酥妃皇后 (已結業)

屋企樓下商場開左呢間主力賣蛋撻，水準很好，原味蛋撻好得，特別好味，酥皮好鬆化，D蛋好滑好有蛋香，甜味適中；其次牛角包同叉燒酥都唔錯，小donut 的沙糖很足，咬口同味道都幾好... 但係銷售手法有D問題：由於佢D蛋撻好鬆化軟熟，所以他們設計了一個小透明膠合裝住lock好，一盒有兩個set好凹位裝兩個蛋撻，否則好易爛同散。我今次買了3個蛋撻，但當時他們話第三個只能就咁放入普通紙袋，我話個撻咁會爛喎，你需要俾多個盒裝第三個，佢哋話唔會俾第二個盒，負責焗撻着白袍果個男人同收銀嘅售貨員都異口同聲話「一係你買多個啦，買多個(即雙數4個)先會有盒」佢哋態度(尤其個焗撻嘅男人）真係麻麻，排我後面個女士都覺得唔合理，冇理由局人一定要買雙數至俾盒 ... 我覺得唔make sense, 你造個盒都係想保存自家品質，唔想D蛋撻客人拎到番去爛晒，但就要人買雙數先俾盒，又唔做埋買單數蛋撻嘅一格盒，局人買多個，用咁嘅方法去速銷都好小家！佢哋舖面裝修得精緻有品味，但銷售細節就cheap左D，同佢地嘅品牌形象唔合拍囉 ....

最近發現酥妃皇后係東港城新開左分店，不過經過幾次都好多人排隊所以就無買到，今日見到難得無人排隊，就決定試下。買左牛角酥同鮮奶蛋撻，鮮奶蛋撻要等15-20先有。男朋友太肚餓所以無影到個鮮奶蛋撻就已經食左😂，佢就覺得個酥皮係ge,夠鬆脆，但係上面既鮮奶蛋撻口感就好一般。我係一個極度鍾意食牛角酥既人，所以對牛角酥既要求都會好高。可能因為唔係新鮮出爐，所以唔算好脆，咬落去都有牛油香味，但係裡面的layers唔靚，就顯示到麵粉比例做得一般。