且好似碌得太熟，完全好似𡁻緊香口膠咁。湯底都ok，但比起觀塘某一間出名既車仔麵淡左小小。

自從兩位囝囝在大埔上學後，經常都要在附近出沒，自然地多了光顧鄰近食肆。在大榮里走一轉，不難發覺有好幾間不錯的食肆，群記牛腩、新明發盅頭飯、一樂燒鵝、兩間菜潤記粉麵與及東江雞，都是值得大家一試的。相對地，郭仔記名氣不大，沒裝修，服務也只是一般，主打還是多完化的小食。正因為十圓八塊有交易，店內的人流不絕。反正在等囝囝放學，簡單的吃碗麵，生菜魚肉配油麵份量幾大，油麵底略有鹼水味，但不太嚴重，只是魚肉無乜魚味，馬馬虎虎的，怱怱吃過便算。由入門口到離開，前後不到二十分鐘，快~~~就是生存之道。

叫了一碗滑牛粥，我食了一匙羹就停手，我要求只是海皇粥店普通水準，點知呢間粥淡而似打碎米再煲糊仔，滑牛切條，雪味濃郁。我原本想支持小店，點知小店沒有標準。我埋單時，收銀可能我碗粥沒有食，問我是否唔啱食，我直接答:「好·難·食。」

落單時已好聲好氣甘同嗰個啡色衫清潔阿姐講：「靚女，腸粉唔要甜同辣醬，唔該」，點知佢就甘木囗木面，一言不發睇左一眼張單，就甘同另外一個紅衫阿姐講左一句：「唔要辣醤」，之後走左去，我聽到之後，ok fine！我當我講得唔清楚，於是我立刻補返一句：「靚女，腸粉唔要甜同辣醬，唔該」！紅衫聽到後亦一言不發之後做野，我心諗冇禮貌呢間野嘅特色嚟嫁？之後到佢拎左碟腸粉嚟時，卻發現佢落左甜醬，於是我開始小小火滾，但又保持禮貌及語氣，又同紅衫阿姐講：「唔該，我剛才已經講左話唔要甜同辣醬」，佢聞言後又再唔出聲目無表情，一句Sorry都冇，拎走碟野，然後竟然就甘夾走沾有甜醬嘅腸粉，打算就甘俾返我！我心諗妳真好野！就喺我打算拍枱走人時，有另一個長駐在店外麵檔的紅衫阿姐同佢耳語了幾句後，夾夾下突然停左手，問我：「係咪一定一滳都唔要？」，我心諗妳都幾廢話下喎！我接受到嘅話，我就唔會一開始就叫妳哋走醬啦！！見到妳D毫無歉意，面目可憎嘅咀臉講完後，我心中雖有氣，但話哂第一次嚟幫襯，事前略有聽聞食評不差，於是忍一忍，霸氣回覆一句：「係·呀！！」阿姐聽完後，終於放底碟「有料腸粉」，雙手捽面，強作精神，再夾過另一份腸粉過嚟，

因Q小姐介紹，一早走入大埔整頭髮。但整頭髮之前一定要先填飽肚子！朋友Q當然熟門熟路的跟我說哪間食店是必去。沿路走到「郭仔記」，原來是一間她喜歡的大埔食店，那麼，當然要會一會它！當天星期日十一時多，店內坐滿一半食客，大多是街坊。店內環境有點擁擠，但內裡燈光明亮，感覺算是衛生。一坐下，當然就要睇餐牌，原來都有不少食物種類可揀。但我倆，都只是點了點小吃。魚肉燒賣 5粒／HKD7.00普通魚肉燒賣，但是我喜歡的燒賣類型。粉而不爽！我好怕吃到燒賣是較爽口的，就像在吃爽的肥豬肉。所以這家的燒賣，粉軟的口感，不錯吃但不驚喜。咖喱魚蛋 9粒/HKD10.00好味，GOOD!咖喱味好重，又帶有少少辣，香味都夠！魚蛋係細粒的， 相當入味！又要說到個人喜好了～我對細魚蛋總是有份情義結，總是覺得細的魚蛋比較好味。為何會有這個想法？因為食過的所有好味的咖喱魚蛋，都是用細魚蛋。林昌記啦，葵涌廣場的啦，馬頭的魚蛋啦～都是用細魚蛋煮的！仲有就是賜粉 HKD $9(4條)，加上甜醬麻醬是必定的！賜粉滑身，又夠軟身，不過就不夠熱。賜粉是要熱辣辣才好味，就這一點要扣分了。但綜合來說，是間不錯吃的小食店。

I am not a fd of street food and i barely have anything when i walk on the street.This time is an expection since we dont have much time to have our breakfast.From the outlook of that restaurant, i thought that the food wil be kinder dirty and mess but is compartively accptable when i get in. All the tables and the seats was clean.We ordered spicy curry fish ball, fish shaomai, rice roll.Firstly the spicy fish ball was nice! It's not just the sauce but the texture is good too...not too loose and